লাখপতি দিদি - ঙসি মালেমগী নুপীশিংগী নুমিত্ত ঐখোয়না ফংলিবা ইকায়খুম্নবা অসিগীদমক ঐখোয় য়াম্না হরাওই।
প্রধান মন্ত্রী - ঙসি মালেম্না মালেমগী নুপীশিংগী নুমিৎ পাংথোক্লি, ঐখোয়গী গুনশিং অমসুং ঐখোয়গী লৈবাক্কী নাৎ অসি মাত্রু দেবো ভাবাগা লোয়ননা হৌরকখি: ঐখোয়গী ওইনদি নুমিৎ ৩৬৫ শীনবা থুংনা মাত্রু দেবো ভাবানি।
লাখপতি দিদি - সার, সিবানি মহিলা মন্দলদা, ঐখোয়না বিদ ৱার্ক পাংথোকই, মসি ঐখোয়গী সৌরাস্ত্রাগী চৎনবী অমনি। ঐখোয়না নুপী ৪০০ হেন্না বিদ ৱার্ককী ত্রেনিং পীরে। মখোয়গী মনুংদা নুপী ১১ না য়োনবগী থবকশিং পাংথোকলি অমসুং নুপী অনিনা একাউন্ত শুবগী থবক তৌরি।
প্রধান মন্ত্রী – মফম অসিদগী ৱাংমদা য়োনবা চৎপরা ?
লাখপতি দিদি - হোই সার, রাজ্য অসিগী ৱাংমদা লৈবা মফম খুদিংমক্ত য়োনবা চৎলি।
প্রধান মন্ত্রী - হায়বদি ঐখোয় ভারত শীনবা থুংনা কোইবা চৎলে।
লাখপতি দিদি - হোই সার, অয়াম্বা মফম চৎলে, ঐখোয়না চৎতবা সহর অমতা লৈত্রে।
প্রধান মন্ত্রী - ইচল পারুলনা শেন কয়া য়াম্না তানবা ঙম্বগে?
লাখপতি দিদি - সার, লুপা লিশিং ৪০ হেন্না তানবা ঙম্মী।
প্রধান মন্ত্রী - অদুদি অদোম লাখপতি দিদি অমা ওইরে?
লাখপতি দিদি - হোই সার, ঐ লাখপতি দিদি অমা ওইরে অমসুং ঐনশু লাখপতি দিদিশিংদা শেন থাদরে। ঐগা লোয়ননা ঐগী ইচল ১১ লাখপতি দিদি ওইরে হায়না ঐনা খল্লি অমসুং খুঙ্গং শীনবা থুংবগী দিদিশিং লাখপতি দিদিশিং ওইহনবা হায়বসি ঐগী মঙলান্নি।
প্রধান মন্ত্রী – অঙকপনি।
লাখপতি দিদি – ঐনা নুপী খুদিংমক লাখপতি দিদি ওইনবা শেমগৎলি।
প্রধান মন্ত্রী - য়াম্না ফরে, ঐগী মঙলান্দি লাখপতি দিদি করোর ৩ শেমগৎপনি, মরম অদুনা অদোম্না লাখপতি দিদি করোর ৫ শেমগৎলগনি হায়না ঐনা খল্লি।
লাখপতি দিদি - হোই সার, ঐনা শোইদনা শেম্বা ঙমগনি।
লাখপতি দিদি - ঐগী কাংবুদা ইচল ৬৫ থবক তৌরি অমসুং ঐখোয়না মিশ্রিদগী সর্বত শারি। ঐগী তর্নওভর অসি লুপা লাখ ২.৫ দগী লুপা লাখ ৩ ফাওবনি। ঐগী ইচলশিংনা লুপা লাখ ২ হেন্না তাল্লে অমসুং ঐখোয়গী পোৎথোকশিং সেল্প হেল্প গ্রুপশিংদা য়োন্নবা পীরে অমসুং ঐখোয়গী অসিগুম্বা মফম অমা ফংলে, সার, ঐখোয় উপায় লৈতবা নুপীশিংনি, করিগুম্বা ঐখোয়না সরকারদগী মতেং ফংবদা, ঐখোয় চাউখৎপগী অৱাংবা থাকশিং য়ৌরে হায়না ঐখোয়না খল্লি। ঐগা থবক তৌমিন্নরিবী নুপীশিংনা মখোয়গী মচাশিংশু লাইরিক তমহল্লি। ঐগা লোয়ননা এক্তিবদা পোৎ য়োনবা চৎমিন্নবা নু্পীশিং য়াওরি, খরনা বেঙ্কগী থবক তৌরি, খরনা য়োনবগী থবক তৌরি।
প্রধান মন্ত্রী - অদোমগী ইচলশিং খুদিংমক গারিশিং লৈনবরা?
