Share
 
Comments
মমাংদা, অহোংবা রাসন স্কীমশিংগী স্কোপ অমসুং বজেৎ হেনগৎহনবা লৈখ্রে অদুবু চাং অদুদা চরা হেনবা অমসুং চিঞ্জাক ফংদবগী অৱাবদি হন্থবা লৈখিদে: পি.এম.
প্রধান মন্ত্রী গরীব কল্যান অন্না য়োজনা হৌদোক্লবা মতুংদদি বেনিফিসরীশিংনা মমাংদা ফংখিবা রাসনগী চাংদগী শরুক অনি হেন্না ফংলি: পি.এম.
লায়চৎ মনুংদা চাদিং লুপা কোতি লাখ ২ হেনবনা মীওই কোতি ৮০ হেন্না লেম্না রাসন ফংহনখি: পি.এম.
লৈবাক অসিদা খ্বায়দগী চাউবা অৱা-অনা নংবা নত্তনা নাগরীক অমত্তনা চরা হল্লোই: পি.এম.
লায়রবদা শক্তি পীবা অসিনা ঙসিদি খ্বায়দগী মকোক্তা থম্লি: পি.এম.
ঐখোয়গী শান্নরোইশিংগী অনৌবা থাজবা অসিনা অনৌবা ভারতকী খুদম অমা ওইরক্লি: পি.এম.
লৈবাক অসিনা য়াম্না থুনা ভেক্সিনেসন্দা চংশিন্দুনা কোতি ৫০গী মফম অমা য়ৌরে: পি.এম.
অজাদী কা অমৃত মহোৎসবতা জাতি শেমগৎনবগীদমক অনৌবা ইনোৎ পীনবা ঐখোয়না শেংলবা ৱাশক লৌরসি: পি.এম.

খুরুমজরি! গুজরাতকী মুখ্য মন্ত্রী শ‌্রী ভিজয় রুপানিজী, উপ মুখ্য মন্ত্রী শ্রী নিতিনভাই পতেল, পার্লিয়ামেন্তগী ঐহাক্কী মরূপশিং অমসুং গুজরাতকী বি.জে.পি.গী প্রসিদেন্ত শ্রী সি.আর, পতিলজী, পি.এম. গরীব কল্যান অন্ন য়োজনাগী বেনিফিসিয়রী পুম্নমক অমসুং ইচিল-ইনাওশিং!

গুজরাতনা হৌখিবা চহিশিংদা লেপ্পা লৈতনা শেমগৎলকখিবা চাউখৎ-থৌরাং অমসুং থাজবা অসিনা ঙসি রাজ্য অসি অনৌবা মাইকৈদা পুররে। গুজরাত সরকারনা ঐখোয়গী ইচে-ইচলশিং, ঐখোয়গী লৌমীশিং, ঐখোয়গী লায়রবা ইমুং-মনুংশিংগী শেবা তৌনবগীদমক স্কীম খুদিংমক পাইখৎখি। ঙসো পি.এম. গরীব কল্যান অন্ন য়োজনাগী মখাদা গুজরাত্তা ইমুং-মনুং লাখ কয়াদা লেম্না রাসন য়েন্থোক্লি। মালেমগী ওইবা লাইচৎ অসিগী মতমদা লেম্না রাসন ফংহনবা অসিনা লায়রবশিংগী অৱাবা হন্থহল্লি, মখোয়গী থাজবা হেনগৎহল্লি। স্কীম অসি ঙসিতা হৌবা নত্তে, স্কীম অসিদি লৈবাক অসিদা লায়রবা অমত্তনা চরা হেল্লগা তুমবা তৌদনবা চহি অমরোমদগী চত্থদুনা লাক্লি।

ঐহাক্কী নুংশিরবা ইচিল-ইনাওশিং,

মসিনা লায়রবশিংগী ৱাখলদা থাজবা অমসু পোকহল্লি। মখোয়না শীংনবনা ফনা চাউরবসু লৈবাক অসিনা মখোয়গীদমক লেপ্পি হায়না ফাওবনা মরম ওইরগা থাজবা অসি পোক্লিবনি। মীকুপ খরগী মমাংদা ঐহাক্না বেনিফিসিয়রী খরগা ৱারী শাবগী খুদোংচাবা ফংজখি, ৱারী শানবা অদুদা মখোয়দা অনৌবা থাজবা অমনা থল্লি হায়না ঐহাক্নসু ফাওখি।

মরূপশিং,

নীং তম্লবা মতুংদা সরকার খুদিংমক্না লায়রবশিংদা চেং-চাক অহোংবা মমলদা পীননবগী ৱাফম হৌদোক্নখি। অহোংবা মমলদা চেং-চাক পীনবগী থৌরাংনা কোনশিনগদবা চাং অমসুং বজেদ চহি খুদিংগী চাউথোক্লি, অদুবু মদুগী কান্নবদি ইহেন হেনগত্তবগুম তৌরি। লৈবাকসিগী চীঞ্জাক পৈশিনবদি হেনগৎলক্লি অদুবু চরা হেনবা অমদি মচি ওইবা চীঞ্জাক ফংদবগী চাংদি হন্থবা লৈত্রি। মসিগী মরুওইবা মরম অমদি – মতিক চাবা দেলিভরীগী মওং মতৌ লৈতবনি অমসুং সিস্তেমদা অশোইবা খরসু লৈখি, কত তৌখ্রবা কম্পনীশিং চংলকপা, পুকচেল শেংদবগী ইলিমেন্তসু চংলকখি। ফীভম অসি অহোংবা পুরক্নবগীদমক ইং ২০১৪গী মতুংদা অনৌবা খোঙথাঙ অমগা লোয়ননা থবক হৌরকখিবনি। অনৌবা তেক্নোলোজীনা অহোংবা অসিগী মীদিয়ম ওইহনখি। সিস্তেমদগী শাশিন্নবা বেনিফিসিয়রী করোর কয়া লৌথোকখি। সরকারগী রাসনগী দুকানশিংদা রাসন কার্দশিংগা আধার অমসুং দিজিতেল তেক্নোলোজীগা লিঙ্ক তৌনবা থৌগৎখি। ঙসি মসিগী মহৈ ঐখোয়গী মাংদা উবা ফংলে।

ইচিল-ইনাওশিং,

চহি চামদা থোকপা খ্বাইদগী চাউবা খুদোংথিবা অসি মালেম পুম্বতা নত্তনা ভারত্তসু লাকখি, মসি মীওইবা জাতিদা অপুনবদা লাকখি। হিংনবগী লম্বীদা খুদোংথিবা অমা ওইখি, কোরোনাগী লোকদাউন্না মরম ওইদুনা লালোন-ইতিক তৌবা লেপখি। অদুবু লৈবাক অসিনা মহাক্কী প্রজাশিংবু চারা হেনহল্লগা তুমহনবদি তৌখিদ। লাইবকথিবদি লাইনা অসিগা লোইননা মালেমগী লৈবাক কয়াগী মীওইশিংনা চারা হেনবগী অচৌবা খুদোংচাদবা অমা মায়োক্নখি। অদুবু লাইচৎ অসিগী অহৌবা নুমিৎতগী ভারতনা খুদোংথিবা অসি মশক খঙদোক্তুনা মসিদা থবক পাইখৎপা হৌখি। মরম অসিনা প্রধান মন্ত্রী গরীব কল্যান অন্ন য়োজনা অসি মালেম পুম্বদগী থাগৎনরক্লি। ভারতনা লাইচৎ মনুংদা মহাক্কী প্রজা করোর ৮০ হেনবদা লেম্না চেং-চাক পীরি হায়না অচৌবা এক্সপর্তশিংনা থাগৎনরক্লি। লৈবাক অসিনা মসিগীদমক লুপা করোর লাখ ২ হেন্না চাদিং তৌরি। মসিগী মরু ওইবা পান্দমদি – ভারতকী ইচিল-ইনাওশিং, ভারত মচা অমত্তনা চরা হেল্লগা তুমদনবনি। ঙসি গেহুনা কিলোদা লুপা ২, চেঙনা কিলোদা লুপা ৩গী চাঙদা কান্নবা ফংলিবা মীপুম খুদিংমক্না থাদা গেহু নৎত্রগা চেঙ কিলো ৫গী চাংদা ফংলি। হায়বদি থৌরাং অসি চৎনদ্রিঙৈগী মমাঙদা কান্নবা বেনিফিসিয়রীশিংনা ফংলম্বা চাংগী শরুক অনি ফংলি। থৌরাং অসি দিৱালী ফাওবা চৎনগদৌরিবনি, দিৱালী ফাওবা লায়রবা অমত্তনা মখোয়গী মপুক থলহন্নবা মখোয়গী ফুরিৎ খাউদগী শেল শৎপা মথৌ তাহল্লরোই। গুজরাত্তসু ঙসি লেম্না রাসন ফংবগী কান্নবা অসি বেনিফিসিয়রী করোর ৩.৫রোমনা লৌরি। ঐহাক্না গুজারত সরকারনা লৈবাক অসিগী অতৈ শরুকশিংদগী থবক শুনবা লাক্লিবা শিন্মীশীংদা খুদোংচাবা অসি পীবীবগীদমক ঐহাক্না থাগৎপা ফোঙদোকচনীংই। কোরোনাগী লোকদাউন্না মরম ওইদুনা শোকহল্লবা শিন্মী লাখ কয়ানা স্কীম অসিগী কান্নবা ফংলি। রাসন কার্দ পাইদবা নত্ত্রগা মখোয়গী রাসন কার্দ অদু অতোপ্পা রাজ্যগী ওইবা অসিগুম্বা মরূপ কয়া লৈ। গুজরাত অসি ৱন নেসন, ৱন রাসন কার্দকী স্কীম চৎনহনবা অহানবা রাজ্যশিংগী মনুংদা অমা ওইরি।  গুজরাত্তা লৈয়া শিন্মী লাখ কয়ানা ৱন নেসন, ৱন রাসন কার্দকী কান্নবা ফংলি।

ইচিল-ইনাওশিং,

লৈবাক অসিগী চাউখৎ-থৌরাং অসি অচৌবা শহরশিংগীতা ওইরম্বা মতম অমা লৈরমখি। মফমশিং অদুদসু চাউখৎপা হায়বা অসি অখন্নবা মফমশিংদা অচৌবা ইকংথোংশিং শাবা, লম্বীশিং শেম্বা, মেত্রোশিং চেলহনবা অসি খক্তা ওইরমখি! হায়বদি খুঙ্গংশিং অমসুং শহর মচাশিং, ঐখোয়গী য়ুমগী মপান্দা তৌরিবা থবক, মীচম প্রজাশিংগী কান্নবগা মরী লৈনদবা থবক অসি চাউখৎ-থৌরাংনি হায়না খনখি। হৌখিবা চহি খরা অসিদা লৈবাক অসিনা মসিগী ৱাখল্লোন অসিদা অহোংবা পুরকখি। ঙসি লৈবাক অসিনা মাইকৈ অনিমক্তা থবক তৌবা পাম্লি, লম্বী অনিদা চৎপা পাম্লি। লৈবাক অসিনা অনৌবা ইনফ্রাস্ত্রকচরসু মথৌ তাই। ইনফ্রাস্ত্রকচরগীদমক লুপা লাখ করোর কয়া চাদিং তৌরি, মীয়ামসু থবক ফংলে অদুবু মসিগা লোইননা মীচম প্রজাগী পুন্সি মহিং ফগৎহন্নবা ইজ ওফ লিবিংগী অনৌবা কাংলোনশিংসু শেম্লি। ঙসি লায়রবশিংদা শক্তি পীবা হায়বা অসিদা মরু ওইবা মীৎয়েং চংলি। লায়রবা ইমুং-মনুং করোর ২দা য়ুমশিং পীখ্রে, মসিনা তাকপদি মখোয়না হৌজিক অইংবা, অশাবা, নোংজুগী অকীবা অদু থাদোক্লগা হৌজিক হিংবা ঙম্লগনি মসিতা নত্তনা মখোয়না মশাগী ময়ুম অমা লৈজবা মতমদা মশাদা মইশানা মশাবু ইকাই খুম্নবা ফাওগনি। ফীরেপশিং অসি মঙফাওনবা ঙম্নবা লায়রবা ইমুং-মনুংগা লোইননা অয়ুক নুমিদাং খাক্তনা অনৌবা ফীরেপশীংগা লোইননা মাংদা চংশিল্লসি। ইমুং-মনুং করোর ১০না দিফিকেৎ তৌরক্তবা হায়বা অসি মখোয়গী হিংবগী মওং-মতৌ অদু ফগৎলবনি। মহাক্না নুংঙাই-য়াইফবা ইমুং-মনুংশিংদি মখোয়গী ময়ুমশিংদা অমাংশঙ লৈ হায়না খনখি হৌজিক্তি মখোয় মশাগী য়ুমশিংদা অমাংশঙশিং লৈরে। লায়রবশিংনা মমথরকপা ঙাইদুনা লমহাংদা চৎলম্মি অদুবু হৌজিক্তি লায়রবশিংগীসু অমাংশঙ অমা লৈরে, মহাকসু ইনাক-কাইরক খুনবগা চাং মান্নরক্লে, মখোয়দা অনৌবা আশা অমা পোক্লে। মসিগা মান্ননা লৈবাক অসিগী লায়রবশিং অসি জন ধন একাউন্তশিংগী খুত্থাংদা বেঙ্কিং সিস্তেমগা কন্নেক্ত তৌবা মতমদা, লায়রবশিংগী খুত্তা মোবাইল বেঙ্কিং লৈরবা মতমদা মদুনা মহাক্কী পাঙ্গল ওইগনি, মহাক্না অনৌবা খুদোংচাবশিং ফংগনি। ঐখোয়গীসিদা হায়নবা লৈ -

সামর্থ্য মূলম
সুখমেব লোকে!

হায়বদি, ঐখোয়গী পাঙ্গলগী হৌরকফম অসি ঐখোয়গী পুন্সিদা হরাও-নুংঙাইবা ফংবা অসিনা ওইরি। শম্না হায়রবদা ঐহাক্না নুংঙাইবা তানরগা নুংঙাইবা ফংগদবা নত্তে, অদুবু ঐখোয়না থবক ওইনা পাঙথোকপা তাই, করিগুম্বা খরা ফংনবা হোৎনবা তাই। মসিগা মান্ননা, শক্তি পীবা হায়বা অসি হকশেল, এজুকেসন, খুদোংচাবা অমসুং ইজৎ হেনগৎলকবা মতমদা ঙমগনি। করোর কয়ানা আয়ুশ্মান য়োজনাগী খুত্থাংদা লেম্না লায়েং ফংবা মতমদা মখোয় হকশেলনা শক্তি পীরবনি। শোত্থরবা কাংলুপশিংগীদমক রিজর্বেসন থম্বা মতমদা এজুকেসনগী খুত্থাংদা কাংলুপশিং অসিদা শক্তি পীরিবনি। খুঙ্গংশিংগী লম্বীনা শহরশিংগা শম্নবা মতমদা, লায়রবা ইমুং-মনুংশিংনা লেম্না চাকথোং গ্যাস ফংবদা, লেম্না মৈগী কন্নেক্সন ফংবদা খুদোংচাবশিং অসিনা মখোয়বু শক্তি পী। মীওই অমনা হকশেল, এজুকেসন অমসুং অতৈ খুদোংচাবশিং ফংবা মতমদা মহাক্না মহাক্কী চাউখৎপগী মরমদা খল্লি, লৈবাক অসিগী চাউখৎপগী মরমদা খল্লি। মঙলানশিং অসি মঙফাওনবা ঙমহন্নবা ঙসি লৈবাক অসিদা মুদ্রা স্কীম, স্বনিধি স্কীম লৈরে। ভারত্তা অসিগুম্বা স্কীম কয়ানা লায়রবশিংনা ইজৎ লৈনা হিংনবগী লম্বী পীরি, মসিনা ইকাই খুম্নবগা লোইননা শক্তি পীনবা লম্বেল অমা ওইরি।

ইচিল-ইনাওশিং,

মীচম প্রজাগী মঙাল অসি মঙফাওনবা ঙম্নবা খুদোংচাবশিং ফংবা মতমদা, মখোয়গী ময়ুমশিংদা মশা মথন্তা লম্বী লাকপা হৌরবা মতমদা পুন্সিদা করম্না অহোংবশিং লাকই হায়বা গুজরাতনা য়াম্না মুন্না খংই। গুজরাতকী চাউরবা শরুক অমদা মীয়াম, ইমা-ইবেলশিং অমসুং ইচে-ইচলশিংনা মতম অমদা ঈশিংগীদমক কিলোমিতর কয়া শাংনা চৎপা মথৌ তারমখি। ঐখোয়গী ইমা-ইবেলশিং অমসুং ইচে-ইচলশিংনা মসিগী মীৎনা উহৌবা শাখিনি। রাজকোত্তা ঈশিংগীদমক ত্রেন অমা থাবা মথৌ তাখি। রাজকোত্তগী ঈশিং লৌগে হায়রবদি য়ুমগী মমাংদা কোম অমা তৌদুনা পাইপতগী ঈশিং অদু বালতিন্দা য়াদুনা থলহনবা তারমখি। অদুবু ঙসিদি সরদার সরোভর দাম, সৌনি য়োজনাগী খুত্থাংদা, কেনেলশিংগী নেৎৱর্ক্কী খুত্থাংদা নর্মদা ইমাগী ঈশিং অসি কচ্ছতা ফাওবা য়ৌহনবা ঙম্লে, কনা অমত্তনা মসি ওইথোক্কনি খলমদে অমসুং ঐখোয়গী লমদমদদি ইমা নর্মদাগী মমিংদা নীংশিংবদা ঐখোয়না কান্নবা ফংলি। ঙসি ইমা নর্মদা মশামক গুজরাতকী খুঙ্গং-খুঙ্গংদা চেল্লি, ইমা নর্মদা মশামক য়ুম-য়ুমদা য়ৌবা ঙম্লে, ইমা নর্মদা মশামক ঐখোয়গী থোংজিলদা লাক্তুনা ঐখোয়ু থৌজানবীরি। হোৎনখিবশিং অসিগী ফল ওইনা ঙসি গুজারত অসি চাদা ১০০ তোতি ঈশিং পীবা ঙম্বগী পান্দম অদু য়ৌগদবা খজিক্তং ঙাইরে। মীচম প্রজাগী পুন্সিদা পুরক্লিবা অহোংবা অসিগী খোঙজেল অসি লৈবাক পুম্বদা তপ্না-তপ্না য়ৌরক্লি। নীংখা তম্লবা মতুংদ চহি কয়া লৈরবা ফাইবা লৈবাক অসিগী খুঙ্গংগী য়ুমথোং করোর ৩০তমক তোতি ঈশিং ফংলি। অদুবু ঙসিদি জল জীবন মিসন অভিয়ানগী মখাদা শুপ্নগী চহি অনিদা ইমং করোর ৪.৫ হেনবদা তোতি ঈশিং য়ৌহনখ্রে মরম অসিনা ঐহাক্কী ইমাশিং অমসুং ইচে-ইচলশিংনা থৌজাল কয়া পীবীরি।

ইচিল-ইনাওশিং,

গুজরাতনা দবল ইঞ্জিন গভর্নমেন্তগী কান্নবশিং লেপ্তনা উবা ফংলি। ঙসি সরদার সরোভর দামদগী অনৌবা চাউখৎ থৌরাংগী ইচেল অমা চেনবতা নত্তনা ঙসি গুজরাত্তা স্তেচ্যু ওফ য়ুনিতীগী মওংদা মালেমগী অনৌবা এত্রেক্সন অমসু লৈরে। কচ্ছতা লিংখৎখিবা রিন্যুএবল ইনর্জী পার্ক অসিনা গুজরাতপু মালেম পুম্বগী রিন্যুএবল ইনর্জী মেপতা হাপ্লগনি। গুজরাত্তা রেল অমসুং এয়র কন্নেক্তিবিতীগী মতমগা চুনবা অমসুং অচৌবা ইনফ্রাস্ত্রকচর প্রোজেক্তশিং শেমগৎলি। গুজরাতজী অহমদাবাদ অমসুং সুরৎগুম্বা সহরশিংদা মেত্রো কন্নেক্তিবিতী অসি চাউথোরক্লি। গুজরাত্তা হেল্থকিয়র অমসুং মেদিকেল এজুকেসনগী লমদা শীংথানীংঙাই ওইবা থবক তৌরি। গুজরাত্তা হেন্না ফবা মেদিকেল ইনফ্রাস্ত্রকচর শেম শাখিবা অসিনা চহি ১০০দা থোক্লিবা খ্বাইদগী চাউবা মেদিকেল ইমর্জেন্সী অসি লাকশিনবদা অচৌবা থৌদাং অমা লৌখি।

মরূপশিং,

গুজরাত য়াওনা লৈবাক পুম্বদা লৈবাক মীয়ামগী, মফম খুদিংমক্কী মশানা মশাদা থাজবগী চাং হেনগৎহনগদবা থবক কয়া পাইখৎলি। মশানা মশাবু থাজবা হায়বসিনা শিংনবা পুম্নমকপু লান্থোক্নবা, মঙলান খুদিং মঙফাওনহন্নবা য়াম্না চাউবা পাম্বৈ অমা ওইরিবনি। হন্দক্তি ওলিম্পক্সতা ভারতকী শান্নরোয় মশিং খ্বায়দগী য়াম্না ক্বালিফাই ওইরি। মসি চহি ১০০সিদা খ্বাইদগী শাথিবা লাংফম অমা থেংনরিঙৈ মরক্তনি হায়বসি নীংশিংবিয়ু। ঐখোয়না অহানবা ওইনা ক্বালিফাই ওইবা মশান্না কয়া অমসু য়াওরি। ক্বালিফাই ওইবতা নত্তনা অকনবা মওংদা লম্বা তৌরিবনি। ঐখোয়গী শান্নরোইশিংনা গেম খুদিংমক্তা মখোয়না অঙম্বা থাক্তা শান্নরি। ওলিম্পিক্স অসিদা অনৌবা ভারতকী থাজবা অসি গেম খুদিংমক্তা উবা ফংলি। ওলিম্পিক্সতা শরুক য়ারিবা ঐখোয়গী শান্নরোইশিং অসিনা মখোয়দগী, মখোয়গী তীমশিংদগী রেঙ্ক ৱাংনা লৈরিবা শান্নরোইশিং অদুগা লম্বা তৌনরি। ভারতকী শান্নরোয়শিংগী থৌনা, ইহুল অমদি ইনোৎ অথোইবা থাক্তা লৈরি। অসুম্না মশাদা থাজবা অসি হৈশিংবশিংবু খঙদোক্তুনা মখোয়বু য়োকখৎপিবদগী লাক্লিবনি। অসুম্না মশাদা থাজবা অসি অওনবা, লৌথুপ লৌকোয় লৈতবা ফীভম পুরক্লবা মতমদা লাক্লিবনি। নৌনা মশাদা থাজবা থম্লক্লিবসি অনৌবা ভারতকী শক্লোন্নি। ঙসি থাজবা অসি লৈবাক অসিগী মফম খুদিংদগী, অপীকপা অমসুং অচৌবা খুঙ্গং, তাউন, ভারতকী কাচিন-কোয়াদা লৈরিবা লায়রবা, মিদল ক্লাসকী নহারোলশিংদগী লাকপনি।

মরূপশিং,

থাজবা অসি কোরোনাগী মায়োক্তা লান্থেংনবদা অমসুং ঐখোয়গী ভেক্সিনেসন কেম্পেন্দা লৈবা তাই। মালেমগী লাইচৎকী ওইরিবা ফীভম অসিদা ঐখোয়না মখা তানা চেকশিনবা মথৌ তাই। লৈবাক অসিনা ঙসি মীওই করোর ৫০ ভেক্সিনেসন তৌনবা খোঙজেল য়াংনা চংশিল্লি, গুজরাতনা ভেক্সিন দোজ করোর ৩০গী মাইলস্তনসু য়ৌগদৌরে। ঐখোয়না ভেক্সিন কাপথোকপা, মাস্ক উপ্পা অমসুং য়ারিবা মখৈ মীয়াম তিনদবা অসি ঙাক্না চৎপা তাই। ঐখোয়না উরে মদুদি মালেমগী মফম খরদা মাস্ক লৌথোকপা য়ারে লাউথোকখিবা অদু অমুক হন্না উপ্নবা খঙহনখ্রে। ঐখোয়না মখা তানা চেকশিনবা তাই।

মরূপশিং,

ঙসি ঐখোয়না প্রধান মন্ত্রী গরীব কল্যান অন্ন য়োজনাগী অসিগুম্বা অচৌবা প্রোগ্রাম অমা পাঙথোকপা মতম অসিদা ঐহাক্না ইরৈবাকচাশিংদা ফীরেপ অমা লৌহন্নীংই। ফীরেপ অসি লৈবাক শেমগৎনবা অনৌবা ইনোৎ য়কাইহনবা অদুনি। নীংতমখিবগী চহি ৭৫শুরকপদা, আজাদী কা অমৃত মহোৎসবতা ঐখোয়না শেংলবা ফীরেপ অসি লৌরসি। ফীরেপ অসি লৌনবা কেম্পেন অসিদা লায়রবা-ইনাক খুনবা, নুপী-নুপা, দলিত-শোত্থরবা পুম্নমক চপ মান্নৈ। গুজরাতনা তুংদা লাক্কদবা চহিশিংদা ঐখোয়গী ফীরেপ অসি থুংহনবা ওইরসনু, মালেমদা শক্তাকপা ঙম্নবা পাঙ্গল হাপ্লসনু, য়াইফ-পাউজেল অসিগী লোইননা ঐহাক্না অন্ন য়োজনাগী বেনিফিসিরীশিংবু অমুক হন্না নুংঙাইবা ফোঙদোকচরি!!! ময়াম্বা হন্না-হন্না থাগৎচরি!!!

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
How India is building ties with nations that share Buddhist heritage

Media Coverage

How India is building ties with nations that share Buddhist heritage
...

Nm on the go

Always be the first to hear from the PM. Get the App Now!
...
PM interacts with CEOs and Experts of Global Oil and Gas Sector
October 20, 2021
Share
 
Comments
Our goal is to make India Aatmanirbhar in the oil & gas sector: PM
PM invites CEOs to partner with India in exploration and development of the oil & gas sector in India
Industry leaders praise steps taken by the government towards improving energy access, energy affordability and energy security

Prime Minister Shri Narendra Modi interacted with the CEOs and Experts of the global oil and gas sector earlier today, via video conferencing.

Prime Minister discussed in detail the reforms undertaken in the oil and gas sector in the last seven years, including the ones in exploration and licensing policy, gas marketing, policies on coal bed methane, coal gasification, and the recent reform in Indian Gas Exchange, adding that such reforms will continue with the goal to make India ‘Aatmanirbhar in the oil & gas sector’.

Talking about the oil sector, he said that the focus has shifted from ‘revenue’ to ‘production’ maximization. He also spoke about the need to enhance  storage facilities for crude oil.  He further talked about the rapidly growing natural gas demand in the country. He talked about the current and potential gas infrastructure development including pipelines, city gas distribution and LNG regasification terminals.

Prime Minister recounted that since 2016, the suggestions provided in these meetings have been immensely useful in understanding the challenges faced by the oil and gas sector. He said that India is a land of openness, optimism and opportunities and is brimming with new ideas, perspectives and innovation. He invited the CEOs and experts to partner with India in exploration and development of the oil and gas sector in India. 

The interaction was attended by industry leaders from across the world, including Dr. Igor Sechin, Chairman & CEO, Rosneft; Mr. Amin Nasser, President & CEO, Saudi Aramco; Mr. Bernard Looney, CEO, British Petroleum; Dr. Daniel Yergin, Vice Chairman, IHS Markit; Mr. Olivier Le Peuch, CEO, Schlumberger Limited; Mr. Mukesh Ambani, Chairman & Managing Director, Reliance Industries Limited; Mr Anil Agarwal, Chairman, Vedanta Limited, among others.

They praised several recent achievements of the government towards improving energy access, energy affordability and energy security. They appreciated the leadership of the Prime Minister towards the transition to cleaner energy in India, through visionary and ambitious goals. They said that India is adapting fast to newer forms of clean energy technology, and can play a significant role in shaping global energy supply chains. They talked about ensuring sustainable and equitable energy transition, and also gave their inputs and suggestions about further promotion of clean growth and sustainability.