ମହାମହିମ, ରାଷ୍ଟ୍ର ପରାମର୍ଶଦାତା
ସମ୍ମାନୀୟ ପ୍ରତିନିଧିମଣ୍ଡଳ
ଗଣମାଧ୍ୟମର ସଦସ୍ୟଗଣ
ମହାମହିମ ଆଙ୍ଗ୍ ସାନ୍ ସୁ କିଙ୍କ ଭାରତକୁ ପ୍ରଥମ ସରକାରୀ ଗସ୍ତରେ ତାଙ୍କୁ ସ୍ଵାଗତ କରି ମୋତେ ଅତ୍ୟନ୍ତ ଖୁସି । ମହାମହିମ, ଭାରତର ଲୋକଙ୍କ ପାଇଁ ଆପଣ ଅପରିଚିତ ନୁହଁନ୍ତ । ଦିଲ୍ଲୀର ଦୃଶ୍ୟ, ଧ୍ଵନି ଓ ଗୁଞ୍ଜରଣ ଆପଣଙ୍କ ପାଇଁ ମଧ୍ୟ ସୁପରିଚିତ । ମହାମହିମ ଆପଣଙ୍କୁ ଆପଣଙ୍କ ଦ୍ଵିତୀୟ ଘରେ ସ୍ଵାଗତ କରୁଛି । ଆପଣ ଜଣେ ପ୍ରତିଷ୍ଠିତ ନେତା ।
ଆପଣଙ୍କ ସ୍ପଷ୍ଟ ଦୃଷ୍ଟିକୋଣ, ପରିପକ୍ଵ ନେତୃତ୍ଵ, ସଂଘର୍ଷ ଓ ମିଆଁମାରରେ ଗଣତନ୍ତ୍ର ସ୍ଥାପନ କରିବାରେ ଆପଣଙ୍କ ସଫଳତା ସମଗ୍ର ବିଶ୍ଵକୁ ଅନୁପ୍ରାଣିତ କରିଛି । ଭାରତରେ ଆପଣଙ୍କୁ ସ୍ଵାଗତ କରିବା ବାସ୍ତବରେ ଆମ ପାଇଁ ସମ୍ମାନର କଥା । କିଛଦିନ ପୂର୍ବରୁ ଗୋଆରେ ଆୟୋଜିତ ବିମଷ୍ଟେକ ଓ ବ୍ରିକ୍ସ-ବିମଷ୍ଟେକ ସମ୍ମିଳନୀରେ ଆପଣ ସାମିଲ ହୋଇଥିବାରୁ ଆପଣଙ୍କୁ କୃତଜ୍ଞତା ଜଣାଉଛି ।
ମହାମହିମ,
ଆପଣଙ୍କ ଦୃଢ଼ ନେତୃତ୍ଵରେ ମିଆଁମାର ଏକ ନୂଆ ଯାତ୍ରା ଆରମ୍ଭ କରିଛି । ଏହା ଆଶା ଓ ଅଧିକ ପ୍ରତିଜ୍ଞାର ଯାତ୍ରା ।
ଆପଣଙ୍କ ସୁଦୃଢ ଓ ଲୋକପ୍ରିୟତା ଆପଣଙ୍କ ଦେଶକୁ ଏସବୁ କ୍ଷେତ୍ରରେ ବିକାଶ ଆଡକୁ ନେଇଯାଉଛି :
କୃଷି, ଭିତ୍ତିଭୂମି ଓ ଉଦ୍ୟୋଗ,
ଶିକ୍ଷାର ସୁଦୃଢ଼ ଓ ଯୁବବର୍ଗଙ୍କ ଦକ୍ଷତା ବିକାଶ
ପ୍ରଶାସନର ଆଧୁନିକ ସଂସ୍ଥାର ନିର୍ମାଣ ,
ଦକ୍ଷିଣ ଏସିଆ ଓ ଦକ୍ଷିଣ ପୂର୍ବ-ଏସିଆ ସହ ଅଧିକ ସୁଦୃଢ଼ତାରେ ଯୋଡ଼ି ହେବା ଓ
ନାଗରିକଙ୍କୁ ସୁରକ୍ଷା ପ୍ରଦାନ କରିବା ।
ମହାମହିମ,
ମୁଁ ଆପଣଙ୍କୁ ଆଶ୍ଵସ୍ତ କରିବାକୁ ଚାହୁଁଛି ଯେ ଯେଭଳି ଭାବେ ଆପଣ ମିଆଁମାରକୁ ଏକ ଆଧୁନିକ, ସୁରକ୍ଷିତ, ଆର୍ଥିକ ଭାବେ ସମୃଦ୍ଧ ଓ ଉତ୍ତମ ଯୋଗାଯୋଗ ଥିବା ରାଷ୍ଟ୍ର ଗଠନରେ ଆଗେଇ ନେଉଛନ୍ତି, ଭାରତ ଓ ଏହାର ବନ୍ଧୁତ୍ଵପୂର୍ଣ୍ଣ ସମର୍ଥନ ଦୃଢ଼ ଭାବେ ଆପଣଙ୍କ ସହ ଛିଡ଼ା ହେବେ ।
ବନ୍ଧୁଗଣ
