The districts in which the new Medical Colleges are being established are Virudhunagar, Namakkal, The Nilgiris, Tiruppur, Thiruvallur, Nagapattinam, Dindigul, Kallakurichi, Ariyalur, Ramanathapuram and Krishnagiri.
In the last seven years, the number of medical colleges has gone up to 596, an increase of 54% Medical Under Graduate and Post Graduate seats have gone up to around 1 lakh 48 thousand seats,  an increase of about 80% from 82 thousand seats in 2014
The number of AIIMS has gone up to 22 today from 7 in 2014
“The future will belong to societies that invest in healthcare. The Government of India has brought many reforms in the sector”
“A support of over Rupees three thousand crore would be provided to Tamil Nadu in the next five years. This will help in establishing/ Urban Health & Wellness Centres, District Public Health labs  and Critical Care Blocks across the state”
“I have always been fascinated by the richness of the Tamil language and culture”

ତାମିଲନାଡୁର ରାଜ୍ୟପାଳ ଶ୍ରୀ ଆର.ଏନ୍‍.ରଭି, ତାମିଲନାଡୁର ମୁଖ୍ୟମନ୍ତ୍ରୀ ଶ୍ରୀ ଏମ.କେ ଷ୍ଟାଲିନ, କ୍ୟାବିନେଟ ମନ୍ତ୍ରୀ ଶ୍ରୀ ମନସୁଖ ମାଣ୍ଡଭ୍ୟ, ତାମିଲନାଡୁ ସରକାରଙ୍କ ମନ୍ତ୍ରୀ ପରିଷଦରେ ଥିବା ମୋର ସହକର୍ମୀ ଶ୍ରୀ ଏମ. ମୁରୁଗାନ, ଭାରତୀ ପାୱାର ଜୀ, ସାଂସଦ, ତାମିଲନାଡୁ ବିଧାନସଭାର ସଦସ୍ୟ,

ତାମିଲନାଡୁର ଭଉଣୀ ଓ ଭାଇ, ଭାନକମ୍‌! ମୁଁ ସମସ୍ତଙ୍କୁ ପୋଙ୍ଗଲ ଏବଂ ମକର ସଂକ୍ରାନ୍ତିରି ଶୁଭେଚ୍ଛା ଜଣାଇ ଆରମ୍ଭ କରୁଛି । ଯେମିତି ପ୍ରସିଦ୍ଧ ଗୀତ ଯାଏ –

ରାସ୍ତା ସୃଷ୍ଟି ହୁଏ ଯେତେବେଳେ ବନ୍ଧଟି ଜନ୍ମ ନେଇଥାଏ

ଆଜି ଆମେ ଦୁଇଟି ସ୍ୱତନ୍ତ୍ର କାରଣ ପାଇଁ ସାକ୍ଷାତ କରୁଛୁ: ୧୧ ଟି ମେଡିକାଲ୍ କଲେଜର ଉଦଘାଟନ ଏବଂ ସେଣ୍ଟ୍ରାଲ୍ ଇନଷ୍ଟିଚ୍ୟୁଟ ଅଫ୍‍ କ୍ଲାସିକାଲ ତାମିଲ ନୂତନ କୋଠାର ଉଦଘାଟନ । ଏହିପରି, ଆମେ ଆମ ସମାଜକୁ ଆଗକୁ ବଢାଇବା ସହିତ ଆମର ସଂସ୍କୃତି ସହିତ ସଂଯୋଗକୁ ଅଧିକ ଶକ୍ତିଶାଳୀ କରୁଛୁ ।

