ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୨୬.୦୨.୨୦୨୪) ନୂଆଦିଲ୍ଲୀର ଭାରତ ମଣ୍ଡପମ୍ରେ ବୈଶ୍ୱିକ ବୃହତ୍ତମ ବୟନ ମେଳା ଭାରତ ଟେକ୍ସ-୨୦୨୪କୁ ଉଦ୍ଘାଟନ କରିଛନ୍ତି । ଏହି ଅବସରରେ ଆୟୋଜିତ ପ୍ରଦର୍ଶନୀକୁ ମଧ୍ୟ ପ୍ରଧାନମନ୍ତ୍ରୀ ବୁଲି ଦେଖିଥିଲେ ।
ସମବେତ ଜନତାକୁ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ ସମସ୍ତଙ୍କୁ ଭାରତ ଟେକ୍ସ -୨୦୨୪କୁ ସ୍ୱାଗତ ଜଣାଇଥିଲେ । ଆଜିର କାର୍ଯ୍ୟକ୍ରମ ଭାରତରେ ଦୁଇଟି ବୃହତ୍ତମ ପ୍ରଦର୍ଶନୀ କେନ୍ଦ୍ର ଯଥା ଭାରତ ମଣ୍ଡପମ୍ ଓ ଯଶୋଭୂମିଠାରେ ଆୟୋଜିତ ହେଉଥିବାରୁ ଏହା ସ୍ୱତନ୍ତ୍ର ବୋଲି କହିଥିଲେ । ତିନିହଜାର ପ୍ରଦର୍ଶନୀ ଆୟୋଜକ ଓ ବ୍ୟବସାୟୀ ପ୍ରାୟ ଶହେଟି ଦେଶରୁ ଏଠାକୁ ଆସିଛନ୍ତି । ପ୍ରାୟ ୪୦ହଜାର ପରିଦର୍ଶକ ମଧ୍ୟ ବୁଲି ଆସିଥିବା ସ୍ୱୀକାର କରି ଭାରତ ଟେକ୍ସ ସମସ୍ତଙ୍କ ନିମନ୍ତେ ଏକ ମଂଚ ପ୍ରଦାନ କରିଛି ବୋଲି କହିଥିଲେ । ଆଜିର ଭାରତ ଟେକ୍ସ ଅନେକ ଦୃଷ୍ଟିରୁ ବିଶାଳ ହୋଇଥିବାବେଳେ ଏହାର ସୂତ୍ର ଭାରତୀୟ ଗୌରବମୟ ଇତିହାସ ଓ ଆଜିର ମେଧା ପ୍ରଯୁକ୍ତି ଓ ପରମ୍ପରାକୁ ସଂଯୋଗ କରିବା ସହ ଏହି ସୂତ୍ର ଶୈଳୀ, ନିରନ୍ତରତା, ବ୍ୟାପ୍ତି ଓ କୌଶଳକୁ ଏକାଠି କରେ ବୋଲି ପ୍ରଧାନମନ୍ତ୍ରୀ କହିଥିଲେ । ସାରା ଭାରତ ବର୍ଷର ଅସଂଖ୍ୟ ବୟନ ପରମ୍ପରାକୁ ଏକାଠି କରିଥିବାରୁ ଏହି କାର୍ଯ୍ୟକ୍ରମ ଏକ ଭାରତ ଶ୍ରେଷ୍ଠ ଭାରତର ଏକ ଦୃଷ୍ଟାନ୍ତ । ସେ ମଧ୍ୟ ପ୍ରଦର୍ଶନୀସ୍ଥଳୀ, ଗଭୀରତା, ସ୍ଥାୟିତ୍ୱ ଓ ସାମର୍ଥ୍ୟ ଭାରତୀୟ ବୟନ ପରମ୍ପରାକୁ ଦେଉଥିବାରୁ ତାହାର ପ୍ରଶଂସା କରିଥିଲେ ।
