عزت مآب وزیر اعظم جناب نریندر مودی نے G-20 چوٹی کانفرنس کے موقع پر آج جوہانسبرگ میں جمہوریہ جنوبی افریقہ کے صدر جناب سیرل رامافوسا سے ملاقات کی۔ وزیراعظم نے صدر رامافوسا کی گرمجوشی سے مہمان نوازی اور سربراہی اجلاس کے کامیاب انعقاد پر شکریہ ادا کیا۔ انہوں نے نئی دہلی G-20 سربراہی اجلاس میں کئے گئے فیصلوں کو آگے بڑھانے اور لاگو کرنے کے لئے G-20 کے ساتھ جنوبی افریقہ کی کوششوں کی تعریف کی۔
ان تاریخی رشتوں کو یاد کرتے ہوئے جو ہندوستان-جنوبی افریقہ کے تعلقات کو تقویت دیتے ہیں، دونوں رہنماؤں نے دو طرفہ تعلقات کا جائزہ لیا اور تعاون کے مختلف شعبوں میں ہونے والی پیش رفت پر اطمینان کا اظہار کیا، بشمول تجارت اور سرمایہ کاری، خوراک کی حفاظت، مہارتوں کی ترقی، کان کنی، نوجوانوں کے تبادلے اور عوام کے درمیان تعلقات۔ انہوں نے مصنوعی ذہانت، ڈیجیٹل پبلک انفراسٹرکچر اور اہم معدنیات کے شعبوں میں تعاون بڑھانے کے طریقوں پر تبادلہ خیال کیا۔ دونوں رہنماؤں نے جنوبی افریقہ میں ہندوستانی کمپنیوں کی بڑھتی ہوئی موجودگی کا خیرمقدم کیا اور باہمی سرمایہ کاری کو سہولت فراہم کرنے پر اتفاق کیا، خاص طور پر بنیادی ڈھانچے، ٹیکنالوجی، اختراع، کان کنی اور اسٹارٹ اپ کے شعبوں میں۔ وزیر اعظم نے جنوبی افریقہ کے چیتاوں کو ہندوستان منتقل کرنے کے لئے صدر رامافوسا کا شکریہ ادا کیا اور انہیں ہندوستان کی قیادت میں بین الاقوامی بگ کیٹ الائنس میں شامل ہونے کی دعوت دی۔
دونوں رہنماؤں نے گلوبل ساؤتھ کی آواز کو وسعت دینے کے لیے مل کر کام کرنے پر اتفاق کیا۔ اس تناظر میں، وزیر اعظم نے IBSA رہنماؤں کی میٹنگ بلانے کے لیے جنوبی افریقہ کے اقدام کو سراہا۔ صدر رامافوسا نے 2026 میں ہندوستان کی آنے والی برکس صدارت کے لیے جنوبی افریقہ کی مکمل حمایت کا یقین دلایا۔
Had an excellent meeting with President Cyril Ramaphosa during the G20 Summit in Johannesburg. We reviewed the full range of the India-South Africa partnership, especially in boosting linkages of commerce, culture, investment and diversifying cooperation in technology, skilling,… pic.twitter.com/WuLLsh3yVf
— Narendra Modi (@narendramodi) November 23, 2025
