১. ভরানাসিগী শহর অসিবু সেপ্তেম্বর ১৬, ২০২২দা উজবেকিস্তানগী সমর্কন্দদা পাঙথোকখিবা সাঙহাই কোওপরেসন ওর্গানাইজেসন (এস.সি.ও.) কাউন্সিল ওব হেদস ওব স্তেৎকী ২২শুবা মীফমদা ২০২২-২০২৩গী মতমগী মনুংদা ইহান হানবা ওইনা এস.সি.ও. তুরিজম অমসুং কলচরেল কেপিতেল ওইনা নোমিনেৎ তৌখ্রে। প্রধান মন্ত্রী শ্রী নরেন্দ্র মোদীসু সম্মিৎ অদুদা শরুক য়াখি।
২. ভরানাসিবু ইহান হানবা এস.সি.ও. তুরিজম অমসুং কলচরেল কেপিতেল ওইনা নোমিনেৎ তৌখিবা অসিনা ভারৎ অমসুং এস.সি.ও. মেম্বর লৈবাকশিংগী মরক্তা তুরিজম, কলচরেল অমসুং হ্যুমেনিতরিয়ানগী মতেংশিং লান্থোক্নবা হেনগৎহল্লগনি। মসিনা ভারতকী অরিবা খুন্নাই হৌরক্লোনগী মরী অমা এস.সি.ও. মেম্বর স্তেৎশিংগা মরুওইনা সেন্ত্রেল এসিয়ন রিপব্লিকশিংগা লৈনরিবা মরী অসি তাক্লে।
৩. মসিগী মরুওইবা কলচরেল আউৎরিচ প্রোগ্রামগী ফ্রেমৱার্ক অসিগী মখাদা, ভরানাসিদা ২০২২-২৩গী মনুংদা থৌরম কয়া অমা পাঙথোক্কনি, মসিদা এস.সি.ও. মেম্বর স্তেৎশিংদগী মীথুংলেনশিং বার্তন থাগনি। হায়রিবা থৌরমশিং অসিনা ইন্দোলোজিস্ত, স্কোলার, অইবা, ঈশৈ নোংমাই অমসুং আর্তিস্ত, ফোতো জর্নেলিস্ত, ত্রেভেল ব্লোগর অমসুং অতোপ্পা বার্তন থাজবা মীথুংলেনশিংবু পুক্নিং চিংশিনগনি।
৪. এস.সি.ও. তুরিজম অমসুং কলচরেল কেপিতেল নোমিনেসন তৌবগী চৎন-কাংলোন অসি দুশানবে এস.সি.ও. সম্মিৎতা ২০২১দা এস.সি.ও. মেম্বর স্তেৎশিংগী মরক্তা নাৎ অমসুং তুরিজম হেন্না চাউখৎহন্নবা মতেং পীননবগী পান্দমদা লৌখৎখি।
Kashi: The first-ever SCO Tourism and Cultural Capital https://t.co/gZ1VNVtdhs pic.twitter.com/OiGhgeWxgn
— Arindam Bagchi (@MEAIndia) September 16, 2022
