ভগবান শিবকী লাংওন গোরখনাথকী পোক্নফম লমদমবু খুরুমজরি‍। দেবরহা বাবাগী থৌজালদগী জিলা অসিদা চাউখৎপা পুরকপা ওইরসনু‍। ঙসি দেবরহা বাবাগী লমদমসিদা ঐখোয়না চৌরি চৌরাগী অচৌবা থৌরমসিদা লেঙবিরক্লিবা মীয়ামবু তরাম্না ওকচরি অমদি অদোম পুম্নমকপু খুরুমজরি‍।

উত্তর প্রদেশকী গভর্নর শ্রীমতি অনন্দিবেন পতেলজী, য়শস্বী অমদি মীয়াম্না পাম্নরবা মুখ্য মন্ত্রী য়োগী অদিত্যনাথ জী, য়ু.পি. লৈঙাক্কী মন্ত্রীশিং, থৌরমসিদা শরুক য়ারিবা এম.পি., এম.এল.এ. অমদি ইচিল ইনাউশিং, চৌরি চৌরাগী শেংলবা লমদমসিদা লৈবাক্কীদমক মথ্বাই কৎখিবা, লৈবাক্কী নীংতম ইহৌবু অনৌবা মায়কৈ তাকপিরম্বা, অথৌবশিংগী খুয়াখাদা, ঐনা ইকোক নোঞ্জরি, নোল্লুপগা লোয়ননা শ্রদ্ধাঞ্জলি কৎচরি‍। থঔরম অসিদা তোঙান তোঙানবা দিস্ত্রিক্তশিংদগী অথৌবশিং অমসি নীংতম লানগী লান্মীশিংগী মরী মতাশিংসু শরুক য়ারি‍। মশিং য়াম্লবা নীংতম লান্মীশিংগী ইমুং মনুংশিংসু ঙসি ওনলাইন্দা শরুক য়ারি‍। অদোম পুম্নমকসু ঐনা তরাম্না ওকচরি, খুরুমজরি‍।

মরূপশিং,

চহী চাম্মগী মমাঙদা চৌরি-চৌরাদা থৌদোক্তু শুপ্নতগী মৈহৌ লাংপোক্কী থৌদোক, থানা অমদা মৈ থাবগী থৌদোকখক নত্তে‍। চৌরি-চৌরাগী পাউজেল য়াম্না চাউরম্মি, য়াম্না মরু ওইরম্মি‍। মমাঙদা চৌরি-চৌরাগী মতাঙদা মরম কয়াদগী থৌদোক্তুবু ইচম চম্বা মৈ থাবগী থৌদোক অমা ওইনা লৌনরম্মি‍। অদুবু মৈ থাবগী থৌদোক্তু করম্বা ফীভমদা থোকখিবগে, করি মরমগীনো হায়বসিসু য়াম্না মরুওইবনি‍। মৈদু থানাদা চাকখিবা নত্তে, মীপু খুদিংগী পুক্নুংদা ওমদুনা লৈরক্লবনি‍। চৌরি-চৌরাগী পুৱারী ওইরবা ইহৌবু ঙসি লৈবাক্কী পুৱারীদা পীরিবা মফমসিগা মরী লৈনবা থৌরাং খুদিংমক য়াম্না থাগৎনিংঙাই ওই‍। ঐনা য়োগী জী অমসুং মহাক্কী কাঙবু পুম্নমক্কী মফমদা নুংঙাইবা ফোঙদোকচরি‍। ঙসি চৌরি-চৌরাগী চহী চাম্ম শরুকপগী কুমওন থৌরমসিদা পোস্তেল স্তাম্প অমসু পুথোক্লি‍। ঙসিদগী হৌরিবা থৌরম অসি চহী চুপ্পা পাঙথোক্কনি‍। মসিগী মনুং চন্না চৌরি-চৌরাগা লোয়ননা খুঙ্গঙ খুদিং, মফম খুদিংগী থৱায় কৎখিবা অথৌবশিংবুসু নীংশিংগনি‍। চহী অসিদা লৈবাকসিগী নীং তম্বগী ৭৫শুবা চহী য়ৌরক্লিবা মতমসিদা অসিগুম্বা থৌরম অমা পাঙথোকপসিনা হেন্না পেন্নিংঙাই ওইহল্লি‍।

