Share
 
Comments
ভারতকী মমাংঙৈগী ফজবা অদু হিংগৎহন্নবগী লম্বা লৈত্রবা অখাং কনবগী শক্তি অদু তাকপীরম্বা সরদার পতেলদা মকো নোন্না খুরুমখ্রে
বিশ্বানাথতগী সোমনাথ ফাওবা লাইশঙ কয়া নৌনা শেমগৎখিবা লোকমাতা অহিল্যাবাই হোল্করবু নীংশিংখ্রে
চহিচা খুদিংমক্না ধর্মগা মরী লৈনবা তুরিজমদা অনৌবা ওইথোকপা য়াবশিং থিদোক্নবা অমসুং লাইফম অমসুং মফম অদুগী শেন্মীৎলোনগী মরক্তা মরী ফগৎহন্নবা দিমান্দ তৌই: পি.এম.
অকাই- অতোই থোকহনবগী শক্তি, অকি-অখাং পোকহনদুনা নীংথৌরেল অমা শেমগৎন্নবা হোৎনবগী ৱাখল্লোন অসি মতম খরা চৎনরম্বা য়াই অদুবু মসি মতম চুপ্পগী ওইবদি য়াদে, মসিনা মীওইবা খুন্নাইবু মতম শাংনা নমথদুনা থম্বা য়ারোই। মসি সোমনাথবু এতেকর খরনা থুগাইখিবা মতম অদুদসু চুমখি, মসি ঙসি মালেম অসিনা অসিগুম্বা ৱাখল্লোনশিংদা চীংনবা পোক্লিবা মতম অসিদসু চুম্লি: পি.এম.
চহিচা খুদিংমক্না ধর্মগা মরী লৈনবা তুরিজমদা অনৌবা ওইথোকপা য়াবশিং থিদোক্নবা অমসুং লাইফম অমসুং মফম অদুগী শেন্মীৎলোনগী মরক্তা মরী ফগৎহন্নবা দিমান্দ তৌই: পি.এম.
লৈবাক অসিনা অরুবা সমস্যাশিংদা পুম্নমক্না য়ারবা ৱারোইশিনশিং পুরক্নবা মাইকৈ তম্না চংশিল্লি। রাম মন্দিরগী শক্লোন্দা অনৌবা ভারতকী ফজরবা মঙাল লৈরবা য়ুম্বী অমা ওইনা শেমগৎলি: পি.এম.
ঐখোয়গী ওইনা পুৱারী অমসুং থাজবগী ৱাখল্লোন অসি সবকা সাথ, সবকা বিকাস, সবকা বিশ্বাস অমসুং সবলা প্রয়াসনা ওইরি:
ঐখোয়গী ওইনা পুৱারী অমসুং থাজবগী ৱাখল্লোন অসি সবকা সাথ, সবকা বিকাস, সবকা বিশ্বাস অমসুং সবলা প্রয়াসনা ওইরি:

জয় সোমনাথ! প্রোগ্রাম অসিদা ঐখোয়গী ইরক্তা য়াওবিরিবা মীওইশিং অসি ঐখোয়গী ইকাই খুম্নরবা লাল কৃষ্ণ এদভানি জি, গৃহ মন্ত্রী শ্রী অমিত শাহ জি, শ্রীপদ নাইক জি, অজে ভাত জি, গুজরাতকী মুখ্য মন্ত্রী শ্রী ভিজে জি, গুজরেতকী দিপুতী মুখ্য মন্ত্রী নিতিন ভাই, গুজরাত সরকারগী তুরিজম মন্ত্রী জৱাহর জি, ভসন বাই, লোক সভাদা লৈরিবা ঐগী মরুপ রাজেশ বাই, সোমনাথ তেম্পল ত্রস্তকী ত্রস্তী শ্রী প্রবীন লহিরি জি, কৎথোক্লবা মীওই পুম্নমক, চিং লেম্লবী অমসুং লেম্লবশিংনি!

