عزت مآب، صدر رنل وکرم سنگھے،
دونوں ممالک کے مندوبین،
میڈیا کے سبھی ساتھی،
نمسکار!
آیو بوون!
ونکم!
میں صدر وکرم سنگھے اور ان کے وفد کا ہندوستان میں پرتپاک خیرمقدم کرتا ہوں۔ آج صدر وکرما سنگھے اپنے عہدے کا ایک سال مکمل کر رہے ہیں۔ اس موقع پر، میں ہم سب کی طرف سے انہیں دل کی گہرائیوں سے مبارکباد پیش کرتا ہوں۔ گزشتہ ایک سال سری لنکا کے عوام کے لیے چیلنجوں سے بھرا رہا ہے۔ ایک قریبی دوست کی حیثیت سے، ہمیشہ کی طرح، ہم اس بحران کے دوران سری لنکا کے لوگوں کے ساتھ کندھے سے کندھا ملا کر کھڑے رہے ہیں۔ اور جس ہمت کے ساتھ انھوں نے ان چیلنجوں سے بھرے حالات کا سامنا کیا، اس کے لئے میں سری لنکا کے لوگوں کا دل کی گہرائیوں سے مبارکباد پیش کرتا ہوں ۔
دوستو،
ہمارے تعلقات ہماری تہذیبوں کی طرح ہی قدیم بھی ہیں اور وسیع بھی ہیں۔ ہندوستان کی پالیسی ’’پڑوسی سب سے پہلے‘‘اور ’’ساگر‘‘ ویژن دونوں میں بھی سری لنکا کا ایک اہم مقام ہے۔ آج ہم نے دو طرفہ، علاقائی اور بین الاقوامی مسائل پر اپنے خیالات کا اشتراک کیا۔ ہمارا ماننا ہے کہ ہندوستان اور سری لنکا کے سیکورٹی مفادات اور ترقی ایک دوسرے سے جڑے ہوئے ہیں۔ اور اس لیے یہ ضروری ہے کہ ہم ایک دوسرے کی سلامتی اور حساسیت کو مدنظر رکھتے ہوئے مل جل کر کام کریں۔
دوستو،
آج ہم نے اپنی اقتصادی شراکت داری کے لیے ایک وژن دستاویز کو اپنایا ہے۔ یہ وژن دونوں ملکوں کے عوام کے درمیان سمندری، فضائی، توانائی اور عوام سے عوام کے رابطے کو مضبوط بنانے کا ہے۔ یہ وژن سیاحت، بجلی، تجارت، اعلیٰ تعلیم اور ہنر کی ترقی میں باہمی تعاون کو تیز کرنے کا ہے۔یہ وژن سری لنکا کے ساتھ ہندوستان کی طویل مدتی وابستگی کا ہے۔
دوستو،
ہم نے فیصلہ کیا ہے کہ اقتصادی اور تکنیکی تعاون کے معاہدے پر بات چیت جلد ہی شروع کی جائے گی۔ اس سے دونوں ممالک کے لیے تجارتی اور اقتصادی تعاون کے نئے امکانات کھلیں گے۔ہم نے ہندوستان اور سری لنکا کے درمیان فضائی رابطہ بڑھانے پر اتفاق کیا ہے۔ کاروبار اور لوگوں کی آمد و رفت کو بڑھانے کے لیے، تمل ناڈو کے ناگاپٹنم اور سری لنکا میں کانکے-سنتورئی کے درمیان مسافر فیری خدمات شروع کرنے کا بھی فیصلہ کیا گیا ہے۔
ہم نے فیصلہ کیا ہے کہ دونوں ممالک کے درمیان بجلی کے گرڈز کو جوڑنے کے کام کو تیز کیا جائے گا۔بھارت اور سری لنکا کے درمیان پیٹرولیم پائپ لائن کے لیے فزیبلٹی اسٹڈی کی جائے گی۔اس کے علاوہ لینڈ برج کی فزیبلٹی کا جائزہ لینے کا بھی فیصلہ کیا گیا۔ آج سری لنکا میں یو پی آئی (UPI) کو شروع کرنے کے لیے کیے گئے معاہدے سے Fintech کنکٹیوٹی میں بھی اضافہ ہوگا۔
دوستو،
