جناب بون نے دوطرفہ تعاون کے مختلف شعبوں میں ہونے والی پیش رفت کے بارے میں وزیر اعظم کو آگاہ کیا
وزیر اعظم نے باسٹل ڈے کی تقریبات میں شرکت کی دعوت دینے پر صدر میکرون کا شکریہ ادا کیا
وزیر اعظم نے پیغام دیا کہ وہ پیرس میں صدر میکرون کے ساتھ اپنی ملاقات کے منتظر ہیں
فرانس کے صدر کے سفارتی مشیر جناب ایمانوئل بون نے آج وزیر اعظم جناب نریندر مودی سے ملاقات کی۔
جناب بون نے وزیر اعظم کو ان کے آئندہ دورۂ فرانس کے تناظر میں دو طرفہ تعاون کے مختلف شعبوں میں ہونے والی پیش رفت سے آگاہ کیا۔
وزیر اعظم نے 14 جولائی کو یوم باسٹیل کی تقریبات میں بطور مہمان خصوصی شرکت کی دعوت دینے پر صدر میکرون کا شکریہ ادا کیا۔
ہیروشیما میں صدر میکرون کے ساتھ اپنی حالیہ ملاقات کو یاد کرتے ہوئے، وزیر اعظم نے کہا کہ وہ پیرس میں اپنی بات چیت جاری رکھنے کے منتظر ہیں جس سے ہندوستان-فرانس اسٹریٹجک پارٹنرشپ کو مزید تقویت ملے گی۔
