ସେୟାର
 
Comments

ପ୍ରାୟ 7 ଦଶନ୍ଧି ହେବ ଆମେ ସ୍ୱାଧୀନତା ଲାଭ କଲୁଣି ଏବଂ ସର୍ଦ୍ଦାର ପଟେଲ ଏକକ ଭାରତ ଗଠନ ପାଇଁ ବିଭିନ୍ନ ପ୍ରଦେଶକୁ ଏକାଠି କରିଥିଲେ । ରାଜନୈତିକ ଏକତ୍ରୀକରଣ ସମ୍ଭବ ହେଲା, ମାତ୍ର ଭାରତ ଏକକ ବଜାରରେ ପରିଣତ ହୋଇପାରିଲା ନାହିଁ । ଭାରତର ବଜାରକୁ ଏକତ୍ରୀକରଣ କରି ଆମର ଉତ୍ପାଦକ ଓ ଉପଭୋକ୍ତାମାନଙ୍କୁ ସଶକ୍ତ କରିବା ପାଇଁ ଏନଡିଏ ସରକାର କାର୍ଯ୍ୟ କରୁଛନ୍ତି । ଗୋଟିଏ ଦେଶ, ଗୋଟିଏ ବଜାରର ଅନ୍ତର୍ଦୃଷ୍ଟି ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏନଡିଏ ସରକାର ବିବିଧ ପଦକ୍ଷେପ ଗ୍ରହଣ କରିଛନ୍ତି ।

ଇ-ନାମ

କୃଷି-ବଜାର ନିୟାମକ ଦ୍ୱାରା ରାଜ୍ୟମାନଙ୍କରେ କୃଷି ବଜାରଗୁଡ଼ିକର ପରିଚାଳନା କରାଯାଏ । ଏହା ମାଧ୍ୟମରେ ରାଜ୍ୟକୁ ବିଭିନ୍ନ ବଜାର ଅଂଚଳରେ ବିଭକ୍ତ କରାଯାଇଥାଏ । ଭିନ୍ନଭିନ୍ନ କୃଷି ଉତ୍ପାଦକ ବଜାର କମିଟି (ଏପିମିସି) ଦ୍ୱାରା ଏହି ଅଂଚଳଗୁଡ଼ିକ ପରିଚାଳିତ ହୋଇଥାଏ ଏବଂ ସେମାନେ ମୂଲ୍ୟ ସହିତ ଅନ୍ୟାନ୍ୟ ବ୍ୟବସ୍ଥାକୁ ସେମାନଙ୍କ ଦ୍ୱାରା ପ୍ରଣୟନ କରାଯାଇଥିବା ନିୟମ ମାଧ୍ୟମରେ ପରିଚାଳନା କରନ୍ତି ।

ବଜାରଗୁଡ଼ିକ ବିଭିନ୍ନ ଅଂଶରେ ବିଭକ୍ତ ହେବା ଫଳରେ କୃଷିଜାତ ଦ୍ରବ୍ୟଗୁଡ଼ିକର ପ୍ରବାହରେ ବାଧା ସୃଷ୍ଟି ହୁଏ । ଏଗୁଡ଼ିକ ଗୋଟିଏ ବଜାରରୁ ଅନ୍ୟ ବଜାରକୁ ଯାଇପାରେ ନାହିଁ । ବହୁ ମଧ୍ୟବର୍ତ୍ତିକାଳୀନ ବ୍ୟକ୍ତିଙ୍କ ହାତରେ ଏହାର କାରବାର ହେତୁ ଓ ଅନେକ ମଣ୍ଡିରେ ଏହାର ମୂଲ୍ୟ ବୃଦ୍ଧି ହେତୁ ଯେକୌଣସି କୃଷିଜାତ ଦ୍ରବ୍ୟ ପାଇଁ ଉପଭୋକ୍ତାକୁ ଅଧିକ ମୂଲ୍ୟଦେବାକୁ ପଡିଥାଏ । ମାତ୍ର କୃଷକକୁ ଅଧିକ କିଛି ଲାଭ ମିଳିନଥାଏ ।