ବିଭିନ୍ନ ଅଂଶୀଦାରଙ୍କ ବୟନ ପ୍ରକ୍ରିୟାକରଣରେ ଉପସ୍ଥିତି ଥିବାରୁ ପ୍ରଧାନମନ୍ତ୍ରୀ ସେମାନଙ୍କ ଭାରତୀୟ ବୟନ କ୍ଷେତ୍ରରେ ଥିବା ବିିଭିନ୍ନ ଆହ୍ୱାନ ଓ ଆକାଂକ୍ଷା ଉପରେ ଆଲୋକପାତ କରିଥିଲେ । ସେ ମଧ୍ୟ ବୁଣାକାରମାନଙ୍କ ଉପସ୍ଥିତିକୁ ଦର୍ଶାଇ ସେମାନଙ୍କ ତୃଣମୂଳସ୍ତରରୁ ବଂଶାନୁକ୍ରମିକ ଅଭିଜ୍ଞତା ସମ୍ପୂର୍ଣ୍ଣ ବୟନ ପ୍ରକ୍ରିୟାକରଣ ନିମନ୍ତେ ଗୁରୁତ୍ୱପୂର୍ଣ୍ଣ ବୋଲି କହିଥିଲେ । ସେମାନଙ୍କ ଉଦ୍ଦେଶ୍ୟରେ ପ୍ରଧାନମନ୍ତ୍ରୀ କହିଥିଲେ ଯେ ବିକଶିତ ଭାରତର ସଂକଳ୍ପକୁ ସାକାର କରିବାକୁ ହେଲେ ଯେଉଁ ଚାରିଟି ସ୍ତମ୍ଭ ମୁଖ୍ୟ ଭୂମିକା ଗ୍ରହଣ କରୁଛନ୍ତି ବୟନ କ୍ଷେତ୍ର ସେସବୁ ସହ ଯଥା ଗରିବ, ଯୁବା, ଚାଷୀ ଓ ମହିଳାଙ୍କ ସହ ସଂଶ୍ଳିଷ୍ଟ । ସେ ଦୃଷ୍ଟିରୁ ଭାରତ ଟେକ୍ସ -୨୦୨୪ର ଗୁରୁତ୍ୱ ଖୁବ୍ ମହତ୍ୱପୂର୍ଣ୍ଣ ।
ବିକଶିତ ଭାରତ ଯାତ୍ରାରେ ବୟନ କ୍ଷେତ୍ର ପରିସର ନେଇ ସରକାର ଏହାର ଭୂମିକା ସମ୍ପ୍ରସାରଣ କରିବା ଦିଗରେ କାର୍ଯ୍ୟ କରୁଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ । “ଆମେ ପରମ୍ପରା, ପ୍ରଯୁକ୍ତି, ମେଧା ଓ ତାଲିମ ଉପରେ ଧ୍ୟାନ କେନ୍ଦ୍ରିତ କରୁଛି” ବୋଲି ସେ କହିଥିଲେ । ସେ ଆହୁରି କହିଥିଲେ ଯେ ସାମ୍ପ୍ରତିକ ବିଶ୍ୱର ଚାହିଦା ମୁତାବକ ପାରମ୍ପରିକ ପରିପାଟୀକୁ ଅଧୁନାତନ କରିବା ଉପରେ ଗୁରୁତ୍ୱ ଆରୋପ କରାଯାଇଛି । ସେ ପାଞ୍ଚଟି ପରିକଳ୍ପନା ଫାଇଭ ଏଫ-ଉପରେ ଜୋର ଦେଇ କହିଥିଲେ ଯେ କ୍ଷେତରୁ ତନ୍ତୁ, ତନ୍ତୁରୁ କାରଖାନା, କାରଖାନାରୁ ଫ୍ୟାସନ ଓ ଫ୍ୟାସନରୁ ବିଦେଶ ସମଗ୍ର ପ୍ରକ୍ରିୟାକୁ ଗୋଟିଏ ଡୋରିରେ ବାନ୍ଧି ରଖିଛି । ଏମ୍ଏସ୍ଏମ୍ଇ କ୍ଷେତ୍ରକୁ ସାହାଯ୍ୟ କରିବା ପାଇଁ ଏହାର ସଂଜ୍ଞା ପରିବର୍ତ୍ତନ କରାଯାଇ ଅଭିବୃଦ୍ଧି ସତ୍ୱେ ନିରବିଚ୍ଛନ୍ନ ସୁବିଧା ସୁନିଶ୍ଚିତ କରିବାକୁ ଚେଷ୍ଟା କରାଯାଇଛି । ସେ ମଧ୍ୟ ସିଧାସଳଖ ବିକ୍ରୟ, ପ୍ରଦର୍ଶନୀ ଓ ଅନଲାଇନ ପୋର୍ଟାଲ ଯୋଗୁଁ କାରିଗର ଓ ବଜାର ମଧ୍ୟରେ ଦୂରତା ଅନେକଟା ହ୍ରାସ ପାଇଛି ବୋଲି କହିଥିଲେ ।
