PM SHRIগী মখাদা ফন্দগী অহানবা ইন্সতোলমেন্ত থাদোকখ্রে
লোল 12দা ৱাহন্থোক হল্লবা এজুকেসন অমসুং স্কিল করিকলম লাইরিক ফোঙখ্রে
“21শুবা চহি-চাগী ভারতনা তুংলমচত্তা চঙশিন্দুনা ফংনবা তাল্লিবা পান্দম ফংবদা ঐখোয়গী এজুকেসনগী পথাপ্না অচৌবা থৌদাং য়াগনি”
“নাৎকী লৌশিং পথাপ অমসুং তুংগী মতমগী তেক্নোলোজীবু NEPনা চপ মান্নবা মরু ওইবা পীরি”
“মমালোলদা এজুকেসন পীবনা ভারতকী মহৈরোইশিংদা অনৌবা অচুম্বা ৱায়েল পীবগী থৌওং অমা হৌদোক্লি। মসিদি সোসিএল জস্তিসকী মাইকোদসু মরু ওইবা খোঙথাং অমা ওইরি”
“মহৈরোই অমনা লোল অমদা থাজবা থম্লকপা মতমদা, মখোয়গী স্কিল অমসুং তেলেন্তনা অকক্নবা অমত্তা লৈতনা শাহৌরক্কনি”
“ঐখোয়না অমৃত কালগী মথংগী চহি 25তা শাহৌ লৈবা অনৌবা চারোন শুরোন অমা শেম্বা তাবনি, মীনায় ওইবগী ৱাখল্লোন্দগী মনিং-মখা তম্বা, ইন্নোভেসন পাংথোক্নিংবগী খৌরাংবা পোকপা অমসুং মশাগী মথৌদাং খঙবা অদুগুম্বা চারোন শুরোন অমা”
“এজুকেসন্দা চাং মান্নবা মিৎয়েং থম্বা হায়বসিনা লৈফম, থাক অমসুং লমদমগী মখা পোন্দনা অঙাং অমত্তবু এজুকেসন্দগী নাথৈদবা হায়বনি”
“5Gগী মতমসিদা, PM-SHRI স্কুলশিংনা মোদর্ন এজুকেসনগী পাম্বৈ অমা ওইগনি”
লোল 12তা ৱাহন্থোক হনখ্রবা এজুকেসন অমসুং স্কিল করিকলম লাইরিকসু মহাক্না ফোঙখি। থৌরম অসিদা উৎখিবা একজিবিসন অসিবুসু প্রধান মন্ত্রীনা য়েংখি।

মন্ত্রী মন্দলদা লৈরিবা ঐহাক্কী মরুপ, শ্রীমান প্রধানজী, অন্নপুর্না দেবীজী, রাজকুমার রঞ্জন সিংহজী, সুভাস সরকারজী, লৈবাক্কী তোঙান-তোঙানবা মফমদগী লেংবীরক্লিবা একাদমিসিয়ন, ইকায় খুম্ননীংঙাই ওইরবা স্কোলরশিং অমসুং লৈবাক শিনবা থুংবগী মহৈরোই মরুপশিং!

লৈবাকপু মমায় পাকহনবা, লৈবাক্কী মরাইবক হোংহনবা ঙম্বগী মতিক লৈরিবা অসিদি এজুকেসন্নি। ঙসিগী 21শুবা চহি চাগী ভারত অমসুং মসিনা পান্দম অমগা লোয়ননা তুংলমচত্তা চঙশিল্লিবা অসিদা ঐখোয়গী এজুকেসন সীস্তেমগী অচৌবা থৌদাং য়াওরি। অদোম খুদিংমক সীস্তেম অসিগী শরুক অমনি, স্তেকহোলদরনি। মরম অদুনা, অখিল ভারতিয় শিক্ষা সামগমগী শরুক ওইবা হায়বসি ঐহাক্কী ওইনসু য়াম্না লাইবক ফবনি।

 

