তামিল নাদুগী গোবর্নর, শ্রী আর.এন. রবি, তামিল নাদুগী মুখ্য মন্ত্রী, শ্রী এম.কে. স্তেলিন, কেবিনেত মিনিস্তর, শ্রী মন্সুখ মান্দৱিয়া, কাউন্সিল ওফ মিনিস্তরসদা লৈরিবা ঐগী কলীগ, শ্রী এল. মুরুগন, ভার্তি পাৱর জি, তামিল নাদু সরকারগী মিনিস্তরশিং, পার্লিয়ামেন্তকী মেম্বরশিং, তামিল নাদু এসেমব্লীগী মেম্বরশিং,
তামিল নাদুগী ইচে-ইচলশিং অমসুং ইয়াম্বা-ইনাওশিং, ৱনক্কম! নখোয় ময়ামদা পোঙ্গল অমসুং মকর সংক্রান্তিগী য়াইফ পাউজেল পীরদুনা ঐহাক্না অহৌবা ওইনা, অফাওবা ইশৈগী শৈশকগুম -
தை பிறந்தால் வழி பிறக்கும்
ঙসি ঐখোয়না উনরিবা অসি অখন্নবা মরম অনিগীদমক্তনি: মেদিকেল কোলেজ ১১ শঙ্গাবগী। অমসুং সেন্ত্রেল ইন্সতিত্যুত ওফ তামিলগী অনৌবা বিল্দিং শঙ্গাবগী। অসুম্না ঐখোয়গী কুনাইগী ফিভম মখাতানা ফগৎহল্লি অমসুং ঐখোয়গী কলচরগা ঐখোয়গা লৈনরিবা মরী অসি হেন্না কনখৎহল্লি।
মরুপশিং,
মেদিকেল এজুকেশন হায়বসি লাইরিক-লাইসু তম্বগী স্ত্রীমশিংগী মনুংদা খ্বাইদগী হেন্না পাম্নবা অমনি। ভারত্তা দোক্তরশিং ৱাৎপগী অৱাবা অসি য়াম্না খঙনরম্মি। অদুবু মসিগী অৱাবা অসিবু কোকহন্নবদি হোৎনরমদে। মমাংগী সরকারগী অপাম্বশিং অদুদা খেৎনবা লৈবনা মরম ওইরগা অচুম্বা ৱারেপ লৌবদা ঙমহন্দবা ওইরম্বা য়াই। অমসুং মেদিকেল এজুকেশনগী খুদোংচাবা লৌবা হায়বসিসু অৱাবা অমা ওইরম্মি। ঐখোয়না ওফিস হেক পাইবদগী, ঐখোয়গী সরকার অসিনা মসিগী অহাংবা অসিবু মেন্সিন্নবা হোৎনরকখি। ২০১৪দা, ঐখোয়গী লৈবাক অসিদা মেদিকেল কোলেজ ৩৮৭ লৈরম্মি। হৌখিবা চহি তরেত অসিদা খক্তমক, মসিগী মশিং অসি হায়গৎলক্তুনা মেদিকেল কোলেজ ৫৯৬ ফাওবা য়ৌহনখি। মসি চাউরাক্না চাদা ৮০গী চাংদা হেনগৎপনি। ২০১৪দা, লৈবাক অসিদা এ.আই.আই.এম.এস. তরেত খক্তমক লৈরম্মি। অদুবু ২০১৪গী মতুংদদি, এপ্রুব তৌখিবা এ.আই.আই.এম.এস.কী মশিং অসি ২২দা হেনগৎখ্রে। মতম অসিমক্তদা, মেদিকেল এজুকেশন সেক্তর অসিবু হেন্না ত্রান্সপরেন্ত ওইহন্নবা অহোংবা কয়া অমা পুরকখ্রে। মেদিকেল কোলেজশিং অমসুং হোসপিতালশিং লিংখৎনবগী রেগুলেশনশিং অদুসু ক্বালিতীদা কমপ্রোমাইজ তৌদনা কোমথোকহনখ্রে।
মরুপশিং,
রাজ্য অমদা অমুক্তদা মেদিকেল কোলেজ ১১ শঙ্গাবা অসি মসিনা অহানবা ওইগনি হায়না ঐঙোনদা হায়রকখি। নুমিৎ খরনিগী মমাংদা, ঐহাক্না উত্তর প্রদেশতা মতম অমুক্তদা মেদিকেল কোলেজ ৯ শঙ্গাখ্রে। মরম অদুনা ঐনা ইশাগী রেকোর্দ থুগাইরগনি। রিজনেল ইম্বেলেন্সশিং য়েংশিনবা হায়বসি য়াম্না মরু ওই। অসুম্না য়েংলুরগদি, শঙ্গাখিবা মেদিকেল কোলেজশিং অদুগী মনুংদা ২ অমদি রামানাথাপুরম অমসুং ভিরুধুনাগরগী য়াম্না এস্পিরেশনেল ওইবা দিস্ত্রিক্ত অনিদা লৈখিবা হায়বসি য়াম্না ফৈ। মসিগী জিলাশিং অসিদনি চাউখৎ-থৌরাংগী ওইবা অখন্নবা মিৎয়েং চংবগী মথৌ তারিবসি। কোলেজ অমদি নিলগিরিশিংগী অথাপ্পা চিংগী জিলাদা লৈ।