آج ہم نے ماہی گیروں کے ذریعہ معاش سے متعلق مسائل پر بھی بات کی۔ ہم اس بات سے متفق ہیں کہ ہمیں اس معاملے میں انسانی رویہ کے ساتھ آگے بڑھنا چاہیے۔ ہم نے سری لنکا میں تعمیر نو اور باہمی مفاہمت پر بھی بات چیت کی۔ صدر وکرم سنگھے نے مجھے اپنے جامع نقطہ نظر کے بارے میں بتایا۔ ہم امید کرتے ہیں کہ سری لنکا کی حکومت تملوں کی امنگوں کو پورا کرے گی۔ مساوات، انصاف اور امن کے لیے تعمیر نو کے عمل کو آگے بڑھائے گی۔ تیرہویں ترمیم کے نفاذ اور صوبائی کونسل انتخابات کرانے کی اپنے عہد بندی کو مکمل کرے گی اور سری لنکا کے تمل برادری کے لئے عزت اور احترام کی زندگی کو یقینی بنائے گی۔
دوستو،
یہ سال ہمارے دوطرفہ تعلقات کے لیے خصوصی اہمیت کا حامل ہے۔ ہم اپنے سفارتی تعلقات کی 75ویں سالگرہ منا رہے ہیں۔ اس کے علاوہ، ہندوستانی نژاد تمل برادری سری لنکا میں اپنی آمد کے 200 سال مکمل کر رہی ہے۔ مجھے یہ کہتے ہوئے خوشی ہو رہی ہے کہ اس موقع پر سری لنکا کے ہندوستانی نژاد تمل شہریوں کے لیے 75 کروڑ روپے کی لاگت کے مختلف منصوبے نافذ کئے جائیں گے۔ اس کے ساتھ ساتھ ہندوستان، سری لنکا کے شمالی اور مشرقی علاقوں میں ترقیاتی پروگراموں میں بھی اپنا تعاون پیش کرے گا۔
عزت مآب
ایک مستحکم، محفوظ اور خوشحال سری لنکا نہ صرف ہندوستان کے مفاد میں ہے بلکہ پورے بحر ہند کے خطے کے مفاد میں ہے۔ میں ایک بار پھر یقین دلاتا ہوں کہ سری لنکا کے لوگوں کی اس جدوجہد کی گھڑی میں ہندوستان کے لوگ ان کے ساتھ ہیں۔
بہت بہت شکریہ۔
मैं राष्ट्रपति विक्रमसिन्घे और उनके प्रतिनिधिमंडल का भारत में हार्दिक स्वागत करता हूँ।
— PMO India (@PMOIndia) July 21, 2023
आज राष्ट्रपति विक्रमसिन्घे अपने कार्यकाल का एक वर्ष पूरा कर रहे हैं। इस अवसर पर मैं उन्हें हम सभी की ओर से हार्दिक शुभकामनाएं देता हूँ: PM @narendramodi
भारत की “Neighbourhood First” पॉलिसी और “सागर” विज़न, दोनों में भी श्रीलंका का महत्वपूर्ण स्थान है।
— PMO India (@PMOIndia) July 21, 2023
आज हमने द्विपक्षीय, क्षेत्रीय तथा अंतर्राष्ट्रीय मुद्दों पर अपने विचार साझा किए।
हमारा मानना है, कि भारत और श्रीलंका के सुरक्षा हित और विकास एक दूसरे से जुड़ें हैं: PM
यह विज़न है - Tourism, Power, Trade, उच्च शिक्षा, और Skill Development में आपसी सहयोग को गति देने का।
— PMO India (@PMOIndia) July 21, 2023
यह विज़न है - श्रीलंका के प्रति भारत के long-term कमिटमेंट का: PM @narendramodi
आज हमने हमारी Economic Partnership के लिए एक विज़न डॉक्यूमेंट अपनाया है।
— PMO India (@PMOIndia) July 21, 2023
यह विज़न है - दोनों देशों के लोगों के बीच Maritime, Air, Energy और people-to-people connectivity को मजबूती देने का: PM @narendramodi
हम आशा करते हैं कि श्रीलंका सरकार तमिलों की आकांक्षाओं को पूरा करेगी।
— PMO India (@PMOIndia) July 21, 2023
समानता, न्याय और शांति के लिए पुनर्निर्माण की प्रक्रिया को आगे बढ़ाएगी: PM @narendramodi