মসিগী শেংলবা থৌরম অসিদা ঐনা ভিদিও কনফরেন্সিংগী খুৎথাংদা শরুক য়াজবা তারবসু ঐগী থমোইদদি ঐ ইশামক লোর্দ শ্রী সোমনাথগী মখোংদা তুবগুম ফাওজৈ৷ সোমনাথ তেম্পল ত্রস্তকী প্রসিদেন্ত ওইরুবনা, মসিগী শেংলবা মফম অসিদা ঐনা লেপ্পা-লৈতনা য়াওজবা ফংলিবা অসি ঐঙোন্দা পীবা খুদোংচাবা অমনি৷ ঙসি সমুদ্র দর্শন পাথ, সোমনাথ একজিবিসন গেলরী অমসুং জুনা সোমনাথ তেম্পল শেমজিন্দুনা অনৌবা মওং অমদা শঙ্গানবগী খুদোংচাবা ঐঙোন্দা ফংলে৷ মসিগা লোইননা, পার্বতি মাতা মন্দিরসু ঙসি উরেপ-উয়ুং তমখ্রে৷ অসিগুম্না মন্দির শঙ্গাবা অমসুং উরেপ-উয়ুং তম্বা অসি অমুক্তদা অদুসু সৱন থাদা তামিন্নবা অসি লোর্দ সোমনাথ জিগী মঙ্গোল ফংবগীনি হায়না ঐনা থাজৈ৷ থৌরম অসিদা, ঐনা নখোয় পুম্নমক, ত্রস্তকী মেম্বর পুম্নমক অমসুং লৈবাক অসিদা অমসুং মপান লৈবাকশিংদা লৈরিবা লোর্দ সোমনাথ জিদা কৎথোক্লবা মীওই কোতি কয়াবু থাগৎচরি৷ ভারতকী ঙল্লিঙৈ মতমগী মিংচৎ অসি হিংগৎহন্নবা হোৎনখিবা আইরন মেন সর্দার ভল্লভভাই পতেল জিগী খুয়াদসু ঐনা মরু ওইনা খুরুমজরি৷ মনিং-মখা তম্লবা ভারতকী লৈরিবা ইন্দিপেন্দেন্ত স্পিরিত অসিগা সোমনাথ মন্দির অসিগা মরী লৈনগদবনি হায়না সর্দার সাহেবনা খনখি৷ লৈবাক অসিদা মনিং-মকা তম্লকপা চহি ৭৫ ফারকপদা সোমনাথ মন্দিরদা অনৌবা মতিক-মগুন হাপতুনা সর্দার সাহেবনা হোৎনরম্বা অসিদা ঐখোয়না ঙসি চংশিনবা ফংলিবা অসি ঐখোয়গী য়াম্না লাইবক ফবনি৷ ঙসি, বিস্বনাথতগী হৌদুনা সোমনাথ ফাওবা য়াওনা মন্দির কয়ামরোম শেমজিনখিবা লোকমতা অহিলয়বাই হোল্করদা ঐনা ইকাই খুম্নবা উৎচরি৷ মহাক্কী পুন্সিদা মরিবা মতমগী অমসুং অনৌবা মতমগী চৎনবি অমতা ওইনা পুনশিনখিবা অদু ইন্দুনা ঙসিদি লৈবাক অসিনা মাংজিল থানা চংশিল্লি৷