এজুকেসনগী মতাংদা খন্ন-নৈনবসি য়াম্না মরু ওই হায়বা ঐ খঙই। অখিল ভারতিয় শিক্ষা সামগমগী খুত্থাংদা ঐখোয়না খন্ন-নৈনদুনা চৎপগী চৎনবীবু খুমাং চাউশিলহল্লি। মসিগী মমাংদা মসিগুম্বা থৌদোক অমা কাশিগী নৌনা শাখিবা রুদ্রাক্স কনভেন্সন সেন্তরদা পাংথোকখি। হন্দক্কী মতাং অসিদনা দিল্লীগী নৌনা শাবা ভারত মন্দপমদা পাংথোক্লি। মসিনা ভারত মন্দপমগী অহানবা ওফিসিএল থৌরম ওইরিবা অসিসু য়াম্না হরাওনীংঙাই ওইবা ৱাফম অমনি। অদুগা মসিদগী হেন্না নুংঙাইবা অমনা, মফমসিগী অহানবা থৌরম্না এজুকেসনগা মরী লৈনবা থৌরম ওইরিবা অসিনি।

কাশিগী রুদ্রাক্সতগী হৌরগা মসিগী মোদর্ন ওইরবা ভারত মন্দপম ফাওবদা, অখিল ভারতিয় শিক্ষা সামগমগী খোঙচৎ অসিদা মেসেজ অমদি লোত্তুনা য়াওরি। মেসেজ অসিদি – অরিবা অমসুং অনৌবনা পুনবা। হায়বদি, ঐখোয়গী এজুকেসন সীস্তেম্না ভারতকী অরিবা চৎনবীবু য়োক্তুনা থম্লি, অদুগা অতোপ্পা নাকল অমদনা, মোদর্ন সাইন্স অমসুং তেক্নোলোজী লৈরি, লম অসিদসু ঐখোয়না খোঙজেল য়াঙনা তুংলমচৎকী মাইকৈদা চঙশিল্লি। ঐহাক্না ঙসিগী থৌরম, এজুকেসন সীস্তেমদা অদোম্না লৌরিবা থৌদাংগীদমক্তা পুম্নমক্কী মফমদা য়াইফ পাউজেল পীবগা লোয়ননা থাগৎচরি।

 

তান চানবা অমনা, ঙসি অসি ঐখোয়গী নেস্নেল এজুকেসন পোলিসীগী অহুমশুবা কুমওন ওইরি। লৈবাক শিনবা থুংবগী অখঙ-অহৈ, একাদমিসিয়ন অমসুং ওজাশিংনা মসিবু মিসন অমা ওইনা লৌদুনা খুমাং চাউশিলহনখি। ঙসিগী থৌরম অসিদা ঐহাক্না মখোয়বু থাগৎচরি, অমসুং ইকায় খুম্নবা উৎচরি।

ঐনা ঙসি মফমসিদা লাক্ত্রিঙৈদা, পেভিলিয়ন্দা পাংথোক্লিবা একজিবিসন য়েংলে। একজিবিসন অসিনা ঐখোয়গী স্কিল অমসুং এজুকেসন সেক্তরগী পাঙ্গল, খুদোংচাবা কয়া উৎলি। অনৌবা ইন্নোভেসনগী তেক্নিক কয়া উৎলি। অঙাংশিংনা শান-শান্ননা য়াম্না তম্লে, এজুকেসন অমসুং স্কুলিংগী মওংদা অহোংবা লাক্লে, মসি য়াংবদা তসেংনা নুংঙাইবা ফাওই। থৌরম লোইরবা মতুংদা একজিবিসন অসি শোইদনা য়েংবীয়ু হায়না পুম্নমক্কী মফমদা ঐহাক্না হায়জরি।

মরুপশিং,

অচৌবা অহোংবা পুরকপা মতমদা মতম খরদি অদুম চঙই। চহি অহুমগী মমাংদা ঐখোয়না নেস্নেল এজুকেসন পোলিসী হৌদোকখিবা মতমদা, তৌফম থোকপা থবক কয়া অমা ঐখোয়গী মাঙদা লৈরম্মি। অদুবু, পোলিসী অসি চৎনবা হৌনবগীদমক্তা অদোম পুম্নমক্না লৌখিবা থৌদাংশিং, থম্মোই শেংবা ৱাফম কয়া ফোংদোকখিবা, অনৌবা থৌশিল থৌরাংবু য়াজবগী থৌনা উৎখিবা, পুম্নমক অসি য়াম্না শীংথানীংঙাইনি, মসিনা ঐখোয়দা থাজবসু হেন্না হেন্না পোকহনখি।

 

