کویت کے وزیر خارجہ عزت مآب عبداللہ علی ال یحییٰ نے آج وزیر اعظم جناب نریندر مودی سے ملاقات کی۔
ستمبر میں نیویارک میں کویت کے ولی عہد شیخ صباح خالد الحمد الصباح سے اپنی ملاقات کو یاد کرتے ہوئے، وزیراعظم نے دو طرفہ تعلقات میں بڑھتی ہوئی رفتار پر اطمینان کا اظہار کیا۔
انہوں نے تجارت، سرمایہ کاری، توانائی، ٹیکنالوجی، ثقافت اور عوام سے مضبوط تعلقات میں تعاون بڑھانے کے اقدامات پر تبادلہ خیال کیا۔
وزیر اعظم نے کویت میں مقیم دس لاکھ لوگوں پر مشتمل مستحکم ہندوستانی برادری کا خیال رکھنے پر کویت کی قیادت کا شکریہ ادا کیا۔
وزیر اعظم نے اس یقین کا اظہار کیا کہ ہندوستان اور خلیج تعاون کونسل کے درمیان قریبی تال میل کو کویت کی جی سی سی کی موجودہ صدارت کے تحت مزید مضبوط کیا جائے گا۔ انہوں نے مغربی ایشیا کی صورتحال پر تبادلہ خیال کیا اور خطے میں امن، سلامتی اور استحکام کی جلد واپسی کی حمایت کا اظہار کیا۔
وزیر اعظم نے کویت کی قیادت کی جانب سے جلد از جلد ملک کا دورہ کرنے کی دعوت قبول کی ۔
Glad to receive Foreign Minister of Kuwait H.E. Abdullah Ali Al-Yahya. I thank the Kuwaiti leadership for the welfare of the Indian nationals. India is committed to advance our deep-rooted and historical ties for the benefit of our people and the region. pic.twitter.com/hR5URxPyt5
— Narendra Modi (@narendramodi) December 4, 2024