ବନ୍ଧୁଗଣ,

ଡାକ୍ତରୀ ଶିକ୍ଷା ହେଉଛି ପାଠପଢା ପାଇଁ ସବୁଠାରୁ ଆବଶ୍ୟକୀୟ ବିଷୟ । ଭାରତରେ ଡାକ୍ତର ଅଭାବର ସମସ୍ୟା ବେଶ୍‍ ଜଣାଶୁଣା ଥିଲା । କିନ୍ତୁ ଏହି ସମସ୍ୟାର ସମାଧାନ ପାଇଁ ପର୍ଯ୍ୟାପ୍ତ ଯୋଜନା ନଥିଲା । ବୋଧହୁଏ ନ୍ୟସ୍ତ ସ୍ୱାର୍ଥ ମଧ୍ୟ ପୂର୍ବ ସରକାରମାନଙ୍କୁ ସଠିକ୍ ନିଷ୍ପତ୍ତି ନେବାକୁ ଦେଇନଥିଲା । ଏବଂ, ଡାକ୍ତରୀ ଶିକ୍ଷା ଏକ ସମସ୍ୟା ହୋଇ ରହିଲା । ଯେହେତୁ ଆମେ ଦାୟିତ୍ୱ ଗ୍ରହଣ କରିଛୁ, ଆମ ସରକାର ଏହି ପାର୍ଥକ୍ୟ ଦୂର କରିବା ପାଇଁ କାର୍ଯ୍ୟ କରିଆସୁଛନ୍ତି । ୨୦୧୪ ରେ, ଆମ ଦେଶରେ ୩୮୭ ମେଡିକାଲ କଲେଜ ଥିଲା । କେବଳ ଗତ ସାତ ବର୍ଷ ମଧ୍ୟରେ ଏହି ସଂଖ୍ୟା ୫୯୬ ଟି ମେଡିକାଲ କଲେଜରେ ପହଞ୍ଚିଛି । ଏହା ୫୪ ପ୍ରତିଶତ ବୃଦ୍ଧି । ୨୦୧୪ ରେ, ଆମ ଦେଶରେ ପ୍ରାୟ ୮୨ ହଜାର ମେଡିକାଲ୍ ଅଣ୍ଡର ଗ୍ରାଜୁଏଟ ଏବଂ ପୋଷ୍ଟ ଗ୍ରାଜୁଏଟ୍ ସିଟ୍ ଥିଲା । ଗତ ସାତ ବର୍ଷ ମଧ୍ୟରେ ଏହି ସଂଖ୍ୟା ପ୍ରାୟ ୧ ଲକ୍ଷ ୪୮ ହଜାର ସିଟ୍ ପର୍ଯ୍ୟନ୍ତ ପହଞ୍ଚିଛି । ଏହା ପ୍ରାୟ ୮୦ ପ୍ରତିଶତ ବୃଦ୍ଧି ହୋଇଛି ।  ୨୦୧୪ ରେ, ଦେଶରେ କେବଳ ସାତଟି ଏମ୍‍ସ ଥିଲା ।  କିନ୍ତୁ ୨୦୧୪ ପରେ, ଅନୁମୋଦିତ ଏମ୍‍ସ ସଂଖ୍ୟା ବାଇଶିକୁ ବୃଦ୍ଧି ପାଇଛି । ଏଥି ସହିତ ଡାକ୍ତରୀ ଶିକ୍ଷା କ୍ଷେତ୍ରକୁ ଅଧିକ ସ୍ୱଚ୍ଛ କରିବା ପାଇଁ ବିଭିନ୍ନ ସଂସ୍କାର ମୂଳକ ପଦକ୍ଷେପ ନିଆଯାଇଛି । ଗୁଣାତ୍ମକ ମାନରେ କୌଣସି ସାଲିସ ନକରି ମେଡିକାଲ କଲେଜ ଏବଂ ଡାକ୍ତରଖାନା ପ୍ରତିଷ୍ଠା ପାଇଁ ନିୟମାବଳୀ କୋହଳ କରାଯାଇଛି ।

 