অদোম পুম্নমক্না মসিবু মিসন অমা ওইনা লৌবীখি। নাৎকী লৌশিং পথাপ অমসুং তুংগী মতমগী তেক্নোলোজীবু NEPনা চপ মান্নবা মরু ওইবা পীরি। প্রাইমারী এজুকেসন্দা অনৌবা করিকলম চৎনহনবা, হাইয়র এজুকেসনগীদমক্তা রিজনেল লোলশিংদা লাইরিক ফোঙবা অমসুং লৈবাক অসিগী রিসর্চ ইকোসীস্তেম মপাঙ্গল কনখৎহন্নবগীদমক্তা এজুকেসন মালেমগী স্তেকহোলদরশিংনা য়াম্না কন্না হোৎনখিবনি।

লৈবাক্কী মীচম মীয়াম অমসুং ঐখোয়গী মহৈরোইশিংনা অনৌবা পথাপ অসি নীংথিনা খঙলে। 10+2 সীস্তেমগী মহুত্তা 5+3+3+4 সীস্তেম অসি হৌজিক চৎনরে হায়বা মখোয়না খঙলে। লাইরিক তম্বসু হৌজিক্তি চহি 3দগী হৌরগনি। মসিনা লৈবাক শিনবা থুংবদা মান্নবা মিৎয়েং অমা লৈহল্লগনি।

পার্লিয়ামেন্ততা নেস্নেল রিসর্চ ফাউন্দেসন বিল হৌদোকখিববু কেবিনেতনা অয়াবা পীখ্রে। NEPগী মখাদা নেস্নেল করিকল্ম ফ্রেমৱর্ক অমা য়াম্না থুনা লাক্লগনি। ফাউন্দেসন স্তেজ, হায়বদি চহি 3-8কী মহৈরোইশিংগী ফ্রেমৱার্ক অসিসু হৌজিক শেম শাবা লোইরে হায়না ঐহাক্কী ইফমদা পাউদম্লে। লেমহৌরিবশিংগীসু করিকলম অমা য়াম্না থুনা শেম্লগনি। লৈবাক শিনবা থুংবগী CBSE স্কুলশিংদা চপ মান্নবা সীলেবস অমা চৎনরগনি। NCERTনা মসিগী লাইরিক শেম শারি। ক্লাস 3-12 ফাওবগী তোঙান-তোঙানবা সবজেক্ত 130মুক্কী অনৌবা লাইরিক কয়াসু লোল 22দা থুনা ফোঙলগনি অমসুং মসি রিজনেল লোলদা এজুকেসন পীবগী থৌওংগী মহৈ ওইনা পাংথোকপনি।

মরুপশিং,

মহৈরোই অমনা থেংনবা খ্বাইদগী মীচঙ মীখায় নাইবা থৌওংদি মখোয়গী মহৈগী মহুত্তা মখোয়না ঙাঙবা লোলদা য়ুম্ফম ওইরগা মখোয়গী থাক খায়বা অসিনি। মমালোলদা এজুকেসন পীবনা ভারতকী মহৈরোইশিংদা অনৌবা অচুম্বা ৱায়েল পীবগী থৌওং অমা হৌদোক্লি। মসিদি সোসিএল জস্তিসকী মাইকোদসু মরু ওইবা খোঙথাং অমা ওইরি। মালেমসিদা লোল মশিং য়াম্না লৈ, লোল খুদিংগী মশাগী ওইবা অখন্নবা মতৌ লৈজৈ। মালেমগী চাউখৎপা লৈবাক অয়াম্বনা মখোয়গী মপাঙ্গল অসি মশাগী লোলনা মরম ওইরগা ফংবনি। ঐখোয়না হৌজিক য়ুরোপ খক্তদা য়েংলবসু, লৈবাক অয়াম্বনা মশাগী লোল শিজিন্নবা ঙাক্তনি। অদুবু, ঐখোয়গী লৈবাক অসিদদি, ইশাগী লোল চাউখৎহনবগী মহুত্তা ঐখোয়গী লোলবু শোত্থবনি হায়বগী মওংদা উৎলে। মসিদগী হেন্না লাইবক থীবা করি ওইগনি। ইন্নোভেতিব ওইবা ৱাখল্লোন কয়া চেল্লবসু, মহাক্না করিগুম্বা ইংলিশ ঙাঙবা হৈত্রবদি মহাকপু অদুমক নাথৈবীরি। মসিগী খ্বাইদগী চাউবা চৈথেং ঐখোয়গী খুঙ্গংগী চম্লবা অঙাংশিংনা ফংলি। ঙসিদি। নিংতম্বগী অমৃতকাল অসিদা নেস্নেল এজুকেসন পোলিসীগী খুত্থাংদগী ঐখোয়না মসিগুম্বা ৱাখল্লোনবু মনিংদা থম্লম্বা হৌরে। অদুগা, ঐদি য়ু.এন.দসু ইশাগী লোল শিজিন্নৈ। অতাবশিংনা খুবাক খবদা মতম খরদি অদুম চঙগনি।