মরুপশিং,

স্তেচু ওফ য়ুনিতীবু ওইরবসু কতচ শেমজিনববু ওইরবসু মোদর্নিতীদা তুরিজমগা অচেৎপা মরী লৈনবগী ফলশিং অদু গুজরাতনা উরে৷ রিলিজিয়র্স তুরিজম ঐখোয়না অনৌবা পোজিবিলিতীশিং পুথোক্লিবা অমসুং পিলগ্রিমেজ অমসুং লোকেল ইকোনোমী অনিগী মরক্তা লৈরিবা লিঙ্কশিং ফনা থম্বা অসি পেরিয়র্দ খুদিংমক্কী দিমান্দ ওইখ্রে৷ খুদম ওইনা হায়রবদা, লৈবাক অসিদা অমসুং মপান লৈবাকশিংদা লৈরিবা ইশ্বরদা পুক্নিং লুপ্লবশিংনা ঙসি ফাওবদা সোমনাথ মন্দির অসিদা লাই খুরুম্বা লাক্নরি৷ অদুবু ঙসিদি, সমুদ্র দর্শন পাথ, একজিবিসন, পিলগ্রীম প্লাজা অমসুং শোপ্পিং কমপ্লেক্সনা মফম অসিদা তুরিস্তশিংগী পুক্নিংবুসু চিংশিনবা ঙম্লগনি৷ হৌজিক্তি পুক্নিং লুপ্লবা মীওইশিংনা জুনা সোমনাথ মন্দিরগী পুক্নিং হুরবা মওং অদুসু উবা ফংলগনি অমসুং নৌবা শারিবা পার্বতি মন্দির অসিদসু চৎনরগনি৷ মসিনা অনৌবা থবক্কী খুদোংচাবশিং ফংহনবতা নত্তনা মফম অসিগী মতিক-মগুনসু হেনগৎহল্লগনি৷ অসিগীসু মথক্তা, সোমনাথ প্রোমিনেদ অসিনা ঐখোয়গী মন্দিরদা সেক্যুরিতী লৈহল্লগনি৷ ঙসি, সোমনাথ একজিবিসন গেল্লরী অদুসু শঙ্গাখ্রে৷ মসিনা নহাশিং অমসুং তুংদা লাক্কদৌরিবা জেনেরেসন অসিদা পুৱারী অমসুং ঙল্লিঙৈ মতমগী মশক-মওং অদু খঙহন্নবগী খুদোংচাবা পীরগনি৷

মরুপশিং,

চহি-চা কয়াগী মমাংদগী সোমনাথ অসি শিবকী মফম ওইখ্রে৷ মসি ঐখোয়গী স্ক্রিপচরশিংদা হায়রম্বা ৱানি:

"शं करोति सः शंकरः"।

মসিনা তাক্নিংলিবা অদুদি, শিবনা করিগুম্বা থবক অমা মাই পাকহনবা অমসুং য়াইফবা পুরকই হায়বনি৷ অমাং-অতা থোক্লবা মতম ফাওবদা শিবনা চাওখৎনবগী মরু হুল্লি অমসুং মরু ফংনা মাংলবা মতম ফাওবদা ক্রেতিবিতীগী অশা উহল্লি৷ মরম অদুনা, ঐখোয়না শিবদা থাজবা অসিনা ঐখোয়না মালেম অসিদা হিংবগী মশক খঙহল্লি অমসুং খুদোংথিবা কয়ানা থল্লবা মতমদা থৌনা লৈনা থেংনবা ঙম্নবগী থৌনা ঐখোয়দা পী৷ অদুগা, মসিগী সোমনাথ মন্দির অসি ঐখোয়গী সেল্ফ-কনফিদেন্সকী থৌনা হাপনবা মচাক অমা ওই৷

