প্রধান মন্ত্রী শ্রী নরেন্দ্র মোদীনা ভারতকী খ্বাইদগী শাংনা লেপ্তনা মীখল তৌদুনা মীয়াম্না খল্লবা প্রধান মন্ত্রী ওইরকপদা মালেমগী লুচিংবশিংনা নুংঙাইবা ফোংদোক্নখ্রে। মালেমগী লুচিংবশিংনা প্রধান মন্ত্রীগী অহোংবা কয়া পুরকখিবা লৈঙাক্লোন, গ্লোবেল সাউথকীদমক মহাক্কী পাউতাকশিং, অমসুং পুম্নমকপু কোনশিনবা অমসুং শেন্মিৎলোন্দা মশক থোকপা ভারত অমগী মহাক্কী মঙলান্দা ইকাই খুম্নবা উৎনখি।
H.E. শ্রী লঙ্কাগী রাস্ত্রপতি, অনুরা কুমার দিসানায়াকানা ২০২৬কী জুন ৮দা প্রধান মন্ত্রীদা ইখিবা চিথী অমদা, শ্রী লঙ্কাগী সরকার অমসুং মীয়ামগী মফমদগী থাগৎপা ফোংদোকখি। মহাক্না হায়খি: "মসিগী মায় পাকপা অসি অদোম্না চহি শাংনা লোইশঙ পায়রকপগী খুদম অমা ওইবতা নত্তনা, মালেমগী খ্বাইদগী চাউবা গনতন্ত্র অসিগী মীয়াম্না অদোমগী লুচিংবদা হন্না-হন্না থাজবা থম্বা অদুগী খুদম অমসু ওইরি।" ভারতকী শেনমিৎলোন অমসুং খুন্নাইগী অচেৎপা অহোংবা লাকপা অদুসু রাস্ত্রপতিনা পনখি। মহাক্না হায়খি মদুদি প্রধান মন্ত্রী মোদীগী মীৎয়েং অসিনা শ্রী লঙ্কা য়াওনা ভারতকী ঙমখৈ ৱাংমদা লৈবা মীওই কয়াদা ইথিল পীরি। প্রধান মন্ত্রী মোদীনা ২০২৫গী এপ্রিল ৪দগী ৬ ফাওবা শ্রী লঙ্কাদা চৎখি। মহাক্কী মরিশুবা খোঙচৎ অদুদা মহাকপু মীত্রা বিভুশন পীখি। খোঙচৎ অসিনা ভারতকী য়ুম্লোন্নবনা হান্না হায়বা পোলিসীবু অমুক্কা হন্না চেৎশিলহনখি। ২০২২দা শ্রীলঙ্কাগী শেন্মিৎলোনগী অৱাবা তাবা মতমদা ভারতনা পীখিবা মরুওইবা তেংবাং য়াওনা শ্রীলঙ্কা অসি ভারতকী অচেৎপা মপাং ওইবগা লোইননা খ্বাইদগী নক্নবা কান্নবা ফংলবশিংগী মরক্তা অমা ওইরি।
হিস এক্সিলেন্সী পপুৱা ন্যু গিনিগী প্রধান মন্ত্রী জেমস মারাপেনা মহাক্কী ওইবা ভিদিও মেসেজ অমদা প্রধান মন্ত্রী মোদীবু "রোল মোদেল অমসুং লুচিংবগী খুদম অমা" হায়না শিংথাখি। মহাক্না মখা তারদুনা হায়খি - ঙসি মীওই মিলিয়ন ২০০গী মথক্তা লাইরবদগী কোকহন্দুনা অফবা পুন্সি মহিং অমদা পুখৎলকপা অসি থোইদোক হেন্দোকপা থৌনা অমনি। প্রধান মন্ত্রী মারাপেনা পপুৱা ন্যু গিনিগী নুংশিজরবা মরূপ ওইবগী অমসুং লৈবাক অনিগী মরক্তা লৈনরিবা মরী অসি হেন্না চেৎশিলহন্নবগী অপাম্বা ফোঙদোকখি। প্রধান মন্ত্রী মোদীনা ২০২৩গী মে থাদা পপুৱা ন্যু গিনিদা চৎখিবা পুৱারী ওইরবা খোঙচৎ অসি, ভারতকী প্রধান মন্ত্রী অমগীদি অহানবা খোঙচৎনি। মসিনা ভারত অমসুং পেসিফিক ইথৎশিংগী কোওপরেসনগী অহুমশুবা ফোরম (এফ.আই.পি.আই.সি. খোঙচৎ অসিনা গ্লোবেল সাউথকী অচেৎপা পার্তনর অমা ওইনা ভারতকী থৌদাং অদু ময়েক শেংলে।
হিস এক্সিলেন্সী ত্রিনিদাদ অমসুং তোবেগোগী প্রধান মন্ত্রী কমলা পর্সাদ-বিসেসরনা থৌরম অসিদা প্রধান মন্ত্রী মোদীবু থাগৎপা ফোংদোকখি। মহাক্না হায়খি মদুদি "প্রধান মন্ত্রী মোদীগী লুচিং মখাদা, ভারতনা মালেমগী ওইবা ৱাফমশিংদা মকোক থোংবা ৱাঙাং অমা ওইরক্লি।" মহাক্না প্রধান মন্ত্রী মোদীগী অপীকপা হৌরকপদগী হৌরগা তর্ম অহুমগী মনুংদা মীওই বিল্লিয়ন ১.৪গী লৈবাক অমা লুচিংবা ফাওবগী খোঙচৎ অদু পনখি অমসুং ফোরেন পোলিসী, ইকোনোমিক গ্রোথ, ইনফ্রাস্ত্রকচর অমসুং সোসিও-ইকোনোমিক দিবেলপমেন্তদা ভারতকী মশক থোকপা মাইপাকপশিং অদু পনখি। ২০২৫গী জুলাই ৩-৪দা প্রধান মন্ত্রী মোদীনা ত্রিনিদাদ অমসুং তোবেগোদা মীকোক থোংবা খোঙচৎ অমা চৎখি। মসি চহি ২৬গী মনুংদা ভারতকী প্রধান মন্ত্রী অমনা অহানবা ওইনা লৈবাক অনিগী মরক্তা চৎখিবা খোঙচৎনি।