ବନ୍ଧୁଗଣ,

ମୋତେ କୁହାଯାଇଛି ଯେ ଏହା ପ୍ରଥମ ଥର ହେବ ଯେ କୌଣସି ରାଜ୍ୟରେ ଅବସ୍ଥିତ ଗୋଟିଏ ଥରରେ ୧୧ ଟି ମେଡିକାଲ କଲେଜ ଉଦଘାଟନ ହେବ । କିଛି ଦିନ ପୂର୍ବରୁ, ମୁଁ ଉତ୍ତରପ୍ରଦେଶରେ ଏକ ସମୟରେ ୯ ଟି ମେଡିକାଲ କଲେଜ ଉଦଘାଟନ କରିଥିଲି । ତେଣୁ, ମୁଁ ମୋର ନିଜର ରେକର୍ଡ ଭାଙ୍ଗିବାକୁ ଯାଉଛି । ଆଞ୍ଚଳିକ ଅସନ୍ତୁଳନର ସମାଧାନ କରିବା ଗୁରୁତ୍ୱପୂର୍ଣ୍ଣ । ସେହି ଦୃଷ୍ଟିରୁ, ୨ ଟି ମେଡିକାଲ୍ କଲେଜ ରାମନାଥପୁରମ୍ ଏବଂ ବିରୁଧୁନଗରର ଆଙ୍କାକ୍ଷୀ ଜିଲ୍ଲାରେ ଉଦ୍‍ଘାଟିତ ହୋଇଛି । ଏଗୁଡ଼ିକ ହେଉଛି ସେହି ଜିଲ୍ଲା ଯେଉଁଠାରେ ବିକାଶର ଆବଶ୍ୟକତା ଉପରେ ବିଶେଷ ଧ୍ୟାନ ଆବଶ୍ୟକ କରେ । ଗୋଟିଏ କଲେଜ ନୀଳଗିରି ଜିଲ୍ଲାର ଅଗମ୍ୟ ପାହାଡ଼ିଆ ଅଞ୍ଚଳରେ ରହିଛି ।

