Share
 
Comments
“মহৌশা ফজবা অমদি নুংঙাইবগী মথক্তা গোৱানা চাউখৎ-থৌরাংগী অনৌবা মোদেল অমা, পুন্না হোৎনমিন্নবগী শক্তম অমসুং পঞ্চায়ৎতগী লৈঙাক ফাওবদা চাউখৎপা পুরক্নবা অমত্তা ওইনা লেপ্পী হায়নসু তাক্লি”
“গোৱানা ও.দি.এফ., ইলেক্ত্রিসিতী, তোতি ঈশিং, লায়বগী রাশন পীবা অসিগুম্বা মরু ওইবা স্কীম পুম্নমক্তা ১০০% ফংবা ঙমখি”
“স্বয়মপুর্ন গোৱা অসি তীম গোৱাগী অনৌবা তীম স্পিরিতকী ফলনি”
“গোৱাদা শেমগৎলিবা ইনফ্রাস্ত্রকচর অসিনা লৌমীশিং, শা-শন লোইরিবা মীওইশিং অমসুং ঐখোয়গী ঙামীশিংগী শেন্থোক হেনগৎহনবদা মতেং ওইরগনি”
“তুরিজমদা য়ুম্ফম ওইবা রাজ্যশিং অসিদা ভেক্সিনেসন দ্রাইব চত্থবা মতমদা অখন্নবা মীৎয়েং থমখি অমসুং মসিদগী গোৱানা চাউনা কান্নবা ফংখি”

আত্মানির্ভর ভারতাচে সপন, স্বয়মপুর্না গোৱা য়েৱ-জনে-তলথেন, সাকার কর্পী গোয়কারঙ্ক য়েৱকার। তুমচ্যা-সার্খ্যা, ঘদ-পদ-কর্পী, লোকাঙ্ক লাগুন, গোনয় রাজ্যাচো গর্জো, গোয়ান্তচ ভাগপাক সুরু জল্যাৎ, হী খোসয়েচী গজাল আশা।

সরকারগী ঙাক্লৌ ফংদুনা মীয়াম্না হোৎনবা কল্লকপা মতমদা মতৌ করম্না অহোংবা পুরকই, ইশাদা থাজবগী ফিভম করম্না লাকই, মসিদি ঐখোয়না গোৱা স্বয়মপুর্নগী বেনিফিশরীশিংগা ৱারী শাবা মতমদা খঙবা ঙম্লে। অসিগুম্বা অহোংবা পুরক্নবা লম্বী তাকপীরিবা গোৱাগী থৱাই য়াওবা মুখ্য মন্ত্রী, দাঃ প্রমোদ সাৱন্তজী, ঐহাক্কী কেবিনেৎকী মরুপ শ্রীপদ নাইকজী, গোৱাগী দিপ্যুতী সি.এম., শ্রী মনোহর অজগাওঙ্করজী, গোৱাগী তাউন প্লান্নিং মন্ত্রী,  শ্রী চন্দ্রকান্ত কেৱেলকরজী, রাজ্য সরকারগী অতোপ্পা মন্ত্রী, এম.এল.এ., এম.পি., লোকেল বোদীগী মীয়াম পুম্নমক, জিলা পরিশদ, পঞ্চায়ৎকী মরুপশিং, অতোপ্পা স্তেকহোলদরশিং অমসুং ঐহাক্কী নুংশিরবা গোৱাগী ইচিল-ইনাওশিং!!