মরূপশিং,

চৌরি-চৌরা অসি লৈবাক্কী মীচম মীয়াম্না হৌখিবা ইহৌ অমনি‍। চৌরি-চৌরাগী অথৌবশিংগী মমিং কয়া পন্নদবা অসি লাইবক থিবনি‍। ইহৌ অসিগী অথৌবশিংবু, য়াওল লান্মীশিংবু পুৱারীগী লামায়দা মরুওইবা মফম পীদ্রবসু নীংতম লান্দা মখোয়গী ঈখেঙ লৈবাকসিগী লৈহাউদা তিনখিদুনা ঙসিসু ঐখোয়বু ইনোৎ হাপ্লি‍। তোঙান তোঙানবা খুঙ্গঙ, তোঙান তোঙানবা চহী কাঙলুপ, তোঙান তোঙানবা খুন্নাইগী হৌরকফমদগী ওইজরবসু পুম্নমক ইমা ভারতকী অথৌবা মচা ঙাক্তনি‍। নীংতম ইহৌদা নীংতম লান্মী ১৯ পুন্না কোঙ্গোয় হুক্তুনা থৌরি য়ানখিবা থৌদোক মশিং য়াম্লম্লোই‍। অঙ্গ্রেজী লৈঙাক্না নীংতম লান্মী চা কয়া থৌরি য়ান্দুনা হাৎনবা হোৎনখি‍। অদুবু বাবা রাঘবদাস অমসুং মহামনা মাল্বিয়ানা হোৎনরম্বা কয়ানা চাউরাক্না মীওই ১৫০রোম থৌরি য়ান্দুনা হাৎলমগদবদগী কলহৌখি‍। মরম অসিনা ঙসিগী নুমিৎ অসি অখন্ননা বাবা রাঘবদাদ অমসুং মহামনা মদন মোহন মাল্বিয়া জীবুসু কোক নোনবগী, মখোয়বু নীংশিংবগী নুমিৎনি‍।

মরূপশিং,

থৌরাং অসিদা ঐখোয়গী মহৈরোয়শিং, নহাশিংবু অথোই অহেন তান্নবগী খুত্থাঙদা পুনশিল্লিবসিদা ঐঙোন্দা নুংঙাইবা ফাওই‍। ঐখোয়গী নহাশিংনা থিজিন্দুনা পুৱারীগী লমায়দা পল্লমদবা ৱাফম কয়া মাঙদা থোরক্কদৌরিবনি‍। ভারত লৈঙাক্কী মহৈ মশিংগী মন্ত্রালয়নসু নীংতম্বগী চহী ৭৫ মপুং ফারকপদা নহা ওইরিবা অইবশিংনা নীংতম লান্মীশিংগী মরমদা লাইরিক ইনবা, থৌদোকশিংগী মরমদা লাইরিক ইনবা, থিজিন ৱারেং ইনবা পাউকৎ তৌরি‍। চৌরি-চৌরা ইহৌদা শরুক য়াখিবা অথৌবা লান্মী কয়াগী পুন্সি ৱারীবু অদোম্না লৈবাক মাঙদা পুথোরকপা ঙমগনি‍। চৌরি-চৌরানা চহী চাম্ম মপুং ফারকপগী থৌরমশিং অসিদা লমদমসিগী কলা সংস্কৃতি অমসুং আত্মনিরভরতাগা পুনশিন্ননবা হোৎনরি‍। থৌরাং অসিমক ঐখোয়গী নীংতম লান্মীশিংগী মফমদা কৎচবা ঐখোয়গী শ্রদ্ধাঞ্জলি ওইগদৌরিবনি‍। থৌরাং অসিগীদমক ঐনা মুখ্য মন্ত্রী য়োগী অদিত্যনাথ জী অমসুং য়ু.পি. লৈঙাকপু থাগৎচরি‍।

