Mera Saansad
Search Search
Manipuri language

য়ুনাইতেদ স্তেতস ওব অমেরিকানা ভারত্তা অরিবা মমল লৈবা পোৎলম ২৯৭ হল্লকখ্রে

Published By : Admin | September 22, 2024 | 12:11 IST

লৈবাক অনিগী মরক্তা লৈনরিবা নক্নবা অমসুং নাৎকী ওইবা মরী হেন্না ফগৎনবগীদমক য়ু.এস. স্তেত দিপার্তমেন্তকী ব্যুরো ওব এজুকেসনেল এন্দ কলচরেল এফিয়র্স অমসুং কলচর মন্ত্রালয়, ভারত সরকারগী মখাদা লৈরিবা আর্কিওলোজিকেল সর্ভে ওব ইন্দিয়ানা জুলাই ২০২৪দা রাস্ত্রপতি বাইদন অমসুং প্রধান মন্ত্রীনা জুন ২০২৩গী মীফমগী মতুংদা পীখিবা অপুনবা ৱারোলদা য়াওরিবা নাৎকী ওইবা পোৎলমশিং ঙাকশেনবদা মতেং পীনবা হায়বসিবু থুংহনবা ওইনা কলচরেল প্রোপর্তী এগ্রীমেন্ত খুৎয়েক পীনখি।

প্রধান মন্ত্রী শ্রী নরেন্দ্র মোদীনা য়ুনাইতেদ স্তেৎসকী খোঙচৎ অসিগী মনুংদা য়ু.এস.কী নাকন্দগী ভারত্তগী হুখিবা নৎত্রগা লোন্না পুরকখিবা অরিবা মমল লৈবা পোৎলম ২৯৭ হন্না খুৎশিন্ননবা হোৎনখি। হায়রিবশিং অসি অথুবদা ভারত্তা য়ৌরক্লগনি। খুৎলান্নবগী অখন্নবা থৌরম অমদা, অখন্নবা পোৎলম খরা প্রধান মন্ত্রী অমসুং রাস্ত্রপতি বাইদনগী মফমদা ৱিলমিংতন, দেলাৱেয়রদা চত্থবা লৈবাক অনিগী মীফমগী নাকন্দা উৎখি। প্রধান মন্ত্রীনা রাস্ত্রপতি বাইদনবু হায়রিবা অরিবা পোৎলমশিং অসিবু হনবীনবা হোৎনবীবগীদমক থাগৎখি। হায়রিবা পোৎলমশিং অসি ভারতকী পুৱারীগা শাগোন্নবা পোৎলমশিং ওইবতা নত্তনা মৈহৌরোন অমসুং ৱাখল্লোনগী নুংদা লৈবা মরুওইবা মশক অমনি হায়না ফোংদোকখি।

অরিবা পোৎলমশিং অসি ২০০০ বি.সি.ই.-১৯০০ সি.ই. ফাওবগী মরক্তা লৈদুনা চহি ৪০০০ রোম হেন্না লিরে অমসুং ভারতকী তোঙান-তোঙানবা মফমশিংদগী হৌরকপনি। অরিবা পোৎলমশিং অসিগী মনুংদগী অয়াম্বদি নোংপোক থংবা ভারতকী তেরাকোত্তাগী পোৎলমশিংনি, অদুগা অতোপ্পশিং অসিনা নূং, য়োৎ, উ অমসুং আইভোরীনা শাই, অমসুং লৈবাক অসিগী তোঙান-তোঙানবা মফমশিংদগীনি। খুৎশিন্নরকখিবা অরিবা পোৎলমশিংগী মনুংদা খরদিঃ

