عزت مآب وزیر اعظم ،
دونوں ممالک کے مندوبین ،
میڈیا کے دوست ،
نمسکار!
دوبار دان!
میں کروشیا کے وزیر اعظم اور حکومت کا اس گرمجوشی ، جوش و خروش اور پیار کے لیے دل سے شکریہ ادا کرتا ہوں جومجھے تاریخی اور خوبصورت شہر زگریب میں ملا ہے ۔
کسی ہندوستانی وزیر اعظم کا کروشیا کا یہ پہلا دورہ ہے ۔ میں خوش قسمت ہوں کہ مجھے یہ موقع ملا ۔
دوستو،
ہندوستان اور کروشیا جمہوریت ، قانون کی حکمرانی ، تکثیریت اور مساوات جیسی مشترکہ اقدار کی بنیاد پر متحد ہیں ۔ یہ ایک خوشگوار اتفاق ہے کہ پچھلے سال ، ہندوستان کے عوام نے مجھے،اور کروشیا کے عوام نے وزیر اعظم آندرج پلینکوویچ کو لگاتار تیسری مدت کار کے لئے عہدے کی ذمہ داری سونپی تھی ۔ اس نئے عوامی مینڈیٹ کے ساتھ ، ہم اس مدت کے دوران اپنے دو طرفہ تعلقات کی رفتار کو تین گنا کرنے کے لیے پرعزم ہیں ۔
دفاعی شعبے میں طویل مدتی تعاون کے لیے ایک ‘دفاعی تعاون منصوبہ’ تیار کیا جائے گا ، جس میں تربیت ، فوجی تبادلے اور دفاعی صنعت میں تعاون پر توجہ مرکوز کی جائے گی ۔ کئی ایسے شعبوں کی نشاندہی کی گئی ہے جہاں ہماری معیشتیں ایک دوسرے کی تکمیل کرتی ہیں اور ان پر فعال طور پر عمل کیا جائےگا ۔
ہم نے دو طرفہ تجارت کو بڑھانے اور قابل اعتماد سپلائی چین بنانے کے لیے کئی شعبوں میں تعاون بڑھانے کا فیصلہ کیا ہے ۔ ہم دوا سازی ، زراعت ، انفارمیشن ٹیکنالوجی ، صاف ستھری ٹیکنالوجی ، ڈیجیٹل ٹیکنالوجی ، قابل تجدید توانائی اور سیمی کنڈکٹر جیسے کئی اہم شعبوں میں باہمی تعاون کو فروغ دیں گے ۔
ہم جہاز سازی اور سائبر سیکورٹی میں تعاون کو مضبوط کریں گے ۔ کروشیا کی کمپنیوں کے پاس ہندوستان کے ساگر مالا پروجیکٹ کے تحت بندرگاہ کی جدید کاری ، ساحلی علاقوں کی ترقی اور کثیر ماڈل کنیکٹوٹی اقدامات میں حصہ لینے کے لئے اہم مواقع ہیں ۔ ہم نے اپنے تعلیمی اداروں اور تحقیقی مراکز کے درمیان مشترکہ تحقیق اور تعاون پر بھی زور دیا ہے ۔ مزید برآں ، ہندوستان کروشیا کے ساتھ اپنی خلائی مہارت اور تجربے کو مشترک کرنے کے لیے پرعزم ہے ۔
دوستو،
ہمارے صدیوں پرانے ثقافتی تعلقات ہماری باہمی محبت اور خیر سگالی کی بنیادہیں ۔ 18 ویں صدی میں ایوان فلپ ویزدین یورپ میں سنسکرت گرائمر شائع کرنے والے پہلے شخص تھے ۔ پچھلے 50 سالوں سے ہندوستان سے متعلق محکمہ زگریب یونیورسٹی میں فعال طور پر کام کر رہا ہے ۔
آج ہم نے اپنے ثقافتی اور عوام سے عوام کے تعلقات کو مزید مضبوط کرنے کا عزم کیا ہے ۔ زگریب یونیورسٹی میں ہندی چیئر کے لیے مفاہمت نامے کی مدت 2030 تک بڑھا دی گئی ہے ، اور اگلے پانچ سالوں کے لیے ثقافتی تبادلے کے پروگرام کا خاکہ پیش کیا گیا ہے ۔
لوگوں کی آمد ورفت کو آسان بنانے کے لیے موبلٹی معاہدے کو جلد ہی حتمی شکل دی جائے گی ۔ کروشیا کی کمپنیاں ہندوستان کی ہنر مند آئی ٹی افرادی قوت سے فائدہ اٹھا سکیں گی ۔ ہم نے دونوں ممالک کے درمیان سیاحت کو بڑھانے کے طور طریقوں پر بھی تبادلہ خیال کیا ۔
میں نے یہاں یوگا کی مقبولیت کا واضح تجربہ کیا ہے ۔ 21 جون کو یوگا کے بین الاقوامی دن کے موقع پر مجھے یقین ہے کہ ہمیشہ کی طرح ، کروشیا کے لوگ اس موقع کو بڑے جوش و خروش کے ساتھ منائیں گے ۔
دوستو،