মরুপশিং,

মসিগী চাওরবা স্ত্রকচর অসি উরিবা মীপুং খুদিংমক্না মসি মন্দির অমা খক্তা ওইনা উদে, মসিনা হ্যুমেনিতীগী ভেল্যুশিং তাক্তুনা চহি লিশিং কয়া অমা খাঙদুনা লৈরকখিবগী থৌনা অদু উহল্লি৷ মসি চহি লিশিং কয়াগী মমাংদগী ঐখোয়গী ঋশিশিংনা ‘প্রবাস খেত্র’ হায়না ফোংদোকখিবা মফম অমনি৷ মরম অদুনা, মসিগী মন্দির অসি চহি-চা কয়াগী পুৱারিদা হঞ্জিন-হঞ্জিন থুগাইখি,  মুত্রিশিং মাংহনখি অমসুং মহাক লৈরম্মী হায়বা অসি খঙহন্দনবা কয়ারক হন্না হোৎনখি৷ অদুবু মতম পুম্নমক্তা মাংহল্লবসু, অদুমক হিংগৎলকখি৷ মরম অদুনা, ঙসিদি লোর্দ সোমনাথ মন্দির অসি থাজনবা মফম অমা ওইরে অমসুং লৈবাক অসিদা খক্তগী নত্তনা মালেম অসিগী পোত্থাফম ওইরে৷ তেররদা বেজ তৌদুনা এম্পাইয়র অমা শাগৎনবগী ফৎত্রবা থৌশিলশিং অদুনা অকক্নবা মতম খরগী ওইনা পান্দুনা চৎপা তারবসু মখোয়না লৈরম্লিবা অসিদি মতম পুম্নমক্তা লৈহৌগদবা নত্তে, মখোয়না হ্যুমেনিতী অসি মতম কুইনা নমশিন্দুনা থম্বা ঙম্লোই৷  

মরুপশিং,

ঐখোয় পুম্নমক্না খঙলে মদুদি, সোমনাথ মন্দির অসি অমুক হন্না গ্রান্দ দিবেলপমেন্তদা পুরকপগী খোঙচৎ অসি চহি খরা নত্রগা চহি খুজিং খরা হোৎনখিবগী মহৈ খক্তা নত্তে৷ মসি চহি-চা কয়া অমা য়াম্না কন্না খাংদুনা অমসুং ৱাখল হোংদনা লাকখিবগী মহৈনি৷ রাজেন্দ্র প্রসাদ জি, সর্দার ভল্লভভাই পতেল অমসুং কে.এম. মুন্সিগুম্বা ফাওরবা মীওইশিং অসিনা লৈবাক অসিনা মনিং-মখা তম্লবা মতুং ফাওবদা কেম্পেন্দ অসিদা লুরবা তানফম কয়া থেংনখি৷ অদুবু অরোইবদা ১৯৫০দা, সোমনাথ মন্দির অসি মোদর্ন ইন্দিয়াগী শেংলবা পিল্লর ওইনা শেমগৎখি৷ ঙসিদি লৈবাক অসিনা থেংনরিবা প্রোব্লেম খুদিংমক্কী সোলুসনশিং ফংনবগী পান্দমদা চংশিল্লি৷ ঙসি, অনৌবা ভারতকী চাওথোকচনিংঙাই ওইরবা মঙাল নাইরবা পিল্লর অমা রাম মিন্দরগী মওংদা লৈরি৷

