पंतप्रधानांनी महिला सक्षमीकरणाला सरकारी योजना आणि उपक्रमांचे मुख्य प्राधान्य असल्याचे अधोरेखित केले
पंतप्रधान म्हणाले की, भारताच्या नारी शक्तीची उपलब्धी आणि आकांक्षा विकसित भारताकडे जाणाऱ्या देशाच्या प्रवासाला मार्गदर्शन करत राहतील
पंतप्रधान नरेंद्र मोदी यांनी आंतरराष्ट्रीय महिला दिनानिमित्त देशाला शुभेच्छा दिल्या आणि भारताच्या नारी शक्तीची शक्ती, जिद्द आणि यशाचा गौरव केला.
पंतप्रधानांनी देशभरातील महिलांना शुभेच्छा दिल्या आणि भारताच्या प्रगतीला आकार देण्यात त्यांच्या वाढत्या भूमिकेचा उल्लेख केला. ते म्हणाले की, प्रत्येक क्षेत्रात महिला जिद्द, सर्जनशीलता आणि अतुलनीय उत्साहाने योगदान देत आहेत आणि त्यांची उपलब्धी देशाला प्रेरणा देत असून विकसित भारत घडवण्याचा सामूहिक संकल्प अधिक दृढ करत आहे.
महिलांच्या नेतृत्वाखालील विकासाप्रती सरकारच्या वचनबद्धतेवर भर देताना पंतप्रधानांनी नमूद केले की, महिलांचे सक्षमीकरण हे सरकारच्या अनेक योजना आणि उपक्रमांच्या केंद्रस्थानी आहे. प्रत्येक महिलेला तिची पूर्ण क्षमता ओळखता यावी आणि भारताच्या विकास प्रवासात योगदान देता यावे यासाठी संधी निर्माण करण्यास सरकार वचनबद्ध असल्याचे त्यांनी पुन्हा एकदा सांगितले.
पंतप्रधानांनी पुढे नमूद केले की, भारताच्या नारी शक्तीचे यश हे देशासाठी अभिमानास्पद असून राष्ट्र उभारणीत महिलांनी बजावलेल्या परिवर्तनात्मक भूमिकेची ती एक शक्तिशाली आठवण आहे. ते पुढे म्हणाले की, जसा भारत प्रगती करेल, तशा महिलांच्या आकांक्षा आणि योगदान एका मजबूत आणि समृद्ध राष्ट्राकडे जाणाऱ्या आपल्या सामूहिक प्रवासाला मार्गदर्शन करत राहतील.
मोदी यांनी गेल्या दशकात तळागाळातील महिलांचे जीवन कसे बदलले आहे याची एक झलक देखील सामायिक केली आणि देशभरातील महिला सक्षमीकरणासाठी राबवलेल्या उपक्रमांच्या प्रभावावर प्रकाश टाकला.
सामाजिक संपर्क माध्यम X वरील संदेशांच्या मालिकेत मोदी म्हणाले;
“आंतरराष्ट्रीय महिला दिनानिमित्त, मी आपल्या सर्व नारी शक्तींना शुभेच्छा देतो.
प्रत्येक क्षेत्रात, महिला जिद्द, सर्जनशीलता आणि अतुलनीय उत्साहाने भारताच्या प्रगतीला आकार देत आहेत. त्यांची उपलब्धी आपल्या देशाला प्रेरणा देते आणि विकसित भारत घडवण्याचा आपला सामूहिक संकल्प दृढ करते.
महिला सक्षमीकरण हे आपल्या विविध योजना आणि उपक्रमांच्या केंद्रस्थानी आहे. प्रत्येक महिलेला तिची पूर्ण क्षमता ओळखण्यासाठी आणि भारताच्या विकास प्रवासात योगदान देण्यासाठी संधी निर्माण करण्यास आपण वचनबद्ध आहोत.
#NayeBharatKiNariShakti”
On International Women’s Day, I extend my greetings to all our Nari Shakti.
— Narendra Modi (@narendramodi) March 8, 2026
Across every field, women are shaping India’s progress with determination, creativity and unmatched zeal. Their achievements inspire our nation and strengthen our collective resolve to build a Viksit… https://t.co/iFLHVrtHnk
“भारताच्या नारी शक्तीची उपलब्धी ही अभिमानाचा स्रोत आणि राष्ट्र उभारणीतील परिवर्तनात्मक भूमिकेची एक शक्तिशाली आठवण आहे. जसजशी भारताची अधिक प्रगती होईल, तसतसे महिलांच्या आकांक्षा आणि योगदान एका मजबूत आणि समृद्ध राष्ट्राकडे जाणाऱ्या आपल्या सामूहिक प्रवासाला मार्गदर्शन करत राहतील.
#NayeBharatKiNariShakti”
The achievements of India’s Nari Shakti are a source of pride and a powerful reminder of the transformative role in nation building. As India progresses further, the aspirations and contributions of women will continue to guide our collective journey towards a strong and… https://t.co/81oxSfAKMo
— Narendra Modi (@narendramodi) March 8, 2026
“गेल्या दशकात तळागाळातील महिलांचे जीवन कसे बदलले आहे याची एक झलक...
#NayeBharatKiNariShakti”
A glimpse of how the lives of women have been transformed at the grassroots over the past decade…#NayeBharatKiNariShakti https://t.co/XMLN2ZxwgL
— Narendra Modi (@narendramodi) March 8, 2026