  • ময়াই থংবা ভারত্তগী ১০-১১ শুবা চহি চা সি.ই.গী মতমগী লৈঙোইনা শাবা অপসারা;
  • ময়াই থংবা ভারত্তগী ১৫-১৬ শুবা চহি চা সি.ই.গী মতমগী শেঞ্জেংনা শাবা জৈন তির্থঙ্কর
  • ময়াই থংবা ভারত্তগী ৩-৪ শুবা চহি চা সি.ই.গী মতমগী তেরাকোতাগী গম্লা;
  • খা ভারত্তগী ১ বা চহি চা বি.সি.ই.গী মতমদগী ১বা চহি চা সি.ই. মতমগী নূংনা হকপা মুর্তি;
  • খা থংবা ভারত্তগী ১৭-১৮ শুবা চহি চা সি.ই.গী মতমগী শেঞ্জেংনা শাবা প্রভু গনেশ;
  • অৱাং থংবা ভারত্তগী ১৫-১৬ শুবা চহি চা সি.ই.গী মতমগী শুনুনা শাবা লেপতুনা লৈবা প্রভু বুদ্ধ;
  • অৱাং থংবা ভারত্তগী ১৭-১৮ শুবা চহি চা সি.ই.গী মতমগী শেঞ্জেংনা শাবা প্রভু বিষ্ণু;
  • অৱাং থংবা ভারত্তগী ২০০০-১৮০০ শুবা চহি চা বি.সি.ই.গী মতমগী কোরীগী এন্থ্রোপোমোর্ফিক ফিগর
  • খা থংবা ভারত্তগী ১৭-১৮ শুবা চহি চা সি.ই.গী মতমগী শেঞ্জেংনা শাবা প্রভু প্রভু কৃষ্ণ
  • খা থংবা ভারত্তগী ১৩-১৪ শুবা চহি চা সি.ই.গী মতমগী শেঞ্জেংনা শাবা প্রভু কার্তিকেয়া।

অনৌবা মতমদা, নাৎকী ওইবা পোৎলমশিংবু য়োক্তুনা থম্নবা হোৎনবা হায়বসি ভারত-য়ু.এস.কী ওইবা নাতকী মরীগী মশক অমা ওইরি। ২০১৬দগী হৌদুনা, য়ু.এস. লৈঙাক্না লোন্না পুখিবা অমসুং হুরানখিবা অরিবা পোৎলমশিং হল্লক্নবা হোৎনরক্লি। অরিবা পোৎলম ১০সু প্রধান মন্ত্রীনা ২০১৬ গী জুন থাগী খোঙচৎকী মতমদা হল্লকখ্রে; ২০২১ সেপ্তেম্বরী খোঙচৎতা অরিবা পোৎলম ১৫৭ অমসুং মমাং চহিগী জুন থাগী খোঙচৎতা অরিবা পোৎলম ১০৫ মখা তানা খুৎশিন্নরকখি। অপুনবা ওইনা য়ু.এস.তগী ভারত্তা ২০১৬ দগী হল্লকখ্রবা অরিবা পোৎলমশিংগী মশীং অসি ৫৭৮শুরে। মসিনা লৈবাক অমহেক্তনা ভারত্তা অরিবা পোৎলম হল্লকপগী মশীং খ্বাইদগী য়াম্বা ওইরি।

 

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
India expands export reach, enters new global markets: Yashvir Singh, Department of Commerce Additional Secretary

Media Coverage

India expands export reach, enters new global markets: Yashvir Singh, Department of Commerce Additional Secretary
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister Narendra Modi shares a Sanskrit Subhashitam highlighting agriculture and crops as the foundation of human life
June 11, 2026

Prime Minister Shri Narendra Modi shared a Sanskrit Subhashitam today highlighting that agriculture is not merely a means of livelihood, but the fundamental basis of the nourishment of society and the nation.

The Prime Minister posted on X:

"कृषि केवल जीविका का साधन नहीं, बल्कि समाज और राष्ट्र के पोषण का मूल आधार है। हमारे किसान भाई-बहनों का पसीना जब मिट्टी में मिलता है तो अन्न बनकर देशवासियों के जीवन को संबल देता है।

ते कृषिं च सस्यं च मनुष्या उप जीवन्ति।
कृष्टराधिरुपजीवनीयो भवति य एवं वेद॥

#12YearsOfKisanSamriddhi"

Agriculture and crops are the very foundation of human life. One who understands this truth carries out agricultural work properly and through it, society is sustained and nourished.