মরুপশিং,

হৌখিবগী পুৱারি অসি নৈনদুনা হৌজিক লৈরিবা ফিভম অসি ফগৎহন্দুনা অনৌবা ফ্যুচর অমা শেম্ননবা ঐখোয়না খনগদবনি৷ মরম অদুনা, ঐনা  'ভারত জোদো অন্দোলন'গী মতাংদা পনবা মতমদা, মসি জিওগ্রাফিকেল নত্রগা আইদিওলোজিকেল এফিলিয়েসনশিং খক্তা নত্তে৷ মতুং তারকপদা লাক্কদৌরিবশিংগী ভারত শেম্ননবা ঐখোয়গী হৌখিবশিংগী ৱারি ঐখোয়দা খঙহনবসু মরু ওই৷ দা. রাজেন্দ্র প্রসাদ জিনা সোমনাথতা লাকলম্বা মতমদা হায়রম্বা ৱাহৈ অদু ঐখোয়না মতম পুম্নমক্তা নিংশিংগদবনি৷ মহাক্না অসুম্না ফোংদোকখি: "চহি-চা কয়াগী মমাংদা, ভারত অসি সনা অমসুং লুপাগী ত্রেজর হাউস অমা ওইরম্মী৷ মালেম অসিদা লৈরিবা সনা অচৌবা শরুক অমদি ভারত্তা লৈরিবা মন্দিরশিং অসিদা শিজিন্নরম্মী৷ ঐগী ওইবা ৱাখল্লোনদা, অচৌবা মন্দির অমনা উরেপ-উয়ুং তম্বা মতমদা সোমনাথ অমুক হন্না শেমগৎলিবা অসি মপুং ফারগনি, সোমনাথ মন্দিরনা সিম্বোল ওইরিবা চাওখৎলবা ভারতকী অচৌবা বিল্দিং অদু লোইশিল্লগনি৷ "ঐখোয়গী অহানবা রাস্ত্রপতি দা. রজেন্দ্র জিগী মসিগী মংলান অসি ঐখোয় পুম্নমক্কী চাওরবা ইন্সপিরেসন অমা ওই৷

মরুপশিং,

ঐখোয়গী ওইনা, পুৱারী অমসুং থাজবগী য়ুমফম অসি-

'মীয়ামগা লোইনবা, মীয়ামগী চাওখৎ থৌরাং, মীয়ামগী থাজবা অমসুং মীয়ামগীদমক হোৎনবা’ অসিনি৷

ঐখোয়গী লৈবাক অসিদা শেমগৎখিবা জ্যোতির্লিনগাস ১২ অসি সোমনাথ মন্দির মশামক্কী 'সোরাস্ত্রি সোমানথম'দগী হৌই৷ নোংচুপ্তা লৈরিবা সোমনাথ অমসুং নাগেশ্বরদগী হৌদুনা নোংপোক্তা লৈরিবা বাইদ্যনাথ ফাওবা, অৱাংদা লৈরিবা বাবা কেদর্নাথতগী খা থংবদা লৈরিবা ভারতকী অরোইবা শরুক্তা লৈরিবা শ্রী রামেশ্বর ফাওবা, হায়রিবা জ্যোতির্লিনগাস ১২ অসিনা ভারত অপুম্বা অসি কন্নেক্ত তৌনবা হোৎনৈ৷ মতৌ অসিগুম্না, ঐখোয়গী য়ুমফম মরি, ঐখোয়গী শক্তি পীথা ৫৬কী কন্সেপ্ত(কোস্মিক পৱারগী ধর্মগী ওইবা মফমশিং), লৈবাক অসিদা লৈরিবা তোঙান তোঙানবা পিলগ্রীমেজ সেন্তরশিং শেমগৎলকপা অসি ‘এক ভারত, শ্রেশথ ভারত’কী স্পিরিতকী এক্সপ্রেসন অমনি৷ দাইবর্সিতী কয়ানা থল্লবা লৈবাক অমা ওইরিবা ভারতনা মতৌ করম্না অমতা ওইনা পুনশিল্লিবনো হায়বা অসিগী মতাংদা মালেম অসিনা চহি-চা কয়াগী মমাংদগী অঙকপা ফাওদুনা লাক্লি৷ অদুবু দিবোতীশিংনা সোমনাথ য়ৌননবা নোংপোক্তগী নোংচুপ ফাওবা কি.মি. লিশিং কয়া চৎলিবা নত্রগা খা ভারতকী দিবোতী লিশিং কয়ানা মরাইবক্তা কাশিগী লৈবাক তৈশিল্লিবা অসি নখোয়না উরুবা মতমদা ভারতকী শক্তি অসি নখোয়না খঙলক্কনি৷ ঐখোয় মশোল অমনা অমগী লোন খঙনদবা য়াই, ঐখোয়গী ফিজোল মান্নদে,ঐখোয়গী চাবগী মওং মান্নদে, অদুবু ঐখোয় অমতনি হায়বা অসিদি ঐখোয়দা ফাওজৈ৷ লৈবাক অসিদা লৈরিবা প্রজাশিং অসি অমতা ওইনা পুনশিনবা মতমদা ঐখোয়গী স্পিরিচুয়েলিতীনা য়াম্না চাওবা থৌদাং অমা লৌখ্রে অমসুং মসিদা ঐখোয় পুম্নমক্কী অচৌবা থৌদাং লৈ৷