গোৱা অসি শান্তি, মহৌশা, তুরিজমগী অতোপ্পা মমিংনি হায়নরিবনি। অদুবু ঙসিদি, ঐহাক্না গোৱাবু চাউখৎপগী অনৌবা মোদেল অমনি হায়নসু কৌরগনি। গোৱা হায়বদি পুম্নমক্না হোৎনমিন্নবগী মমি হায়বনি। গোৱা হায়বদি পঞ্চায়ত্তগী হৌদুনা লৈঙাক ফাওবনা চাউখৎপা পুরক্নবগীদমক্তা অমত্তা ওইনা পুনবা হায়বনি।

মরুপশিং,

হৌখিবা চহিশিংদা, লৈবাক্না অৱাত-অপা কয়াদগী থোক্লক্তুনা মীয়ামগী অনীংবা অমসুং অপাম্ববু মনীং থুংহনবনা পান্দম ওইদুনা লাক্লি। তঙাই ফদবা ময়াম অমা মীয়ামদা দিকেদ কয়াদগী পীবা ঙমদনা লাকখিবশিংদু হৌজিক্তি খুদোংচাবশিংদুবু মীয়ামদা ফংহনবনা খ্বাইদগী অহানবদা মিৎয়েং চঙবা থৌওং ওইরে। ঐখোয়না স্কিম কয়া অসিবু লৈবাক মীয়ামদা ১০০%কী চাংদা ফংহনগনি হায়না ঐহাক্না ওগস্ত ১৫দসু হায়খ্রে। পান্দমশিং অসি ফংনবগীদমক্তা প্রমোদ সাৱন্তজী অমসুং মহাক্কী তীমগী লুচিং মখাদা গোৱানা মরু ওইবা থৌদাং পায়খৎলি। ভারতনা মপান্দা অমাংবা তৌদনবা পান্দম থমখি। গোৱানা মসিবু ১০০%গী চাংদা মাই-পাক্না পাংথোকখি। য়ুম্থোং খুদিংদা ১০০%গী চাংদা ঈশিং ফংহনবদা গোৱানা ইহান হানখি, ১০০%কী চাংদা লাইরবশিংদা রাসন পীবদসু গোৱানা খ্বাইদগী ইহান হানখি।

মরুপশিং,

নুমিৎ নিনিগী মমাংদা ভারতনা ভেক্সিন দোজ করোর ১০০ কাপ্পগী চাউরবা পাঞ্জল লান্থোকখি। মসিদসু, গোৱানা অহানবা দোজ কাপ্পদা ১০০% য়ৌখি। অনিশুবা দোজ কাপ্পদসু গোৱানা ১০০% য়ৌনবা কন্না হোৎনরি।

ইচিল-ইনাওশিং,

নুপীশিংগী খুদোংচানবা অমসুং মশাগী ইকায়খুম্নবা ঙাকচনবা কেন্দ্র সরকারনা স্কিম কয়া হৌদোকপসিদা ঐহাক্না য়াম্না নুংঙাইবা ফাওজৈ। মসিবু গোৱানা মাই পাকহনবতা নত্তনা থৌওং অসিবুসু পাকথোক চাউথোকহল্লি। অমাংশঙ ওইরো, উজ্বালা গ্যাস কন্নেক্সন ওইরো, নত্ত্রগা জন ধন বেঙ্ক একাউন্ত ওইরো, গোৱানা নুপীশিংদা খুদোংচাবশিং অসি পীবগী নীংথিরবা থবক পাংথোক্লি। মসিনা মরম ওইদুনা, কোরোনাগী লোকদাউন মনুংদা নুপী লিশিং কয়ানা লেম্না গ্যাস ফংখি, মখোয়গী একাউন্ততা শেল হাপখি। য়ুম্থোং খুদিংদা তোতি ঈশিং ফনগহন্দুনা গোৱা সরকারনা নুপীশিংদা খুদোংচাবা কয়া ফংহল্লি। গোৱা সরকারনা হৌজিক্তি গৃহ আধার অমসুং দীন্দয়াল সোসিএল সেক্যুরিতীগুম্বা স্কিম কয়াগী খুত্থাংদগী গোৱাগী ইচে-ইচলশিংগী মপুন্সিবু হেন্না নুংঙাইহন্নবা কন্না হোৎনরি।