ଇ-ନାମ ଏହି ସବୁ ସମସ୍ୟାର ସମାଧାନ କରିଥାଏ । ଏହି ବ୍ୟବସ୍ଥାରେ ଅନଲାଇନ କାରବାର ଭିତ୍ତିଭୂମି ମାଧ୍ୟମରେ ଉଭୟ ରାଜ୍ୟ ଓ ଜାତୀୟସ୍ତରରେ ଏକକ ବଜାର ସୃଷ୍ଟି କରାଯିବ । ଏହାଫଳରେ ଏକକ ବଜାର ବ୍ୟବସ୍ଥା ସଠିକ ଢ଼ଙ୍ଗରେ କାର୍ଯ୍ୟକାରୀ ହେବ । କ୍ରେତା ଓ ବିକ୍ରେତାଙ୍କ ମଧ୍ୟରେ ଠିକ ଭାବେ ସୂଚନାର ପ୍ରଭାବ ହେବ ଏବଂ ଚାହିଦା ଓ ଯୋଗାଣ ବ୍ୟବସ୍ଥା ଅନୁଯାୟୀ ଦ୍ରବ୍ୟର ମୂଲ୍ୟ ସ୍ଥିର ହେବ । ତେଣୁ କିଣା ବିକା ପ୍ରକ୍ରିୟାରେ ସ୍ୱଚ୍ଛତା ରହିବ ଓ କୃଷମାନେ ମଧ୍ୟ ସେମାନଙ୍କ ଦ୍ରବ୍ୟର ବିକ୍ରି ପାଇଁ ଦେଶବ୍ୟାପୀ ବଜାରର ସୁବିଧା ନେଇପାରିବେ । ଅନଲାଇନ ମାଧ୍ୟମରେ ଉପଭୋକ୍ତା ଦେୟଦେବା ସହ ଉଚିତ ମୂଲ୍ୟରେ ଗୁଣାତ୍ମକ ଦ୍ରବ୍ୟ ପାଇପାରିବେ ।

ଜିଏସଟି

ଦେଶସାରା ବିଭିନ୍ନ ପରିମାଣରେ କର ପ୍ରଦାନ କରାଯାଇଥାଏ । ଗୋଟିଏ ଦେଶରେ କରର ପରିମାଣ ଭିନ୍ନ ଓ ଏନେଇ ନିୟମ ମଧ୍ୟ ଅଲଗା ଅଲଗା । ଅନେକ ସମୟରେ ଉତ୍ପାଦକ ଓ ଉପଭୋକ୍ତାଙ୍କୁ ଅଧିକ କର ଦେବାକୁ ପଡିଥାଏ । ମାତ୍ର ଜିଏସଟି ଆସିବା ପରେ ଏସବୁରେ ପରିବର୍ତ୍ତନ ଦେଖାଦେବ । ଜିଏସଟି ଫଳରେ ସମଗ୍ର ଦେଶରେ କରର ପରିଣାମ ସମାନ ହେବ ।

ଉତ୍ପାଦକଠାରୁ ଉପଭୋକ୍ତା ଯାଏ ଏକ ଦ୍ରବ୍ୟ ପହଂଚିବା ପର୍ଯ୍ୟନ୍ତ ଏହାର ଯୋଗାଣ ଉପରୁ ଜିଏସଟି ମାଧ୍ୟମରେ ଗୋଟିଏ ଥର କର ଆଦାୟ କରାଯିବ । କେବଳ ଗୁଣାତ୍ମକ ମାନ ବୃଦ୍ଧି କ୍ଷେତ୍ରରେ ଅଧିକ କର ଦେବାକୁ ପଡିବ । ଦେଶବ୍ୟାପୀ ସିଧାସଳଖ ଆଦାୟ ହେଉନଥିବା କର ପରିଣାମ ଓ ଏହାର ବ୍ୟବସ୍ଥା ଦେଶ ସାରା ସମାନ ରହିବା ନେଇ ଜିଏସଟି ନିଶ୍ଚିତ କରିବ । ଏହାଫଳରେ ସ୍ଥିରତା ବୃଦ୍ଧିହେବ ଓ ବ୍ୟବସାୟ କରିବା ମଧ୍ୟ ସହଜ ହେବ । ଜିଏସଟିରେ ମୁଖ୍ୟ କେନ୍ଦ୍ରୀୟ କର ଓ ରାଜ୍ୟ କର ମିଶାଯିବା ଦ୍ୱାରା ଆଂଚଳିକ ସ୍ତରରେ ଉତ୍ପାଦିତ ଦ୍ରବ୍ୟ ଓ ସେବାର ମୂଲ୍ୟ ହ୍ରାସ ଘଟିବ । ଏହାଫଳରେ ଆନ୍ତର୍ଜାତିକ ବଜାରରେ ଭାରତୀୟ ଦ୍ରବ୍ୟ ଓ ସେବାର ପ୍ରତିଦ୍ୱନ୍ଦ୍ୱିତା ସାମର୍ଥ୍ୟ ବୃଦ୍ଧିପାଇବ ଓ ଏହା ଭାରତୀୟ ରପ୍ତାନୀକୁ ଶକ୍ତି ଦେବ । ସାମର୍ଥ୍ୟ ବୃଦ୍ଧିପାଇବା ଦ୍ୱାରା ଏବଂ ଛିଦ୍ର କମିଯିବା ଫଳରେ ଅଧକାଂଶ ଦ୍ରବ୍ୟ ଉପରୁ ଟିକସ ବୋଝ ହ୍ରାସପାଇବ ଏବଂ ଏହାଦ୍ୱାରା ଉପଭୋକ୍ତାମାନେ ଲାଭ ପାଇବେ ।