ବନ୍ଧୁଗଣ,

ଜୀବନକାଳରେ ଥରେ କୋଭିଡ-୧୯ ମହାମାରୀ ସ୍ୱାସ୍ଥ୍ୟ କ୍ଷେତ୍ରର ଗୁରୁତ୍ୱକୁ ପୁନଃ ପ୍ରମାଣିତ କରିଛି । ଭବିଷ୍ୟତ ସେହି ସମାଜର ହେବ ଯିଏ ସ୍ୱାସ୍ଥ୍ୟସେବାରେ ବିନିଯୋଗ କରୁଥିବ । ଭାରତ ସରକାର ଏହି କ୍ଷେତ୍ରରେ ଅନେକ ସଂସ୍କାର ଆଣିଛନ୍ତି । ଆୟୁଷ୍ମାନ ଭାରତଙ୍କୁ ଧନ୍ୟବାଦ, ଗରିବ ଲୋକମାନେ ଉନ୍ନତମାନର ଏବଂ ସୁଲଭ ସ୍ୱାସ୍ଥ୍ୟସେବା ପାଇପାରୁଛନ୍ତି । ଆଣ୍ଠୁ ପ୍ରତିରୋପଣ ଏବଂ ଷ୍ଟେଣ୍ଟଣ୍ଟଗୁଡ଼ିକର ମୂଲ୍ୟ ଯାହା ଥିଲା ତାହା ଏକ ତୃତୀୟାଂଶ ହୋଇଗଲା ।  ସୁଲଭ ଔଷଧ ପାଇବାରେ ପିଏମ୍‍- ଜନ ଔଷଧି ଯୋଜନା ଏକ ବିପ୍ଳବ ଆଣିଛି । ଭାରତରେ ଏହିପରି ୮୦୦୦ ରୁ ଅଧିକ ବିକ୍ରୟ କେନ୍ଦ୍ର ଅଛି । ଏହି ଯୋଜନା ବିଶେଷ ଭାବରେ ଗରିବ ଏବଂ ମଧ୍ୟବିତ୍ତଙ୍କୁ ସାହାଯ୍ୟ କରିଛି । ଔଷଧ ପାଇଁ ଖର୍ଚ୍ଚ ହୋଇଥିବା ଅର୍ଥ ବହୁତ ହ୍ରାସ ପାଇଛି । ମହିଳାମାନଙ୍କ ମଧ୍ୟରେ ଅଧିକ ସୁସ୍ଥ ଜୀବନଶୈଳୀ ପାଇଁ ୧ ଟଙ୍କା ମୂଲ୍ୟରେ ସାନିଟାରୀ ନାପକିନ୍ ଯୋଗାଇ ଦିଆଯାଉଛି । ମୁଁ ତାମିଲନାଡୁର ଲୋକଙ୍କୁ ଏହି ଯୋଜନାରୁ ସମ୍ପୂର୍ଣ୍ଣ ଫାଇଦା ନେବାକୁ ଅନୁରୋଧ କରିବି । ବିଶେଷକରି ଜିଲ୍ଲା ସ୍ତରରେ ସ୍ୱାସ୍ଥ୍ୟ ଭିତ୍ତିଭୂମି ତଥା ସ୍ୱାସ୍ଥ୍ୟ ଗବେଷଣା କ୍ଷେତ୍ରରେ ଥିବା ଗୁରୁତ୍ୱପୂର୍ଣ୍ଣ ପାର୍ଥକ୍ୟ ଦୂର କରିବାକୁ ପ୍ରଧାନମନ୍ତ୍ରୀ ଆୟୁଷ୍ମାନ ଭାରତ ଭିତ୍ତିଭୂମି ମିଶନ ଲକ୍ଷ୍ୟ ରଖିଛି । ଆସନ୍ତା ପାଞ୍ଚ ବର୍ଷ ମଧ୍ୟରେ ତାମିଲନାଡୁକୁ ତିନି ହଜାର କୋଟିରୁ ଅଧିକ ଟଙ୍କା ସହାୟତା ଯୋଗାଇ ଦିଆଯିବ । ଏହା ସହରାଞ୍ଚଳ ସ୍ୱାସ୍ଥ୍ୟ ଏବଂ ସୁସ୍ଥତା କେନ୍ଦ୍ର, ଜିଲ୍ଲା ଜନସ୍ୱାସ୍ଥ୍ୟ ପରୀକ୍ଷାଗାର ଏବଂ ଗୁରୁତର ଚିକିତ୍ସା କେନ୍ଦ୍ର ପ୍ରତିଷ୍ଠା କରିବାରେ ସହାୟକ ହେବ । ତାମିଲନାଡୁର ଲୋକଙ୍କ ପାଇଁ ଏହାର ଲାଭ ବହୁତ ହେବ ।

ବନ୍ଧୁଗଣ,

ଆଗାମୀ ବର୍ଷଗୁଡିକରେ ମୁଁ ଗୁଣାତ୍ମକ ଏବଂ ସୁଲଭ ସ୍ୱାସ୍ଥ୍ୟସେବା ପାଇଁ ଭାରତକୁ ଗନ୍ତବ୍ୟ ସ୍ଥଳ ବୋଲି କଳ୍ପନା କରୁଛି । ଡାକ୍ତରୀ ପର୍ଯ୍ୟଟନ ପାଇଁ ଏକ ହବ୍ ହେବା ସକାଶେ ସମସ୍ତ ଆବଶ୍ୟକତା ଭାରତରେ ରହିଛି ।  ଆମ ଡାକ୍ତରଙ୍କ ଦକ୍ଷତା ଉପରେ ଅଧାର କରି ମୁଁ ଏହା କହୁଛି । ମୁଁ ମେଡିକାଲ୍ ବ୍ୟବସ୍ଥାରେ ଟେଲି ମେଡିସିନ୍ ମଧ୍ୟ ଦେଖିବା ପାଇଁ ଅନୁରୋଧ କରୁଛି । ଆଜି ବିଶ୍ୱ ମଧ୍ୟ ଭାରତୀୟ ଅଭ୍ୟାସ ଉପରେ ଧ୍ୟାନ ଦେଇଛି ଯାହା ଆହୁରି ସୁସ୍ଥତା ଆଣିଦେବ ।  ଏଥିରେ ଯୋଗ, ଆୟୁର୍ବେଦ ଏବଂ ସିଦ୍ଧ ଅନ୍ତର୍ଭୁକ୍ତ । ବିଶ୍ୱ ବୁଝୁଥିବା ଭାଷାରେ ଆମେ ଏହାକୁ ଲୋକପ୍ରିୟ କରିବା ପାଇଁ କାର୍ଯ୍ୟ କରୁଛୁ ।