ইচিল-ইনাওশিং,

মতম্না লুশিল্লকপা খুদিংগী, অচৌবা শিংনবা কয়া মাংদা লাকই। মতাং অসিদা অশেংবা পাঙ্গলগী মশক খঙলকই। হৌখিবা চহি অমগা মখায়দা গোৱানা চহি ১০০গী খ্বাইদগী চাউবা লাইচৎ অমসুং সাইক্লোন অমসুং ইচাও থোকপগী লুরবা ফিভম কয়া থেংনখি। মসিনা গোৱাগী তুরিজম সেক্তরদা অচৌবা চৈথেং পীখি হায়বা ঐহাক্না খঙই। অদুবু, শিংনবা কয়া অসি মাইয়োক্ননবগীদমক্তা গোৱা সরকার অমসুং কেন্দ্র সরকারগী মপাঙ্গল অনি পুন্দুনা গোৱাগী মীয়াম্বু ৱাহন্দনবা কন্না হোৎনমিন্নখি। ঐখোয়না গোৱাগী চাউখৎপগী থবক অমত্তা লেপহনখিদে। ঐহাক্না প্রমোদজী অমসুং মহাক্কী অপুনবা তীম্বু স্বয়মপুর্না গোৱা অভিয়ানবু গোৱাগী চাউখৎপগী য়ুম্ফম ওইহনবগীদমক্তা থাগৎপা ফোংদোক্লি। হৌজিক্তি, মিসন অসিবু হেন্না খুমাং চাউশিলহন্নবগীদমক্তা ‘সরকার তুমচ্যাদারী’গী চাউরবা খোঙথাং অমসু পায়খৎলে।

মরুপশিং,

হায়রিবশিং অসিদি মমাংগী চহি ৭তগী মীয়ামগী ওইবা, থৱাই য়াওবা লৈঙাক্কী ৱাখল্লোন্দা য়ুম্ফম ওইরগা চত্থরক্লিবা থৌওংশিংগী মখা তারকপনি। মসিদি সরকার মশানা মীয়ামগী মনাক্তা লাকপা অমসুং মখোয়গী খুদোংচাদবশিংগী ৱারোইশিন পুরকপা লৈঙাক্নি। গোৱানা খুঙ্গং, পঞ্চায়ত, জিলাগী থাক্তা অফবা মোদেল অমা শেমখ্রে। কেন্দ্রগী স্কিম খুদিংদা গোৱানা ১০০%কী চাংদা পাংথোকপগুম্না, লেমহৌরিবা অতোপ্পা পান্দমশিংসু অদোম পুম্নমক্না হোৎনদুনা য়াম্না থুনা ফংবা ঙমগনি হায়বগী ঐহাক্না চেৎনা থাজবা লৈরে।