 

মরুপশিং,

সোসিএল সাইন্সতগী ইঞ্জিনিয়রিং ফাওবগী সবজেক্তশিং অসি ভারতকী লোলদা তম্বীবা হৌরগনি। মহৈরোই অমনা লোল অমদা থাজবা থম্লকপা মতমদা, মখোয়গী স্কিল অমসুং তেলেন্তনা অকক্নবা অমত্তা লৈতনা শাহৌরক্কনি। মসিগী কান্নবসু লৈবাক্না ফংগনি। মশাগী কান্নবা খরগীদমক্তা লোলদা রাজনীতি তৌবশিংনা মখোয়গী থবক-থৌরমশিং তোকপা হৌরক্লগনি। নেস্নেল এজুকেসন পোলিসীনা লৈবাক্কী লোল খুদিংদা ইকায় খুম্নবা উৎকনি।

মরুপশিং,

নিংতম্বগী অমৃত মহোৎসব অসিদা লাক্কদৌরিবা চহি 25 অসি য়াম্না মরু ওইবনি। মথংগী চহি 25তা শাহৌ লৈবা অনৌবা চারোন শুরোন অমা শেম্বা তাবনি। মীনায় ওইবগী ৱাখল্লোন্দগী মনিং-মখা তম্বা, ইন্নোভেসন পাংথোক্নিংবগী খৌরাংবা পোকপা অমসুং মশাগী মথৌদাং খঙবা, সাইন্সতগী স্পোর্ত ফাওবগী হীরমদা লৈবাক্কী মিংচৎ পুরক্নবা শেম শাবা, 21শুবা চহি চাগী তঙাই ফদবগী মখা পোন্না মশাবু স্কিল লৈহন্নবা হোৎনবা কিদবা  অদুগুম্বা চারোন শুরোন অমা শেম্বা তাবনি।NEPনা মসিদা অচৌবা থৌদাং অমা লৌগনি।

মরুপশিং,

ক্বালিতী এজুকেসন পীবগী মালেমদা পেরামীতর কয়া লৈ, অদুবু, ঐখোয়না ভারতকী ৱাফম পনবা মতমদা, ঐখোয়না মসিগা মরী লৈননা খ্বাইদগী অহেনবা মিৎয়েং থম্লিবা অসিদি - মান্নবা মিৎয়েং য়েংবদনি। ভারতকী নহা খুদিংনা চপ মান্নবা এজুকেসন অমসুং এজুকেসনগী চপ মান্নবা খুদোংচাবা ফংবা হায়বসিনা NEPগী মিৎয়েংনি। ঐখোয়না চপ মান্নবা এজুকেসন অমসুং চপ মান্নবা খুদোংচাবগী মতাংদা ৱারী শাবা মতমদা, থৌদাং অসি স্কুল হাংদোকপা খক্তদা অকক্নবা লৈগদৌবা নত্তে। চপ মান্নবা এজুকেসন হায়বদি – এজুকেসনগা লোয়ননা রিসোর্সশিংসু মান্ননা ফংহনবা হায়বনি। মসিগী অতোপ্পা ৱাহন্থোক অমদি - অঙাং খুদিংনা মহাক্কী অপাম্বগী মখা পোন্না খুদোংচাবা ফংগদবনি হায়বনি। মসিগী অতোপ্পা ৱাহন্থোক অমদি - লৈফম, থাক অমসুং লমদমগী মখা পোন্দনা অঙাং অমত্তবু এজুকেসন্দগী নাথৈদবা হায়বনি।

 