মরূপশিং,

মীনায় নাইথাঙগী য়োৎল্হিংবু থদৎখিবা অপুনবগী পাঙ্গলনা লৈবাকসিবু মালেমগী অচৌবা পাঙ্গল কল্লবা লৈবাক অমা ওইহনগদৌরিবনি‍। অপুন্বগী পাঙ্গল অসি মরোমদোম লেপচবা ভারতকী মরুওইবা পরিংনি‍। ঐখোয়না লৈবাক মীয়াম করোর ১৩০গী অমদি মালেমগী ইমুং মনুংগীসু মরোমদোম লেপচবগী পাঙ্গল শেমগৎলি‍। অদোমসু খনবিয়ু, কোরোনা মতমসিদা লৈবাক ১৫০ হেনবগী মীয়ামগী মতেং পাংনবগীদমক মরুওইবা হিদাক লাংথকশিং থাবদা, ভারতনা মালেমগী তোঙান তোঙানবা লৈবাকশিংদা লৈখিবা ভারত মচা লাখ ৫০বু মরৈবাক্তা পুরক্নবা থৌরাং পায়খৎখিবদা, ভারতনা লৈবাক কয়াগী মীয়ামশিং শাফনা মখোয়গী মরমদমদা হলহনখিবদা, ভারতনা ঙসি মশানা কোরোনাগী তিকা পুথোক্লিবসিদা, মালেমগী চাউর-চাউরবা লৈবাকশিংদগীসু হেন্না খোঙজেল য়াঙনা তিকা থাবগী থৌরাং পায়খৎলিবসিদা, ভারতনা মীওইবা খুন্নাইবু শাফনা থম্নবা ৱাখল খন্দুনা মালেম শিন্বা থুংনা তিকা ফংহল্লিবা অসিদা ঐখোয়গী নীংতম লান্মীশিংগী থৱায়না উরগা চাউথোকচবা ফাওরমগনি‍।

মরূপশিং,

থৌরাং অসিবু মায় পাকহন্নবগীদমক তোপ তোপ্না হোৎনবা মথৌ তাই‍। অসুম্না হোৎনবগী মমি হন্দক্কী বদজেত অসিদসু তারি‍। কোরোনাগী লাংফমসিদা লৈবাকসিনা মায়োক্নরিবা শিংনবশিং অমসুং মখোয়গী পাম্বৈশিংদা বদজেত অসিনা খোঙজেল হাপ্লগনি‍। মরূপশিং, বদজেতকী খঙ-হৈরবা কয়ানা লৈবাকসিনা চাউখ্রবা লাংফম অমা মায়োক্নরি, মরম অদুনা লৈঙাক অসিনা তেক্স হেনগৎহনবা মথৌ তাগনি, লৈবাক্কী মীচম মীয়ামদা পোৎলুম পুহল্লগনি, অনৌবা তেক্সশিং হাপচিল্লকপা মথৌ তাগনি হায়নখি, অদুবু বদজেত অসিনা লৈবাক মীয়ামদা পোৎলুম অমত্তা হেনগৎহন্দে‍। মদুগী মহুত্তা লৈবাক্কী চাউখৎ লমজেল য়াঙখৎহন্নবা লৈঙাক্না হেক ঙম্লিবমখৈ শেল চাদিং তৌনবা ফিরেপ লৌরি‍। চাদিং তৌগদৌরিবা অসি লৈবাক্কী অচৌবা লম্বীশিং শেম্নবা, খুঙ্গঙবু ময়োল্লমগা, কৈথেলগা, মন্দিশিংগা শম্নহন্নবা, থোং শানবা, রেল লম্বীশিং তিংনবা, অনৌবা ত্রেনশিং চেলহন্নবা, অনৌবা বসশিংসু চেলহন্নবনি‍। মহৈ মশিং তম্বগী ফীভম ফগৎহন্নবা, ঐখোয়গী  নহাশিংবু খুদোংচাবা হেন্না ফংহন্নবগীদমক বদজেত অসিনা ফিরেপ কয়া লৌরি‍। অদুগা মরূপশিং, হায়রিবা থবক ময়ামসিগী পাঙথোক্নবগীদমক শিন্মীশিংগী মথৌসু তারক্কনি‍। লৈঙাক্না চাউখৎ থৌরাংদা অহেনবা চাদিং তৌরক্লবদি লৈবাক্কী মশিং য়াম্লবা নহাশিং থবক ফংগদৌরিবনি‍। শেন্থোক লম্বী অনৌবা থোরক্কদৌরিবনি‍।