মরুপশিং,

ঐহাক্না গোৱাগী ৱারী শাবদা ফুৎবোলগী ৱাফম পন্দবদি ওইথোক্লোই। গোৱানা ফুতবোলদা ঙাওজবা অসিদি মখল অমনি, গোৱাগী ফুতবোলদা ঙাওবগী তোঙানবা থৌওং অমা লৈ। ফুতবোলদা দিফেন্স ওইরো, ফোররৱার্দ ওইরো, পুম্নমক অসি গোলদা মিৎয়েং চঙবা ঙাক্তনি। অমনা গোল চনবা থিংগদবনি, অমনা গোল চন্নবা হোৎনগদবনি। মশা-মশাগী পান্দম ফংগদবনি হায়বা ৱাখল্লোন্দি গোৱাদা কৈদৌনুংদা ৱাৎপা লৈরোই। অদুবু, মমাংদা পাল্লম্বা সরকারনা তীম স্পিরিৎকী ফজরবা অকোয়বগী ফিভম শেম্বগী মতৌদি য়াওরমদ্রে। মতম কয়াদগী, গোৱাদা রাজনিতীগী কান্নবগী ৱাখল্লোন্না অফবা লৈঙাক পুরকপদা অয়েৎপা পীদুনা লাকখিবনি। রাজনিতীগী তংদু-লৈতাবা লৈতবা গোৱাদা অকায়বা পীখিবনি। অদুবু, হৌখিবা চহি খরদগী গোৱাগী মীয়াম্না ফিভম অসিবু তংদু লৈতাহল্লে। ঐহাক্কী মরুপ, লৈখিদ্রবা মনোহর পরিকরজীনা গোৱানা থুনা চাউখৎনবগীদমক্তা থাজবা অমগা লোয়ননা মাংজিল থানা হোৎনবীরম্ববু প্রমোদজীগী অপুনবা তীম্না পুকচেল শেংনা হোৎনদুনা অনৌবা থাক্তা পুখৎলে। ঙসিদি, গোৱানা মশাদা থাজবগা লোয়ননা তুংলমচৎকীদমক্তা চৎলি। তীম গোৱাগী অসিগুম্লবা তীম স্পিরিৎ অসিগী মহৈদি গোৱাবু মরোমদোম লেপচবা ঙমহনবগী ৱারেপ অসিনি। 

ইচিল-ইনাওশিং,

গোৱাদা খুঙ্গংগী চাউরবা লন অমসুং পুক্নিং হুনীংঙাই ওইরবা অর্বানগী পুন্সি মহিং লৈ। গোৱাদা লৌ-ঈশিংসু লৈ অমসুং ব্লু ইকোনোমীগী চাউখৎপগী ওইথোকপা য়াবসু লৈ। আত্মানির্ভর ভারত অমা ওইহন্নবা তঙাই ফদবা হীরম খুদিংমক গোৱাদা লৈ। মরম অদুনা গোৱানা চাউখৎপা অসিদা দবল ইঞ্জিন সরকারনা খ্বাইদগী অহানবা মিৎয়েং চঙলিবনি।

মরুপশিং,

দবল ইঞ্জিন সরকারনা গোৱাগী খুঙ্গং, শহর অমসুং কোস্তেল ইনফ্রসাত্রকচরদা অহেনবা মিৎয়েং চঙলি। গোৱাগী অনিশুবা এয়রপোর্ত, লোজিস্তিক্স হব ওইবা, ভারতকী খ্বাইদগী অনিশুবা চাউবা কেবল ব্রিজ, করোর লিশিং কয়া চঙদুনা শাখিবা নেস্নেল হাইৱে- পুম্নমক অসিনা গোৱাগী নেস্নেল অমসুং ইন্তর্নেস্নেল কন্নেক্তিবিতীদা য়াম্না চাউনা তেংবাংগনি।

ইচিল-ইনাওশিং,

গোৱাদা হৌজিক শেমগৎলিবা ইনফ্রাস্ত্রকচরশিংনা গোৱাগী লৌমী, শা-উচেক লোইবা অমসুং ঙামী মরুপশিংগী চাগা হেনগৎহনবদা য়াম্না চাউনা তেংবাংগনি। গোৱাগী খুঙ্গংগী ইনফ্রাস্ত্রকচরশিংবু মতমগা চান্নহন্নবগীদমক্তা রাজ্যসিগী ফন্দসু মমাংগা চাংদম্নবদা শরুক ৫গী চাং হেনগৎখ্রবনি। গোৱাগী খুঙ্গংগী ইনফ্রাস্ত্রকচরশিং চাউখৎহন্নবগীদমক্তা কেন্দ্র সরকারনা লুপা করোর ৫০০ কায়থখ্রবনি। মসিনা লৌউ-শিংউ অমসুং শা-উচেক লোইবগী সেক্তরদা গোৱাদা পায়খৎলিবা থবকশিংদা মপাঙ্গল হাপকনি।

