জন ঔশধিগী কান্নবা ফংলবা অমগা ৱারী শানবা মতমদা প্রধান মন্ত্রী মোদীগী পুক্নীং নৌরকখি। 2011দগী শোইনাইরক্লবী, দেহরাদুন্দগী কান্নবা ফংলবী নুপী, দীপ শাহনা প্রধান মন্ত্রী মোদীগা ৱারী শানবা মতমদা মহাকপু লাই ওইনা লৌজৈ হায়না ফোংদোরকখি। মহাক্না প্রধান মন্ত্রী মোদীবু জন ঔশধি য়োজনাগীদমক থাগৎপা ফোংদোকখি অমসুং হায়খি, “ঐ লাই উজদ্রি, অদুবু অদোমদা লাই অদু উবা ফংজরে।”
প্রধান মন্ত্রী মোদীদা থাগৎপা ফোংদোক্লদুনা মহাক্না হায়খি, “অদোমগী খোঞ্জেল তাজবা অমদি অদোমগী থৌজালদগী, ঐ নাবা ফরক্লি অমসুং ৱা ঙাংবা ঙমজরে।” মহাক্কী মতেং পাংবীখিবা উত্তরাখন্দগী মুখ্য মন্ত্রী ত্রিভেন্দ্র সিংহ রাৱৎ অমসুং অতৈ মীওইশিংবুসু থাগৎখি।
মহাক্না প্রধান মন্ত্রীদা করম্না জন ঔশধি স্কিমদগী থা খুদিংগী চাউরাক্না লুপা 3,500 তুংশিনবা ঙম্লজরবগে হায়বদুসু ফোংদোকখি।
প্রধান মন্ত্রী মোদীনা মহাক্কী থৌনা অদুগীদমক থাগৎপা ফোংদোকখি অমসুং হায়খি, “অদোমনা অদোমগী পাঙ্গল-থৌনানা অনাববু মাইথিবা পীরে। অদোমগী থৌনা অদুমক অদোমগী ঈশ্বরনি অমসুং ৱাফম অসিনা অসুক চাউরবা খুদোং থিবা অসিদগী নান্থোক্নবা থৌনা পীরিবনি। অদোমগী থাজবা অসি অদোমদা লেংদনা অসুম্মক থম্বীগদবনি।”