মরুপশিং,
পুনশিদা অমুক্তা থোক্ত্রিবা কোবিদ-১৯ লাইচৎ অসিনা হেল্থ সেক্তরগী মরু ওইবা অদু অমুক্কসু হেন্না খঙহল্লে। তুংগী মতম অসি হেল্থকেয়রদা ইনভেস্ত তৌবা খুনাইশিং অদুগী ওইহৌরগনি। আয়ুশমান ভারতনা মরম ওইরগা, লৈতবা লায়রবশিংনা অৱাংবা থাক্কী অমসুং হোংনা হেল্থকেয়র ফংবা ঙম্লে, মসিগীদমক ঐনা আয়ুশমান ভারতপু হন্না হন্না থাগৎলি। নী ইমপ্লান্তশিং অমসুং স্তেন্তশিংগী অচংবা মমল অদু হান্না চংলম্বা অদুগী শরুক অহুম থোকপগী অমা খক্তমক ওইরে। পি.এম. জন ঔসধি য়োজনানা অহোংবা মমলদা হিদাক-লাংথকশিং ফংহনবগী মতাংদা অচৌবা অহোংবা অমা পুরক্লি। ভারত্তা অসিগুম্বা স্তোর ৮০০০দগীসু হেন্না লৈরি। স্কীম অসিনা মরু ওইনা লায়রবা অমসুং মিদল ক্লাসপু মতেং পাংলি। হিদাক্তা শেল থাধবগী চাং য়াম্না হন্থরক্লে। নুপীশিংবু মখা তানা অফবা পুনশি মহিং অমা হিংহন্নবা, সেনিতরী নেপকিনবু লুপা ১দা ফংহল্লি। তমিলনাদুগী মীয়াম পুম্নমক্তা মসিগী স্কীম অসিগী খুদোংচাবা লৌনবা ঐহাক্না হায়জরি। প্রধান মন্ত্রী আয়ুশমান ভারত ইন্ফ্রাস্ত্রকচর মিসন্না মরু ওইনা দিস্ত্রিক্ত লেভেলদা হেল্থকী ইন্ফ্রাস্ত্রকচর অমসুং হেল্থ রিসর্চকী মতাংদা লৈরিবা অহাংবা অসিবু মেনশিনবগী পান্দম থম্লি। লাক্লিবা চহি ৫ অসিদা তামিল নাদুদা লুপা করোর লিশিং অহুমগী মথক্তা মতেং পীরগনি। মসিনা রাজ্য শিনথুংনা অর্বান হেল্থ অমসুং ৱেলনেস সেন্তরশিং, দিস্ত্রিক্ত পব্লিক হেল্থ লেবশিং অমসুং ক্রিতিকেল কেয়র ব্লোকশিং হাংদোকপদা মতেং পাংগনি। মসিনা তামিল নাদুগী মীয়ামগীদমক্তা য়াম্না কান্নবা পীরগনি।
মরুপশিং,
লাক্কদবা চহিশিং অসিদা ঐহাক্না ভারত অসিবু ক্বালিতী লৈবা অমসুং অহোংবা কেয়রগীদমক্তা ময়াম্না পাম্নবা মফম অমা ওইহন্নবগী মঙলান অমা মঙলি। ভারত্তা মেদিকেল তুরিজমগী হব ওইনবগীদমক্তা মথৌতাবা পুম্নমক লৈ। ঐহাক্না মসি ঐখোয়গী দোক্তরশিংগী হৈশিংবা অদুদা য়ুমফম ওইরগা হায়রিবনি। ঐহাক্না মেদিকেল ফ্রেতর্নিতীদা তেলিমেদিসিনগী মাইকৈদসু মিৎয়েং চংনবা হায়রি। ঙসি হকচাং ফববু শৌগৎলিবা ভারতকী চৎনবী কয়া মালেম পুম্বনসু মশক খংলে। মসিদা, য়োগা, আয়ুর্ৱেদা অমসুং সিদ্ধা য়াওরি। মসি পুম্নমক অসে ঐখোয়না মালেম পুম্বনা খঙনবা লোন অমদা খংহন্নবা হোৎনরি।