মরুপশিং,

লৌমী অমসুং ঙামীশিংবু বেঙ্ক অমসুং কৈথেলগা শম্নহন্নবগীদমক্তা কেন্দ্র সরকারনা পায়খৎলিবা স্কিম খুদিংবু মীয়াম খুদিংদা য়ৌহন্নবগীদমক্তা গোৱা সরকারনা কন্না হোৎনরি। গোৱাদা অপিকপা লৌমীগী মশিং য়াম্না লৈ, মখোয়না মনা-মশিং অমসুং উহৈ-ৱাহৈদা কা হেন্না মখা পোনবা নত্ত্রগা ঙাগী কারবারগী মখা পোল্লি। অসিগুম্বা অপিকপা লৌমী, শা-উচেক লোইবা অমসুং ঙামীশিংনা বেঙ্কতগী লায়না লোন ফংবা অসি য়াম্না লুনা থোক্লম্মি। খুদোংচাদবশিং অসি য়েংলদুনা কিসান ক্রেদিৎ কার্দ স্কিম পুরকখি। অহানবদনা, অপিকপা লৌমীশিংদা মিসন মোদতা কে.সি.সি. পীরি, অনিশুবদনা, শা-উচেক লোইবা অমসুং ঙামীশিংবু অহানবা ওইনা মসিদা পুনসিনলে। গোৱাদা অতেনবা মতমদা অনৌবা কিসান ক্রেদিৎ কার্দ অনৌবা কয়া পীথখি অমসুং লুপা করোর কয়াগী তেংবাংসু পীখি। পি.এম. কিসান সম্মান নিধীগী মখাদা গোৱাগী লৌমীশিংনা কান্নবা কয়া অমা ফংখি। মরম অসিদগী, অনৌবা মীওই কয়ানা লৌ-উবা হৌনবসু য়াওরে। শুপ্নগী চহি অমগী মনুংদা, গোৱানা মনা-মশিং অমসুং উহৈ-ৱাহৈ পুথোকপগী চাংদা ৪০% হেনগৎখি। শঙ্গোম পুথোকপগী চাংসু ২০% হেনখি। গোৱা সরকারনা হন্দক্তি হান্নদগী হেন্না লৌমীশিংগী পোত্থোক লৈশিনখি হায়নসু ঐহাক্কী ইফমদা পাউদমলকখি।

মরুপশিং,

ফুদ প্রোসেসিং ইন্দস্ত্রীনা স্বয়মপুর্না গোৱাগী অনৌবা পাঙ্গল ওইরগনি। ফিশ প্রোসেসিংদা মরু ওইনা, গোৱানা ভারতকী মপাঙ্গল ওইরকপা য়ারে। ভারতনা মতম কুইনদগী ঙা অহিংবা এক্সপোর্ত তৌদুনা লাক্লি। ভারতকী ঙা অসি নোংপোক এসিয়াগী লৈবাকশিংদা প্রোসেস তৌরগা মালেমগী কৈথেলদা য়ৌই। ফিভম অসিবু ওন্থোক্নবগীদমক্তা, ফিশরীজ সেক্তরদা অহানবা ওইনা চাউনা তেংবাংলি। ঙাগী কারবারগীদমক্তা অনৌবা মন্ত্রালয় শেম্বদগী হৌদুনা মতমগা চান্নবা ঙা ফানবা জহাজ ফাওবগী হীরম খুদিংদা পুক্নিং থৌগৎলি। প্রধান মন্ত্রী সম্পদা য়োজনাগী মখাদা গোৱাদা লৈরিবা ঐখোয়গী ঙামীশিংদা য়াম্না চাউনা তেংবাংলি।