মরম অদুনা, নেস্নেল এজুকেসন পোলিসীগী মিৎয়েং, লৈবাক্কী হোৎনজমনগী পান্দম অসিদি লাইরবা-ইনাক খুনবা, শহর অমসুং খুঙ্গংগী নহাশিংনা চপ মান্নবা খুদোংচাবা ফংবা হায়বসিনি। অদোমসু অমুক্তা য়েংবীয়ু, অথাপ্পা অমসুং মনুং হঞ্জিনবা মফমশিংদা অফবা স্কুল অমত্তা লৈতবনা, মমাংগী মতমশিংদা অঙাং কয়া অমনা মহৈ তম্বা ফংলমদে। অদুবু ঙসিদি, লৈবাক শিনবা থুংবগী স্কুল লিশিং কয়া অমবু পি.এম.-শ্রী স্কুল ওইনা অপগ্রেদ তৌরি। 5Gগী মতমসিদা, PM-SHRI স্কুলশিংনা মোদর্ন এজুকেসনগী পাম্বৈ অমা ওইরগনি।

ঙসিদি, ত্রাইবেল খুঙ্গংশিংগী এক্লাব্যা ত্রাইবেল স্কুল কয়া হাংদোক্লে। খুঙ্গং খুদিংদা ইন্তর্নেতকী খুদোংচাবা লোইনা ফংনরে। DIKSHA, SWAYAM অমসুং স্বয়ম্প্রভাগুম্বা পাম্বৈগী খুত্থাংদা অঙাংশিংনা মহৈ তম্নরি। অফবা লাইরিক, ক্রিএতিব ওইনা মহৈ তম্বগী থৌওং ওইরো, ঙসিদি, দিজিতেল তেক্নোলোজীগী মতেংদগী খুঙ্গং খুদিংনা অনৌবা ৱাখল্লোন, খুদোংচাবা কয়া ফংলি। মসিনা হায়বদি, এজুকেসনগীদমক্তা তঙাই ফদবা রিসোর্সশিংগী মরক্তা লৈবা অহাঙবা খুদিংমক খোঙজেল থুনা মেনশিল্লক্লি হায়বনি।

মরুপশিং,

নেস্নেল এজুকেসন পোলিসীগী প্রাইওরিতী অমদি এজুকেসন হায়বসি লাইরিক খক্তদা অকক্নবা লৈতনা, প্রেক্তিকেল লর্নিংসু মসিগী শরুক অমা ওইহনবা হায়বসিনি। মসিগীদমক্তা, ভোকেস্নেল এজুকেসনবু জেনেরেল এজুকেসনগা লোয়ননা ইন্তিগ্রেত তৌনবা থবক পায়খৎলিবনি। মসিগী খ্বাইদগী হেনবা কান্নবদি অশোনবা, শোত্থবা অমসুং খুঙ্গংগী ইমুংগী অঙাংশিংনা হেন্না ফংগনি।

লাইরিক খক্কী খুত্থাংদা মহৈ তম্বগী থৌওং অসিনা মরম ওইরগা অঙাং কয়ানা মসিবু পোৎলুম অমা ওইনা উই, অমসুং মসিদগী হেন্না লাপথোক্লিবনি। অদুবু, অনৌবা পোলিসী অসিগী মখাদা হৌজিক্তি অনৌবা থৌওং অমগা লোয়ননা মহৈ তম্বীরগনি। মহৈ তম্বসি ইন্তরেক্তিবসু ওইরগনি, অদুগা ইন্তরেস্তিংসু ওইরগনি। মমাংগী মতমদা, লেব অমসুং প্রেক্তিকেল তৌবগী খুদোংচাবা অসি স্কুল খরখক্কী মফমদা লৈরম্মি। অদুবু হৌজিক্তি, মহৈরোই লাক্ষ 75 হেনবনা অতল তিঙ্করিং লেবতা ইন্নোভেসন অমসুং সাইন্স তম্লি। সাইন্স অসি পুম্নমক্কী ওইনা য়াম্না অচম্বা হীরম অমা ওইরক্লে। মখোয়গুম্বা নহা সাইন্তিস্তশিং অসিনা তুংদা চত্তুনা অচৌবা প্রোজেক্ত কয়া লুচিংগনি, ভারতপু মালেমগী রিসর্চকী হব ওইহনগনি।