মরুপশিং,

ঙসিদি ভারতকতী য়োগ, ফিলোসোফী, স্পিরিচুয়েলিতী অমসুং কল্চর অসিনা মালেম অসিগী পুক্নিং চিংশিল্লি৷ ঐখোয়গী রুতশিং অসিগা কন্নেক্ত তৌননবা ঐখোয়গী অনৌবা জেনেরেসন অসিদা অনৌবা এৱার্নেস অমসু লৈরে৷ মরম অদুনা, তুরিজম অমসুং স্পিরিচুএলগী ফিল্দদা নেস্নেল অমসুং ইন্তরনেস্নেল পোতেন্সিয়েল লৈ৷ মসিগী পোতেন্সিয়েল অসি মংফাওনবা ঙম্ননবগীদমক, লৈবাক অসিনা অরিবা মতমগী মিংচৎ হিংগৎহন্নবা হোৎনরি অমসুং মোদর্ন ইনফ্রাস্ত্রকচর শেমগৎলি৷ রামায়ন সর্ক্যুতকী খুদম অসি ঐখোয়গী মাংদা লৈরে৷ ঙসিদি, লৈবাক অসিদা অমসুং মপান লৈবাকশিংদা লৈরিবা রামদা লুপচবা মীওইশিংনা রামায়ন সর্ক্যুত অসিগী খউৎথাংদা লোর্দ রামাগী পুন্সি অদুগা মরী লৈনবা অনৌবা মফমশিং খঙলকপা হৌরে৷ ঙসিদি, হায়রিবা মফমশিং অসি চৎলুবদগী লোর্দ রামা অসি ভারত পুম্বগী ইশ্বর মতৌ করম্না ওইরিবনো হায়বসি খঙলক্লে৷ মতৌ অসিগুম্না, বুদ্ধ সর্ক্যুত অসিনা মালেম অসিদা লৈরিবা বুদ্ধিস্ত ফোলোৱরশিংনা ভারত্তা লাকপদা লাইথোকহল্লি৷ ঙসিদি, মসিগী মাইকৈ অসিদা থবক অসি মাই পাক্না খোঙজেল য়াংনা চংশিল্লি৷ মতৌ অসিগুম্না, তুরিজম মন্ত্রালয়না ‘স্বাদেশ দর্শন স্কিম’গী মখাদা তোঙান তোঙানবা থীম ১৫দা তুরিস্ত সর্ক্যুতশিং শেমগৎলি৷ মসিগী সর্ক্যুতশিং অসিনা লৈবাক অসিগী মীরাইদুনা লৈরুরবা মফমশিংদা তুরিজম অমসুং দিবেলপমেন্ত সেক্তরদা থবক্কী খুদোংচাবশিং ফংহল্লগনি৷

