وزیرِ اعظم جناب نریندر مودی نے اسٹارٹ اپ انڈیا کے قومی دن کے موقع پر اسٹارٹ اَپ کی دنیا سے وابستہ تمام افراد کو دلی نیک خواہشات پیش کیں۔ اس برس کی تقریبات کو خصوصی اہمیت حاصل ہے کیونکہ یہ تقریبات اسٹارٹ اَپ انڈیا پہل کے آغاز کے دس برس مکمل ہونے کی علامت ہیں۔
وزیرِ اعظم نے کہا کہ یہ دن اُن لوگوں خصوصاً نوجوانوں کے حوصلے، اختراعی سوچ اور کاروباری جذبے کا جشن منانے کا موقع ہے، جنہوں نے عالمی اسٹارٹ اَپ ماحولیاتی نظام میں بھارت کے عروج کو توانائی بخشی ہے۔
اسٹارٹ اَپس کے انقلابی کردار پر زور دیتے ہوئے جناب نریندر مودی نے کہا:
“اسٹارٹ اَپس تبدیلی کے محرک ہیں جو ہماری معیشت اور معاشرے کے مستقبل کو نئی شکل دے رہے ہیں۔ یہ ہمارے سیارے کو درپیش چیلنجز سے نمٹنے میں غیر معمولی کام کر رہے ہیں اور ساتھ ہی لوگوں کے لیے نئے مواقع پیدا کر رہے ہیں۔ مجھے اُن تمام افراد پر فخر ہے جنہوں نے بڑے خواب دیکھنے کی ہمت کی، روایتی حدود کو چیلنج کیا، خطرات کاسامنا کیا اور اپنے اسٹارٹ اَپس کے ذریعے بامعنی اور انقلابی اثرات مرتب کیے۔”
وزیرِ اعظم نے مزید کہا کہ بھارتی حکومت تمام متعلقہ فریقین کے ساتھ مل کر اسٹارٹ اَپ ماحولیاتی نظام کو مضبوط بنانے کے تئیں مسلسل کام کر رہی ہے۔ انہوں نے اس بات پر زور دیا کہ بھارت کی جانب سے شروع کی گئی ریفارم ایکسپریس نے اسٹارٹ اَپس کے لیے ایک سازگار ماحول پیدا کیا ہے، جس کے نتیجے میں وہ اب خلاء اور دفاع جیسے اُن شعبوں میں بھی قدم رکھ پا رہے ہیں جنہیں کبھی ناقابلِ تصور خیال کیا جاتا تھا۔ انہوں نے اس بات پر فخر کا اظہار کیا کہ اسٹارٹ اَپس آتم نربھر بھارت کی تعمیر میں کلیدی کردار ادا کر رہے ہیں اور حکومت اس عزم کا اعادہ کرتی ہے کہ وہ خطرات مول لینے اور مسائل کا حل تلاش کرنے والے نوجوانوں کی بھرپور حمایت جاری رکھے گی۔
جناب مودی نے سرپرست، انکیوبیٹرز، سرمایہ کار، تعلیمی ادارے اور دیگر شراکت دار سمیت اسٹارٹ اَپس کے وسیع تر ماحولیاتی نظام کے کردار کو بھی سراہا۔ وزیراعظم نے کہا کہ ان کی رہنمائی اور بصیرت نوجوان اختراع کاروں کی حوصلہ افزائی میں نہایت معاون ثابت ہوگی ہے اور بھارت کی ترقی کی داستان میں اہم کردار ادا کرے گی۔
وزیرِ اعظم نے اختراع، استقامت اور قومی ترقی کے محرک کے طور پر بھارت کے اسٹارٹ اَپس پر اپنے بھرپور اعتماد کابھی اعادہ کیا۔
ایک سنسکرت شلوک کا حوالہ دیتے ہوئے جناب مودی نے بھارتی نوجوان کاروباریوں کے عزم و استقلال اور لگن کی ستائش کی اور کہا کہ ان کی انتھک کوششیں اسٹارٹ اَپ کی دنیا میں نئے ریکارڈ قائم کر رہی ہیں۔ وزیراعظم نے زور دیا کہ ان کی توانائی اور جذبہ ہی وکست بھارت کے خواب کو حقیقت میں بدلنے کی سب سے بڑی طاقت ثابت ہوگا۔
جناب مودی نے ’ایکس‘ پر سلسلے وار پوسٹ میں لکھاکہ:
“اسٹارٹ اپ انڈیا کے قومی دن کے موقع پر اسٹارٹ اَپس کی دنیا سے وابستہ تمام افراد کو دلی نیک تمنائیں۔ آج کا دن اس لیے نہایت خاص ہے کہ ہم اسٹارٹ اَپ انڈیا کے آغاز کے دس برس مکمل ہونے کا جشن منا رہے ہیں۔ یہ دن ہمارے عوام، خصوصاً نوجوانوں، کے حوصلے، اختراعی اور کاروباری جذبے کو خراجِ تحسین پیش کرنے کا موقع ہے، جنہوں نے عالمی اسٹارٹ اَپ ماحولیاتی نظام میں بھارت کے عروج کو نئی توانائی بخشی ہے۔”