মরূপশিং,

চহী কয়াসিদা লৈবাকসিগী বদজেত অসি কনাগুম্বা অমগী মিংদা করিগুম্বা খরা লাউথোকপখক্তমক ওইদুনা লাকখি‍। বদজেতপু ভোত বেঙ্ককী হিসাব বোই ওইহন্দুনা লাকখি‍। অদোমসু খনবিয়ু, অদোমগী য়ুমদা চৎলিবা শেন্ফমশিং অদু অদোমগী তুংগী য়াইফনবা অমদি থৌদাংশিংগী খল্লগা তৌরমগনি‍। অদুবু মমাঙগী লৈঙাকশিংনা বদজেতপু পাঙথোকপা ঙমহৌদ্রবা থৌরাং কয়া লাউথোকপগী পাম্বৈ অমা ওইহল্লম্মি‍। অদুবু হৌজিক্তি লৈবাকসিনা চৎনবী অদু হোংদোক্লে, পরিং হোংদোক্লে‍।

মরূপশিং,

কোরোনাগী মতমদা ভারতনা লাইচৎ অসিবু থেংনরিবা মওং মতৌ অসি ঙসি মালেম পুম্বনা থাগৎনরি‍। ঐখোয়গী তিকা থাবগী থৌরাংশিং মালেম পুম্বনা মতৌ তম্নরি‍। হৌজিক লৈবাকসিনা হোৎনগদৌরিবসি খুঙ্গঙ, লৈরক খুদিংদা লায়েংবগী খুদোংচাবা থমদুনা ইচম চমবা অনাবা অমগীসু ময়োল্লমদা চেনবগী মথৌ তাবদু কোকহন্নবনি‍। মসিদসু নত্তনা ময়োল্লমশিংদসু অনা লায়েংশঙশিংদা লায়েংবদা খুদোংচাদবা মায়োক্নদনবগীদমকসু অচৌবা ফিরেপশিং লৌরি‍। হৌজিক ফাওবদা অদোম্না অচৌবা তেস্ত নৎত্রগা চেক-অপ তৌবা মথৌ তারকপদা অদোমগী খুঙ্গঙদগী থোরক্তুনা গোরখপুরদা চৎপা মথৌ তারমগনি‍। নৎত্রগা অদোম্না কয়ারক হন্না লখনৌ নৎত্রগা বনারসতা চৎলমগনি‍। অদোমবু হায়রিবা খুদোংচাদবা অসিদগী ঙাকথোক্নবগীদমক হৌজিক্তি দিস্ত্রিক্ত খুদিংদা মতমগা চুনবা তেস্তিং লেবশিং লিংখৎলগনি, দিস্ত্রিক্ত মশাদা চেক-অপ তৌনবগী খুদোংচাবা লৈহল্লগনি, অমদি মসিগীদমক লৈবাক্কী বদজেত্তা হকশেলগী লমদসু অহানবা ওইনা চাদিং য়াম্না হেন্না তৌননবা ফীভম থম্লে‍।