ہم اس بات سے اتفاق کرتے ہیں کہ دہشت گردی انسانیت کا دشمن ہے اور جمہوری قوتوں پر یقین رکھنے والا ہر شخص اس کی مخالفت کرتاہے ۔ ہم 22 اپریل کو ہندوستان میں دہشت گردانہ حملے کے بعد اظہار یکجہتی کے لیے کروشیا کے وزیر اعظم اور حکومت کے تہہ دل سےمشکور ہیں ۔ ایسے مشکل وقت میں اپنے دوستوں کی حمایت ہمارے لیے بے پناہ اہمیت رکھتی ہے ۔
ہم دونوں اس بات پر متفق ہیں کہ آج کے عالمی ماحول میں ہندوستان اور یورپ کے درمیان شراکت داری بہت اہمیت رکھتی ہے ۔ یوروپی یونین کے ساتھ ہماری اسٹریٹجک شراکت داری کو مستحکم کرنے میں کروشیا کی حمایت اور تعاون انتہائی اہم ہے ۔
ہم دونوں اس بات پر پختہ یقین رکھتے ہیں کہ چاہے یورپ میں ہو یا ایشیا میں ،میدان جنگ میں کوئی حل نہیں نکل سکتا ۔ بات چیت اور سفارت کاری ہی آگے بڑھنے کا واحد قابل عمل راستہ ہے ۔ ہر ملک کی علاقائی خودمختاری اور سالمیت کا احترام کرنا ضروری ہے ۔
دوستو ،
آج یہاں ‘بانسکی ڈوری’ میں آنا میرے لیے ایک خاص لمحہ ہے ۔ اسی جگہ پر ساکنسکی نے کروشین زبان میں اپنی تاریخی تقریر کی ، اور آج ، میں ہندی زبان میں اپنے خیالات کا اظہار کرتے ہوئے بے حد فخر اور اطمینان محسوس کرتا ہوں ۔ انہوں نے بالکل صحیح کہا تھا، ‘زبان ایک پل ہے’ اور آج ہم اس پل کو مضبوط کر رہے ہیں ۔
ایک بار پھر ، میں کروشیا کے اپنے دورے کے دوران زبردست گرمجوشی اور بہترین مہمان نوازی کے لیے وزیر اعظم کا دل سے شکریہ ادا کرتا ہوں ۔ وزیر اعظم ، میں بھی جلد ہی آپ کا ہندوستان میں استقبال کرنے کا منتظر ہوں ۔
آپ سبھی کا تہہ دل سے شکریہ ۔
भारत और क्रोएशिया लोकतंत्र, rule of law, Pluralism, और Equality जैसे साझा मूल्यों से जुड़े हैं: PM @narendramodi
— PMO India (@PMOIndia) June 18, 2025
रक्षा क्षेत्र में long-term सहयोग के लिए एक ‘रक्षा सहयोग प्लान’ बनाया जाएगा, जिसमें ट्रेनिंग और मिलिट्री exchange के साथ-साथ रक्षा उद्योग पर भी फोकस किया जाएगा: PM @narendramodi
— PMO India (@PMOIndia) June 18, 2025
हमने द्विपक्षीय व्यापार को बढ़ाने और विश्वसनीय supply chain तैयार करने के लिए कई क्षेत्रों में सहयोग बढ़ाने का निर्णय लिया है।
— PMO India (@PMOIndia) June 18, 2025
हम फार्मा, agriculture, इनफार्मेशन टेक्नोलॉजी, क्लीन टेक्नोलॉजी, डिजिटल टेक्नोलॉजी, रिन्यूएबल energy, सेमीकंडक्टर में सहयोग को बढ़ावा देंगे।…
यहाँ पर योग की लोकप्रियता को मैंने स्पष्ट रूप से अनुभव किया है।
— PMO India (@PMOIndia) June 18, 2025
21 जून को अंतर्राष्ट्रीय योग दिवस है, और मुझे विश्वास है कि हमेशा की तरह क्रोएशिया के लोग इसे धूम-धाम से मनाएंगे: PM @narendramodi
हम सहमत हैं कि आतंकवाद मानवता का दुश्मन है।
— PMO India (@PMOIndia) June 18, 2025
लोकतंत्र में विश्वास रखने वाली शक्तियों का विरोधी है।
22 अप्रैल को भारत में हुए आतंकी हमले पर संवेदनाओं के लिए, हम प्रधानमंत्री प्लेंकोविच और क्रोएशिया सरकार के हार्दिक आभारी हैं।
ऐसे कठिन समय में, हमारे मित्र देशों का साथ हमारे लिए…
हम दोनों इस बात का समर्थन करते हैं कि यूरोप हो या एशिया, समस्याओं का समाधान रणभूमि से नहीं निकल सकता।
— PMO India (@PMOIndia) June 18, 2025
डायलॉग और डिप्लोमेसी ही एकमात्र रास्ता है।
किसी भी देश की क्षेत्रीय अखंडता और संप्रभुता का सम्मान आवश्यक है: PM @narendramodi