ପ୍ରଧାନମନ୍ତ୍ରୀ ସରକାରୀଙ୍କ ସମ୍ପ୍ରସାରଣ ଯୋଜନା ସାତଟି ପିଏମ୍ ମିତ୍ର ଉଦ୍ୟାନ ସୃଷ୍ଟି ବିଭିନ୍ନ ରାଜ୍ୟରେ କରିବା ସହ ସମଗ୍ର ବୟନ କ୍ଷେତ୍ର ପ୍ରତି ସୁଯୋଗ ସୃଷ୍ଟି କରିବା ଉପରେ ଗୁରୁତ୍ୱ ଆରୋପ କରିଥିଲେ । “ସରକାର ସମଗ୍ର ପ୍ରକ୍ରିୟା ବାତାବରଣ ଗୋଟିଏ ସ୍ଥାନରେ ରଖିବାକୁ ଚାହୁଁଛନ୍ତି ଯାହା ଫଳରେ ଆଧୁନିକ ଭିତ୍ତିଭୂମି ସହ ସମସ୍ତ ସୁବିଧା ଗୋଟିଏ ସ୍ଥାନରେ ମିଳିପାରିବ ପ୍ରଧାନମନ୍ତ୍ରୀ କହିଥିଲେ । ଏହା ଆକାର ଓ କାର୍ଯ୍ୟକାରିତାରେ ଉନ୍ନତି ଆଣିବା ସହ ଲଜିଷ୍ଟିକ୍ସ ଖର୍ଚ୍ଚ ମଧ୍ୟ ହ୍ରାସ କରିପାରିବ ।”
ନିଯୁକ୍ତି ସାମର୍ଥ୍ୟ ଏବଂ ଗ୍ରାମୀଣ ଜନସାଧାରଣ ଓ ମହିଳାଙ୍କ ଅଂଶଗ୍ରହଣ ନେଇ ସେ କହିଥିଲେ ଯେ ଦଶ ଜଣ ପୋଷାକ ପ୍ରସ୍ତୁତକାରୀଙ୍କ ମଧ୍ୟରେ ସାତ ଜଣ ମହିଳା ଥିବାବେଳେ ହସ୍ତତନ୍ତ କ୍ଷେତ୍ରରେ ସେମାନଙ୍କ ସଂଖ୍ୟା ଆହୁରି ଅଧିକ । ଗତ ୧୦ବର୍ଷ ମଧ୍ୟରେ ପଦକ୍ଷେପ ନିଆଯିବାରୁ ଖଦୀ ବିକାଶ ଓ ରୋଜଗାରର ଏକ ମଜବୁତ ମାଧ୍ୟମ ହୋଇପାରିଛି । ସେହିପରି କଲ୍ୟାଣକାରୀ ଯୋଜନା ଓ ଭିତ୍ତିଭୂମି ଉପଲବ୍ଧତା ଯୋଗୁ ଗତ ଦଶନ୍ଧି ମଧ୍ୟରେ ବୟନ କ୍ଷେତ୍ର ବିଶେଷ ଉପକୃତ ହୋଇଛି ବୋଲି ଶ୍ରୀ ମୋଦୀ କହିଥିଲେ ।
ଭାରତରେ କପା, ଝୋଟ ଓ ସିଲ୍କ ଉତ୍ପାଦନରୁ କ୍ରମବର୍ଦ୍ଧିଷ୍ଣୁ ଗତି ନେଇ ପ୍ରଧାନମନ୍ତ୍ରୀ କହିଥିଲେ ଯେ ସରକାର କପା ଚାଷୀଙ୍କୁ ସାହାଯ୍ୟ କରିବା ସହ ସେମାନଙ୍କ ଠାରୁ କପା କିଣୁଛନ୍ତି । କସ୍ତୁର, କପା, ଯାହା ସରକାରଙ୍କ ଦ୍ୱାରା ଆରମ୍ଭ କରାଯାଇଛି ବିଶ୍ୱରେ ଏହା ପ୍ରସିଦ୍ଧି ହେବା ପାଇଁ ଏକ ବିରାଟ ପଦକ୍ଷେପ । ଝୋଟ ଓ ସିଲ୍କ କ୍ଷେତ୍ରରେ ମଧ୍ୟ ପଦକ୍ଷେପ ନିଆଯାଉଛି । ଔଦ୍ୟୋଗିକ ବୟନ ଭଳି ନୂତନ କ୍ଷେତ୍ରକୁ ନେଇ ପ୍ରଧାନମନ୍ତ୍ରୀ ଜାତୀୟ ଔଦ୍ୟୋଗିକ ବୟନ ମିଶନ ଓ ଷ୍ଟାର୍ଟଅପ ମାନଙ୍କ ଏହି କ୍ଷେତ୍ରରେ ଥିବା ଭୂମିକା ଉପରେ କହିଥିଲେ ।
ପ୍ରଧାନମନ୍ତ୍ରୀ ପ୍ରଯୁକ୍ତି ଓ ଯାନ୍ତ୍ରିକକରଣ ଉପରେ ଆଲୋକପାତ କରି କହିଥିଲେ ଯେ ଅନନ୍ୟ ଓ ପ୍ରାମଣିକତା ଓ ଆଧୁନିକ ଯାନ୍ତ୍ରିକକରଣ ଭାରତରେ ଏକାଠି ରହିପାରିବେ । ଭାରତୀୟ କାରିଗର ମାନଙ୍କ ଦ୍ୱାରା ତିଆରି କରାଯାଇଥିବା ସାମଗ୍ରୀର ଅନନ୍ୟ ବୈଶିଷ୍ଟ୍ୟ ରହିଛି ଓ ଅଭିନବ ଫେଶନ ଯୋଗୁଁ ଏହାର ଚାହିଦା ମଧ୍ୟ ବୃଦ୍ଧି ପାଇଥାଏ । ସେଥିପାଇଁ ସରକାର କୌଶଳ ଓ ପରିମାଣ ଉଭୟ ଉପରେ ଗୁରୁତ୍ୱ ଦେଉଥିବାରୁ ଦେଶରେ ଜାତୀୟ ଫେସନ ଟେକ୍ନୋଲୋଜି ପ୍ରତିଷ୍ଠାନ (ଏନଆଇଏଫଟି) ସଂଖ୍ୟା ୧୯କୁ ବୃଦ୍ଧି ପାଇଛି । ସ୍ଥାନୀୟ ବୁଣାକାର ଓ ଶିଳ୍ପୀମାନେ ନିଫ୍ଟ ସହ ସଂଯୋଗ ସ୍ଥାପନ କରି ନୂତନ ବୈଷୟିକ ତତ୍ତ୍ୱ ଉପରେ ସ୍ୱତନ୍ତ୍ର ତାଲିମ ନେଉଛନ୍ତି । ଏପର୍ଯ୍ୟନ୍ତ ସମର୍ଥ ଯୋଜନାରେ ୨.୫ଲକ୍ଷ ଜନସାଧାରଣ ସାମର୍ଥ୍ୟ ବିକାଶ ଓ କୌଶଳ ବିକାଶ ତାଲିମ ନେଇଛନ୍ତି । ଏଥିରେ ଅଧିକାଂଶ ମହିଳା ଅଂଶଗ୍ରହଣ କରିସାରିଥିବାବେଳେ ପ୍ରାୟ ୧. ୭୫ ଲକ୍ଷ ଜନସାଧାରଣ ବିଭିନ୍ନ ଶିଳ୍ପ ସଂସ୍ଥାରେ ନିଯୁକ୍ତି ପାଇଛନ୍ତି ।
ପ୍ରଧାନମନ୍ତ୍ରୀ ମଧ୍ୟ ଭୋକାଲ ଫର ଲୋକାଲ ଗତି ଉପରେ ଆଲୋକପାତ କହିଥିଲେ ଯେ ଆଜି ଦେଶର ଜନସାଧାରଣଙ୍କ ଗତି ଭୋକାଲ ଫର ଲୋକାଲ ଓ ଲୋକାଲରୁ ଗ୍ଲୋବାଲ’ ଦିଗରେ ଯାଉଛି । କ୍ଷୁଦ୍ର କାରିଗରଙ୍କ ନିମନ୍ତେ ସରକାର ପ୍ରଦର୍ଶନୀ ଓ ମଲ୍ ମାନ ବିକାଶ କରୁଛନ୍ତି ।
ସକାରାତ୍ମକ, ସ୍ଥିର ଓ ଦୂରଦୃଷ୍ଟି ସମ୍ପନ୍ନ ସରକାରୀ ନୀତିର ପ୍ରଭାବ ସମ୍ପର୍କରେ ମନ୍ତବ୍ୟ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ୨୦୧୪ ମସିହାରେ ଭାରତୀୟ ବୟନ ବଜାର ସାତଲକ୍ଷ କୋଟିରୁ କମ୍ ଥିବାବେଳେ ଏବେ ତାହା ୧୨ଲକ୍ଷ କୋଟି ଟଙ୍କାରେ ପହଞ୍ଚିଛି । ବୁଣା ସୂତା, କପଡା ଓ ଲୁଗାପଟା ଉତ୍ପାଦନ ବୃଦ୍ଧି ପାଇଛି । ୩୮୦ ନୂତନ ବିଆଇଏସ ମାନକ ଏହି କ୍ଷେତ୍ରର ଗୁଣାତ୍ମକ ନିୟନ୍ତ୍ରଣ କରୁଛି । ଗତ ଦଶବର୍ଷରେ ଏ ଦିଗରେ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ ଦ୍ୱିଗୁଣିତ ହୋଇଛି ।
ଭାରତୀୟ ବୟନ କ୍ଷେତ୍ରରେ ଉଚ୍ଚ ଆଶାକୁ ନେଇ ସେ କହିଥିଲେ ଯେ ଭାରତୀୟ ବୟନ କ୍ଷେତ୍ର କୋଭିଡ ବୈଶ୍ୱିକ ମହାମାରୀ କାଳରେ ପିପିଇ କିଟ୍ ଓ ମୁଖା ତିଆରି କରିଥିଲା । ସରକାର ଓ ବୟନ କ୍ଷେତ୍ର ମିଳିମିଶି ପିପିଇ କିଟ୍ ଓ ମୁଖା ତିଆରି କରି ତାହା ସାରା ବିଶ୍ୱକୁ ଯୋଗାଇଥିଲେ । ଏହାକୁ ଆଧାର କରି ଭାରତ ଦିନେ ବିଶ୍ୱରେ ରପ୍ତାନୀ ପେଣ୍ଠ ହେବ ବୋଲି ବିଶ୍ୱାସ ପ୍ରକଟ କରିଥିଲେ । ସରକାର ଆପଣମାନଙ୍କ ପଛରେ ଅଛି ଓ ରହିବ ବୋଲି ସେ ଭାଗିଦାରମାନଙ୍କୁ ପ୍ରତିଶ୍ରୁତି ଦେଇଥିଲେ । ବିଭିନ୍ନ ଭାଗିଦାରଙ୍କ ମଧ୍ୟରେ ଉତ୍ତମ ସମନ୍ୱୟ ରହିଲେ ଏକ ବଡ ସଂକଳ୍ପ ମଧ୍ୟ ସାକାର ହୋଇପାରିବ । ପ୍ରଧାନମନ୍ତ୍ରୀ କପଡା ସହ ରସାୟନ ବିହୀନ ରଙ୍ଗୀନ ସୂତା ଗହଣା ଉତ୍ପାଦନ ପାଇଁ ଯୁକ୍ତି ବାଢିଥିଲେ । ବୟନଶିଳ୍ପ କେବଳ ଘରୋଇ ବ୍ୟବହାର ନିମନ୍ତେ ଉତ୍ପାଦନ ମାନସିକତା ଛାଡି ରପ୍ତାନୀରେ ମନୋନିବେଶ ପାଇଁ ସେ ପରାମର୍ଶ ଦେଇଥିଲେ । ସେ ଆଫ୍ରିକୀୟ ବଜାରର ନିର୍ଦ୍ଦିଷ୍ଟ ପୋଷାକ ଆବଶ୍ୟକତା ଉପରେ ମଧ୍ୟ କହିଥିଲେ ।
ଖଦୀର ପାରମ୍ପାରିକ ଚଳଣିଠାରୁ ଦୂରେଇ ଏହାକୁ ଅଧିକ ସୌଖୀନ କରାଗଲେ ତାହା ଯୁବାଗୋଷ୍ଠୀ ମଧ୍ୟରେ ଆଦୃତ ହେବ । ବୟନ କ୍ଷେତ୍ରରେ ଅଧିକ ଗବେଷଣା ଉପରେ ସେ ମତବ୍ୟକ୍ତ କରିଥିଲେ । ଯେପରି ହୀରା ଶିଳ୍ପ ବର୍ତ୍ତମାନର ସମସ୍ତ ଉପକରଣ ଭାରତରେ ତିଆରି କରୁଛି ସେପରି ବୟନ ମଧ୍ୟ ବୟନ ଉପକରଣ ତିଆରି କରିବା ଉପରେ ଗୁରୁତ୍ୱ ଆରୋପ କରିଥିଲେ ।
ସରକାର ସବୁବେଳେ କାର୍ଯ୍ୟ ତ୍ୱରାନ୍ୱିତ କରି ଜନସାଧାରଣଙ୍କ ସ୍ୱପ୍ନକୁ ସାକାର କରିବା ପାଇଁ ପ୍ରସ୍ତୁତ ଓ ସେ ଦୃଷ୍ଟିରୁ ବୈଶ୍ୱିକ ଆବଶ୍ୟକତାକୁ ଆଖି ଆଗରେ ରଖି ଶିଳ୍ପ ସଂସ୍ଥାମାନେ ନୂତନ ଦୂରଦୃଷ୍ଟି ନେଇ ଆଗେଇ ଆସିବାକୁ କହି ଶ୍ରୀ ମୋଦୀ ତାଙ୍କର ବକ୍ତବ୍ୟ ଶେଷ କରିଥିଲେ ।
କେନ୍ଦ୍ର ବାଣିଜ୍ୟ, ଶିଳ୍ପ ଓ ବୟନ ମନ୍ତ୍ରୀ ଶ୍ରୀ ପୀୟୁଷ ଗୋଏଲ ଓ କେନ୍ଦ୍ର ବୟନ ରାଷ୍ଟ୍ରମନ୍ତ୍ରୀ ଶ୍ରୀମତୀ ଦର୍ଶନା ଜାର୍ଦୋଷ ଏହି ଅବସରରେ ଉପସ୍ଥିତ ଥିଲେ ।
ଭିତ୍ତିଭୂମି :- ଭାରତ ଟେକ୍ସ-୨୦୨୪ ଫେବୃୟାରୀ ୨୬ରୁ ୨୯ ମଧ୍ୟରେ ଆୟୋଜିତ ହେଉଛି । ପ୍ରଧାନମନ୍ତ୍ରୀଙ୍କ ଫାଇଭ ଏଫ ଦୂରଦୃଷ୍ଟି ପ୍ରେରଣା ପାଇ ଏହି କାର୍ଯ୍ୟକ୍ରମ ଫାର୍ମାରୁ ବିଦେଶ ପର୍ଯ୍ୟନ୍ତ ଫାଇବର,ଫେସନ ଓ ଫେବ୍ରିକ୍ ମାଧ୍ୟମରେ ଏକତ୍ର କରୁଛି । ଏହା ଭାରତର ବୈଶ୍ୱିକ ବୟନ କ୍ଷେତ୍ରରେ ଥିବା କ୍ଷମତା ଓ ସାମର୍ଥ୍ୟକୁ ପ୍ରଦର୍ଶିତ କରିବ ।
ଏଗାରଟି ବୟନ ରପ୍ତାନୀ କାର୍ଯ୍ୟକାରୀ ପରିଷଦର ବ୍ୟାବସାୟିକ ସଂଗଠନ ଓ ସରକାରଙ୍କ ସମର୍ଥନରେ ଭାରତ ଟେକ୍ସ-୨୦୨୪ ଆୟୋଜିତ ହେଉଛି । ନିରନ୍ତର ବାଣିଜ୍ୟ ଓ ପୁଞ୍ଜିନିବେଶ ଭଳି ଦୁଇଟି ସ୍ତମ୍ଭ ଉପରେ ଏହା ଆଧାରିତ ହୋଇଥିବାବେଳେ ଏଥିରେ ବିଶ୍ୱର ବୈଶ୍ୱିକ ବିଶେଷଜ୍ଞମାନଙ୍କ ଦ୍ୱାରା୬୫ରୁ ଅଧିକ ଜ୍ଞାନ ବିନିମୟ ଅଧିବେଶନ ଚାରିଦିନ ଧରି ଚାଲିବ । ଏଥିରେ ଇଣ୍ଡିହାଟ ଭଳି ପ୍ୟାଭିଲିୟନ ମଧ୍ୟ ରହିବ ।