মরুপশিং,

গোৱাগী মহৌশা অমসুং তুরিজম চাউখৎপগা ভারত চাউখৎপগা হকথেংননা মরী লৈনৈ। গোৱা অসি ভারতকী তুরিজম সেক্তরগী য়াম্না মরু ওইবা মফম অমনি। খোঙজেল য়াঙনা চাউখৎলিবা ভারতকী শেন্মিৎলোন্দা তুর, ত্রাভেল অমসুং হোস্পিতালিতী ইন্দস্ত্রীনা য়ারিবা শরুক অসি নোংম-নোংমগী হেনগৎলক্লি। মসিদা গোৱানা য়াম্না চাউনা শরুক য়ারি হায়বসি পুম্নমক্না খঙনরবা ৱাফম্নি। হৌখিবা চহি খরদা, তুরিজম অমসুং হোস্পিতালিতী সেক্তরবু খুমাং চাউশিলহন্নবগীদমক্তা মখল খুদিংগী মতেং পীরি। ভিসা ওন এরাইভেলগী খুদোংচাবা লৈহনখ্রে। কন্নেক্তিবিতীগী মথক্তা তুরিজম ইনফ্রাস্ত্রকচর চাউখৎহন্নবা মমাংগী চহিশিংদা কেন্দ্র সরকারনা লুপা করোর কয়াগী তেংবাং গোৱাদা পীখি।

মরুপশিং,

ভারতকী তীকা থাবগী খোঙজংদসু গোৱা য়াওনা লৈবাক্কী তুরিজমগী মফম ওইবা রাজ্য ময়ামদা অহেনবা মিৎয়েং চঙখি। গোৱানা মসিদগী কান্নবা কয়াসু ফংখি। গোৱানা অহিং-নুংথিল নাইদনা হোৎনদুনা, লমদমসিগী ভেক্সিন কাপ্পদা মতিক চাবা মীওই খুদিংদা অহানবা দোজ লোয়না কাপথোকহনখি। হৌজিক্তি, ঐখোয়গী লৈবাক্না ভেক্সিন দোজ করোর ১০০গী মশিং হেন্দোকখ্রে। মসিনা মরম ওইদুনা লৈবাক্কী মীয়াম অমসুং লমকোইবশিংদা থাজবা য়াম্না হেনগৎলে। হৌজিক ঐখোয়না দিৱালী, খৃস্তমাস অমসুং ন্যু য়রগী শেম-শারি, মসিগী কুমহৈ অসুং ছুতিগী কুম অসিদা গোৱাগী তুরিজম সেক্তরগী অনৌবা মপাঙ্গল অমা উবা ফংগনি। গোৱাদা লৈবাক্কী অমসুং মীরমগী লমকোইবশিংগী মশিং য়াম্না হেনগৎলক্কদৌরবনি। মসিদি গোৱাগী তুরিজম ইনদস্ত্রীগী য়াম্না য়াইফবা পুঙফম অমা লাক্কদৌরে তাকপনি।

ইচিল-ইনাওশিং,

গোৱানা অসিগুম্বা চাউখৎপগী খুদোংচাবশিংবু ১০০%গী চাংদা কান্নবা লৌরকপা মতমদা গোৱানা স্বয়মপুর্না ওইবা শোইদবা ঙম্লক্কনি। স্বয়মপুর্না গোৱানা মীচম মীয়ামগী অনীংবা-অপাম্বশিং ফংহনবগী পাম্বৈ ওইরগনি। স্বয়মপুর্না গোৱানা ইমা, ইচে-ইচল, ইচানুপীশিংগী হকশেল, খুদোংচাবা, ঙাক-শেনবা অমসুং মশাগী ইকায় খুম্নজবগী পাম্বৈনি। স্বয়মপুর্না গোৱা অসি নহাশিংদা থবক পীনবা পাম্বৈনি। স্বয়মপুর্না গোৱাদা গোৱাগী নুংঙাই য়াইফবা মতমগী মমি তারি। মসিদি থা ৫ নত্ত্রগা চহি ৫গী প্রোগ্রাম অমা নত্তে, মসিদি চহি ২৫গী মিৎয়েংগী অহানবা তাঙ্কক্নি। তাঙ্কক অসিদা য়ৌনবগীদমক্তা গোৱাগী মীওই খুদিংনা অমত্তা ওইনা হোৎনমিন্নগদবনি। মরম অসিনা, গোৱানা দবল ইঞ্জিন অসিবু লেপ্তনা মখা চত্থবগী মথৌ তাই। গোৱাদা হৌজিক ময়েক শেংবা পোলিসীগী মথৌ তারিবা অসিগুম্না, তংদু লৈতাবা সরকার অমগীসু মথৌ তাই, হৌজিক্কী থৱাই য়াওবা লুচিংবগুম্বগী মথৌ তাই। অপুনবা গোৱাগী য়াইফ-থৌজালনা ঐখোয়না পান্দম অসি শোইদনা ফংবা ঙমগনি হায়বগী থাজবা অসিগা লোয়ননা ঐহাক্না মীয়াম্বু অমুক্কা হন্না থাগৎচরি।

