ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଲୀର ଭାରତ ମଣ୍ଡପମ୍ ଠାରେ ସମବାୟ କ୍ଷେତ୍ର ପାଇଁ ଏକାଧିକ ଗୁରୁତ୍ୱପୂର୍ଣ୍ଣ ପଦକ୍ଷେପର ଉଦ୍ଘାଟନ ଏବଂ ଶିଳାନ୍ୟାସ କରିଛନ୍ତି । ୧୧ ଟି ରାଜ୍ୟର ୧୧ଟି ପ୍ରାଥମିକ କୃଷି ଋଣ ସମିତି (ପ୍ୟାକ୍ସ)ରେ ଚାଲିଥିବା 'ସମବାୟ କ୍ଷେତ୍ରରେ ବିଶ୍ୱର ସର୍ବବୃହତ ଶସ୍ୟ ସଂରକ୍ଷଣ ଯୋଜନା' ର ପାଇଲଟ୍ ପ୍ରକଳ୍ପକୁ ପ୍ରଧାନମନ୍ତ୍ରୀ ଉଦ୍ଘାଟନ କରିଥିଲେ । ଏହି ପଦକ୍ଷେପ ଅଧୀନରେ ଗୋଦାମ ଏବଂ ଅନ୍ୟାନ୍ୟ କୃଷି ଭିତ୍ତିଭୂମି ନିର୍ମାଣ ପାଇଁ ପ୍ରଧାନମନ୍ତ୍ରୀ ସମଗ୍ର ଦେଶରେ ଅତିରିକ୍ତ ୫୦୦ଟି ପ୍ୟାକ୍ସର ଶିଳାନ୍ୟାସ କରିଥିଲେ ।
ଏହି ପଦକ୍ଷେପର ଲକ୍ଷ୍ୟ ହେଉଛି ପ୍ୟାକ୍ସ ଗୋଦାମ ଗୁଡ଼ିକୁ ଖାଦ୍ୟଶସ୍ୟ ଯୋଗାଣ ଶୃଙ୍ଖଳା ସହିତ ନିରବଚ୍ଛିନ୍ନ ଭାବରେ ଯୋଡ଼ିବା, ଖାଦ୍ୟ ନିରାପତ୍ତାକୁ ସୁଦୃଢ଼ କରିବା ଏବଂ ନାବାର୍ଡ ସମର୍ଥିତ ଏବଂ ଜାତୀୟ ସମବାୟ ଉନ୍ନୟନ ନିଗମ (ଏନସିଡିସି) ନେତୃତ୍ୱରେ ସହଯୋଗାତ୍ମକ ପ୍ରୟାସରେ ଦେଶରେ ଅର୍ଥନୈତିକ ବିକାଶକୁ ପ୍ରୋତ୍ସାହିତ କରିବା । ଏହି ପ୍ରକଳ୍ପରେ ଅଂଶଗ୍ରହଣ କରୁଥିବା ପ୍ୟାକ୍ସ ଭିତ୍ତିଭୂମି ବିକାଶ ପାଇଁ ସବସିଡି ଏବଂ ସୁଧ ରିହାତି ସୁବିଧା ପାଇବାକୁ ସକ୍ଷମ କରିବା ନିମନ୍ତେ କୃଷି ଭିତ୍ତିଭୂମି ପାଣ୍ଠି (ଏଆଇଏଫ), କୃଷି ବିପଣନ ଭିତ୍ତିଭୂମି (ଏଏମଆଇ) ଇତ୍ୟାଦି ବିଭିନ୍ନ ବିଦ୍ୟମାନ ଯୋଜନାର ସମନ୍ୱୟ ମାଧ୍ୟମରେ ଏହି ପଦକ୍ଷେପ କାର୍ଯ୍ୟକାରୀ କରାଯାଉଛି । ସମବାୟ କ୍ଷେତ୍ରର ପୁନରୁଦ୍ଧାର ପାଇଁ ଏବଂ କ୍ଷୁଦ୍ର ଓ ନାମମାତ୍ର କୃଷକମାନଙ୍କୁ ସଶକ୍ତ କରିବା ଉଦ୍ଦେଶ୍ୟରେ ସରକାରଙ୍କ "ସହକାର ସେ ସମୃଦ୍ଧି" ର ଦୃଷ୍ଟିକୋଣ ସହିତ ସମଗ୍ର ଦେଶରେ ୧୮,୦୦୦ ପ୍ୟାକ୍ସର କମ୍ପ୍ୟୁଟରୀକରଣ ପାଇଁ ପ୍ରଧାନମନ୍ତ୍ରୀ ଏକ ପ୍ରକଳ୍ପର ଶୁଭାରମ୍ଭ କରିଛନ୍ତି ।
ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ ଭାରତ ମଣ୍ଡପମ୍ ବିକଶିତ ଭାରତର ଯାତ୍ରାରେ ଆଉ ଏକ ମାଇଲଖୁଣ୍ଟ ଅର୍ଥାତ୍ 'ସହକାର ସେ ସମୃଦ୍ଧି' ଦିଗରେ ଏକ ପାଦ ଆଗକୁ ବଢୁଥିବାର ଦେଖୁଛି । କୃଷି ଓ କୃଷିର ଭିତ୍ତିଭୂମିକୁ ସୁଦୃଢ଼ କରିବାରେ ସହଯୋଗ ଶକ୍ତିର ଏକ ବଡ଼ ଭୂମିକା ରହିଛି, ତେଣୁ ଏଥିପାଇଁ ଏକ ଅଲଗା ସମବାୟ ମନ୍ତ୍ରଣାଳୟ ସୃଷ୍ଟି କରାଯାଇଛି । ଆଜି ଶୁଭାରମ୍ଭ ହୋଇଥିବା 'ସମବାୟ କ୍ଷେତ୍ରରେ ବିଶ୍ୱର ସର୍ବବୃହତ ଶସ୍ୟ ସଂରକ୍ଷଣ ଯୋଜନା' ଦ୍ୱାରା ଦେଶର କୋଣ ଅନୁକୋଣରେ ହଜାର ହଜାର ଶସ୍ୟଭଣ୍ଡାର ଓ ଗୋଦାମ ନିର୍ମାଣ ହେବ ବୋଲି ସେ କହିଛନ୍ତି । ଏହା ଏବଂ ଅନ୍ୟାନ୍ୟ ପ୍ରକଳ୍ପ ଯଥା ପ୍ୟାକ୍ସର କମ୍ପ୍ୟୁଟରୀକରଣ କୃଷିକୁ ନୂତନ ଦିଗ ଦେବ ଏବଂ ଦେଶରେ କୃଷିକୁ ଆଧୁନିକୀକରଣ କରିବ ।
ସମବାୟ ବ୍ୟବସ୍ଥା ଭାରତ ପାଇଁ ଏକ ପ୍ରାଚୀନ ଧାରଣା ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ଏକ ଧର୍ମଗ୍ରନ୍ଥରୁ ଉଦ୍ଧୃତ କରି ପ୍ରଧାନମନ୍ତ୍ରୀ କହିଥିଲେ ଯେ ଯଦି ଛୋଟ ଛୋଟ ସମ୍ବଳକୁ ଏକାଠି କରାଯାଏ ତେବେ ଏକ ବଡ଼ କାର୍ଯ୍ୟ ସମ୍ପନ୍ନ ହୋଇପାରିବ ଏବଂ ଏହି ମଡେଲ୍ ଭାରତର ଗ୍ରାମର ପ୍ରାଚୀନ ବ୍ୟବସ୍ଥାରେ ଅନୁସରଣ କରାଯାଇଥିଲା । ସମବାୟ ହେଉଛି ଭାରତର ଆତ୍ମନିର୍ଭର ସମାଜର ମୂଳଦୁଆ । ଏହା କେବଳ କୌଣସି ବ୍ୟବସ୍ଥା ନୁହେଁ, ବରଂ ଏକ ବିଶ୍ୱାସ, ଏକ ଭାବନା" ବୋଲି ପ୍ରଧାନମନ୍ତ୍ରୀ ମୋଦୀ କହିବା ସହିତ ଏହା ଉଲ୍ଲେଖ କରିଥିଲେ ଯେ ସମବାୟର ଏହି ଭାବନା କେବଳ ବ୍ୟବସ୍ଥା ଏବଂ ସମ୍ବଳର ସୀମା ଭିତରେ ନୁହେଁ ଏବଂ ଏହା ଅସାଧାରଣ ଫଳାଫଳ ପ୍ରଦାନ କରେ । ଦୈନନ୍ଦିନ ଜୀବନ ସହ ଜଡ଼ିତ ଏକ ସାଧାରଣ ବ୍ୟବସ୍ଥାକୁ ଏକ ବିରାଟ ପରିଶ୍ରମୀ ବ୍ୟବସ୍ଥାରେ ପରିଣତ କରିବାର ସମ୍ଭାବନା ଏହା ମଧ୍ୟରେ ରହିଛି ଏବଂ ଗ୍ରାମୀଣ ଓ କୃଷି ଅର୍ଥନୀତିର ପରିବର୍ତ୍ତିତ ଚେହେରା ଏହାର ପ୍ରମାଣିତ ଫଳାଫଳ ବୋଲି ସେ କହିଥିଲେ । ଏହି ନୂତନ ମନ୍ତ୍ରଣାଳୟ ଜରିଆରେ ଭାରତର କୃଷି କ୍ଷେତ୍ରର ବିଖଣ୍ଡିତ କ୍ଷମତାକୁ ଏକାଠି କରିବା ପାଇଁ ସରକାର ଲକ୍ଷ୍ୟ ରଖିଛନ୍ତି ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ।
କୃଷକ ଉତ୍ପାଦକ ସଂଗଠନ (ଏଫପିଓ) ର ଉଦାହରଣ ଦେଇ ଗ୍ରାମରେ କ୍ଷୁଦ୍ର କୃଷକମାନଙ୍କ ମଧ୍ୟରେ ବୃଦ୍ଧି ପାଉଥିବା ଉଦ୍ୟୋଗୀତା ବିଷୟରେ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ସେ କହିଛନ୍ତି ଯେ ଏକ ଅଲଗା ମନ୍ତ୍ରଣାଳୟ ଥିବାରୁ ଦେଶରେ ଧାର୍ଯ୍ୟ ହୋଇଥିବା ଲକ୍ଷ୍ୟ ୧୦,୦୦୦ ଏଫପିଓ ମଧ୍ୟରୁ ୮୦୦୦ ଏଫପିଓ କାର୍ଯ୍ୟକ୍ଷମ ହୋଇସାରିଛି । ସମବାୟ ସମିତିର ଲାଭ ଏବେ ମତ୍ସ୍ୟଜୀବୀ ଓ ପଶୁପାଳକଙ୍କ ପାଖରେ ମଧ୍ୟ ପହଞ୍ଚୁଛି । ମତ୍ସ୍ୟ କ୍ଷେତ୍ରରେ ୨୫ ହଜାରରୁ ଅଧିକ ସମବାୟ ୟୁନିଟ୍ କାର୍ଯ୍ୟକ୍ଷମ ରହିଛି । ଆଗାମୀ ବର୍ଷ ଗୁଡ଼ିକରେ ୨,୦୦,୦୦୦ ସମବାୟ ସମିତି ପ୍ରତିଷ୍ଠା ପାଇଁ ସରକାରଙ୍କ ଲକ୍ଷ୍ୟକୁ ପ୍ରଧାନମନ୍ତ୍ରୀ ଦୋହରାଇ ଥିଲେ ।
ଗୁଜରାଟର ମୁଖ୍ୟମନ୍ତ୍ରୀ ଭାବରେ ତାଙ୍କର ଅଭିଜ୍ଞତାକୁ ମନେ ପକାଇ ପ୍ରଧାନମନ୍ତ୍ରୀ ଅମୁଲ ଏବଂ ଲିଜ୍ଜତ ପାପଡ଼ର ସଫଳତାର କାହାଣୀକୁ ସମବାୟର ଶକ୍ତି ଭାବରେ ଉଲ୍ଲେଖ କରିଥିଲେ ଏବଂ ଏହି ଉଦ୍ୟୋଗ ଗୁଡ଼ିକରେ ମହିଳା ମାନଙ୍କର କେନ୍ଦ୍ରୀୟ ଭୂମିକା ଉପରେ ମଧ୍ୟ ଆଲୋକପାତ କରିଥିଲେ । ସମବାୟ କ୍ଷେତ୍ର ସହ ଜଡ଼ିତ ନୀତିରେ ସରକାର ମହିଳାମାନଙ୍କୁ ପ୍ରାଥମିକତା ଦେଇଛନ୍ତି । ବହୁ - ରାଜ୍ୟ ସମବାୟ ସମିତି ଆଇନରେ ସଂଶୋଧନ କରି ମହିଳାଙ୍କ ପାଇଁ ବୋର୍ଡ ପ୍ରତିନିଧିତ୍ୱ ସୁନିଶ୍ଚିତ କରିବାକୁ ସେ ଉଲ୍ଲେଖ କରିଥିଲେ ।
କୃଷକମାନଙ୍କ ବ୍ୟକ୍ତିଗତ ସମସ୍ୟାକୁ ସାମୂହିକ ଶକ୍ତି ମାଧ୍ୟମରେ ସୁଧାରିବା ପାଇଁ ସମବାୟ ସମିତି ଗୁଡ଼ିକର ସାମର୍ଥ୍ୟ ରହିଛି ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ଏବଂ ଶସ୍ୟ ଭଣ୍ଡାରର ଉଦାହରଣ ଦେଇଥିଲେ । ସଂରକ୍ଷଣ ଭିତ୍ତିଭୂମି ଅଭାବରୁ କୃଷକଙ୍କର ହେଉଥିବା କ୍ଷତି ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ସରକାରଙ୍କ ଦ୍ୱାରା ଆରମ୍ଭ କରାଯାଇଥିବା ବିଶ୍ୱର ସର୍ବବୃହତ ୭୦୦ ଲକ୍ଷ ମେଟ୍ରିକ୍ ଟନ୍ ଭଣ୍ଡାରଣ ଯୋଜନା ଏବଂ ୧.୨୫ ଲକ୍ଷ କୋଟି ଟଙ୍କା ବ୍ୟୟରେ ଆସନ୍ତା ୫ ବର୍ଷ ମଧ୍ୟରେ ଏହା ଶେଷ କରିବାକୁ ଦୃଷ୍ଟି ଆକର୍ଷଣ କରିଥିଲେ । ଏହା ଦ୍ୱାରା କୃଷକମାନେ ସେମାନଙ୍କ ଉତ୍ପାଦିତ ଦ୍ରବ୍ୟକୁ ନିଜ ଆବଶ୍ୟକତା ଅନୁଯାୟୀ ଠିକ୍ ସମୟରେ ସଂରକ୍ଷଣ କରି ବିକ୍ରି କରି ପାରିବେ ଏବଂ ବ୍ୟାଙ୍କରୁ ଋଣ ପାଇବାରେ ମଧ୍ୟ ଏହା ସହାୟକ ହେବ ବୋଲି ସେ କହିଛନ୍ତି ।
