ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି ଅର୍ଥନୈତିକ ବ୍ୟାପାର କ୍ୟାବିନେଟ କମିଟି ଅରୁଣାଚଳ ପ୍ରଦେଶର ଶି ୟୋମି ଜିଲ୍ଲାରେ ଟାଟୋ-II ଜଳ ବିଦ୍ୟୁତ୍ ପ୍ରକଳ୍ପ (ଏଚଇପି) ନିର୍ମାଣ ପାଇଁ 8146.21 କୋଟି ଟଙ୍କା ନିବେଶକୁ ଅନୁମୋଦନ କରିଛି। ପ୍ରକଳ୍ପର ଆନୁମାନିକ ସମାପ୍ତି ଅବଧି 72 ମାସ।
700 ଏମଡବ୍ଲୁ (4 x 175 ଏମଡବ୍ଲୁ ) ସ୍ଥାପିତ କ୍ଷମତା ବିଶିଷ୍ଟ ଏହି ପ୍ରକଳ୍ପ 2738.06 ଏମୟୁ ଶକ୍ତି ଉତ୍ପାଦନ କରିବ। ପ୍ରକଳ୍ପରୁ ଉତ୍ପାଦିତ ବିଦ୍ୟୁତ୍ ଅରୁଣାଚଳ ପ୍ରଦେଶ ରାଜ୍ୟରେ ବିଦ୍ୟୁତ୍ ଯୋଗାଣ ସ୍ଥିତିକୁ ଉନ୍ନତ କରିବାରେ ସାହାଯ୍ୟ କରିବ ଏବଂ ଜାତୀୟ ଗ୍ରୀଡ୍ ସନ୍ତୁଳନରେ ମଧ୍ୟ ସାହାଯ୍ୟ କରିବ।
ଏହି ପ୍ରକଳ୍ପଟି ଉତ୍ତର ପୂର୍ବ ବିଦ୍ୟୁତ୍ ଶକ୍ତି ନିଗମ ଲିମିଟେଡ୍ (ଏନଇଇପିସିଓ) ଏବଂ ଅରୁଣାଚଳ ପ୍ରଦେଶ ସରକାରଙ୍କ ମଧ୍ୟରେ ଏକ ଯୌଥ ଉଦ୍ୟୋଗ କମ୍ପାନୀ ମାଧ୍ୟମରେ କାର୍ଯ୍ୟକାରୀ କରାଯିବ। ଭାରତ ସରକାର ରାଜ୍ୟର ଇକ୍ୱିଟି ଅଂଶ ପାଇଁ 436.13 କୋଟି ଟଙ୍କାର କେନ୍ଦ୍ରୀୟ ଆର୍ଥିକ ସହାୟତା ସହିତ ସଶକ୍ତ ଭିତ୍ତିଭୂମି ଅଧୀନରେ ରାସ୍ତା, ସେତୁ ଏବଂ ସଂଲଗ୍ନ ପରିବହନ ଲାଇନ ନିର୍ମାଣ ପାଇଁ ବଜେଟ ସହାୟତା ଭାବରେ 458.79 କୋଟି ଟଙ୍କା ପ୍ରଦାନ କରିବେ।
ରାଜ୍ୟକୁ 12% ମାଗଣା ବିଦ୍ୟୁତ୍ ଏବଂ ସ୍ଥାନୀୟ କ୍ଷେତ୍ର ବିକାଶ ପାଣ୍ଠି (ଏଲଏଡିଏଫ) ପାଇଁ ଆଉ 1% ଲାଭ ମିଳିବ, ଏହା ସହିତ ଏହି ଅଞ୍ଚଳର ଗୁରୁତ୍ୱପୂର୍ଣ୍ଣ ଭିତ୍ତିଭୂମି ଉନ୍ନତି ଏବଂ ସାମାଜିକ-ଆର୍ଥିକ ବିକାଶ ମଧ୍ୟ ତ୍ୱରାନ୍ୱିତ ହେବ।
ଏହି ପ୍ରକଳ୍ପ ଆତ୍ମନିର୍ଭର ଭାରତ ଅଭିଯାନର ଲକ୍ଷ୍ୟ ଏବଂ ଉଦ୍ଦେଶ୍ୟ ସହିତ ସମନ୍ୱିତ, ସ୍ଥାନୀୟ ଯୋଗାଣକାରୀ /ଉଦ୍ୟୋଗ/ ଏମଏସଏମଇ ଗୁଡ଼ିକୁ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ସୁଯୋଗ ସମେତ ବିଭିନ୍ନ ଲାଭ ପ୍ରଦାନ କରିବ।
ଏହି ପ୍ରକଳ୍ପ ପାଇଁ ପ୍ରାୟ 32.88 କିଲୋମିଟର ରାସ୍ତା ଏବଂ ସେତୁର ବିକାଶ ସମେତ ଭିତ୍ତିଭୂମିରେ ଉଲ୍ଲେଖନୀୟ ଉନ୍ନତି ହେବ, ଯାହା ପ୍ରାୟତଃ ସ୍ଥାନୀୟ ବ୍ୟବହାର ପାଇଁ ଉପଲବ୍ଧ ହେବ। ଜିଲ୍ଲାକୁ 20 କୋଟି ଟଙ୍କାର ସମର୍ପିତ ପ୍ରକଳ୍ପ ପାଣ୍ଠିରୁ ଆର୍ଥିକ ସହାୟତା ଯୋଗାଇ ଦିଆଯିବା ସହିତ ହସ୍ପିଟାଲ, ସ୍କୁଲ, ବଜାର, ଖେଳପଡ଼ିଆ ଭଳି ଅତ୍ୟାବଶ୍ୟକ ଭିତ୍ତିଭୂମି ନିର୍ମାଣରୁ ମଧ୍ୟ ଲାଭ ମିଳିବ। ସ୍ଥାନୀୟ ଜନସାଧାରଣ ମଧ୍ୟ ବିଭିନ୍ନ ପ୍ରକାରର କ୍ଷତିପୂରଣ, ନିଯୁକ୍ତି ଏବଂ ସିଏସଆର କାର୍ଯ୍ୟକଳାପରୁ ଉପକୃତ ହେବେ।
Congratulations to my sisters and brothers of Arunachal Pradesh on the Cabinet approval for funding the Tato-II Hydro Electric Project (HEP) in Shi Yomi District. This is a vital project and will benefit the state's growth trajectory. https://t.co/4YIJJjQqjt
— Narendra Modi (@narendramodi) August 12, 2025