ଗୋଟିଏ ଦେଶ, ଗୋଟିଏ ଗ୍ରୀଡ୍, ଗୋଟିଏ ମୂଲ୍ୟ

ଭାରତରେ ବିଦ୍ୟୁତ ପରିବହନର ସାମର୍ଥ୍ୟ ଯଥେଷ୍ଟ ନୁହେଁ ଏବଂ ଏହାକୁ ସମାନ ଭାବେ ବଂଟନ କରାଯାଇ ପାରେ ନାହିଁ । ଏହାଫଳରେ ବଳକା ରାଜ୍ୟରୁ ନିଅଣ୍ଟିଆ ରାଜ୍ୟକୁ ଶକ୍ତିର ଯୋଗାଇରେ ଅନେକ ସମସ୍ୟା ଦେଖାଦେଇଥାଏ । ପ୍ରବଳ ଖରା ସମୟରେ ଦକ୍ଷିଣ ଭାରତୀୟ ରାଜ୍ୟଗୁଡ଼ିକରେ ସରବରାହ ଲାଇନଗୁଡ଼ିକରେ ଚାପ ପଡୁଥିବାରୁ ବିଦ୍ୟୁତ ଶକ୍ତି କମ୍ ମିଳିଥାଏ । ତେଣୁ ଏଠାରେ ବିଦ୍ୟୁତ ମୂଲ୍ୟ ଦୁଇଗୁଣ ବୃଦ୍ଧିପାଇଥାଏ । ଏନଡିଏ ସରକାର ଉପଲବ୍ଧ ପରିବହନ କ୍ଷମତା(ଏଟିସି)କୁ ଆନୁମାନିକ ଭାବେ ଶତକଡା 71 ପ୍ରତିଶତ ବୃଦ୍ଧି କରିଛନ୍ତି । 2013-14ରେ ଏହା 3450 ମେଗାୱାଟ ଥିବାବେଳେ ବର୍ତ୍ତମାନ 5,900 ମେଗାୱାଟରେ ପହଂଚିଛି । ଏହାଫଳରେ ବିଦ୍ୟୁତ ଦେୟ ଅନେକ ପରିମାଣରେ କମିଯାଇଛି ।

ମୋବାଇଲ ଆପ୍ “ବିଦ୍ୟୁତପ୍ରବାହ” ମାଧ୍ୟମରେ ଗ୍ରୀଡରେ ଉପଲବ୍ଧ ବଳକା ବିଦ୍ୟୁତ ଓ ଏହାର ମୂଲ୍ୟ ସମ୍ବନ୍ଧରେ ଜନସାଧାରରଙ୍କୁ ସୂଚନା ପ୍ରଦାନ କରାଯାଉଛି । ବିଭିନ୍ନ ରାଜ୍ୟ ଦ୍ୱାରା କେତେ ପରିମାଣର ବିଦ୍ୟୁତ କିଣାଯାଉଛି ଓ ଉକ୍ତ ରାଜ୍ୟଗୁଡ଼ିକ ସେମାନଙ୍କ ନିଅଂଟ ବିଷୟରେ ଘୋଷଣା କରୁଛନ୍ତି କି ନାହିଁ ସେ ସୂଚନା ମଧ୍ୟ ଉକ୍ତ ଆପ୍ ପ୍ରଦାନ କରୁଛି । ବିଦ୍ୟତପ୍ରବାହ ଆପ୍ ଦ୍ୱାରା ଆମେ ଜାଣିପାରୁଛୁ ଯେ ଅଧିକାଂଶ ସମୟରେ ଦେଶବ୍ୟାପୀ ବିଦ୍ୟୁତର ମୂଲ୍ୟ ସମାନ ରହୁଛି । ସରକାର ଗ୍ରହଣ କରିଥିବା ବିବିଧ ପଦକ୍ଷେପ ଏହିପରି ଫଳପ୍ରସୁ ହୋଇପାରିଛି ।