ପ୍ୟାକ୍ସ ଭଳି ସରକାରୀ ଅନୁଷ୍ଠାନ ପାଇଁ ଏକ ନୂତନ ଭୂମିକା ସୃଷ୍ଟି କରିବା ନିମନ୍ତେ ସରକାରଙ୍କ ପ୍ରୟାସ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ, "ଏକ ବିକଶିତ ଭାରତ ଗଠନ ପାଇଁ କୃଷି ବ୍ୟବସ୍ଥାର ଆଧୁନିକୀକରଣ ମଧ୍ୟ ସମାନ ଭାବରେ ଗୁରୁତ୍ୱପୂର୍ଣ୍ଣ " । ସେ କହିଛନ୍ତି ଯେ ଏହି କମିଟିଗୁଡିକ ଜନ ଔଷଧି କେନ୍ଦ୍ର ଭାବରେ କାର୍ଯ୍ୟ କରୁଥିବା ବେଳେ ହଜାର ହଜାର ପିଏମ କିଷାନ ସମୃଦ୍ଧି କେନ୍ଦ୍ର ମଧ୍ୟ ପରିଚାଳିତ ହେଉଛି । ପେଟ୍ରୋଲ, ଡିଜେଲ ଏବଂ ଏଲପିଜି ସିଲିଣ୍ଡର କ୍ଷେତ୍ରରେ କାର୍ଯ୍ୟ କରୁଥିବା ସମବାୟ ସମିତି ବିଷୟରେ ମଧ୍ୟ ସେ ଉଲ୍ଲେଖ କରିଥିବା ବେଳେ ପ୍ୟାକ୍ସ ମଧ୍ୟ ଅନେକ ଗ୍ରାମରେ ଜଳ ସମିତିର ଭୂମିକା ନିର୍ବାହ କରିଥାଏ ।
ଏହା ଦ୍ୱାରା ଋଣ ସମିତି ଗୁଡ଼ିକର ଉତ୍ପାଦକତା ବୃଦ୍ଧି ପାଇବା ସହ ଆୟର ନୂତନ ଉତ୍ସ ମଧ୍ୟ ସୃଷ୍ଟି ହୋଇଛି ବୋଲି ପ୍ରଧାନମନ୍ତ୍ରୀ କହିଥିଲେ । ସେ ଆହୁରି ମଧ୍ୟ କହିଥିଲେ ଯେ "ସମବାୟ ସମିତିଗୁଡ଼ିକ ବର୍ତ୍ତମାନ ଗ୍ରାମରେ ସାଧାରଣ ସେବା କେନ୍ଦ୍ର ଭାବରେ କାର୍ଯ୍ୟ କରୁଛନ୍ତି ଏବଂ ଶହ ଶହ ପ୍ରକାରର ସୁବିଧା ପ୍ରଦାନ କରୁଛନ୍ତି" । ଏହି ସେବାକୁ ବ୍ୟାପକ ସ୍ତରରେ କୃଷକମାନଙ୍କ ପାଖରେ ପହଞ୍ଚାଇବା ପାଇଁ ପ୍ରଯୁକ୍ତି ବିଦ୍ୟା ଏବଂ ଡିଜିଟାଲ ଇଣ୍ଡିଆର ସୃଷ୍ଟି ବିଷୟରେ ସେ ଉଲ୍ଲେଖ କରିଥିଲେ । ଏହା ଦ୍ୱାରା ଗାଁରେ ଯୁବକଯୁବତୀଙ୍କ ପାଇଁ ନୂଆ ନିଯୁକ୍ତି ସୁଯୋଗ ସୃଷ୍ଟି ହେବ ବୋଲି ସେ କହିଛନ୍ତି ।
ପ୍ରଧାନମନ୍ତ୍ରୀ ବିକଶିତ ଭାରତର ଯାତ୍ରାରେ ସମବାୟ ଅନୁଷ୍ଠାନର ଗୁରୁତ୍ୱ ବିଷୟରେ ଆଲୋକପାତ କରିଥିଲେ । ଆତ୍ମନିର୍ଭର ଭାରତର ଲକ୍ଷ୍ୟରେ ଯୋଗଦାନ କରିବାକୁ ସେ ସେମାନଙ୍କୁ କହିଥିଲେ । ଆତ୍ମନିର୍ଭର ଭାରତ ବିନା ବିକଶିତ ଭାରତ ସମ୍ଭବ ନୁହେଁ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ସେ ପରାମର୍ଶ ଦେଇଥିଲେ ଯେ , ସମବାୟ ସେହି ଜିନିଷ ଗୁଡ଼ିକୁ ତାଲିକାଭୁକ୍ତ କରିବା ଉଚିତ ଯାହା ପାଇଁ ଆମେ ଆମଦାନୀ ଉପରେ ନିର୍ଭର କରୁଛୁ ଏବଂ ସମବାୟ କ୍ଷେତ୍ର କିପରି ସ୍ଥାନୀୟ ସ୍ତରରେ ଉତ୍ପାଦନ କରିବାରେ ସାହାଯ୍ୟ କରିପାରିବ ତାହା ଖୋଜି ବାହାର କରିବା ଉଚିତ୍ । ସେ ଖାଇବା ତେଲକୁ ଏକ ଉତ୍ପାଦ ଭାବରେ ଉଦାହରଣ ଦେଇଥିଲେ ଯାହା ଗ୍ରହଣ କରାଯାଇପାରେ । ସେହିଭଳି ଇଥାନଲ ପାଇଁ ସମବାୟ ପ୍ରୟାସ ଶକ୍ତି ଆବଶ୍ୟକତା ପାଇଁ ତୈଳ ଆମଦାନୀ ଉପରେ ନିର୍ଭରଶୀଳତାକୁ ହ୍ରାସ କରିପାରିବ । ବିଦେଶୀ ନିର୍ଭରଶୀଳତା ହ୍ରାସ ପାଇଁ ସମବାୟ ସମିତିଗୁଡ଼ିକ ପାଇଁ ଡାଲି ହେଉଛି ଅନ୍ୟ ଏକ କ୍ଷେତ୍ର ଯାହା ସମ୍ପର୍କରେ ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ । ଅନେକ ଉତ୍ପାଦନ ସାମଗ୍ରୀ ମଧ୍ୟ ସମବାୟ ସମିତି ଦ୍ୱାରା ଗ୍ରହଣ କରାଯାଇପାରିବ ବୋଲି ସେ କହିଛନ୍ତି ।
ପ୍ରାକୃତିକ ଚାଷ ଏବଂ କୃଷକମାନଙ୍କୁ ଉର୍ଜାଦାତା (ଶକ୍ତି ପ୍ରଦାନକାରୀ) ଏବଂ ଉର୍ବରକଦାତା (ସାର ପ୍ରଦାନକାରୀ) ରେ ପରିଣତ କରିବା କ୍ଷେତ୍ରରେ ସମବାୟ ସମିତିର ଭୂମିକା ଉପରେ ମଧ୍ୟ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ସେ କହିଛନ୍ତି ଯେ ଫାର୍ମର ସୀମାରେ ଥିବା ଛାତ ଉପର ସୌରିକରଣ ବ୍ୟବସ୍ଥା ଏବଂ ସୌର ପ୍ୟାନେଲକୁ ସମବାୟ ପଦକ୍ଷେପର କ୍ଷେତ୍ର ଭାବରେ ଦେଖା ଯାଇପାରେ । ଗୋବର୍ଦ୍ଧନରେ ମଧ୍ୟ ସମାନ ହସ୍ତକ୍ଷେପ, ଜୈବ ସିଏନଜି ଉତ୍ପାଦନ, ସାର ଏବଂ ବର୍ଜ୍ୟବସ୍ତୁ ଠାରୁ ଆରମ୍ଭ କରି ସମ୍ପତ୍ତି ଉତ୍ପାଦନ ସମ୍ଭବ । ଏହା ଦ୍ୱାରା ସାର ଆମଦାନୀ ବିଲ୍ ମଧ୍ୟ ହ୍ରାସ ପାଇବ ବୋଲି ସେ କହିଛନ୍ତି । କ୍ଷୁଦ୍ର କୃଷକଙ୍କ ଉଦ୍ୟମକୁ ବିଶ୍ୱସ୍ତରୀୟ ବ୍ରାଣ୍ଡିଂରେ ଆଗେଇ ଆସିବାକୁ ସେ ସମବାୟ ସଂସ୍ଥାକୁ କହିଥିଲେ । ବିଶ୍ୱସ୍ତରରେ ଡାଇନିଂ ଟେବୁଲରେ ଶ୍ରୀ ଅନ୍ନ – ମୋଟା ଶସ୍ୟ ଉପଲବ୍ଧ କରାଇବାକୁ ସେ କହିଥିଲେ ।
ଗ୍ରାମୀଣ ଆୟ ବୃଦ୍ଧିରେ ସମବାୟର ଭୂମିକା ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ ତାଙ୍କ ନିର୍ବାଚନ ମଣ୍ଡଳୀ କାଶୀରେ ଦୁଗ୍ଧ ସମବାୟର ପ୍ରଭାବ ବିଷୟରେ ଉଲ୍ଲେଖ କରିଥିଲେ । ଗତ ୧୦ ବର୍ଷ ମଧ୍ୟରେ ମହୁ ଉତ୍ପାଦନ ୭୫ ହଜାର ମେଟ୍ରିକ୍ ଟନ୍ରୁ ୧.୫ ଲକ୍ଷ ମେଟ୍ରିକ୍ ଟନ୍କୁ ବୃଦ୍ଧି ପାଇଥିବା ବେଳେ ମହୁ ରପ୍ତାନି ୨୮ ହଜାର ମେଟ୍ରିକ୍ ଟନ୍ରୁ ୮୦ ହଜାର ମେଟ୍ରିକ୍ ଟନ୍କୁ ବୃଦ୍ଧି ପାଇଥିବାରୁ ମହୁ କ୍ଷେତ୍ରରେ ସମବାୟ ସଂସ୍ଥାଗୁଡ଼ିକ କରିଥିବା ଅଗ୍ରଗତିକୁ ସେ ଉଲ୍ଲେଖ କରିଥିଲେ । ନାଫେଡ୍, ଟ୍ରାଇଫେଡ୍ ଏବଂ ରାଜ୍ୟ ସମବାୟ ସମିତିର ଭୂମିକାକୁ ସ୍ୱୀକାର କରି ପ୍ରଧାନମନ୍ତ୍ରୀ ଏହି ସଂସ୍ଥା ଗୁଡ଼ିକର ପରିସର ବିସ୍ତାର କରିବାକୁ କହିଥିଲେ ।
