ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି (07 ଜୁଲାଇ, 2018) ରାଜସ୍ଥାନର ଜୟପୁର ଗସ୍ତ କରିବେ ।
ପ୍ରଧାନମନ୍ତ୍ରୀ ଏକ ସାଧାରଣ ସଭାରେ କେନ୍ଦ୍ର ଏବଂ ରାଜସ୍ଥାନ ସରକାରଙ୍କ ଯୋଜନାରରୁ ଲାଭ ପାଇଥିବା 12ଜଣ ହିତାଧିକାରୀଙ୍କ ଅନୁଭୂତି ନେଇ ତିଆରି ହୋଇଥିବା ଦୃଶ୍ୟ-ଶ୍ରାବ୍ୟ ଉପସ୍ଥାପନାକୁ ଦେଖିବେ । ରାଜସ୍ଥାନ ମୁଖ୍ୟମନ୍ତ୍ରୀ ଶ୍ରୀମତୀ ବସୁନ୍ଧରା ରାଜେଙ୍କ ପକ୍ଷରୁ ଏହି ଉପସ୍ଥାପନା କରାଯିବାର କାର୍ଯ୍ୟକ୍ରମ ରହିଛି ।
ଯୋଜନାଗୁଡିକ ହେଲା –
- ପ୍ରଧାନମନ୍ତ୍ରୀ ଉଜ୍ଜ୍ଵଳା ଯୋଜନା
- ପ୍ରଧାନମନ୍ତ୍ରୀ ମୁଦ୍ରା ଯୋଜନା
- ପ୍ରଧାନମନ୍ତ୍ରୀ ଆବାସ ଯୋଜନା
- ସ୍କିଲ ଇଣ୍ଡିଆ
- ରାଷ୍ଟ୍ରୀୟ ଶିଶୁ ସ୍ୱାସ୍ଥ୍ୟ କାର୍ଯ୍ୟକ୍ରମ
- ମୁଖ୍ୟମନ୍ତ୍ରୀ ରାଜଶ୍ରୀ ଯୋଜନା
- ଭାମାସାହ ସ୍ୱାସ୍ଥ୍ୟ ବୀମା ଯୋଜନା
- ମୁଖ୍ୟମନ୍ତ୍ରୀ ଜଳ ସ୍ଵାବଲମ୍ବନ ଅଭିଯାନ
- ଶ୍ରମିକ କଲ୍ୟାଣ କାର୍ଡ
- ମୁଖ୍ୟମନ୍ତ୍ରୀ ପାଳନହାର ଯୋଜନା
- ଛାତ୍ର ସ୍କୁଟି ବିତରଣ ଯୋଜନା
- ଦୀନ ଦୟାଲ ବରିଷ୍ଠ ନାଗରିକ ତୀର୍ଥ ଯାତ୍ରା ଯୋଜନା
ଏହି ଅବସରରେ ପ୍ରଧାନମନ୍ତ୍ରୀ 2100 କୋଟି ଟଙ୍କା ବ୍ୟୟ ଅଟକଳରେ ନିର୍ମାଣ ହେବାକୁ ଥିବା 13 ଗୋଟି ସହରାଞ୍ଚଳ ଭିତ୍ତିଭୂମି ପ୍ରକଳ୍ପଗୁଡିକର ଆଧାରଶିଳା ରଖିବେ । ଏହା ମଧ୍ୟରୁ ପ୍ରମୁଖ ପ୍ରକଳ୍ପଗୁଡିକ ହେଲା –
- ଉଦୟପୁର ସହର ପାଇଁ ସମନ୍ଵିତ ଭିତ୍ତିଭୂମି ପେକେଜ ନିର୍ମାଣ
- ଆଜମେର ପାଇଁ ବିସ୍ତୃତ ସଡକ ପ୍ରକଳ୍ପ ନିର୍ମାଣ
- ଆଜମେର, ଭିଲୱାରା, ବିକାନୀର, ହନୁମାନଗଡ, ସିକ୍କର ଏବଂ ମାଉଣ୍ଟ ଆବୁ ଲାଗି ଜଳ ଯୋଗାଣ ଓ ଆବର୍ଜନା ପ୍ରକଳ୍ପ ନିର୍ମାଣ
- ଢୋଲପୁର, ନାଗାଉର, ଆଲୱର ଏବଂ ଯୋଧପୁର ପାଇଁ ଏସଟିପିଗୁଡିକର ଉନ୍ନତିକରଣ
- ବୁନ୍ଦି, ଆଜମେର ଓ ବିକାନୀର ଜିଲ୍ଲାରେ ପ୍ରଧାନମନ୍ତ୍ରୀ ଆବାସ ଯୋଜନା (ସହରାଞ୍ଚଳ) ଅଧୀନରେ ପ୍ରକଳ୍ପ ନିର୍ମାଣ
- କୋଟାଠାରେ ଦଶହରା ମଇଦାନର ଦ୍ଵିତୀୟ ପର୍ଯ୍ୟାୟ ନିର୍ମାଣ
ଏସବୁ ବ୍ୟତୀତ ପ୍ରଧାନମନ୍ତ୍ରୀ ଏକ ସାଧାରଣ ସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି ।
PM @narendramodi will visit Jaipur tomorrow. He will witness an audio-visual presentation of experience sharing by 12 beneficiaries of schemes of the Government of India and Government of Rajasthan. This will be moderated by CM @VasundharaBJP.
— PMO India (@PMOIndia) July 6, 2018
The Prime Minister will lay the foundation stone for thirteen urban infrastructure projects, with a total outlay of over Rs. 2100 crore. He will also address the public meeting.
— PMO India (@PMOIndia) July 6, 2018