ବିଦ୍ୟୁତ ପରିବହନ ସାମର୍ଥ୍ୟରେ ବୃଦ୍ଧି ଘଟିବା ଫଳରେ ଅନେକ ରାଜ୍ୟ ଜାତୀୟ ଗ୍ରୀଡରୁ ସେମାନଙ୍କ ଆବଶ୍ୟକତା ଅନୁସାରେ ବିଦ୍ୟୁତ ଶକ୍ତି କ୍ରୟ କରିବା ସମ୍ଭବ ହୋଇପାରିଛି । ବଂଟନକାରୀ କମ୍ପାନୀ (ଡିସକମ୍) ମାଧ୍ୟମରେ ସ୍ୱଳ୍ପମିଆଦୀ ଭିତ୍ତିରେ ବିଦ୍ୟୁତ କିଣିବା ପାଇଁ ସରକାର “ଡିଇଇପିଇ ବିଡିଂ ଏଣ୍ଡ ଇ-ରିଭର୍ସ ଅକ୍ସନ ପୋର୍ଟାଲ” ଆରମ୍ଭ କରିଛନ୍ତି । ଏହିପରି ପ୍ରତିଦ୍ୱନ୍ଦ୍ୱିତାମୂଳକ ବ୍ୟବସ୍ଥା ଦ୍ୱାରା ଦ୍ରବ୍ୟର ମୂଲ୍ୟ ହ୍ରାସପାଇଛି ଓ ଫଳରେ ଉପଭୋକ୍ତାମାନଙ୍କୁ ଏହାର ଲାଭ ମିଳିଛି ।

ୟୁଏଏନ

ଆଗରୁ ଜଣେ ଯେତବେଳେ କୌଣସି ଚାକିରିରେ ଯୋଗଦେଉଥିଲେ, ସେତବେଳେ ତା’ର ନିଯୁକ୍ତିଦାତା ତା’ ପାଇଁ ଏକ ଇପିଏଫ ଏକାଉଂଟ ଖୋଲୁଥିଲେ ଏବଂ ଏଥିରେ ତା’ର ଭବିଷ୍ୟନିଧି ଅର୍ଥ ଜମା ହେଉଥିଲା । ସେହି ବ୍ୟକ୍ତି ଚାକିରି ଛାଡି ଆଉ କେଉଁଠାରେ ଯୋଗଦେଲେ ପୁଣି ଏକ ନୂଆ ଇପିଏଫ ଏକାଉଂଟ ଖୋଲାଯାଉଥିଲା । ଏହାଫଳରେ କାରବାର ଜନିତ ଖର୍ଚ୍ଚ ବୃଦ୍ଧି ଓ ଏକାଧିକ ଫର୍ମ ପୁରଣ କରିବାକୁ କେବଳ ପଡୁନଥିଲା, ମାତ୍ର ଏହାର ବୈଧତା ପାଇଁ ପୂର୍ବ ନୁଯୁକ୍ତିଦାତାଙ୍କ ଉପରେ ମଧ୍ୟ ନିର୍ଭର କରିବାକୁ ପଡୁଥିଲା । ମାତ୍ର ୟୁଏଏନର ପ୍ରଚଳନ ଫଳରେ କର୍ମଚାରୀର କାରବାର ସହିତ ନୁଯୁକ୍ତିଦାତାର କୌଣସି ସମ୍ପର୍କ ରହିବ ନାହିଁ ଏବଂ ଇପିଏଫ ତଥା ନିଯୁକ୍ତିଦାତାଙ୍କ ମଧ୍ୟରେ ସିଧାସଳଖ ସମ୍ପର୍କ ରହିବ । କର୍ମଚାରୀର ଜୀବନ ସାରା ୟୁଏଏନ ସ୍ଥିର,ଏକ ରହେ ଓ ଭବିଷ୍ୟନିଧି ଅର୍ଥରାଶି ଏହି ୟୁଏଏନ ସହିତ ସଂଯୁକ୍ତ ରହେ । ଏହାଫଳରେ ଟଙ୍କା ଉଠେଇବା ସହଜ ହୋଇଥାଏ । ଭାରତୀୟ ବଜାରକୁ ଏକତ୍ର ସଂଯୁକ୍ତ କରିବାରେ ଓ ନାଗରିକମାନଙ୍କ ଜୀବନ ସହଜ କରିବାରେ ଏହି ପଦକ୍ଷେପ ଏକ ବଡ ଭୂମିକା ଗ୍ରହଣ କରିବ ।

ଦାନ
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
BHIM UPI goes international; QR code-based payments demonstrated at Singapore FinTech Festival

Media Coverage

BHIM UPI goes international; QR code-based payments demonstrated at Singapore FinTech Festival
...

Nm on the go

Always be the first to hear from the PM. Get the App Now!
...
PM Modi Adorns Colours of North East
March 22, 2019
ସେୟାର
 
Comments

The scenic North East with its bountiful natural endowments, diverse culture and enterprising people is brimming with possibilities. Realising the region’s potential, the Modi government has been infusing a new vigour in the development of the seven sister states.

Citing ‘tyranny of distance’ as the reason for its isolation, its development was pushed to the background. However, taking a complete departure from the past, the Modi government has not only brought the focus back on the region but has, in fact, made it a priority area.

The rich cultural capital of the north east has been brought in focus by PM Modi. The manner in which he dons different headgears during his visits to the region ensures that the cultural significance of the region is highlighted. Here are some of the different headgears PM Modi has carried during his visits to India’s north east!