ଡିଜିଟାଲ ଦେଣନେଣ ଏବଂ ପ୍ରତ୍ୟେକ୍ଷ ଲାଭ ହସ୍ତାନ୍ତରଣ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ପ୍ୟାକ୍ସ ଦ୍ୱାରା ପ୍ରତ୍ୟକ୍ଷ ଏବଂ ଡିଜିଟାଲ ଦେୟର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ । ମୃତ୍ତିକା ପରୀକ୍ଷା ପାଇଁ ଆଗେଇ ଆସିବା ସହ ମୃତ୍ତିକା ସ୍ୱାସ୍ଥ୍ୟ କାର୍ଡ ଅଭିଯାନକୁ ସଫଳ କରିବାକୁ ସେ କହିଛନ୍ତି ।
ସମବାୟ କ୍ଷେତ୍ରରେ ଯୁବକ ଓ ମହିଳା ମାନଙ୍କର ଅବଦାନ ବୃଦ୍ଧି ଦିଗରେ ପ୍ରଧାନମନ୍ତ୍ରୀ ଦୃଷ୍ଟି ଆକର୍ଷଣ କରିଥିଲେ । ସମବାୟ ସହ ଜଡ଼ିତ କୃଷକମାନଙ୍କୁ ମାଟିର ସ୍ୱାସ୍ଥ୍ୟର ବିଶ୍ଳେଷଣ କରି ସେହି ଅନୁଯାୟୀ ଉତ୍ପାଦନ କରିବାକୁ ସେ ପରାମର୍ଶ ଦେଇଥିଲେ । ଏହା ଏକ ନୂତନ ପରିବେଶ ସୃଷ୍ଟି କରିବ ଏବଂ ଏହି କ୍ଷେତ୍ରକୁ ପୁନର୍ଜୀବିତ କରିବ ବୋଲି ସେ କହିଥିଲେ । ସମବାୟ କ୍ଷେତ୍ରରେ ଦକ୍ଷତା ବିକାଶ ଏବଂ ପ୍ରଶିକ୍ଷଣ ବିଷୟରେ ସଚେତନତା ସୃଷ୍ଟି କରିବା ଉପରେ ମଧ୍ୟ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । "ପ୍ୟାକ୍ସ ଏବଂ ସମବାୟ ସମିତି ଗୁଡ଼ିକୁ ମଧ୍ୟ ପରସ୍ପର ଠାରୁ ଶିଖିବାକୁ ପଡ଼ିବ", ବୋଲି ଉଲ୍ଲେଖ କରିବା ସହିତ ଶ୍ରେଷ୍ଠ ଅଭ୍ୟାସ ବାଣ୍ଟିବା ପାଇଁ ଏକ ପୋର୍ଟାଲ, ଅନଲାଇନ୍ ପ୍ରଶିକ୍ଷଣ ପାଇଁ ଏକ ବ୍ୟବସ୍ଥା ଏବଂ ସର୍ବୋତ୍ତମ ଅଭ୍ୟାସକୁ ଆଗକୁ ନେବା ପାଇଁ ମଡ୍ୟୁଲ୍ ନିର୍ମାଣ କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ । ଆକାଂକ୍ଷୀ ଜିଲ୍ଲା କାର୍ଯ୍ୟକ୍ରମ ବିଷୟରେ ଆଲୋଚନା କରି ପ୍ରଧାନମନ୍ତ୍ରୀ ଜିଲ୍ଲାମାନଙ୍କ ମଧ୍ୟରେ ସୁସ୍ଥ ପ୍ରତିଯୋଗିତା ସୃଷ୍ଟି କରିବା ବିଷୟରେ ଉଲ୍ଲେଖ କରିଥିଲେ ଏବଂ ସମବାୟ କ୍ଷେତ୍ରରେ ସମାନ ବ୍ୟବସ୍ଥା ଗ୍ରହଣ କରିବାକୁ ପରାମର୍ଶ ଦେଇଥିଲେ । ଲୋକଙ୍କ ଆତ୍ମବିଶ୍ୱାସ ବୃଦ୍ଧି କରିବା ପାଇଁ ସମବାୟ ସଂଗଠନ ନିର୍ବାଚନରେ ସ୍ୱଚ୍ଛତା ଆଣିବା ଉପରେ ମଧ୍ୟ ସେ ଆଲୋକପାତ କରିଥିଲେ ।