অদোম্বু অমুক্কা হন্না থাগৎচরি!

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
21 Exclusive Photos of PM Modi from 2021
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Make people aware of govt schemes, ensure 100% Covid vaccination: PM

Media Coverage

Make people aware of govt schemes, ensure 100% Covid vaccination: PM
...

Nm on the go

Always be the first to hear from the PM. Get the App Now!
...
PM to deliver Keynote address at national launch ceremony of 'Azadi Ke Amrit Mahotsav se Swarnim Bharat Ke Ore' on 20th January
January 19, 2022
Share
 
Comments
PM to flag off seven initiatives of Brahma Kumaris

Prime Minister Shri Narendra Modi will deliver the Keynote address at the national launch ceremony of 'Azadi Ke Amrit Mahotsav se Swarnim Bharat Ke Ore' on 20th January, 2022 at 10:30 AM via video conferencing. The program will unveil yearlong initiatives dedicated to Azadi Ka Amrit Mahotsav by the Brahma Kumaris, which include more than 30 Campaigns and over 15000 programs & events.

During the event, Prime Minister will flag off seven initiatives of Brahma Kumaris. These include My India Healthy India, Aatmanirbhar Bharat: Self Reliant Farmers, Women: Flag Bearers of India, Power of Peace Bus Campaign, Andekha Bharat Cycle Rally, United India Motor Bike Campaign and green initiatives under Swachh Bharat Abhiyan.

In the My India Healthy India initiative, multiple events and programs will be held in medical colleges and hospitals with focus on spirituality, well-being and nutrition. These include organisation of medical camps, cancer screening, conferences for Doctors and other health care workers, among others. Under Aatmanirbhar Bharat: Self Reliant Farmers, 75 Farmer Empowerment Campaigns, 75 Farmer Conferences, 75 Sustainable Yogic Farming Training Programs and several other such initiatives for the welfare of farmers will be held. Under Women: Flag Bearers of India, the initiatives will focus on social transformation through women empowerment and empowerment of girl child.

The Power of Peace Bus Campaign will cover 75 cities and Tehsils and will carry an exhibition on positive transformation of today's youth. The Andekha Bharat Cycle Rally will be held to different heritage sites, drawing a connection between heritage and environment. The United India Motor Bike Campaign will be held from Mount Abu to Delhi and will cover multiple cities. The initiatives under Swachh Bharat Abhiyan will include monthly cleanliness drives, community cleaning programmes and awareness campaigns.

During the event, a song dedicated to Azadi Ka Amrit Mahotsav, by Grammy Award winner Mr. Ricky Kej, will also be released.

Brahma Kumaris is a worldwide spiritual movement dedicated to personal transformation and world renewal. Founded in India in 1937, Brahma Kumaris has spread to over 130 countries. The event is being held on the occasion of 53rd Ascension Anniversary of Pitashree Prajapita Brahma, Founding Father of Brahma Kumaris.