মোদী লৈঙাক্না এজুকেসন সেক্তরবু প্রাইমারী, হাইয়র অমসুং মেদিকেল এজুকেসন্দা অহেনবা মীৎয়েঙ থমদুনা খোঙলৈ থুনা অওনবা পুরক্নবা পুক্নীং লুপ্লি।
২০১৪দগী হৌরগা মোদী লৈঙাক্না অনৌবা আই.আই.তি., আই.আই.এম., আই.আই.আই.তি., এন.আই.তি. অমসুং এন.আই.দি.শিং লিংখৎনবগী ৱাফম কয়া লাউথোক্তুনা লাক্লি। ২০১৪দগী হৌরগা চহি খুদিংগী আই.আই.তি. অমসুং আই.আই.এম. অনৌবা অমমম হাংদোক্তুনা লাক্লি।
হৌজিক ফাওবদা লৈবাক শিনবা থুংনা আই.আই.তি. ২৩ অমসুং আই.আই.এম. ২০ লৈরে। ২০১৪দগী হৌরগা চয়োল খুদিংগী য়ুনিভর্সিতী অমমম লিংখৎলি অমদি নুমিৎ খুদিংগী কলেজ অনিগী চাংদা লিংখৎলি। মসিনা মরম ওইরগা হাইয়র এজুকেসন্দা লৈবা মহৈরোয় মশিং মশক থোক্না হেনগৎলে।
মসিদা নত্তনা, অৱাং নোংপোক্তা অনৌবা য়ুনিভর্সিতী ২২ লিংখৎখ্রে অমদি লদাখতা মখোয়গী ইহান হানবা সেন্তত্রেল য়ুনিভর্সিতী, ইহান হানবা ফোরেন্সিক য়ুনিভর্সিতী অমসুং রেল অমদি ত্রান্সপোর্ত য়ুনিভর্সিতীসু লিংখৎখ্রে। রিকোর্দ ওইনা ভারতকী য়ুনিভর্সিতী ৭১ ‘দি ৱর্ল্দ য়ুনিভর্সিতী রেঙ্কিং’দা চন্দুনা মমাঙগী চহিদগী মশিং ৬৩ হেনগৎলে। ভারতকী য়ুনিভর্সিতী অহুম ‘ক্যু.এস. ৱর্ল্দ য়ুনিভর্সিতী রেঙ্কিং’দা মকোক থোংবা ২০০গী মনুংদা চনবা ঙম্লে।
হৌখিবা চহি তরেৎসিদা প্রাইমরী এজুকেসন সিস্তেম ফগৎহন্নবা মরুওইবা মীৎয়েঙ থমদুনা লাক্লি। থম্লিবা মীৎয়েঙদি মহৈরোয়শিংবু ২১শুবা চহিচাগীদমক শেম শাবনি। ২০১৫দগী ২০২০দা নুপীমচাশিংনা হাইয়র এজুকেসন্দা মিং চনবগী চাং ১৮% হেনগত্তুনা বেতী বচাও, বেতী পরাওগী মঙলান মঙফাওনহনবদা মতেং ওইরি। মহৈরোয়-ওজাগী রেসিও ফগৎলক্তুনা নহাশিংদা মতিং লৈবা মহৈ মশিং পীবগী ফীভম ফগৎলকপা ঙম্লি। মসিগা লোয়ননা মহৈ তম্ফমশঙশিংগী ইনফ্রাস্ত্রকচরশিং ফগৎহনবগী থবক পায়খৎলি, ২০১৫দগী হৌরগা হৌজিক ফাওবদা অতল তিঙ্করিং লেব ৮,৭০০ লিংখৎখ্রে। মহৈ তম্ফমশঙশিংদা মৈ, লাইব্রেরী, নুপীমচাশিংগী তোইলেত, মেদিকেল চেক-অপকী ফীভম হৌখিবা চহি খরসিদা ফনা নীংথিনা ফগৎলে।
মেদিকেল এজুকেসনগী ফীভম খুৎলৈ থুনা ফগৎলক্লি। মেদিকেল এজুকেসন অসি হেন্না মরাং কায়না ফংহন্নবগীদমক এম.বি.বি.এস. সীত ৫৩% হেনগৎহল্লে, পোস্ত গ্রেজুএত সীত ৮০% হেনগৎহল্লে। অনৌবা এইমস তরুক মথৌ তৌবা হৌহল্লে অমদি অতোপ্পা ১৬ অমনা থৌরাং তৌরি।