মরুপশিং,

শেমদোকপা খুদিংদা থৌনা চঙই অমসুং থৌনা লৈবনা অনৌবা খুদোংচাবা কয়া শাহৌহল্লি। মসিনা মরম ওইরগা, মালেম্না ভারত অসি অনৌবা খুদোংচাবা কয়াগী হৌরকফম্নি হায়না য়েংনরিবনি। সোফৱেয়রগী ৱাফম লাক্লবদি, তুংগী মতমদি ভারতকী ওইগনি হায়বসি মালেম্না ঙসি খঙলবনি। স্পেস তেক্কী ৱাফম লাকপা মতমদা, ভারতকা চাংয়েংনবা হায়বসি অরায়বা ওইরোই হায়বসি ঙসিগী মালেম্না খঙলবনি। দিফেন্স তেক্নোলোজীগী মতাং লাক্লবদি, ভারতকী ‘লো কোস্ত’ অমসুং ‘বেস্ত ক্বালিতী’গী মোদেল অসিদি শোইদনা মায় পাক্কনি। মালেমগী মসিগুম্বা থাজবা অসিবু ঐখোয়না কৈদৌনুংদা মাঙহনবা য়াদে। মপাঙ্গল শোন্থহনবা য়াদে।

মমাংগী চহি খরসিদা ভারতকী গ্রোথ হেনগৎলক্লিবা, ঐখোয়গী স্তার্তঅপকী মশেক মঙালনা মালেমদা ঙানবা হেনগৎলক্লিবা, মসিনা ঐখোয়গী এজুকেসনগী ইন্সতিত্যুসনশিংগী ইকায় খুম্নবসু মালেম পুম্বগী মফমদা হেনগৎহল্লি। গ্লোবেল রেঙ্কিং কয়াদা ভারতকী ইন্সতিত্যুতশিংগী মশিং য়াম্বা হেনগৎলক্লি, ঐখোয়গী রেঙ্কিংসু হেনগৎলক্লি। ঙসিদি, জাঞ্জিবার অমসুং অবু ধাবীদা অনৌবা IIT কেম্পস অনিসু হাংলগনি। অতোপ্পা লৈবাক কয়া অমনসু মখোয়গী লৈবাকশিংদা IIT কেম্পস হাংনবা ঐখোয়গী ইফমদা হায়জরক্লি। ঐখোয়গী এজুকেসন ইকোসীস্তেমদা অফবা অহোংবা কয়া লাকপা অসিনা মরম ওইরগা মালেমগী য়ুনিভর্সিতী কয়ানা ভারত্তা মখোয়গী কেম্পস হাংবা পাম্নরি। ওস্ত্রেলিয়াগী য়ুনিভর্সিতী অনিনা গুজরাতকী GIFT সিতীদা মখোয়গী কেম্পস হাংদোক্লগনি। মায় পাকপা কয়া অসিগী মরকসিদা, ঐখোয়না ঐখোয়গী এজুকেসনগী ইন্সতিত্যুসনশিংগী মপাঙ্গল লেপ্তনা হেনগৎহনবা তাই অমসুং মখোয়বু ফ্যুচর রেদী ওইহন্নবগীদমক্তা লেপ্তনা হোৎনবা তারি। ঐখোয়না ভারতকী ইন্সতিত্যুত, য়ুনিভর্সিতী, স্কুল অমসুং কোলেজশিংবু মসিগুম্বা ইহৌ অসিগী ময়োলদা লৈহনগদবনি।

মরুপশিং,

মপাঙ্গল লৈবা নহা শেমগৎপনা মপাঙ্গল লৈবা লৈবাক শেমগৎপগী খ্বাইদগী চাউবা গেরেন্তীনি। অমসুং নহারোল শেমগৎপদা খ্বাইদগী অহানবা থৌদাং অসিদি মমা-মপা অমসুং ওজাশিংগীনি। মরম অদুনা, ঐহাক্না ওজা অমসুং গার্জিয়নশিংগী মফমদা হায়জনীংবদি, অঙাংশিংবু ঐখোয়না মনিং তম্না অহাঙবা মালেমদা পাইহনবা তাবনি হায়বসিনি। মখোয়গী নুংগী ওইবা থাজববু য়াহৌহনগদবনি, অদু ওইরবদি মখোয়না খঙনীংবা পোকপা অমসুং অনৌবা অমা তম্বা পাম্বগী ইথিল হেনগৎলক্কনি। ঐখোয়না তুংগী মতমদা মিৎয়েং থম্বা তাবনি অমসুং ফ্যুচরগী ওইবা মাইন্দসেত অমগা লোয়ননা ৱাখল খনগদবনি। ঐখোয়গী অঙাংশিংবু লাইরিক্কী পোৎলুমদগী মনিং তমহনবা তাবনি। 

