وزیر اعظم جناب نریندر مودی نے پارلیمنٹ کے ذریعہ بھارتیہ شہری تحفظ سنہتا، 2023، بھارتیہ نیا سنہتا، 2023 اور بھارتیہ ساکشیہ ادھینیم، 2023 کی منظوری کی ستائش کی ہے اور اسے ہندوستان کی تاریخ کا ایک یادگار لمحہ قرار دیا ہے۔ انہوں نے اس بات پر زور دیا کہ یہ بل معاشرے کے غریب، پسماندہ اور کمزور طبقوں کے تحفظ کو یقینی بناتے ہیں جبکہ منظم جرائم، دہشت گردی اور اس طرح کے دیگر جرائم پر بھی بہت زیادہ کمی لاتے ہیں۔ وزیر اعظم نے کہا کہ یہ قانونی اصلاحات ہندوستان کے قانونی ڈھانچے کو مزید بامعنی اور امرت کال میں ہمدردی کے جذبےسے کام کرنے والا بناتی ہیں اور اس کی نئی تشریح پیش کرتی ہیں ۔ انہوں نے مرکزی وزیر داخلہ امت شاہ کا راجیہ سبھا میں تین بلوں پر بحث کرتے ہوئے ایک ویڈیو بھی شیئر کیا۔
ایکس پر ایک تھریڈ پوسٹ میں، وزیر اعظم نے کہا:
"بھارتیہ شہری تحفظ سنہتا، 2023، بھارتیہ نیا سنہتا، 2023 اور بھارتیہ ساکشیہ ادھینیم، 2023 کا منظورکیا جانا ہماری تاریخ کا ایک اہم لمحہ ہے۔ یہ بل نوآبادیاتی دور کے قوانین کے خاتمے کی نشاندہی کرتے ہیں۔ان بلوں سے عوامی خدمت اور فلاح و بہبود پر مرکوز قوانین کے ساتھ ایک نئے دور کا آغاز ہوتا ہے’’۔
یہ یکسر تبدیلی لانےوالے بل اصلاحات کے لیے ہندوستان کے عزم کا ثبوت ہیں۔ وہ ٹیکنالوجی اور فرانزک سائنس پر فوکس کرتے ہوئے ہمارے قانونی، پولیسنگ اور تفتیشی نظام سے جدید دورکو آشناکراتے ہیں ۔ یہ بل ہمارے معاشرے کے غریب، پسماندہ اور کمزور طبقات کے لیے بہتر تحفظ کو یقینی بناتے ہیں۔
اس کے ساتھ ہی، یہ بل منظم جرائم، دہشت گردی اور اس طرح کے جرائم پر بہت سختی کے ساتھ گرفت کرتے ہیں جو ترقی کی طرف ہمارے پرامن سفر کی بنیادوں پر حملہ کرتے ہیں۔ ان کے ذریعہ ہم نے غداری سے متعلق فرسودہ دفعات کو بھی خیرباد کہہ دیا ہے۔
ہمارے امرت کال میں، یہ قانونی اصلاحات ہمارے قانونی فریم ورک کی، مزید بامعنی اور ہمدردی پر مبنی بنانے کے لیے نئے سرے سے توضیح وتشریح پیش کرتی ہیں۔ وزیر داخلہ جناب امیت شاہ جی کی یہ تقریریں ان بلوں کی اہم خصوصیات پر مزید روشنی ڈالتی ہیں۔
The passage of Bharatiya Nagarik Suraksha Sanhita, 2023, Bharatiya Nyaya Sanhita, 2023 and Bharatiya Sakshya Adhiniyam, 2023 is a watershed moment in our history. These Bills mark the end of colonial-era laws. A new era begins with laws centered on public service and welfare.
— Narendra Modi (@narendramodi) December 21, 2023