মরুপশিং,

ঐখোয়গী থাজবা অসিগা লোইননা অরাপ-অরাপ্পদা লৈরিবা মফমশিং অসি পুনশিন্নবা অমসুং মখোয়গী হৌরকফমশিং অদুগী মতাংদা ঐখোয়দা খঙহন্নবা ঐখোয়গী ইপা-ইপুশিংনা হোৎনরম্বা অসিনা ইপা-ইপুশিংগী মংলান্নি৷ অদুবু লাইবক থিবদি, ঐখোয়না পুম্নমক খঙলবা, ঐখোয়না অনৌবা তেক্নোলোজী অমসুং রিসোর্সশিং ফংলবা মতমদা, হায়রিবা এরিয়াশিং অসিবু কান্নদবনি হায়না মীরাইদুনা থমখি৷ মসিগী চপ-চাবা খুদম হায়ববু ঐখোয়গী চিংগী লমদমশিংদা লৈরিবা মফমশিং অসিনি৷ অদুবু ঙসিদি, হায়রিবা পিলগ্রীমেজশিং অসিগা লৈনরিবা অরাপ্পা অসি নকশিন্নবা লৈবাক অসিনা হোৎনরি৷ বাইশনো দেবী মন্দিরগী অকোইবদা পাইখৎপা চাওখৎ-থৌরাংবু ওইরবসু নত্রগা অৱাংনোংপোক লমদমদা শেমগৎ-শাগৎলিবা হাই-তেক ইনফ্রাস্ত্রকচরবু ওইরবসু, ঙসিদি লৈবাক অসিদা লৈরিবা দিস্তেন্স অসি তপ্ন-তপ্ন পিকশিল্লক্লি৷ মতৌ অসিগুম্না, ২০১৪দা, পিলগ্রীমেজ মফমশিং অসি শেমগৎ-শাগৎননবগীদমক লৈবাক অসিনা 'প্রসাদ স্কিম' লাওথোকখ্রে৷ স্কিম অসিগী মখাদা, মরু ওইবা পিলগ্রীমেজ সেন্তর ৪০রোম লৈবাক অসিদা শেমগৎলি, মসিগী মনুংদা প্রোজেক্ত ১৫দি মপুং ফানা লোইশিনখ্রে৷ গুজরাততসু, প্রসাদ স্কিমগী মখাদা লুপা কোতি ১০০ হোনবগী শেনফম থাদদুনা প্রোজেক্ত অহুম পাইখৎলি৷ সোমনাথ অমসুং গুজরাতকী অতোপ্পা তুরিস্ত স্পোতশিং অমসুং শহরশিং শমজিন্ননবা অখন্নবা মীৎয়েং চংলি৷ পীনিংলিবা ৱাখল্লোন অদুদি, তুরিস্তশিংনা মফম অমদা লাকপা মতমদা, অতোপ্পা তুরিস্তকী ওইবা মফমশিং অদুদসু মখোয় চৎহনগদবনি৷ অসিগুম্না, আইকোনিক তুরিস্ত দেস্তিনেসন ১৯ লৈবাক অসিদা খন্দোকখ্রে অমসুং শেমগৎলি৷ হায়রিবা প্রোজেক্ত পুম্নমক অসিনা মতুং তারকপদা ঐখোয়গী তুরিস্ত ইন্দস্ত্রী অসিদা অনৌবা শাফু অমা পীরগনি৷

