তোঙান-তোঙানবা হিরমশিংদা লৈবাক অনি মতেং পাংনবগী মতাংদা বোন্নেনা প্রধান মন্ত্রীদা পাউদমখি
বেস্তাইল দে থৌরম শরুক য়ানবা চেবাউ পীরকপগীদমক প্রধান মন্ত্রীনা রাস্ত্রপতি মেক্রোনগী মফমদা তৌবীমল খঙবা উৎখ্রে
মহাক্না পেরিসতা রাস্ত্রপতি মেক্রোন উনগনি হায়না প্রধান মন্ত্রীনা থাজবা ফোঙদোকখি
ঙসি ফ্রান্সকী রাস্ত্রপতিগী দিপ্লোমেতি এদভাইজর ইম্মানুয়েল বোন্নেনা প্রধান মন্ত্রী শ্রী নরেন্দ্র মোদী উনখ্রে।
প্রধান মন্ত্রীগী ফ্রান্স খোঙচৎকা মরী লৈননা তোঙান-তোঙানবা হিরমশিংদা লৈবাক অনি মতেং পাংনবগী মতাংদা বোন্নেনা প্রধান মন্ত্রীদা পাউদমখি।
জুলাই ১৪দা পাংথোক্কদৌরিবা বেস্তাইল দে থৌরম শরুক য়ানবা চেবাউ পীরকপগীদমক প্রধান মন্ত্রীনা রাস্ত্রপতি মেক্রোনগী মফমদা তৌবীমল খঙবা উৎখ্রে।
হন্দক হিরোসিমাদা মহাক্না রাস্ত্রপতি মেক্রোনগা উনখিবা অদু নিংশিংলদুনা, প্রধান মন্ত্রীনা হায়খি মখোয় মখা তানা পেরিসতা ৱারি শানগনি হায়না মহাক্না থাজবা থম্লি অমসুং মসিনা ভারত-ফ্রান্সকী অচেৎপা মরুপ-মপাং ওইবা মরী মপাঙ্গল কনখৎহনগনি।