#اسٹارٹ اپ انڈیا کے 10 سال
https://www.pib.gov.in/PressReleseDetail.aspx?PRID=2214764®=3&lang=1”
“اسٹارٹ اَپس تبدیلی کے محرک ہیں جو ہماری معیشت اور معاشرے کے مستقبل کو نئی شکل دے رہے ہیں۔ یہ ہمارے سیارے کو درپیش چیلنجز سے نمٹنے میں غیر معمولی کام کر رہے ہیں اور ساتھ ہی لوگوں کے لیے نئے مواقع بھی پیدا کر رہے ہیں۔ مجھے ہر اُس شخص پر فخر ہے جس نے بڑے خواب دیکھنے کی جرأت کی، روایتی حدود کو چیلنج کیا، خطرات مول لیے اور اپنے اسٹارٹ اَپس کے ذریعے انقلابی اور مثبت اثرات مرتب کیے۔”
#اسٹارٹ اپ انڈیا کے 10 سال
“بھارتی حکومت تمام متعلقہ شراکت داروں کے ساتھ مل کر بھارت کے اسٹارٹ اَپ ماحولیاتی نظام کو مزید مضبوط بنانے کے لیے کام کر رہی ہے۔ بھارت کی جانب سے شروع کی گئی ریفارم ایکسپریس یعنی (اصلاحات کے سلسلے) نے اسٹارٹ اَپس کے لیے ایک نہایت سازگار ماحول پیدا کیا ہے، جس کے باعث وہ خلاء، دفاع اور دیگر ایسے شعبوں میں قدم رکھ پا رہے ہیں جو پہلے ناقابلِ تصورخیال کئے جاتے تھے۔ مجھے فخر ہے کہ ہمارے اسٹارٹ اَپس آتم نربھر بھارت کی تعمیر میں کلیدی کردار ادا کر رہے ہیں۔ ہم اُن نوجوانوں کی حمایت کے تئیں پُرعزم ہیں جو خطرات مول لینا چاہتے ہیں اور مسائل کا حل تلاش کرنے والے بننا چاہتے ہیں۔”
#اسٹارٹ اپ انڈیا کے 10 سال
“یہ دن اُن سرپرستوں، انکیوبیٹرز، سرمایہ کاروں، تعلیمی اداروں اور دیگر افراد و اداروں کے ماحولیاتی نظام کو تسلیم کرنے کا بھی موقع ہے جو اسٹارٹ اَپس میں معاون ہیں۔ ان کی رہنمائی اور بصیرت ہمارے نوجوانوں کی حوصلہ افزائی میں اہم کردار ادا کرتی ہے، جس کے نتیجے میں وہ اختراع کرتے ہیں اور ملک کی ترقی میں اپنا رول اداکرتے ہیں۔”
Best wishes to everyone associated with the world of StartUps on the occasion of National StartUp Day. Today is special because we mark a decade since the launch of StartUp India. This day is about celebrating the courage, spirit of innovation and entrepreneurial zeal of our…
— Narendra Modi (@narendramodi) January 16, 2026
“अपने दृढ़ संकल्प और समर्पण से हमारे युवा साथी स्टार्टअप की दुनिया में नित-नए रिकॉर्ड बना रहे हैं। इनका जोश और जुनून विकसित भारत के सपने को साकार करने में सबसे बड़ी शक्ति बनने वाला है।
दुर्लभान्यपि कार्याणि सिद्ध्यन्ति प्रोद्यमेन हि।
शिलाऽपि तनुतां याति प्रपातेनार्णसो मुहुः॥”
अपने दृढ़ संकल्प और समर्पण से हमारे युवा साथी स्टार्टअप की दुनिया में नित-नए रिकॉर्ड बना रहे हैं। इनका जोश और जुनून विकसित भारत के सपने को साकार करने में सबसे बड़ी शक्ति बनने वाला है।
— Narendra Modi (@narendramodi) January 16, 2026
दुर्लभान्यपि कार्याणि सिद्ध्यन्ति प्रोद्यमेन हि।
शिलाऽपि तनुतां याति प्रपातेनार्णसो मुहुः॥ pic.twitter.com/kXRkqp57wO