মরুপশিং,

ঙসি, লৈবাক অসিনা প্রজা মীয়ামশিং অসি পুনশিনবতা নত্তনা তুরিজম সেক্তর শিজিন্নদুনা চাওখৎনবসু হোৎনরি৷ মসিনা মরম ওইদুনা, ২০১৩গী ত্রাবেল অমসুং তুরিজম কম্পিতিতিবনেস ইন্দেক্সতা ৬৫শুবা রেঙ্কতা লৈরম্বা ঐখোয়গী লৈবাক অসি ২০১৯গী ইন্দেক্সতা ৩৪শুবা মফমদা লৈরে৷ হায়রিবা চহি তরেৎ অসিদা ইন্তরনেস্নেল তুরিজম য়োকখৎনবা পোলিসী দিসিজন কয়ামরোম লৌখ্রে অমসুং মসিনা ঙসিদি লৈবাক অসিদা কান্নবা ফংহল্লি৷ ই-ভিসা রিজিম, থুংলকপা মতমদা ভিসা য়েংবগুম্বা খোংথাংশিং লৈবাক অসিনা লৌখৎখ্রে অমসুং ভিসা ফীশিংসু হন্থহনখ্রে৷ অতৌ অসিগুম্না, তুরিজম সেক্তরদা হোস্পিতেলিতীদা লৌরিবা জি.এস.তি. অসিসু হন্থখ্রে৷ মসিনা তুরিজম সেক্তরদা চাওনা কান্নবা পীরগনি অমসুং কোবিদকী ইফেক্তশিং অসিদগী রিকোভর তৌবা মতমদা চাওনা মতেং পাংলগনি৷ তুরিস্তশিংগী অপাম্বশিং অসি য়েংলগা ৱারেপ কয়ামরোমসু লৌখ্রে৷ খুদম ওইনা হায়রবদা, তুরিস্ত খরদি এদেবেঞ্চর চৎনিংবগী অপাম্বা লৈ৷ মসি ৱাখলদা থম্লদুনা, ত্রেক্কিং তৌননবা অৱাংবা চিং ২০ হাংদোক্তুনা থমখ্রে৷ তুরিস্তশিংনা খুদোংচাদবা থেংনদনবা অমসুং নৌবা চৎকদৌরিবা মফমশিং অদুগী অকুপ্পা ই-পাউ অদু ফংননবা গাইদশিং ত্রেন তৌদুনা থম্লি৷ মসিনা থবক্কী খুদোংচাবশিংসু চাওনা ফংহল্লগনি৷

মরুপশিং,

ঐখোয়গী লৈবাক্কী চৎনবিশিং অসিনা ঐখোয়বু অরুবা ফিভমশিংদগী লান্থোরকপা ঙম্নবা, অৱাবা পুম্বা তুংওইনরমদুনা মাংলোমদা চংশিল্লকপা ঙম্নবা ঐখোয়বু পুক্নিং থৌগৎলি৷ কোরোনাগী মতমদা তুরিজম অসিনা প্রজা মীয়ামগী অশা অমা ওই হায়বসি ঐখোয়না উরে৷ মরম অদুনা, ঐখোয়গী তুরিজমগী কল্চর, ময়ামগা মান্নদবা মতৌ অসি য়োকখৎনবা অমসুং চাকথোকহন্নবা ঐখোয়না লেপ্প-লৈতনা হোৎনরি৷ অদুবু মতম অসিমক্তদা, তঙাই ফদবা চেকশিন-থৌরাংশিংসু লৌখৎননবা ঐখোয়না খনগদবনি৷ মসিগী থৌনা অমসুং ঐখোয়গী চৎনবি অসিগা লোইননা লৈবাক অসি লেপ্প-লৈতনা চাওখৎলক্লগনি অমসুং মোদর্ন ইন্দিয়া শেম্বদা মিংচৎনা ঐখোয়বু লমজিংলগনি হায়না ঐনা থাজৈ৷ ঐখোয়না প্রজা মীয়ামগী শেবা তৌবা ঙম্নবা অমসুং মখোয়গী পু্ন্সিদা অহোংবা অমা পুরকপা ঙম্নবগীদমক অনৌবা ইনর্জীগা লোইননা লাইরবশিংগী মরক্তা খ্বাইদগী লাইরবা অদুগী য়াইফ-থৌরাংশিং পাংথোকপা ঙম্নবা লোর্দ সোমনাথকী মঙ্গোলশিং ঐখোয়দা লেপ্প-লৈতনা পীবা ওইরসনু! মঙ্গোল-অশির্বাদ অসিগা লোইননা, ময়াম পুম্নমকপু থাগৎচরি!! জয় সোমনাথ!

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
What PM Gati Shakti plan means for the nation

Media Coverage

What PM Gati Shakti plan means for the nation
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 ওক্তোবর 2021
October 25, 2021
Share
 
Comments

Citizens lauded PM Modi on the launch of new health infrastructure and medical colleges.

Citizens reflect upon stories of transformation under the Modi Govt