মরূপশিং,

ঐখোয়গী লৈবাক্কী চাউখৎ লমজেলগী খ্বাইদগী মরুওইবা লমজেল্লোয়দি লৌমীশিংনা ওইদুনা লাক্লি‍। চৌরি-চৌরাগী ইহৌদদি লৌমীশিংগী চাউরবা থৌদাং য়াওখি‍। লৌমীশিংনা মাঙদা চঙশিন্দুনা মরোমদোম লেপচবা ঙম্নবগীদমক হৌখিবা চহী ৬সিদা লৌমীশিংগীদমক লেপ্তনা হোৎনদুনা লাকখি‍। মসিগী মহৈ লৈবাকসিনা কোরোনাগী মতমদা উখ্রে‍। লাইচৎকী শিংনবশিংগী মরক্তা ঐখোয়গী লৌউ-শিংউগী সেক্তরনা ইচঙ থৌনা মাঙদা চঙশিনখি, অমদি লৌমীশিংনা রেকোর্দ ওইবা মওংদা পোত্থোক পুথোকখি‍। ঐখোয়গী লৌমীশিং হেন্না মপাঙ্গল কনহল্লবদি লৌউ-শিংউগী লমদা চাউখৎ লমজেল হেন্না য়াঙখৎকদৌরিবনি‍। মসিগীদমক বদজেত অসিদা খোঙথাঙ কয়া লৌখৎলি‍। মন্দিশিংবু লৌমীশিংদা কান্নবা পীবা কৈথে ওইহন্নবগীদমক মন্দি ১০০০বু ই-নামগা শম্নহল্লগনি‍। হায়বদি মন্দিদা লৌমীশিংনা মখোয়গী মহৈ মরোং য়োনবা চৎপা মতমদা মখোয়দা হেন্না লায়হল্লগনি‍। মখোয়গী মহৈ মরোং মফম অমদা হেক্তা য়োনবা য়ারগনি‍।

মসিগা লোয়ননা খুঙ্গঙগী মফমশিংগী ইনফ্রাস্ত্রকচরগী ফন্দ হেনগৎহন্দুনা লুপা করোর লিশিং ৪০ ওইহল্লে‍। মসিগী কান্নবা লৌমীশিংনা হকথেংননা ফংগদৌরিবনি‍। ফিরেপ পুম্নমকসিনা ঐখোয়গী লৌমীশিংবু মরোমদোম লেপচবা ঙমহনগনি, লৌউ-শিংউবু শেন্দোং লৈবা লল্লোনফম ওন্থোক্কদৌরিবনি‍। য়ু.পি.দা কেন্দ্র লৈঙাক্না হৌদোকখিবা প্রধান মন্ত্রী স্বামিত্ব য়োজনানা লৈবাক্কী খুঙ্গঙশিংদা চাউখৎপা পুরকপদা মরুওইবা থৌদাং লৌরক্কদৌরি‍। য়োজনা অসিগী মখাদা খুঙ্গঙগী লমশিং, খুঙ্গঙগী য়ুমশিংগী পতা খুঙ্গঙগী মীয়ামদা ফংহনগনি‍। মশাগী লমগী পতা লৈজরবদি, মশাগী য়ুমগী পতা লৈজরবদি মখোয়গী মমল হেনগৎহল্লগনি, বেঙ্কশিংদগী য়াম্না লায়না শেন্থং লৌবা য়ারগনি‍। খুঞ্জাশিংগী য়ুম অমসুং লমশিংদা কনানসু ফত্তবা মীৎয়েঙনা য়েংবা ঙম্লরোই‍। মসিগী চাউরবা কান্নবা লৈবাকসিগী অপীকপা লৌমীশিং, খুঙ্গঙগী লায়রবা ইমুংশিংনা ফংগদৌরিবনি‍।

মরূপশিং,

হোৎনরিবশিং অসিনা ঙসিদি লৈবাকসিদা মরমবা মওংদা অওনবা পুরক্লিবগে হায়বদু গোরখপুর মশামক অনৌবা খুদম অমনি‍। য়াওল লান্মীশিংগী পোক্নফম, কত্থোকপা কয়াগী খুদম ওইরিবা মফমসিগী হান্না করম্বা ফীভম লৈরম্বগে? মফমসিদা কারখানাশিং থোঙ লোন্দুনা লৈরম্মি, লম্বীশিং ফীভম ফৎলমদে, অনা লায়েংশঙশিং লেঙম শাঙমদনা লৈরম্মি‍। অদুবু হৌজিক্তি গোরখপুরদা হারগী কারখানা অমুক হিংগৎহল্লে‍। মসিনা লৌমীশিংদা কান্নহল্লে, অমদি নহা কয়াদা থবকসু পীরে‍। ঙসিদি গোরখপুরদা এইমস শাগৎলি, মফমসিগী মেদিকেল কলেজ অমসুং অনা লায়েংশঙশিংদা অঙাঙ লিশিং কয়াগী পুন্সি কল্লি‍। হৌখিবা চহী কয়াদা হৌজিক য়োগী জীনা পনখিবা ইন্সেফলাইতিসনা অঙাঙ কয়াগী পুন্সি লৌখ্রে‍। অদুবু য়োগীজীগী মীৎয়েঙ মখাদা গোরখপুরগী মীয়ামনা হোৎনখিবা কয়াবু মালেমগী চাউর-চাউরবা লূপ কয়ানা থাগৎনরি‍। হৌজিক্তি বেদরিয়া, কুসিনগর, বস্তি, মহরাজগঞ্জ অমসুং সিদ্ধার্থনগরদসু অনৌবা মেদিকেল কলেজশিং লিংখৎলি‍।

মরূপশিং,

মমাঙদা পুর্বাঞ্চলগী অচৌবা খুদোংচাদবা ৱাফম অমসু লৈরম্মি‍। অদোমসু নীংশিংবিরমগনি, মমাঙদদি কনাগুম্বা অমনা কি.মি. ৫০ চৎপদা পুং অহুম মরি চঙলম্মি‍। অদুবু ঙসিদি লেন মরিগী লেন তরুক্কী লম্বীশিং শেমগৎলি‍। মসিদসু নত্তনা গোরখপুরদগী ময়োল্লম ৪দা ফ্লাইতকী খুদোংচাবসু লৈহল্লে‍। কুসিনগরদা শেমগৎলিবা ইন্তরনেসনেল এয়রপোর্তনা মফমসিগী তুরিজম সেক্তরবু খুমাঙ চাওশিনহল্লগনি‍।

মরূপশিং,

চাউখৎপগী খোঙজেল, মরোমদোম লেপচবগী অওনবা অসিনা ঙসি নীংতম লান্মী পুম্নমক্কী মফমদা কৎচবা শ্রদ্ধাঞ্জলি ওইরি‍। ঙসি ঐখোয়না চৌরি-চৌরাগী চহী চাম্মশুবগী থৌরম পাঙথোক্লিবসিদা পুরক্লিবা অওনবা অসিদা পুন্না থৌদাং য়ামিন্নদুনা হোৎননবগী ৱাশক শকমিন্নবা মথৌ তারি‍। লৈবাক্কী অপুনবগী শক্তম্না মাঙদা থম্নবা, লৈবাক্কী ইকায়খুম্নববু খ্বাইদগী লূম্না লৌননবা ৱাশকসু শকমিন্নবা মথৌ তাই‍। ৱাখল্লোন অসিগা লোয়ননা ঐখোয় লৈবাক মীয়াম পুম্নমক পুন্না চৎমিন্নবা মথৌ তাই‍। ঐখোয়না হৌদোক্লিবা খোঙচৎ অসিনা অনৌবা ভারত অমা পুরকপগী থৌরাং মপুং ফাহনবা ঙমগনি হায়না ঐনা থাজৈ‍।