AI (আর্তিফিসিএল ইন্তেল্লিজেন্স)কুম্বা তেক্নোলোজী অসি ঐখোয়না সাইন্স ফিক্সন ফিল্ম খক্তদা হান্না উরম্মি, অদুবু হৌজিক্তি মসিনা ঐখোয়গী পুন্সিগী শরুক অমা ওইরে। রোবোতিক্স অমসুং দ্রোন তেক্নোলোজীনা ঐখোয়গী থোংজিলদা থিল্লরে। মরম অদুনা, ঐখোয়না অরিবা ৱাখল্লোন্দগী মপান থোক্লকপা তাবনি, অনৌবা মিৎয়েংগা লোয়ননা ৱাখল খনবা তাবনি। ঐখোয়না ইচাশিংবু মসিগীদমক্তা শেম শাবীবা তাবনি। ঐখোয়গী স্কুলশিংদা ফ্যুচর তেক্কা মরী লৈনবা ইন্তরেক্তিব সেসন শিনবা হায়বসি ঐহাক্কী অপাম্বনি। দিজজাতর মেনেজমেন্ত ওইরো, ক্লাইমেত চেঞ্জ ওইরো, নত্ত্রগা ক্লীন ইনর্জীগী মতাংদা ওইরো, ঐখোয়গী নহাশিংবু মসিগী মরমদা খঙহনবা তাবনি। মরম অদুনা, নহাশিংনা মাইকৈ অসিগী মতাংদা খঙবগা লোয়ননা মসিদা থৱাই য়াওহন্নবা মওংদা ঐখোয়না এজুকেসন পথাপ্পু শিন লাঙবা তাবনি।

মরুপশিং,

ভারতনা মপাঙ্গল অসুম অসুম কনবা হেনগৎলকপগা লোয়ননা, ভারতকী শক্তাক অমসুং চৎনবীদা মালেম্না পুক্নিং চংবসু হেনগৎলক্লি। মসিগুম্বা অহোংবা অসিবু মালেমগী অপাম্বনি হায়না ঐখোয়না খনবা তাবনি। য়োগ,অয়ুর্বেদ, আর্ত, ম্যুজিক, লিতরেচর অমসুং সংস্কৃতীগী সেক্তরদা তুংগী মতমগী খুদোংচাবা কয়া য়াওরি। ঐখোয়না অনৌবা চারোন শুরোন্দা মসিগী মতাংদা খঙহনবা তাবনি। হীরম পুম্নমক অসি অখিল ভারতিয় শিক্ষা সামগমগী প্রাইওরিতী ওইগনি হায়না ঐহাক্না থাজবা থম্মি।

ভারতকী তুংগী মতম লেপ্নবগীদমক্তা অদোম পুম্নমক্না হোৎনরিবা অসিনা অনৌবা ভারতকী মরু হুনগনি। লৈবাক্না ইং 2047দা নিংতম্বগী চহি 100 মপুং ফাবগী নুংঙাইবা ফোংদোকপা মতমদা, চাউখৎপা ভারত হায়রিবা ঐখোয় পুম্নমক্কী মঙলান অসি শোইদনা মঙফাওনগনি হায়বগী ঐহাক্না অচেৎপা থাজবা থম্মি। মসিগী মতম অসিদি ঙসি অদোমদগী ত্রেনিং লৌরিবা নহাশিংগী মখুত্তা লৈরগনি। ঙসি অদোমগী লোয়ননা শেম-শামিন্নরিবা মখোয়না হয়েং লৈবাকপু শেম শাগদৌরিবনি। মরম অদুনা, মঙলান অসিবু মঙফাওনহনগে হায়বগী ইথিল অসি নহা খুদিংগী মথানুংদা থোক্লকপা ওইসনু, মসিগী ৱাখল্লোন অসিগা লোয়ননা তুংলমচত্তা চঙশিনবা ওইসনু হায়বগী য়াইফ পাউজেলগা লোয়ননা ঐহাক্না পুম্নমকপু থাগৎচরি।

ঐহাক্না পুম্নমক্কী মফমদা য়াইফ পাউজেল পীজরি। থাগৎচরি!

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM Modi shares two takeaways for youth from Sachin Tendulkar's recent Kashmir trip: 'Precious jewel of incredible India'

Media Coverage

PM Modi shares two takeaways for youth from Sachin Tendulkar's recent Kashmir trip: 'Precious jewel of incredible India'
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 29 ফেব্রুৱারি, 2024
February 29, 2024

India's Exponential and Inclusive Growth under the Leadership of PM Modi