ঙসি প্রধান মন্ত্রী শ্রী নরেন্দ্র মোদীনা জোহান্নেসবার্গতা জি-২০ মীফমগী নাকলদা খা অফ্রিকাগী রাষ্ট্রপতি সিরিল রামাফোসাগা উনখ্রে। তরাম্না ওকপগীদমক অমসুং মীফম অসি মাইপাক্না পাংথোকপগীদমক প্রধান মন্ত্রীনা রাষ্ট্রপতি রামাফোসা থাগৎপা ফোঙদোকখ্রে। ন্যু দিল্লি জি-২০ মীফম মনুংদা লৌখিবা ৱারেপশিং থবক ওইনা পাংথোক্নবা হোৎনবগীদমক মহাক্না খা অফ্রিকা জি-২০ গী থবকশিং থাগৎপা ফোঙদোকখি।
ভারত-খা অফ্রিকাগী পুৱারি ওইরবা মরীশিং নিংশিংলদুনা, লুচিংবা অনিমক্না নাকল অনিগী মরীশিং হন্না য়েংশিনখি অমসুং ললোন-ইতিক অমসুং শেন থাদবা, ফুদ সেকুরিতি, স্কিল দিবলপমেন্ত, মাইনিং, য়ুথ একচেঞ্জ অমসুং মীগা মীগা লৈনবা মরীশিং য়াওনা তোঙান তোঙানবা হিরমশিংদা মাইপাকপশিং পুরকপদা অপেনবা ফোঙদোকখি। এ.আই, দিজিতেল পব্লিক ইনফ্রাষ্ট্রকচর অমসুং ক্রিতিকেল মিনরেলশিংগী হিরমশিংদা মতেং পাংনবা হেনগৎহন্নবা লম্বীশিং মখোয়না খন্নখি। ভারতকী ফার্মশিং খা অফ্রিকাদা মশিং হেনগৎলকপদা মখোয়না তরাম্না ওকখি অমসুং ইনফ্রাষ্ট্রকচর, তেক্নোলোজি, ইন্নোবেসন, মাইনিং অমসুং ষ্টার্দঅপ সেক্তরশিংদা লৈবাক অমনা অমদা শেন থাদবা য়ানরে। খা অফ্রিকাগী চিতা ভারত্ত পুরকপদা প্রধান মন্ত্রীনা রাষ্ট্রপতি রামাফোসা থাগৎপা ফোঙদোকখি অমসুং ভারতনা লুচিংবা ইন্তরনেসনেল বিগ কেত এল্লাইন্স শরুক য়ানবা মহাক্কী মফমদা খঙহনখি।
গ্লোবেল সাউথকী খোঞ্জেল কনখৎহন্নবা পুন্না থবক তৌমিন্নবদা লুচিংবশিং য়ানখ্রে। হিরম অসিদা, আই.বি.এস.এ লুচিংবশিংগী মীফম পাংথোক্নবা খা অফ্রিকানা পায়খৎলিবা থবকশিং প্রধান মন্ত্রীনা থাগৎপা ফোঙদোকখ্রে। ২০২৬ দা ভারতনা ব্রিক্সকী চিয়ার্মেন ওইগদৌরিবা অসিদা খা অফ্রিকানা মপুংফানা শৌগৎপা অদু রাষ্ট্রপতি রামাফোসানা ফোঙদোকখি।
Had an excellent meeting with President Cyril Ramaphosa during the G20 Summit in Johannesburg. We reviewed the full range of the India-South Africa partnership, especially in boosting linkages of commerce, culture, investment and diversifying cooperation in technology, skilling,… pic.twitter.com/WuLLsh3yVf
— Narendra Modi (@narendramodi) November 23, 2025