ବନ୍ଧୁଗଣ,

ସେଣ୍ଟ୍ରାଲ୍ ଇନଷ୍ଟିଚ୍ୟୁଟ୍ ଅଫ୍ କ୍ଲାସିକାଲ୍ ତାମିଲର ନୂତନ କୋଠା ତାମିଲ୍ ଅଧ୍ୟୟନକୁ ଅଧିକ ଲୋକପ୍ରିୟ କରିବ । ଏହା ଛାତ୍ର ଏବଂ ଗବେଷକଙ୍କୁ ଏକ ବ୍ୟାପକ କ୍ଷେତ୍ର ମଧ୍ୟ ଦେବ । ମୋତେ କୁହାଯାଇଛି ଯେ ସେଣ୍ଟ୍ରାଲ୍ ଇନଷ୍ଟିଚ୍ୟୁଟ୍ ଅଫ୍ କ୍ଲାସିକାଲ୍ ତାମିଲ୍ ତିରୁକୁକୁରାଲ୍ କୁ ବିଭିନ୍ନ ଭାରତୀୟ ଏବଂ ବିଦେଶୀ ଭାଷାରେ ଅନୁବାଦ କରିବାକୁ ଇଚ୍ଛା କରୁଛି । ଏହା ଏକ ଭଲ ପଦକ୍ଷେପ । ତାମିଲ ଭାଷା ଏବଂ ସଂସ୍କୃତିର ସମୃଦ୍ଧତା ଦ୍ୱାରା ମୁଁ ସର୍ବଦା ଆକର୍ଷିତ ହୋଇ ଆସିଛି । ମୋ ଜୀବନର ସବୁଠାରୁ ଖୁସିର ମୁହୂର୍ତ୍ତ ଥିଲା ଯେତେବେଳେ ମୁଁ ମିଳିତ ଜାତିସଂଘରେ ଦୁନିଆର ସର୍ବ ପୁରାତନ ଭାଷା ତାମିଲରେ କିଛି ଶବ୍ଦ କହିବାର ସୁଯୋଗ ପାଇଲି । ସଙ୍ଗମ କ୍ଲାସିକ୍ସ ହେଉଛି ପ୍ରାଚୀନ କାଳର ସମୃଦ୍ଧ ସମାଜ ଏବଂ ସଂସ୍କୃତି ପାଇଁ ଆମର ମୁଖଶାଳା । ଆମ ସରକାର ବନାରସ ହିନ୍ଦୁ ବିଶ୍ୱବିଦ୍ୟାଳୟରେ ତାମିଲ ଅଧ୍ୟୟନ ଉପରେ ‘ସୁବ୍ରମଣ୍ୟ ଭାରତୀ ଚେୟାର\' ପ୍ରତିଷ୍ଠା କରିବାର ଗୌରବ ମଧ୍ୟ ପାଇଥିଲେ । ଏହା ମୋର ସଂସଦୀୟ ର୍ନିବାଚନମଣ୍ଡଳୀରେ ଅବସ୍ଥିତ, ଏହା ତାମିଲ ବିଷୟରେ ଅଧିକ ଉତ୍ସାହ ସୃଷ୍ଟି କରିବ । ଯେତେବେଳେ ମୁଁ ଗୁଜୁରାଟୀରେ ଥିରୁକ୍କୁରାଲର ଏକ ଅନୁବାଦ ଆରମ୍ଭ କଲି, ମୁଁ ଜାଣିଲି ଯେ ଏହି ସମୟହୀନ କାର୍ଯ୍ୟର ସମୃଦ୍ଧ ଚିନ୍ତାଧାରା ଗୁଜୁରାଟର ଲୋକଙ୍କ ସହ ଯୋଡି ହେବ ଏବଂ ପ୍ରାଚୀନ ତାମିଲ ସାହିତ୍ୟ ପ୍ରତି ଅଧିକ ଆଗ୍ରହ ସୃଷ୍ଟି କରିବ ।

ବନ୍ଧୁଗଣ,

ଆମର ଜାତୀୟ ଶିକ୍ଷା ନୀତି ୨୦୨୦ ରେ ଭାରତୀୟ ଭାଷା ଏବଂ ଭାରତୀୟ ଜ୍ଞାନ ପ୍ରଣାଳୀକୁ ପ୍ରୋତ୍ସାହିତ କରିବା ଉପରେ ଆମେ ଅଧିକ ଗୁରୁତ୍ୱ ଦେଇଛୁ । ତାମିଲ ବର୍ତ୍ତମାନ ମାଧ୍ୟମିକ ସ୍ତରରେ କିମ୍ବା ମଧ୍ୟମ ସ୍ତରରେ ବିଦ୍ୟାଳୟ ଶିକ୍ଷା କ୍ଷେତ୍ରରେ ଶାସ୍ତ୍ରୀୟ ଭାଷା ଭାବରେ ଅଧ୍ୟୟନ କରାଯାଇପାରିବ । ଭାଷା-ସଙ୍ଗମରେ ତାମିଲ ହେଉଛି ଅନ୍ୟତମ ଭାଷା ଯେଉଁଠାରେ ସ୍କୁଲ ଛାତ୍ରମାନେ ଅଡିଓ, ଭିଡିଓରେ ବିଭିନ୍ନ ଭାରତୀୟ ଭାଷାରେ ୧୦୦ ଟି ବାକ୍ୟ ସହିତ ପରିଚିତ ହୁଅନ୍ତି । ଭାରତଭାନୀ ପ୍ରକଳ୍ପ ଅଧୀନରେ ତାମିଲର ସର୍ବ ବୃହତ ଇ-ବିଷୟବସ୍ତୁ ଡିଜିଟାଇଜଡ୍ କରାଯାଇଛି ।

ବନ୍ଧୁଗଣ,

ଆମେ ବିଦ୍ୟାଳୟରେ ମାତୃଭାଷା ଏବଂ ସ୍ଥାନୀୟ ଭାଷାରେ ଶିକ୍ଷାକୁ ଉତ୍ସାହିତ କରୁଛୁ । ଆମ ସରକାର / ଭାରତୀୟ ଭାଷାରେ ଛାତ୍ରମାନଙ୍କ ପାଇଁ ଇଞ୍ଜିନିୟରିଂ ଭଳି ବୈଷୟିକ ପାଠ୍ୟକ୍ରମ ଉପଲବ୍ଧ କରାଇବା ଆରମ୍ଭ କରିଛନ୍ତି । ତାମିଲନାଡୁ ଅନେକ ଦକ୍ଷ ଇଞ୍ଜିନିୟର୍ ସୃଷ୍ଟି କରିଛି । ସେମାନଙ୍କ ମଧ୍ୟରୁ ଅନେକ ବିଶ୍ୱସ୍ତରୀୟ ଇଞ୍ଜିନିୟର ଏବଂ ପ୍ରତିଷ୍ଠିତ ବ୍ୟବସାୟୀ ହୋଇପାରିଛନ୍ତି । ଏସ୍‍ଟିଇଏମ୍‍ ପାଠ୍ୟକ୍ରମରେ ତାମିଲ ଭାଷା ବିଷୟବସ୍ତୁ ବିକାଶରେ ସାହାଯ୍ୟ କରିବାକୁ ମୁଁ ଏହି ପ୍ରତିଭାବାନ ପ୍ରବାସୀ ତାମିଲଙ୍କୁ ଆହ୍ୱାନ କରୁଛି । ତାମିଲ ସମେତ ବାରଟି ବିଭିନ୍ନ ଭାରତୀୟ ଭାଷାରେ ଇଂରାଜୀ ଭାଷା ଅନଲାଇନ୍ ପାଠ୍ୟକ୍ରମକୁ ଅନୁବାଦ କରିବା ପାଇଁ ଆମେ ଏକ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଆଧାରିତ ଭାଷା ଅନୁବାଦ ଉପକରଣ ମଧ୍ୟ ବିକାଶ କରୁଛୁ ।