ସମବାୟ ସମିତି ଗୁଡ଼ିକୁ ସମୃଦ୍ଧିର ଆଧାର କରିବା ପାଇଁ ସରକାରଙ୍କ ପ୍ରୟାସ ଉପରେ ଆଲୋକପାତ କରିବା ସହ ୧ କୋଟିରୁ ୧୦ କୋଟି ଟଙ୍କା ପର୍ଯ୍ୟନ୍ତ ଆୟ କରୁଥିବା ସମବାୟ ସମିତି ଉପରେ ସେସ୍କୁ ୧୨ ପ୍ରତିଶତରୁ ୭ ପ୍ରତିଶତକୁ ହ୍ରାସ କରିବା ବିଷୟରେ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ଫଳରେ କମିଟିଗୁଡ଼ିକ ପାଇଁ ପୁଞ୍ଜି ବୃଦ୍ଧି ପାଇବା ସହ କମ୍ପାନୀ ଭାବେ ଆଗକୁ ବଢ଼ିବା ପାଇଁ ବିଭିନ୍ନ ବାଟ ମଧ୍ୟ ଖୋଲିଛି । ସମବାୟ ସମିତି ଏବଂ କମ୍ପାନୀ ମଧ୍ୟରେ ବିକଳ୍ପ ଟିକସରେ ଭେଦଭାବ ବିଷୟରେ ସେ ଆଲୋକପାତ କରିଥିଲେ ଏବଂ ସୋସାଇଟି ଗୁଡ଼ିକ ପାଇଁ ସର୍ବନିମ୍ନ ବିକଳ୍ପ ଟିକସ ୧୮.୫ ପ୍ରତିଶତରୁ ୧୫ ପ୍ରତିଶତକୁ ହ୍ରାସ କରିବା ଦ୍ୱାରା ସମବାୟ ସମିତି ଏବଂ କମ୍ପାନୀ ମଧ୍ୟରେ ସମାନତା ପ୍ରତିଷ୍ଠା ହେବ ବୋଲି ସେ ଉଲ୍ଲେଖ କରିଥିଲେ । ଉଠାଣ ଉପରେ ଟିଡିଏସ୍ ସମସ୍ୟାର ସମାଧାନ ପାଇଁ ଉଠାଣ ସୀମାକୁ ବାର୍ଷିକ ୧ କୋଟି ଟଙ୍କାରୁ ୩ କୋଟି ଟଙ୍କାକୁ ବୃଦ୍ଧି କରିବାକୁ ମଧ୍ୟ ପ୍ରଧାନମନ୍ତ୍ରୀ କହିଥିଲେ । ବକ୍ତବ୍ୟ ଶେଷ କରି ପ୍ରଧାନମନ୍ତ୍ରୀ ବିଶ୍ୱାସ ବ୍ୟକ୍ତ କରିଥିଲେ ଯେ ସହଯୋଗ ଦିଗରେ ମିଳିତ ପ୍ରୟାସ ଦେଶର ସାମୂହିକ ଶକ୍ତି ସହିତ ବିକାଶର ସମସ୍ତ ସମ୍ଭାବନାକୁ ଉନ୍ମୁକ୍ତ କରିବ ।
ଅନ୍ୟମାନଙ୍କ ମଧ୍ୟରେ କେନ୍ଦ୍ର ଗୃହ ଓ ସମବାୟ ମନ୍ତ୍ରୀ ଶ୍ରୀ ଅମିତ ଶାହ, କେନ୍ଦ୍ର କୃଷି ମନ୍ତ୍ରୀ ଶ୍ରୀ ଅର୍ଜୁନ ମୁଣ୍ଡା ଏବଂ କେନ୍ଦ୍ର ବାଣିଜ୍ୟ ମନ୍ତ୍ରୀ ଶ୍ରୀ ପୀୟୂଷ ଗୋୟଲ ପ୍ରମୁଖ ଉପସ୍ଥିତ ଥିଲେ ।
ପୃଷ୍ଠଭୂମି
୨,୫୦୦ କୋଟି ଟଙ୍କାରୁ ଅଧିକ ଆର୍ଥିକ ବ୍ୟୟ ଅଟକଳର ଏହି ସ୍ମାରକୀ ପ୍ରକଳ୍ପକୁ ଅନୁମୋଦନ ମିଳିଛି । ଏହି ପଦକ୍ଷେପରେ ସମସ୍ତ କାର୍ଯ୍ୟକ୍ଷମ ପ୍ୟାକ୍ସକୁ ଏକ ୟୁନିଫାଇଡ୍ ଏଣ୍ଟରପ୍ରାଇଜ୍ ରିସୋର୍ସ ପ୍ଲାନିଂ (ଇଆରପି) ଆଧାରିତ ଜାତୀୟ ସଫ୍ଟୱେୟାରରେ ପରିଣତ କରିବା, ନିରବଚ୍ଛିନ୍ନ ଏକୀକରଣ ଏବଂ ସଂଯୋଗ ସୁନିଶ୍ଚିତ କରିବା ଅନ୍ତର୍ଭୁକ୍ତ । ରାଜ୍ୟ ସମବାୟ ବ୍ୟାଙ୍କ ଏବଂ ଜିଲ୍ଲା କେନ୍ଦ୍ରୀୟ ସମବାୟ ବ୍ୟାଙ୍କ ମାଧ୍ୟମରେ ଏହି ପ୍ୟାକ୍ସକୁ ନାବାର୍ଡ ସହ ସଂଯୋଗ କରି, ଏହି ପ୍ରକଳ୍ପର ଉଦ୍ଦେଶ୍ୟ ହେଉଛି ପ୍ୟାକ୍ସର ପରିଚାଳନା ଦକ୍ଷତା ଏବଂ ଶାସନକୁ ବୃଦ୍ଧି କରିବା, ଯାହା ଦ୍ୱାରା କୋଟି କୋଟି କ୍ଷୁଦ୍ର ଏବଂ ନାମମାତ୍ର କୃଷକ ଉପକୃତ ହେବେ । ନାବାର୍ଡ ଏହି ପ୍ରକଳ୍ପ ପାଇଁ ଜାତୀୟ ସ୍ତରର କମନ୍ ସଫ୍ଟୱେୟାର୍ ବିକଶିତ କରିଛି, ଯାହା ସାରା ଦେଶରେ ପ୍ୟାକ୍ସର ବିବିଧ ଆବଶ୍ୟକତାକୁ ପୂରଣ କରିବା ପାଇଁ ପ୍ରସ୍ତୁତ ହୋଇଛି । ଇଆରପି ସଫ୍ଟୱେୟାରରେ ୧୮,୦୦୦ ପ୍ୟାକ୍ସର ଅନବୋର୍ଡିଂ ସମ୍ପୂର୍ଣ୍ଣ ହୋଇଛି, ଯାହା ପ୍ରକଳ୍ପର କାର୍ଯ୍ୟକାରିତାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ।
खेती और किसानी की नींव को मजबूत करने में सहकारिता की शक्ति की बहुत बड़ी भूमिका है: PM @narendramodi pic.twitter.com/lc0ekfD9uR
— PMO India (@PMOIndia) February 24, 2024
आज हमने अपने किसानों के लिए दुनिया की सबसे बड़ी स्टोरेज स्कीम या भंडारण स्कीम शुरू की है: PM @narendramodi pic.twitter.com/9AQVp95hw0
— PMO India (@PMOIndia) February 24, 2024
सहकार, देश की अर्थव्यवस्था के, खासकर ग्रामीण और कृषि से जुड़ी अर्थव्यवस्था के कायाकल्प का एक प्रमाणिक तरीका है। pic.twitter.com/of4EfzXWYi
— PMO India (@PMOIndia) February 24, 2024
आज देश में भी डेयरी और कृषि में सहकार से किसान जुड़े हैं, उनमें करोड़ों की संख्या में महिलाएं ही हैं। pic.twitter.com/SgJTT3qKiq
— PMO India (@PMOIndia) February 24, 2024
विकसित भारत के लिए भारत की कृषि व्यवस्थाओं का आधुनिकीकरण भी उतना ही जरूरी है। pic.twitter.com/S932SO5oQO
— PMO India (@PMOIndia) February 24, 2024
आत्मनिर्भर भारत बनाए बिना, विकसित भारत बनाना संभव नहीं है। pic.twitter.com/Y0gc96x48V
— PMO India (@PMOIndia) February 24, 2024
हमें अपने मिलेट्स, यानि श्री अन्न ब्रांड को दुनिया के डाइनिंग टेबल तक पहुंचाना है: PM @narendramodi pic.twitter.com/SbhCkK1lm0
— PMO India (@PMOIndia) February 24, 2024
