প্রধান মন্ত্রী ঐচ.ই. শৈখ হাসিনানা বার্তোন তৌরকপদগী প্রধান মন্ত্রী শ্রী নরেন্দ্র মোদীনা ২০২১গী মার্চ ২৬ অমসুং ২৭ বঙ্গলাদেশতা চৎকদৌরি। খোঙচৎ অসি পুৱারী ওইবা নিংশিং থৌরম হায়বদি – শৈখ মুজিবুর রাহমনগী চহি ১০০শুবা মপোক কুম্মোন, মুজিব বোর্শো; ইন্দিয়া অমসুং বঙ্গলাদেশ অনিগী দিপ্লোমেতিক ওইবা লিংখৎখিবা চহি ৫০শুবা; অমসুং বঙ্গলাদেশকী নিংতম লানগী চহি ৫০শুবা অসিগী নিংশিং থৌরম্নি। প্রধান মন্ত্রীনা ২০১৫দা বঙ্গলাদেশতা অরোয়বা ওইনা চৎখি।
মহাক্কী খোঙচৎ মনুংদা প্রধান মন্ত্রীনা মার্চকী ২৬তা বঙ্গলাদেশকী নেস্নেল দে প্রোগ্রামদা গ্যুস ওফ ওনর ওইনা শরুক য়াগনি।
প্রধান মন্ত্রীগী থৌরমশিং, প্রধান মন্ত্রী শৈখ হাসিনাগা লোয়ননা নাকন অনিগী ওইবা ৱারী শান্নবগী মথক্তা বঙ্গলাদেশকী রাস্ত্রপতী ঐচ.ই. এম.দি. অব্দুল হামিদকা ৱারী শান্নবা য়াওগদৌরি। বঙ্গলাদেশকী ফোরেইন মিনিস্তর দাঃ অব্দুল মোমেনগশু প্রধান মন্ত্রীগা উন্নগনি। প্রধান মন্ত্রীনা বঙ্গলাদেশতা চৎপা অসিনা কোবিদকী লায়চৎ মতুং মীরমদা চৎপা অহানবা ওইগদৌরি। মসিনা ভারতনা বঙ্গলাদেশতা লুম্না লৌই হায়বা উৎলি।
