وزیر اعظم نے 40ویں پرگتی میٹنگ کی صدارت کی

Published By : Admin | May 25, 2022 | 19:29 IST
بنیادی ڈھانچہ شعبہ میں مصروف عمل ایجنسیوں کو امرت سرووَر کے تحت تیار کیے جارہے آبی ذخائر کے ساتھ اپنے پروجیکٹوں کی نقشہ بندی کرنی چاہئے: وزیر اعظم
وزیر اعظم نے ریاستوں کو تلقین کی کہ وہ مرکزی گتی شکتی سنچار پورٹل کو بروئے کار لائیں تاکہ رائٹ آف وے درخواستوں کے بروقت نپٹارے کو یقینی بنایا جا سکے
ریاستیں پی ایم گتی شکتی قومی ماسٹر پلان سے ہم آہنگ ریاستی سطح پر گتی شکتی ماسٹر پلان بھی تشکیل دے سکتی ہیں: وزیر اعظم

وزیر اعظم جناب نریندر مودی نے آج پرگتی کے 40 ویں ایڈیشن کی میٹنگ کی صدار ت کی، جو کہ  مرکزی اور ریاستی حکومتوں کی شمولیت والا، فعال حکمرانی اور بروقت نفاذ کے لیے آئی سی ٹی پر مبنی کثیر جہتی ماڈل پلیٹ فارم  ہے۔

میٹنگ کے دوران، 9 ایجنڈوں کا جائزہ لیا گیا، جس میں آٹھ پروجیکٹس اور ایک پروگرام شامل ہیں۔ آٹھ پروجیکٹوں میں ، وزارت ریلوے، سڑک نقل و حمل اور شاہراہوں کی وزارت،  اور پیٹرولیم اور قدرتی گیس کی وزارت کے دو ۔ دو پروجیکٹس  اور بجلی کی وزارت اور آبی وسائل، دریا کی ترقی اور گنگا کی بازبحالی کے محکمہ کے ایک ایک پروجیکٹ شامل ہیں۔ ان آٹھ پروجیکٹوں کی مجموعی لاگت 59900 کروڑ روپئے سے زائد کے بقدر ہے، اور ان پروجیکٹوں کا تعلق 14 ریاستوں، یعنی مہاراشٹر، کرناٹک، آندھراپردیش، تمل ناڈو، چھتیس گڑھ، اڈیشہ، آسام، اروناچل پردیش، میگھالیہ، تری پورہ، میزورم، ناگالینڈ، سکم اور جھارکھنڈ سے ہے۔

وزیر اعظم نے کہا کہ سڑکوں اور ریلوے جیسے بنیادی ڈھانچہ شعبوں میں مصروف عمل ایجنسیوں کو، امرت سرووَر کے تحت تیار کیے جا رہے آبی ذخائر کے ساتھ اپنے پروجیکٹوں کی نقشہ بندی کرنی چاہئے۔ ایسا کرنے سے یہ پروجیکٹس ہر طرح سے مفید ثابت ہوں گے کیونکہ امرت سرووَر کے لیے کھودے گئے مٹیرئیل کو ایجنسیوں کے ذریعہ انجام دیے جارہے شہری کاموں کے لیے استعمال کیا جا سکتا ہے۔

میٹنگ کے دوران، وزیر اعظم نے ’نیشنل براڈبینڈ مشن‘ پروگرام کا بھی جائزہ لیا۔ ریاستوں اور ایجنسیوں کو تلقین کی گئی کہ وہ مرکزی گتی شکتی سنچار پورٹل کو بروئے کار لائیں تاکہ رائٹ آف وے (آر او ڈبلیو) درخواستوں کے بروقت نپٹارے کو یقینی بنایا جا سکے۔ اس سے مشن کے نفاذ کے عمل میں تیزی آئے گی۔ ساتھ ہی، انہیں عام آدمی کے لیے ’زندگی بسر کرنا مزید آسان ‘ بنانے کے سلسلے میں تکنالوجی کے استعمال کے لیے کام کرنا چاہئے۔

وزیر اعظم نے مزید کہا کہ اس مقصد کے لیے ریاستیں پی ایم گتی شکتی ماسٹر پلان سے ہم آہنگ ریاستی سطح پر گتی شکتی ماسٹر پلان اور اکائیاں بھی قائم کر سکتی ہیں۔ پروجیکٹوں کی بہتر منصوبہ ، اہم مسائل کی نشاندہی اور حل، اور بروقت عمل آوری کو لےکر بہتر تال میل قائم کرنے میں یہ قدم دور رَس اثرات کا حامل ثابت ہو سکتا ہے۔

پرگتی میٹنگوں کے اب تک کے 39 ایڈیشنوں میں،  14.82 لاکھ کروڑ روپئے کی مجموعی لاگت کے حامل 311 پروجیکٹوں کا جائزہ لیا جا چکا ہے۔

Explore More
لال قلعہ کی فصیل سے 77ویں یوم آزادی کے موقع پر وزیراعظم جناب نریندر مودی کے خطاب کا متن

Popular Speeches

لال قلعہ کی فصیل سے 77ویں یوم آزادی کے موقع پر وزیراعظم جناب نریندر مودی کے خطاب کا متن
Make in India: Google to manufacture drones in Tamil Nadu, may export it to US, Australia, others

Media Coverage

Make in India: Google to manufacture drones in Tamil Nadu, may export it to US, Australia, others
NM on the go

Nm on the go

Always be the first to hear from the PM. Get the App Now!
...
سوشل میڈیا کارنر،25مئی 2024
May 25, 2024

Citizens Express Appreciation for India’s Muti-sectoral Growth with PM Modi’s Visionary Leadership