ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଟେଲିଫୋନ ଯୋଗେ ଇଣ୍ଡୋନେସିଆ ରାଷ୍ଟ୍ରପତି ମହାମହିମ ଜୋକୋ ୱିଡୋଡୋଙ୍କ ସହ କଥାବାର୍ତ୍ତା କରିଛନ୍ତି ।
ଇଣ୍ଡୋନେସିଆର ସୁଲାୱେସୀ ଅଂଚଳରେ ନିକଟରେ ସଂଘଟିତ ସୁନାମୀ ଏବଂ ଭୂମିକମ୍ପରେ ବହୁ ଧନଜୀବନ ନଷ୍ଟ ହୋଇଥିବାରୁ ନିଜେ ଏବଂ ଭାରତବାସୀଙ୍କ ତରଫରୁ ପ୍ରଧାନମନ୍ତ୍ରୀ ଗଭୀର ସମବେଦନା ଜଣାଇଥିଲେ ।
ଏହି ଭୟାବହ ପ୍ରାକୃତିକ ବିପର୍ଯ୍ୟୟ କାରଣରୁ ହୋଇଥିବା ବ୍ୟାପକ କ୍ଷୟକ୍ଷତି ଯୋଗୁ ଇଣ୍ଡୋନେସିଆର ଲୋକମାନେ ବଡ଼ ଆହ୍ୱାନର ସମ୍ମୁଖୀନ ହୋଇପାରିଥିବାରୁ ପ୍ରଧାନମନ୍ତ୍ରୀ ସେମାନଙ୍କ ସାହସ ଓ ଧୈର୍ଯ୍ୟଶକ୍ତିର ପ୍ରଶଂସା କରିଥିଲେ ।
ଅନ୍ତର୍ଜାତୀୟ ସହାୟତା ପାଇଁ ଇଣ୍ଡୋନେସିଆର ଆବେଦନର ଉତ୍ତରରେ ଇଣ୍ଡୋନେସିଆ ରାଷ୍ଟ୍ରପତିଙ୍କୁ ଯଥାସମ୍ଭବ ସହାୟତା ପାଇଁ ଭାରତର ବନ୍ଧୁ ତଥା ସାମୁଦ୍ରିକ ପଡ଼ୋଶୀ ରାଷ୍ଟ୍ରକୁ ପ୍ରଧାନମନ୍ତ୍ରୀ ପ୍ରସ୍ତାବ ଦେଇଥିଲେ ।
ସମବେଦନା ଏବଂ ସହାୟତା ପ୍ରସ୍ତାବ ପାଇଁ ରାଷ୍ଟ୍ରପତି ୱିଡୋଡୋ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଥିଲେ ।
କୂଟନୈତିକ ଏବଂ ଅଧିକାରୀ ସ୍ତରରେ ଭାରତର ରିଲିଫ ସହାୟତାର ବିବରଣୀ ନିର୍ଦ୍ଧାରଣ କରାଯିବ ବୋଲି ଦୁଇ ନେତା ସହମତ ହୋଇଥିଲେ ।