ରାଷ୍ଟ୍ର ପରାମର୍ଶଦାତା ଓ ମୁଁ ଏବେ ଆମର ଭାଗିଦାରୀର ସମ୍ପୂର୍ଣ୍ଣ ଦିଗ ଉପରେ ବିସ୍ତୃତ ଓ ସକରାତ୍ମକ ବିଚାରବିମର୍ଶ କଲୁ । ଭାରତ ଓ ମିଆଁମାର ମଧ୍ୟରେ ବିକାଶ କ୍ଷେତ୍ରରେ ବେଶ୍ ଅଧିକ ସହଯୋଗ କାର୍ଯ୍ୟକ୍ରମ କାଏମ ରହିଛି । କାଲାଦନ ଓ ବହୁମୂଖୀ ହାଇୱେ ଭଳି ମେଗା ଯୋଗାଯୋଗ ପରିଯୋଜନାରୁ ମାନବ ସମ୍ବଳ ବିକାଶ, ସ୍ଵାସ୍ଥ୍ୟ ସୁବିଧା, ପ୍ରଶିକ୍ଷଣ ଓ ସାମର୍ଥ୍ୟ ସୃଷ୍ଟିର କ୍ଷେତ୍ର ପର୍ଯ୍ୟନ୍ତ ଆମେ ମିଆଁମାର ସହ ନିଜର ସମ୍ବଳ ଓ ବିଶେଷଜ୍ଞତାକୁ ଆଦାନପ୍ରଦାନ କରିଛୁ । ଭାରତ ପକ୍ଷରୁ ପ୍ରାୟ 1.75 ବିଲିୟନ ଆମେରିକୀୟ ଡଲାର ମୂଲ୍ୟର ବିକାଶ ସହାୟତା ମିଆଁମାର ଲୋକଙ୍କ ପାଇଁ ଦିଆଯାଇଛି ଓ ଏହି ସହାୟତା ମିଆଁମାର ସରକାର ଓ ସେଠାର ଲୋକଙ୍କ ପ୍ରାଥମିକତା ଅନୁସାରେ ଦିଆଯାଇଛି । ଆମର ଆଜି ଆଲୋଚନା ସମୟରେ ଆମେ କୃଷି, ବିଦ୍ୟୁତ, ଅକ୍ଷୟ ଶକ୍ତି ସମେତ କେତେକ କ୍ଷେତ୍ରରେ ବୁଝାମଣାକୁ ଆଗେଇ ନେବାରେ ସହମତ ହୋଇଛୁ । ମଞ୍ଜିର ଗୁଣବତ୍ତା ବୃଦ୍ଧିକୁ ଦୃଷ୍ଟିରେ ରଖି ଭାରତ-ମିଆଁମାର ମିଳିତ ପ୍ରୟାସରେ ଅନେକ ବିହନ କିସମର ବିକାଶ ଓ ମଞ୍ଜି ଉତ୍ପାଦନ କେନ୍ଦ୍ର ବିକଶିତ କରାଯିବ । ଆମେ ଡାଲିର ବ୍ୟବସାୟ ପାଇଁ ପରସ୍ପର ଲାଭଦାୟକ ପ୍ରଣାଳୀ ବିକାଶ କରିବା ଦିଗରେ କାମ କରିବୁ । ଆମେ ମଣିପୁରର ମୋରେହରୁ ମିଆଁମାରର ଟାମୁରେ ଅଞ୍ଚଳକୁ ବିଦ୍ୟୁତ ଯୋଗାଣ ବୃଦ୍ଧିର ପ୍ରସ୍ତାବ ଦେଇଛୁ । ଆମେ ମିଆଁମାର ସରକାରଙ୍କ ଦ୍ଵାରା ନିର୍ଦ୍ଧାରିତ ସ୍ଥଳରେ ଏକ ଏଲ୍ଇଡି ବିଦ୍ୟୁତ ପରିଯୋଜନାରେ ମଧ୍ୟ ଭାଗିଦାର ହେବୁ । ବିଦ୍ୟୁତ କ୍ଷେତ୍ରରେ ଏବେ ଯେଉଁ ଏମ୍ଓୟୁ ସ୍ଵାକ୍ଷରିତ ହୋଇଛି, ସେଥିରେ ଏହି ମହତ୍ଵପୂର୍ଣ୍ଣ କ୍ଷେତ୍ରରେ ଆମର ସମ୍ପର୍କକୁ ଆଗେଇ ନେବା ପାଇଁ କାର୍ଯ୍ୟକ୍ରମ ପ୍ରସ୍ତୁତ କରିବାରେ ସହାୟକ ହେବ ।
ବନ୍ଧୁଗଣ
ଘନିଷ୍ଠ ଓ ବନ୍ଧୁତ୍ଵପୂର୍ଣ୍ଣ ପଡ଼ୋଶୀ ଭାବେ ଭାରତ ଓ ମିଆଁମାର ସୁରକ୍ଷା ସମ୍ବନ୍ଧୀୟ ସ୍ଵାର୍ଥ ପରସ୍ପର ସହ ଅତ୍ୟଧିକ ଜଡ଼ିତ । ଦୁଇ ଦେଶର ସୀମାବର୍ତ୍ତୀ କ୍ଷେତ୍ରର ସୁରକ୍ଷା ସୁନିଶ୍ଚିତ କରିବା ପାଇଁ ପରସ୍ପରର ରଣନୀତିକ ସ୍ଵାର୍ଥର ସମ୍ବେଦନଶୀଳତାକୁ ଦୃଷ୍ଟିରେ ରଖି ସହଯୋଗ କାଏମ କରିବାକୁ ଆମେ ସହମତ ହୋଇଛୁ । ଆମ ଦୁଇ ଦେଶର ସମାଜ ମଧ୍ୟରେ ବହୁ ଶତାବ୍ଦୀ ଧରି ସାଂସ୍କୃତିକ ସମ୍ପର୍କ ରହିଆସିଛି । ମିଆଁମାରରେ ନିକଟରେ ଅତୀତରେ ଭୂମିକମ୍ପରେ କ୍ଷତିଗ୍ରସ୍ତ ପାଗୋଡ଼ାଗୁଡ଼ିକର ପୁନଃନିର୍ମାଣ ପାଇଁ ସହାୟତା ନିମନ୍ତେ ଭାରତ ପ୍ରସ୍ତାବ ଦେଇଛି । ଭାରତୀୟ ପ୍ରତ୍ନତତ୍ତ୍ଵ ବିଭାଗ ଖୁବଶୀଘ୍ର ଦୁଇ ପୁରୁଣା ମନ୍ଦିର ଓ ବୋଧଗୟାରେ କିଙ୍ଗ ମିଣ୍ଡନ ଓ କିଙ୍ଗ ବାଝଗିଡ଼ର ଶିଳାଲେଖାକୁ ପୁନଃ ସ୍ଥାପିତ କରିବା ପାଇଁ କାମ ଆରମ୍ଭ କରିବ ।
ମହାମହିମ,
ମିଆଁମାରକୁ ଶାନ୍ତି, ରାଷ୍ଟ୍ରୀୟ ସୌହାର୍ଦ୍ଧ, ଆର୍ଥିକ ଓ ସାମାଜିକ ବିକାଶ ଦିଗରେ ଆଗେଇ ନେବାକୁ ଆପଣଙ୍କର ପ୍ରତିବଦ୍ଧତା ଓ ନେତୃତ୍ଵକୁ ମୁଁ ପୁଣିଥରେ ପ୍ରଶଂସା କରୁଛି । ଏକ ବିଶ୍ଵସନୀୟ ସହଯୋଗୀ ଓ ବନ୍ଧୁ ଭାବେ ଭାରତ କାନ୍ଧରେ କାନ୍ଧ ମିଶାଇ ଚାଲିବ । ମୁଁ ଆପଣଙ୍କୁ ଓ ମିଆଁମାର ଲୋକମାନଙ୍କର ସମସ୍ତ ସଫଳତା କାମନା କରୁଛି ।
ଧନ୍ୟବାଦ,
ବହୁତ ବହୁତ ଧନ୍ୟବାଦ ।
PM: begins Press Statement, tells Daw Aung San Suu Kyi: You are no stranger to the people of India. Welcome back, to your second home! pic.twitter.com/WnIZKtY85Q
— Vikas Swarup (@MEAIndia) October 19, 2016
The State Counsellor and I have just concluded extensive and productive discussions on the full range of our partnership: PM @narendramodi
— PMO India (@PMOIndia) October 19, 2016
India has a robust development cooperation programme with Myanmar: PM @narendramodi
— PMO India (@PMOIndia) October 19, 2016
We have agreed to enhance our engagement in several areas incluidng agriculture, power, renewable energy and power sector: PM
— PMO India (@PMOIndia) October 19, 2016
As close and friendly neighbours, the security interests of India and Myanmar are closely aligned: PM @narendramodi
— PMO India (@PMOIndia) October 19, 2016
