نئی دہلی، یکم اکتوبر2019:وزیر اعظم جناب نریندر مودی نے نئی دہلی میں اسسٹنٹ سیکریٹریوں (2017آئی اے ایس بیچ) کے اختتامی اجلاس میں شرکت کی۔
افسروں کے ذریعے وزیر اعظم کو متعدد پریزینٹیشن دیئے گئے۔جن موضوعات پر یہ پریزینٹیشن دیئے گئے ان کا تعلق توقعاتی اضلاع کی ٹرانسفارمنگ(یکسر تبدیلی) سے لے کر شفافیت اور خدمات کی تیز تر فراہمی کے لئے متعدد گورننس سولیوشنس سے ہے۔
وزیر اعظم نے نئے خیالات ، نئے تصورات اور تناظرات کو اختیار کرنے کے تئیں افسروں کی حوصلہ افزائی کی۔ وزیر اعظم نے کہا کہ متعدد ذرائع سے فیڈ بیک لینا چاہئے، ان کا تجزیہ کیا جانا چاہئے اور پھر انہیں مسائل کے حل کے عمل میں جگہ دینی چاہئے۔انہوں نے افسروں کو مسلسل سیکھتے رہنے اور اپنے اندر تجسس کے جذبے کو پروان چڑھانے کی تلقین کی۔
افسروں سے بات چیت کرتے ہوئے وزیر اعظم نے کہا کہ سروس اوریئنٹیشن یعنی خدمات کے تعلق سے جھکاؤ کو برقرار رکھنا سول سرونٹس کے لئے انتہائی اہم ہے، کیونکہ اس سے غیر جانبداری آتی ہے۔
عوامی شراکت داری کی اہمیت پر زور دیتے ہوئے انہوں نے نوجوان افسروں سے اپیل کی کہ وہ سرکاری اسکیموں کے مؤثر نفاذ کے لئے اجتماعی کوششوں کی حوصلہ افزائی کریں۔انہوں نے افسروں سے گزارش کی کہ وہ اسسٹنٹ سیکریٹری بننے کے دوران جو بہترین تجربات حاصل کئے ہیں اس کو بروئے کار لائیں۔
وزیر اعظم نے جوان افسروں کے پریزینٹیشن کی ستائش کی اور مستقبل میں ان کے رول کے لئے انہیں نیک خواہشات پیش کیں۔وزیر اعظم نے کہا کہ آپ کی کامیابی ملک کے لئے اہم ہے۔آپ کی کامیابی بہت سے لوگوں کی زندگیوں میں یکسر تبدیلی لاسکتی ہے۔