୩୫୦୦ରୁ ଅଧିକ ପ୍ରଦର୍ଶନୀ ଆୟୋଜକ, ୧୦୦ଟି ଦେଶରୁ ୩, ୦୦୦କ୍ରେତା ଓ ୪୦, ୦୦୦ ବ୍ୟାବସାୟିକ ପରିଦର୍ଶକ ଏଥିରେ ଯୋଗଦେବେ । ଏଥିରେ ମଧ୍ୟ ବୟନ କ୍ଷେତ୍ର ବିଦ୍ୟାର୍ଥୀ, ବୁଣାକାର, କାରିଗର ଓ ବୟନ ଶ୍ରମିକ ମଧ୍ୟ ଭାଗ ନେବେ । ଏଥିରେ ୫୦ରୁ ଅଧିକ ବୁଝାମଣା ପତ୍ର ସ୍ୱାକ୍ଷରିତ ହେବା ସହ ଅନେକ ଘୋଷଣା ମଧ୍ୟ ହେବ । ଏହା ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ସମ୍ପନ୍ନ ଆତ୍ମନିର୍ଭର ଓ ବିକଶିତ ଭାରତ ସଂକଳ୍ପକୁ ସାକାର କରିବ।
भारत टेक्स का ये सूत्र भारत के गौरवशाली इतिहास को आज की प्रतिभा से जोड़ रहा है: PM @narendramodi pic.twitter.com/BDk36HSoC2
— PMO India (@PMOIndia) February 26, 2024
विकसित भारत के निर्माण में Textile Sector का योगदान और बढ़ाने के लिए हम बहुत विस्तृत दायरे में काम कर रहे हैं: PM @narendramodi pic.twitter.com/qXwwAQlstq
— PMO India (@PMOIndia) February 26, 2024
Five Fs to strengthen India's textile sector. pic.twitter.com/E5Ta0Tw5iD
— PMO India (@PMOIndia) February 26, 2024
टेक्सटाइल के अलावा खादी ने भी, हमारे भारत की महिलाओं को नई शक्ति दी है: PM @narendramodi pic.twitter.com/bFYN9vFDPK
— PMO India (@PMOIndia) February 26, 2024
कस्तूरी कॉटन भारत की अपनी पहचान बनाने की ओर एक बड़ा कदम होने वाला है। pic.twitter.com/fwVphCLKr2
— PMO India (@PMOIndia) February 26, 2024
'Vocal for Local' and 'Local to Global.' pic.twitter.com/xHcTIbejTQ
— PMO India (@PMOIndia) February 26, 2024
