ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਨੀਦਰਲੈਂਡਜ਼ ਦੇ ਪ੍ਰਧਾਨ ਮੰਤਰੀ ਮਹਾਮਹਿਮ ਰੌਬ ਜੈਟਨ ਦੇ ਨਾਲ ਮਸ਼ਹੂਰ ਡੱਚ ਜਲ ਪ੍ਰਬੰਧਨ ਢਾਂਚੇ ਅਫਸਲੁਇਟਡਿਜ਼ਕ (Afsluitdijk) ਦਾ ਦੌਰਾ ਕੀਤਾ।
ਇਸ ਦੌਰੇ ਨੇ ਨਵੀਨਤਾਕਾਰੀ ਜਲ ਪ੍ਰਬੰਧਨ ਹੱਲਾਂ, ਜਲਵਾਯੂ ਅਨੁਕੂਲਤਾ ਅਤੇ ਟਿਕਾਊ ਬੁਨਿਆਦੀ ਢਾਂਚੇ ਪ੍ਰਤੀ ਦੋਵਾਂ ਦੇਸ਼ਾਂ ਦੀ ਸਾਂਝੀ ਵਚਨਬੱਧਤਾ ਨੂੰ ਉਜਾਗਰ ਕੀਤਾ। ਅਫਸਲੁਇਟਡਿਜ਼ਕ ਜੋ ਕਿ 32 ਕਿੱਲੋਮੀਟਰ ਲੰਬਾ ਡੈਮ ਅਤੇ ਪੱਕਾ ਰਸਤਾ (ਕਾਜ਼ਵੇਅ) ਹੈ, ਹੜ੍ਹ ਕੰਟਰੋਲ ਅਤੇ ਜ਼ਮੀਨ ਦੀ ਮੁੜ ਪ੍ਰਾਪਤੀ ਵਿੱਚ ਇੱਕ ਆਲਮੀ ਮਿਸਾਲ ਹੈ, ਜੋ ਤਾਜ਼ੇ ਪਾਣੀ ਦੇ ਭੰਡਾਰਨ ਨੂੰ ਸਮਰੱਥ ਬਣਾਉਣ ਦੇ ਨਾਲ-ਨਾਲ ਨੀਦਰਲੈਂਡਜ਼ ਦੇ ਵੱਡੇ ਹਿੱਸਿਆਂ ਨੂੰ ਉੱਤਰੀ ਸਾਗਰ ਤੋਂ ਬਚਾਉਂਦਾ ਹੈ।
ਡੈਮ ਦੇ ਦੌਰੇ ਨੇ ਗੁਜਰਾਤ ਰਾਜ ਵਿੱਚ ਅਫਸਲੁਇਟਡਿਜ਼ਕ ਅਤੇ ਭਾਰਤ ਦੇ ਉਤਸ਼ਾਹੀ ਕਲਪਸਰ ਪ੍ਰੋਜੈਕਟ ਦਰਮਿਆਨ ਸਮਾਨਤਾਵਾਂ ’ਤੇ ਚਾਨਣਾ ਪਾਇਆ। ਕਲਪਸਰ ਪ੍ਰੋਜੈਕਟ ਦਾ ਉਦੇਸ਼ ਖੰਭਾਤ ਦੀ ਖਾੜੀ ਵਿੱਚ ਇੱਕ ਤਾਜ਼ੇ ਪਾਣੀ ਦਾ ਜਲ ਭੰਡਾਰ ਬਣਾਉਣਾ ਹੈ, ਜੋ ਸਮੁੰਦਰੀ ਲਹਿਰਾਂ ਤੋਂ ਬਿਜਲੀ ਉਤਪਾਦਨ (ਟਾਈਡਲ ਪਾਵਰ), ਸਿੰਚਾਈ ਅਤੇ ਆਵਾਜਾਈ ਦੇ ਬੁਨਿਆਦੀ ਢਾਂਚੇ ਨੂੰ ਏਕੀਕ੍ਰਿਤ ਕਰਦਾ ਹੈ। ਇਸ ਸੰਦਰਭ ਵਿੱਚ, ਦੋਵਾਂ ਧਿਰਾਂ ਨੇ ਕਲਪਸਰ ਪ੍ਰੋਜੈਕਟ ’ਤੇ ਤਕਨੀਕੀ ਸਹਿਯੋਗ ਲਈ ਭਾਰਤ ਦੇ ਜਲ ਸ਼ਕਤੀ ਮੰਤਰਾਲੇ ਅਤੇ ਨੀਦਰਲੈਂਡਜ਼ ਦੇ ਬੁਨਿਆਦੀ ਢਾਂਚਾ ਅਤੇ ਜਲ ਪ੍ਰਬੰਧਨ ਮੰਤਰਾਲੇ ਦਰਮਿਆਨ ਲੈਟਰ ਆਫ਼ ਇੰਟੈਂਟ ’ਤੇ ਹਸਤਾਖਰ ਕੀਤੇ ਜਾਣ ਦਾ ਸਵਾਗਤ ਕੀਤਾ।
ਦੋਵਾਂ ਆਗੂਆਂ ਨੇ ਇਸ ਗੱਲ ’ਤੇ ਜ਼ੋਰ ਦਿੱਤਾ ਕਿ ਹਾਈਡ੍ਰੌਲਿਕ ਇੰਜੀਨੀਅਰਿੰਗ ਵਿੱਚ ਨੀਦਰਲੈਂਡਜ਼ ਦੀ ਮੁਹਾਰਤ ਅਤੇ ਭਾਰਤ ਦੀ ਵਿਆਪਕ ਲਾਗੂਕਰਨ ਸਮਰੱਥਾ ਆਪਸੀ ਲਾਭਦਾਇਕ ਭਾਈਵਾਲੀ ਲਈ ਮਹੱਤਵਪੂਰਨ ਮੌਕੇ ਪ੍ਰਦਾਨ ਕਰਦੀ ਹੈ। ਇਹ ਦੌਰਾ ਜਲ ਖੇਤਰ ਵਿੱਚ ਭਾਰਤ-ਨੀਦਰਲੈਂਡਜ਼ ਰਣਨੀਤਕ ਭਾਈਵਾਲੀ ਦੀ ਪੁਸ਼ਟੀ ਕਰਦੀ ਹੈ ਅਤੇ ਨਵੀਨਤਾ ਤੇ ਟਿਕਾਊ ਵਿਕਾਸ ਪ੍ਰਤੀ ਦੋਵਾਂ ਦੇਸ਼ਾਂ ਦੀ ਸਾਂਝੀ ਵਚਨਬੱਧਤਾ ਨੂੰ ਉਜਾਗਰ ਕਰਦੀ ਹੈ।
An area in which the Netherlands has done pioneering work is water resources. There is a lot the entire global community can learn from them.
— Narendra Modi (@narendramodi) May 17, 2026
This morning, I had the opportunity to visit the Afsluitdijk and understand the salient features of this project. I am thankful to PM… pic.twitter.com/dYFfiAuzKZ
Sharing some more glimpses from the visit to the Afsluitdijk… pic.twitter.com/8Gmu0jRUIX
— Narendra Modi (@narendramodi) May 17, 2026