মরুপশিং,
সেন্ত্রেল ইন্সতিত্যুত ওফ ক্লাসিকেল তামিলগী অনৌবা বিলদিং অসিনা তামিল স্তদিশিংবু হেন্না খঙনরগনি। মসিনা মহৈরোইশিং অমসুং রিসার্চরশিংদা হেন্না পাকপা কেনভাস অমা পীরগনি। সেন্ত্রেল ইন্সতিত্যুত ওফ ক্লাসিকেল তামিলনা তিরুক্কলবু ভারত অমসুং মপান লমগী লোন কবা অমদা হন্দোকপা পাম্লি হায়না ঐঙোন্দা হায়রকখ্রে। মসি অফবা খোংথাং অমনি। ঐহাক্না মতম চুপ্পদা তামিল লোন অমসুং কলচরগী ফজবা অসিদা পুক্নিং চিংশন্দুনা লাক্লি। ঐগী পুনশিদা খ্বাইদগী নুংঙাইবা মিৎকুপ অদুদি ঐহাক্না য়ুনাইতেদ স্তেতসতা, মালেমগী খ্বাইদগী লিরবা লোন, তামিলদা ৱাহৈ খরদং ঙাংবগী তাঞ্জা অমা ফংখিবা অদু ওইখি। সঙ্গম ক্লাসিকশিং অসি য়াম্না লিরবা মতমগী ফজরবা খুনাই অমসুং কলচর খঙনবগী পাম্বৈ অমনি। ঐখোয়গী সরকার অসিনা বনারস হিন্দু য়ুনিভর্সিতীদা তামিল স্তদীজদা ‘সুব্রমানিয়া ভার্তি চেয়র’ হাপ্পগী খুদোংচাবসু ফংখ্রে। ঐহাক্কী পার্লিয়ামেন্তরী কোন্সতিত্বেন্সীদা লৈবা অসিনা তামিলগী মতাংদা হেন্না খঙনিংবগী ৱাখল্লোন অমা পোকহল্লগনি। ঐহাক্না গুজরাতিদা থিরুক্কলগী ত্রান্সলেশন অমা ফোংবা মতমদা মতম নাইদ্রবা থবক অসিগী ফজরবা ৱাখল্লোনশিং গুজরাতকী মীয়ামদা হেন্না নক্নবা মরী অমা ফাওহল্লগনি অমসুং অরিবা তামিল লিতরেচরদা হেন্না থৱায় য়াওবগী ইথিল অমা ফাওহল্লগনি হায়বা ঐহাক্না খঙই।
মরুপশিং,
ঐখোয়না ২০২০গী নেস্নেল এজুকেসন পোলিসীদা ভারতকী লোনশিং অমসুং ভারতকী নোলেজ সীস্তেমবু প্রোমোত তৌবদা য়াম্না মরু ওইবা পীখি। হৌজিক তমিল লোনবু সেকেন্দরি অমসুং মিদল লেভেলদা ক্লাসিকেল লোন অমা ওইনা তম্বা য়ারগনি। তামিল অসি ভাসা-সঙ্গমগী মনুং চনবা লোন অমনি, মসিগী মতুং ইন্না স্কুলগী মহৈরোইশিংনা ওদিও অসুং ভীদিওগী খুত্থাংদা ভারতকী লোন কয়া অমগী ৱাহৈ পরেং ১০০ তম্মি। ভারতৱানি প্রোজেক্তকী মখাদা তমিলগী খ্বাইদগী অচৌবা ই-কন্তেন্ত শেমখ্রে।
মরুপশিং,
ঐখোয়না স্কুলশিংদা মমা লোন অমসুং লোকেলগী লোনশিংদা লাইরিক-লাইসু তম্নবা থৌগৎলি। ঐখোয়গী সরকার অসিনা ভারতকী লোনশিংদা মঐরোইশিংদা ইঞ্জিনীয়রিংগুম্বা তেক্নিকেল কোর্সশিং অসি ফংহনবা হৌরে। তামিল নাদুনা য়াম্না ফবা ইঞ্জিনীয়র কয়া অমা পুথোকখ্রে। মখোয় অয়াম্বনা মকোক থোংবা মালেমগী তেক্নোলোজী অমসুং বিজনেসকী লুচিংবা ওইখ্রে। ঐহাক্না হৈ-শিংলবা তামিল দাইসপোরাদা তামিল লোনগী কন্তেন্ত অসিবু স্তেম কোর্সশিংদা দিবেলপ তৌবদা মতেং পাংনবা হায়রি। ঐখোয়না ইংলিশ লোনগী ওনলাইন কোর্সশিংবু তামিল য়াওনা ভারতকী তোঙান-তোঙানবা লোন তরানিথোইদা হন্দোক্নবা আর্তিফিসিয়েল ইন্তেলিজেন্সতা য়ুমফম ওইবা ত্রান্সলাশন তুল অমা পুথোক্নবসু হোৎনরি।
