প্রধান মন্ত্রী শ্রী নরেন্দ্র মোদী অমসুং কম্বোদিয়াগী প্রধান মন্ত্রী ঐচ.ই. সমদেক অক্কা মোহ সেনা পদৈ তেকো হুন সেনগা ঙসি ভর্চুএল ওইবা মীফম অমা পাঙথোকখ্রে।
লুচিংবা অনিনা ত্রেদ অমসুং ইনভেস্তমেন্ত, হ্যুমেন রিসোর্স দিবেলপমেন্ত, দিফেন্স অমসুং সেক্যুরিতী, চাউখৎ-থৌরাংগী কোওপরেসন, কন্নেক্তিবিতী, পোস্ত-পেন্দেমিক ইকনোমিক রিকবরী অমসুং প্রজাশিংগী মরক্তা লৈনরিবা মরীশিংগী লমশিং অসিদা কোওপরেসন পীনবা য়াওনা বাইলেতরেলগী ওইবা অপুনবা হীরম কয়াদা খন্ন-নৈনখি। মখোয়না বাইলেতরেল কোওপরেসনগী খোঙজেল অসিদা অপেনবা ফোঙদোক্নখি।
পি.এম. হুন সেন্না ভারতকী লৈনরিবা কম্বোদিয়াগী মরীশিং মরু ওইবগী মতাংদা ফোঙদোকখি। প্রধান মন্ত্রী মোদীনসু ৱাখল্লোন অসি ফোঙদোকখি অমসুং ভারতকী এক্ত ইস্ত পোলিসীদা কম্বোদিয়াগী থৌদাং চাউই হায়খি। লুচিংবশিংনা মেকোং-গঙ্গা কোওপরেসন ফ্রেমৱার্ক্কী মখাদা পাইখৎলিবা কেপাসিতী বিল্দিং প্রোগ্রামশিং অমসুং ক্বিক ম্পেক্ত প্রোজেক্তশিং য়াওনা লৈবাক অনিগী মরক্তা পাইখৎলিবা মপাঙ্গল কনবা চাউখৎ-থৌরাংগী পার্তনরশিপ অসি য়েংশিনখি।
প্রধান মন্ত্রী মোদীনা লৈবাক অনিগী মরক্তা লৈনরিবা পুৱারী অমসুং সভ্যতাগী ওইবা মরীশিং অদু থমখি অমসুং লৈবাক অনিগী মরক্তা লৈনরিবা নাৎ অমসুং লোলগী ওইবা মরী তাক্লিবা কম্বোদিয়াদা লৈবা অঙ্কোর ৱাৎ অমসুং প্রিহ বিহের মন্দিরশিং শেমগৎপদা ভারতনা শরুক তমখিবদা মহাক্না নুংঙাইবা ফোঙদোকখি।
প্রধান মন্ত্রী হুন সেন্না ক্বাদ ভেক্সিন ইনিসিএতিবকী মখাদা কম্বোদিয়াদা ভারত্তা শাবা কোবিশিল্দ ভেক্সিন দোজ লাখ ৩.২৫ পীবিরকখিবগীদমক ভারতপু থাগৎপা ফোঙদোকখি।
লুচিংবা অনিনা চহি অসিদা পালন তৌরিবা ভারত অমসুং কম্বোদয়াগী মরক্তা দিপ্লোমেতিক ওইবা মরীশিং থমখিবগী চহি ৭০ শুরকপা অসিদা নুংঙাইবা ফোঙদোক্নখি।
নুংঙাইবা ফোঙদোকপা অসিগী শরুক ওইনা প্রধান মন্ত্রী মোদীনা কম্বোদিয়াগী নীংথৌ হিস মেজেস্তী অমসুং হর মেজেস্তী মহারানি ইমাবু মখোয়গী খুদোংচাবা মতমদা ভারত্তা লাক্নবা বর্তন তৌখি।
লুচিংবা অনিনা নাকল অনিমক্কী কান্নগদবা রিজনেল অমসুং গ্লোবেল ইস্যুশিংদা ৱাখল্লোনশিং ফোঙদোক্নখি।
প্রধান মন্ত্রী মোদীনা কম্বোদিয়ানা এ.এস.ই.এ.এন.গী চিয়রমেনশিপকী থৌদাং লৌবদা নুংঙাইবা ফোঙদোকখি অমসুং ভারতনা চিয়রমেনশিপ অসি মাইপাকহন্নবগীদমক ভারতনা কম্বোদিয়াদা মপুং ফানা তেংবাং পীগনি হায়না থাজবা পীখি।
