প্রধান মন্ত্রী শ্রী নরেন্দ্র মোদীনা ওগস্ত ২৫,২০২৩দা এথেন্সতা গ্রিসকী প্রধান মন্ত্রী কিরিয়াকোস মিতসোতাকি উনখ্রে।
লুচিংবা অনি উনদুনা অমসুং দেলিগেসন থাক্কী মওংদা ৱারি শানখি। গ্রিসতা উমং লান্মৈ চাকপদা মীওই কয়া লৈখিদবা অমসুং লন-থুমশিং অমাং-অতা থোকখিবদা প্রধান মন্ত্রীনা অৱাবা ফোঙদোকখ্রে।
চন্দ্রয়ন মিসন মাইপাকপদা গ্রিসকী প্রধান মন্ত্রী কিরিয়াকোস মিতসোতাকিনা প্রধান মন্ত্রী থাগৎপা ফোঙদোকখ্রে অমসুং মসি মীওইবা খুন্নাইগী মাইপাকপা অমনি হায়না ফোঙদোকখি।
ললোন-ইতিক, শেন থাদবা, দিফেন্স, সেকুরিতি, তেক্নোলোজি, ইনফ্রাস্ত্রকচর, দিজিতেল পেমেন্তশিং, সিপ্পিং, ফার্মা, লৌউ-শিংউ, য়ুম হোংবা, চৎথোক-চৎশিন, তুরিজম, স্কিল দিবলপমেন্ত, নাৎ, লাইরিক-লাইশু অমসুং মীগা মীগা লৈনবা মরীশিং য়াওনা হিরম কয়াদা লৈবাক অনিগী মরীশিং খন্নখি। ই.য়ু, ইন্দো-পেসিফিক অমসুং মেদিতেরেনিয়ান য়াওনা মালেমগী ওইবা ৱাফমশিং লুচিংবশিংনা খন্নখি। মালেমগী আইন, মনিংতম্বা অমসুং ঙমখৈগী অপুনবা শক্তম ইকায়খুম্নবা উৎনবা মখোয়না তকশিনখি।
মখোয়গী মরুপ-মপাং ওইবা মরী অসি ‘স্ত্রাতেজিক পার্তনর্সপ’ অমদা পুখৎনবা নাকল অনিনা য়ানখি।
Held very fruitful talks with @PrimeministerGR @kmitsotakis in Athens. We have decided to raise our bilateral relations to a ‘Strategic Partnership’ for the benefit of our people. Our talks covered sectors such as defence, security, infrastructure, agriculture, skills and more. pic.twitter.com/guOk4Byzqk
— Narendra Modi (@narendramodi) August 25, 2023