ବନ୍ଧୁଗଣ,

ଭାରତର ବିବିଧତା ହେଉଛି ଆମର ଶକ୍ତି । ଏକ ଭାରତ ଶ୍ରେଷ୍ଠ ଭାରତ ବିବିଧତା ଏକତାର ଆବେଗକୁ ବଢାଇବାକୁ ଏବଂ ଆମ ଲୋକଙ୍କ ନିକଟତର କରିବାକୁ ଚେଷ୍ଟା କରେ । ଯେତେବେଳେ ହରିଦ୍ୱାରର ଏକ ଛୋଟ ପିଲା ଏକ ଥିରୁଭାଲୁଭାର୍ ପ୍ରତିମୂର୍ତ୍ତିକୁ ଦେଖେ ଏବଂ ତାଙ୍କ ମହାନତା ବିଷୟରେ ଜାଣେ, ସେତେବେଳେ ଏକ ଭାରତ ଶ୍ରେଷ୍ଠ ଭାରତର ଏକ ମଞ୍ଜି ଏକ ଛୋଟ ମନରେ ରହିଯାଏ । ହରିୟାଣାର ଜଣେ ଶିଶୁ କନ୍ୟାକୁମାରୀରେ ଥିବା ପଥର ସ୍ମାରକୀ ପରିଦର୍ଶନ କରିବାବେଳେ ସମାନ ଆବେଗ ଦେଖାଯାଏ । ଯେତେବେଳେ ତାମିଲନାଡୁ କିମ୍ବା କେରଳର ପିଲାମାନେ ବୀର୍‍ ବଲ୍ ଦିବସ୍ ବିଷୟରେ ଜାଣନ୍ତି, ସେତେବେଳେ ସେମାନେ ସାହିବଜାଦର ଜୀବନ ଏବଂ ବାର୍ତ୍ତା ସହିତ ଯୋଡି ହୁଅନ୍ତି । ଏହି ମାଟିର ମହାନ ପୁତ୍ର ଯେଉଁମାନେ ନିଜ ଜୀବନକୁ ଉତ୍ସର୍ଗ କରିଥିଲେ କିନ୍ତୁ ସେମାନଙ୍କ ଆଦର୍ଶରେ କଦାପି ସାଲିସ୍ କରିନଥିଲେ । ତେବେ ଅନ୍ୟ ସଂସ୍କୃତି ଆବିଷ୍କାର କରିବାକୁ ଚେଷ୍ଟା କରିବା । ମୁଁ ଆପଣଙ୍କୁ ନିଶ୍ଚିତ କରୁଛି ଯେ ଆପଣ ଏହାକୁ ଉପଭୋଗ କରିବେ ।

ବନ୍ଧୁଗଣ,

ମୁଁ ସମାପ୍ତ କରିବା ପୂର୍ବରୁ, ମୁଁ ଆପଣ ସମସ୍ତଙ୍କୁ ଅନୁରୋଧ କରିବାକୁ ଚାହେଁ ଯେକୋଭିଡ-୧୯ ସମ୍ବନ୍ଧୀୟ ସମସ୍ତ ମାର୍ଗଦର୍ଶିକାଗୁଡିକ ବିଶେଷ ଭାବରେ ମାସ୍କ ପିନ୍ଧିବା ଅନୁସରଣ କରନ୍ତୁ । ଭାରତର ଟୀକାକରଣ ଅଭିଯାନ ଉଲ୍ଲେଖନୀୟ ଭାବେ ଅଗ୍ରଗତି କରୁଛି । ଗତ କିଛି ଦିନ ମଧ୍ୟରେ, ୧୫ ରୁ ୧୮ ବୟସ ବର୍ଗର ଯୁବକମାନେ ସେମାନଙ୍କର ଟିକା ନେବା ଆରମ୍ଭ କରିଛନ୍ତି । ବୃଦ୍ଧ ଏବଂ ସ୍ୱାସ୍ଥ୍ୟସେବା କର୍ମଚାରୀଙ୍କ ପାଇଁ ସର୍ତକତା ଡୋଜ୍‍ ଆରମ୍ଭ ହୋଇଛି । ଯେଉଁମାନେ ଟୀକାକରଣ କରିବାକୁ ଯୋଗ୍ୟ ଅଟନ୍ତି ମୁଁ ସେମାନଙ୍କୁ ଟିକା ନେବାପାଇଁ ଅନୁରୋଧ କରୁଛି ।

ସବକା ସାଥ, ସବକା ବିକାଶ, ସବକା ବିଶ୍ୱାସ ଏବଂ ସବକା ପ୍ରୟାସ ମନ୍ତ୍ର ଦ୍ୱାରା ପରିଚାଳିତ ଆମ ସମସ୍ତଙ୍କୁ ୧୩୫ କୋଟି ଭାରତୀୟଙ୍କ ଜୀବନରେ ଏକ ସକରାତ୍ମକ ପରିବର୍ତ୍ତନ ଆଣିବା ପାଇଁ ମିଳିତ ଭାବରେ କାର୍ଯ୍ୟ କରିବାକୁ ପଡିବ ।  ମହାମାରୀରୁ ଶିକ୍ଷା ପାଇ ଆମର ସମସ୍ତ ଦେଶବାସୀଙ୍କୁ ଅନ୍ତର୍ଭୂକ୍ତ ଏବଂ ଗୁଣାତ୍ମକ ସ୍ୱାସ୍ଥ୍ୟସେବା ସୁନିଶ୍ଚିତ କରିବା ପାଇଁ କାର୍ଯ୍ୟ ଜାରି ରଖିଛୁ । ଆମ ସମୃଦ୍ଧ ସଂସ୍କୃତିରୁ ଶିଖିବା ଏବଂ ଭବିଷ୍ୟତ ପୀଢି ପାଇଁ ଅମୃତ କାଳର ମୂଳଦୂଆ ପକାଇବା ଆବଶ୍ୟକ । ପୋଙ୍ଗଲ ଅବସରରେ ସମସ୍ତଙ୍କୁ ପୁଣି ଥରେ ଶୁଭେଚ୍ଛା । ଏହା ଆମ ସମସ୍ତଙ୍କ ପାଇଁ ଶାନ୍ତି ଏବଂ ସମୃଦ୍ଧତା ଆଣିବ ।

ଭାନକମ୍

ଧନ୍ୟବାଦ

 

Explore More
୭୭ତମ ସ୍ବାଧୀନତା ଦିବସ ଅବସରରେ ଲାଲକିଲ୍ଲା ପ୍ରାଚୀରରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଭିଭାଷଣର ମୂଳ ପାଠ

ଲୋକପ୍ରିୟ ଅଭିଭାଷଣ

୭୭ତମ ସ୍ବାଧୀନତା ଦିବସ ଅବସରରେ ଲାଲକିଲ୍ଲା ପ୍ରାଚୀରରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଭିଭାଷଣର ମୂଳ ପାଠ
Indian economy on strong footing! April business growth at near 14-year high, PMIs show

Media Coverage

Indian economy on strong footing! April business growth at near 14-year high, PMIs show
NM on the go

Nm on the go

Always be the first to hear from the PM. Get the App Now!
...
PM Modi's interview to Vijayavani
April 24, 2024

In an interview to Vijayavani, Prime Minister Narendra Modi spoke at length about the NDA Government’s work and efforts to improve people’s lives. He mentioned about the strong bond between the BJP and Karnataka, reflecting in the work the Party done for the state.

Following is the clipping of the interview: