খরুমজরি।
ঐহাক্না ইরৈচা পুম্নমকপু ‘অন্তরাস্ত্রিয়া বোগ দিৱস’কী হন্না-হন্না নুংঙাইবা ফোংদোক্লি। চহি খুদিংগী য়োগ দিৱসতা থৌরম অমা নত্রগা থৌরম অমহেক্তাদা নখোয় মবামগী মরক্তা শরুক য়াখি। মরু ওইনা নখোয় মবামগা পুন্না য়োগ তৌমিন্নবগী নুংঙাইবা অদু কৈডোনুংদা খাওবা ঙম্লরোই, অদুবু হন্দক্কী ইথৌদাং কয়া অমনা মরম ওইরগা ঐহাক হৌজিক অমেরিকাদা লৈ। মরম অদুনা নখোয় ময়ামগা ভীদিওগী খুত্থাংদা নখোয়দা পাউজেল পীদুনা শরুক য়ারি।
মরুপশিং,
নখোবদা ঐনা হায়নিংবা অমনা, ঐহাক্না নখোয় মবামগী মরক্তা বোগ তৌবা ঙমজদ্রবশু বোগ তৌবগী থৌরম অসিদগীদি চেন্দে। মরম অদুনা ঐহাক্না ভাতকি পুংশিংগী মতমগী মতুং ইন্না ঙসি নুমিদাংৱাইরম পুং ৫.৩০ রোম তাবা মতমদা য়ু.এন. হেদক্বার্তরসদা য়োগগি থৌরমদা শরুক য়ারগনি। ভারতনা হাবজবদা মালেম অসিগী লেবাক ১৮০ হেন্বনা অমত্তা ওইনা পুনশিনবা হায়বসি পুৱারি ওইবা, বাম্না ঙক্নিংঙাই ওইবা অমনি। নখোয় ময়াম্না নিংশিংলমগনি, ২০১৪দা ববু.এন. জেনরেল এসেম্বলীদা য়োগ দিৱসকী ৱাফম হৌদোকপা মতমদা, মশিং য়াম্লবা লেবাকশিংনা মসিদা অয়াবা পিরকখি। মদুদগীনা ঔজিক ফাওবদা, অন্তরাস্ত্রিয়া বোগ দিৱসকী খুত্থাংদা য়োগ অসিগী মালেমগী ওইবা ইহৌ অমা ওইখ্রে, গ্লোবল স্পিরিত ওইখ্রে
মরুপশিং,
হন্দক্কী চহি অসিগী য়োগ দিৱসকী থৌরম অসিবু ‘ওশীন রিং ওফ য়োগ’না অমুক্কশু হেন্না তোপ-তোপ্পা অমা ওইহল্লে। ‘ওসীন রিং ওফ য়োগ’গী আইদিয়া অসিনা য়োগগী ৱাখল্লোন অমসুং সমুদ্রগি পাক চাউবগী মরক্তা লৈনরিবা মরি অদুদা য়াউমফম ওইবনি। আর্মী পার্সোনেলশিংনশু ঐখোয়গী ঈশিংগী মফমশিংদশু ‘য়োগ ভারতমালা অমসুং য়োগ সাগরমালা’ শামখ্রে। অসুম্না আর্কতিক্তগী হৌরগা এন্তার্তিকা ফাওবা ভারতকী রিসর্চ বেস হায়বদি প্রথিবীগী পোল অনিশু মসিদা শমজিন্নহল্লি। বোগগী অসিগুম্বা তোপ-তোপ্পা সেলেব্রেশন অসিদা লৈবাক অসিগী অমসুং মালেম অসিগী মীওই করোর কয়া অমনা য়াম্না থৱাই য়াওনা মসিদা শরুক য়াবা অসিনা, য়োগগী মিংচৎ অমসুং মতিক-মগুন অদুবু ফোংদোক্লি।
ইচিল-ইনাওশিং,
ঐখোয়গী রিশি মুনিশিংনা য়োগবু শন্দোক্না তাক্তুনা হায়রম্মি মদুদি- ‘য়ুজ্যতে এতদ ইতি য়োগ:’। মসিগি ৱাহন্থোক্তি ময়াম্বু পুনশিনহনবা হায়বসি য়োগনি। মরম অদুনা য়োগ শন্দোকপা হায়বসি মালেম পুম্ববু ইমুং অমত্তনি হায়বগী ৱাখল্লোন অসিদা য়ুমফম ওই। য়োগ শন্দোকপা হায়বসি ‘ৱাসুধৈবা কুতুম্বাকম’গী ৱাখল্লোন অসিবু শন্দোকপনি! মরম অদুনা ভারতনা ময়াই তাংবল লৌবা হন্দক্কী চহিগী জি.-২০ সম্মিত অসি থিমশু ‘ৱান অর্ধ, ৱান ফেমিলী, ৱান ফ্যুচর’ হায়না থমখি। অমসুং ঙসিদি, মালেম শিনবা থুংনা মী করোর কয়া অমনা ‘য়োগ ফোর ৱাসুধৈবা কুতুম্বাকম’,গী থীমদা ময়াম পুন্না য়োগ তৌরগনি।
মরুপশিং,
ঐখোয়গী য়োগ, অসিগা মরি লৈননা গ্রন্থশিংদা অসুম্না পল্লম্মি – ৱ্যায়ামাত লভতে স্বাস্থ্যম, দির্ঘ আয়ুশ্যম বলম সুখম! মসিগী ৱাহন্থোক্তি, য়োগ তৌবনা, হকচাং শাজেল তৌবনা ঐখোয়দা হকচাং ফহল্লি, অয়ুশ অমসুং পাঙ্গল পী। ঐখোয়গী মরক্তগী মীওই কয়া অমনা হৌখিবা চহি কয়াদগী ঔনা য়োগগা মরি লৈনরকখি, মখোয়না য়োগগী শক্তি অদুবু ফাওখি। মিপুম খুদিংমক্না হকচাং ফনা লৈবা হায়বসি কয়াম মরু ওইবগে হায়বসি ঐখোয় পুম্নমক্না খঙই। ঐখোয়নশু খঙই উরি মদুদি হকচাংদা খুদোংথিবা লাকপ মতমদা মদুগী অসোই-অঙাম য়াওদবা মতমদা, ঐখোয়গী ইমুং-মনুংশিংবু অৱাবা কয়া অমদগী কনবি। য়োগনা অফবা অমসুং শক্তি লৈবা খুনাই অমা শেমগৎলি, মখোয়গী অপুনবা শক্তি অদু য়াম্না হেল্লি। হৌখিবা চহিশিংদা স্বছ ভারতগুম্বা অনৌবা থৌরাংশিং অসিদগী হৌরগা স্তার্তঅপ ইন্দিয়াগুম্বা কেমপেন ফাওবা, আত্মানির্ভর ভারত হৌদোকপদগী হৌরগা কলচরেল ওইবা ভারত অমবু অমুক হন্না শেমগৎপা ফাওবা, লৈবাক অসমুং লৈবাক অসিগী নহারোলশিংদা ময়ামদগী থোইদোক-হেন্দোকপা খোংজেল অমা উবা ফংলিবা অসিদা, ইনর্জীগী য়াম্না চাউবা থৌদাং লৈ। ঙসিদি লৈবাক অসিগী ৱাখল্লোন অসি হোংলক্লে, মরম অদুনা মীশিং অমসুং মখোয়গী পুন্সিশু হোংলক্লে।
মরুপশিং,
ভারতকী সংস্কৃতিবু ওইরো নত্রগা খুনাইগী শক্তমবু ওইরো, ভারতকী ৱাখল্লোন ন্তরগা ইদিয়েলশিং, ভারতকী ফিলোসোফী নত্রগা ভিজনবু ওইরো, ঐখোয়না মতম পুম্বদা য়ুনিআত তৌনবা, এদোপ তৌনবা অমসুং এম্ব্রেস তৌনবগী ৱাখল্লোনশিং অসিবু য়োকখৎখি। ঐখোয়না অনৌবা ৱাখল্লোনশিংবু তরাম্না ওকখি, ঙাকশেন্দুনা থমখি। ঐখোয়না ফজরবা দাইভর্সিতীবু সেলেব্রেত তৌখি। য়োগনা অসিগুম্বা ৱাখল্লোনশিং অসিবু হেন্না হেন্না কনখৎহল্লি। য়োগনা নুংগী ওইবা মিৎয়েংবু চাউথোকহল্লি। য়োগনা জিব অমা ওইবগী অমত্তা ওইবা ৱাখল্লোন অদু ফাওহল্লি, মসিনা থৱাই পানবা জিবশিংগীদমক্তা মীনুংশিং ফাওহল্লি। মরম অদুনা ঐখোয়না য়োগগী খুত্থাংদা খেৎনবা লৈরিবশিং অদুবু মুত্থৎকদবনি। ঐখোয়না য়োগগী খুত্থাংদা অথিংবা অপনবা লৈবশিং অদুবু মুত্থৎকদবনি। ঐখোয়না ‘এক ভারত শ্রেস্থ ভারত’কী ৱাখল্লোনবু মালেম মীয়ামগী মমাংদা খুদম ওইনা উৎকদবনি।
ইচিল ইনাওসিং,
য়োগগীদমক্তা অসু্ম্ন আহায়রম্মি- ‘য়োগ: কর্মসু কৌশলম’। হায়বদি, কর্মদা হৈ-শিংবা হায়বসি য়োগনি। আজাদিকে অমৃতকালদা মসিগী মন্ত্র অসি ঐখোয় পুম্নমক্কীদমক্তা য়াম্না মরু ওই। ঐখোয়না ইথৌদা কত্থোকপা মতমদা য়োগগী খ্বাইদগী অথোইবা মপুং ওইবা থাক অদু য়ৌবা ঙম্মি। য়োগগী খুত্থাংদা ঐখোয়না ইশাগী ওইজবা থিদনা থবক অমদগী অমদা ঈথৌ পাংথোকই। ঐহাক্না থাজৈ মদুদি, য়োগ অসিনা, ঐখোয়না ঐখোয়গী হকশেল ফগৎহল্লগনি অমসুং মসিগী ফিরেপশিং অসি থমোইদা চেৎনা লেপকনি। ঐখোয়গী হকচাংগী পাঙ্গল, ঐখোয়গী ৱাখল খনবগী শক্তি হেনগৎহল্লগনি, ঐখোয়গী কন্সিয়সনেসকী শক্তি, ঐখোয়গী অমত্তা ওইবগী শক্তি অদুনা চাউখৎপা ভারত অমা শেম্লগনি। মসিগী ফিরেপ অসিগা লোইননা, ঐহাক্না অমুক্কশু হন্না ময়ামদা য়োগ দিৱসকী হন্না-হন্না নুঙাইবা ফোংদোক্লি!
থাগৎচরি!