ঐনা অমুক্কা হন্না অথৌবশিংগী চহী চাম্ম শুবগী থৌরমসিদা চহী চুপ্পা ঐখোয়না কাউরোইদবা ৱাফমদি মখোয়না লৈবাক্কীদমক মথৱাই কৎখিবনি হায়বসিনি‍। মখোয়না মথৱাই কৎখিবনা মরম ওইরগা ঙসি ঐখোয় নীংতম্বা ফংলিবনি, ইশানা ইশাবু ইৎপা ঙম্লিবনি, ঐখোয়গী মঙলানবু মঙফাওনহনবা ঙম্লিবনি, ঐখোয় শিবগী মথৌ তাদ্রবসু লৈবাক্কীদমক হিংনবা শোয়দনা হোৎনগদবনি‍। মখোয়না লৈবাক্কীদমক থৱায় থানবগী খুদোংচাবা ফংখি, ঐখোয়না লৈবাক্কীদমক হিংবগী খুদোংচাবা ফংলি‍। চহী চাম্মা শুরকপসিদা চৌরি-চৌরাগী অথৌবশিংবু নীংশিংদুনা চহী অসি ঐখোয়গী হোৎনবগী চহী ওইহনবা মথৌ তাই‍। ঐখোয়গী মঙলানশিং মঙফাওনহন্নবা চহী ওইহনবা তাই‍। ঐখোয়গীদমক্তা পুক্নিং ৱাখল লুপ্তুনা, মীয়ামগী য়াইফনবগীদমক পুক্নিং লুপ্পা তাই‍। মদুখক্তদা থৱায়না পোন্থা পীখিবগী চহী চাম্মসিনা ঐখোয়বু চাউখৎপগী অনৌবা পন্দোল অমা লোম্নবগী তাঞ্জা অমা ওইহনগদৌরিবনি অমদি মখোয়গী কত্থোকপগী থৌনানা ঐখোয়গী পুক্নিং থৌগৎগদৌরিবনি‍।

ৱাখল্লোন অসিগা লোয়ননা ঐনা অমুক্কা হন্না অদোম পুম্নমকপু হন্না হন্না থাগৎচরি‍।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Indian economy grew 7.4% in Q4 FY24; 8% in FY24: SBI Research

Media Coverage

Indian economy grew 7.4% in Q4 FY24; 8% in FY24: SBI Research
NM on the go

Nm on the go

Always be the first to hear from the PM. Get the App Now!
...
Unimaginable, unparalleled, unprecedented, says PM Modi as he holds a dynamic roadshow in Kolkata, West Bengal
May 28, 2024

Prime Minister Narendra Modi held a dynamic roadshow amid a record turnout by the people of Bengal who were showering immense love and affection on him.

"The fervour in Kolkata is unimaginable. The enthusiasm of Kolkata is unparalleled. And, the support for @BJP4Bengal across Kolkata and West Bengal is unprecedented," the PM shared in a post on social media platform 'X'.

The massive roadshow in Kolkata exemplifies West Bengal's admiration for PM Modi and the support for BJP implying 'Fir ek Baar Modi Sarkar.'

Ahead of the roadshow, PM Modi prayed at the Sri Sri Sarada Mayer Bari in Baghbazar. It is the place where Holy Mother Sarada Devi stayed for a few years.

He then proceeded to pay his respects at the statue of Netaji Subhas Chandra Bose.

Concluding the roadshow, the PM paid floral tribute at the statue of Swami Vivekananda at the Vivekananda Museum, Ramakrishna Mission. It is the ancestral house of Swami Vivekananda.