মরুপশিং,
ভারতকী দাইভর্সিতী অসি ঐখোয়গী পাঙ্গলনি। এক ভারত শ্রেস্থা ভারতনা য়ুনিতী অমসুং দাইভর্সিতীগী ৱাখল্লোন অসিবু হেন্না হেনগৎহন্নবা অমসুং ঐখোয়গী মীশিংবু হেন্না নকশিনহন্নবা হোৎনরি। নহা ওইরিবা অঙাং অমনা হরিদ্বারদা থিরুবল্লুৱরগী মীতম অমা উবা মতমদা অমসুং মহাক্কী মতিক-মগুনশিং অদুগী মতাংদা খঙবা মতমদা, ‘এক ভারত, শ্রেস্থা ভারত’কী মীহুল অমা নহা ওইরিবা অদুগী ৱাখলদা ফাওহল্লগনি। অসিগা চপ মান্নবা ৱাখল্লোন অসি হরিয়ানাদগী অঙাং অমনা কন্যাকুমারিদা লৈবা রোক মেমোরিয়েলদা চৎপা মতমদা উবা ফংগনি। তামিল নাদু নত্রগা কেরলাদগী অঙাংশিনা বীর বাল দিৱসকী মরমদা খঙবা মতমদা সাহিবজাদেশিং পুনশি অমসুং পাউতাকশিং অদুগী মতাংদা ফাওবা ঙমগনি। মখোয়গী পুনশিং মাংজরবসু মখোয়গী আইদিয়লশিং অদুবুদি কৈদৌনুংদা কমপ্রোমাইজ তৌখিদবা লমদম অসিগী থৌরবা মচাশিং। অতোপ্পা কলচরশিং খঙদোক্নবা হোৎনমিন্নসি। নখোয়না মসিদা নুংঙাইবা ফাওগনি হায়না ঐহাক্না থাজবা পীরি।
মরুপশিং,
ঐহাক্না লোইশিন্দ্রিঙৈগী মমাংদা, ঐহাক্না নখোয় পুম্নমক্তা কোবিদ-১৯গা মরী লৈনবা চৎনা কাংলোনশিং মরু ওইনা মাস্ক দিসিপ্লিন ঙাক্না চৎনবা হায়জরি। ভারতকী ভেক্সিনেশন দ্রাইব অসিনা শিংথানিংঙাই ওইবা মওংদা খুমাং চাউশিল্লি। হৌখিবা নুমিৎ খরনি অসিদা চহি ১৫দগীনা ১৮ ফাওবগী কাংলুপকী নহাশিংনা মখোয়গী দোজশিং অদু কাপ্পা হৌখ্রে। অহল ওইরবশিং অমসুং হেল্থকেয়র ৱার্করশিংগীদমক্তা ওইবা প্রেকোশন দোজশু হৌখ্রে। ঐহাক্না ভেক্সিন কাপ্পা য়ারবশিংদা ভেক্সিন অসি কাপথোক্নবা হায়রি।
সবকা সাথ, সবকা ভিকাস, সবকা বিশ্বাস অমসুং সবকা প্রয়াসকী মন্ত্রা অসিনা লমজিংদুনা, ঐখোয় পুম্নমক্না ভারত মচা করোর ১৩৫গী পুনশিংদা অফবা মখলগী অহোংবা অমা পুরক্নবা পুল্লপ পুন্না থবক তৌমিন্নগদবনি। লাইচৎ অসিদগী পরা তমদুনা ঐখোয়না ঐখোয়গী লৈবাক মচাশিংদা ইনক্লুসিব ওইবা অমসুং অফবা মখলগী হেল্থকেয়র সার্বিসশিং ফংহন্নবা হোৎনরি। ঐখোয়না ঐখোয়গী ফজরবা কলচরদগী তমশিনবা মথৌ তাই অমসুং তুংদা লাক্কদবা মীরোলগীদমক্তা অমৃত কালগী ফাউন্দেশনশিং শেমগদবনি। মসিনা ঐখোয় পুম্নমক্তা ইং-তপ্পা, মরা চেৎপা অমসুং চাউখৎপা-য়াইফবা পুরকপা ওইরসনু।