লাখপতি দিদি - লৈ সার, ঐ ইশামক্কী ইকো কার অমা লৈরে।
প্রধান মন্ত্রী – য়াম্না ফরে।
লাখপতি দিদি - ঐ গারি থৌবা হৈতে, মরম অদুনা ঐনা চৎপা মফম খুদিংদা দ্রাইভর অমগা লোয়ননা চৎমিন্নৈ। সার, ঙসিদি ঐখোয়গী ললোন-ইতিক্কী থবক হান্নগী য়াম্না ফগৎলে। ঐখোয়গী মঙলান অমা লৈরি। ঐখোয়না অদোম তি.ভিদা উখি, মীয়াম মরক্ত অদোম উনবা ঐখোয় চঙশিনখি অমসুং ঙসিদি মফম অসিদা ঐখোয়না অদোম য়াম্না নক্না উবা ফংলে।
প্রধান মন্ত্রী - ঐ অদোম ময়ামগী স্তোল খুদিংমক য়েংবা লাকপনি। ঐ চীফ মিনিস্তর নত্ত্রগা প্রধান মন্ত্রী ওইগেরা, ঐগী মফমদা খেন্নবা অমতা লৈতে অমসুং ঐ অমতনি।
লাখপতি দিদি - সার, অদোম্না মরম ওইদুনা মফম অসিদা খুদোংচাদবা কয়া মায়োক্নরবশু ঐখোয় নুপীশিং অৱাংবা থাক অমা য়ৌবা ঙম্লে অমসুং সার লাখপতি দিদি ওইবা ঙম্লে। ঙসিদি ঐখোয় অদোমগা ৱারি শানরে…
প্রধান মন্ত্রী - অদুদি, খুঞ্জাশিংনা অদোম লাখপতি দিদি ওইরে হায়বা খঙবরা?
লাখপতি দিদি - হোই সার, মীওই খুদিংমক্না খঙই। ঐখোয় মফম অসিদা লাক্কদবা অসিদা, মীওই খুদিংমক পাখৎনখি। খুঙ্গং অসিগী মরমদা অদোমগী মফমদা করিগুম্বা ৱাকৎ খর লানখৎনবা ঐখোয় চৎলিবনি হায়না খনখি। মরম অদুনা মীওই খরনা ঐখোয়দা হায়খি, দিদি চৎপীরো অদুগা ৱাকৎতি লানখৎপীগনু।
লাখপতি দিদি - ২০২৩ দা অদোম্না মালেমগী মিতল্লেতশিংগী চহি লাউথোকপদা মতমদা, ঐখোয়না মিল্লেত নত্ত্রগা সোরগমগী মহাও হেনগৎহনগদবনি হায়বা ঐখোয় খঙখি অমসুং ঐখোয়না লুপা ৩৫ দা য়োনখি, মদুদগী মীয়াম্না হকচাং ফনা চারে অমসুং ঐখোয়শু ললোন-ইতিক পাংথোক্লে, ঐখোয়না পোৎথোক অহুম পুথোকপা হৌরে, ঐখোয়গী কুকিশিং অমসুং খাখ্রাশিং লৈরে, অদোম গুজরাতকী খাখ্রা খঙলমগনি।
প্রধান মন্ত্রী - হৌজিক খাখ্রা ভারত শীনবা থুংনা পাম্নরে।
লাখপতি দিদি – হোই, সার মসি ভারত শীনবা থুংনা পাম্নরে।
প্রধান মন্ত্রী - মোদী জিনা লাখপতি দিদি শেমগৎপা পাম্মী হায়বা মীওইশিং অদুনা তাবদা, মীয়াম্না করি খনবগে?
লাখপতি দিদি - সার, অচুম্বদু হায়জগে, অহানবদা মসি নুপীশিংগী ওইনা ওইথোক্লোই হায়না মখোয়না খনখি, লাখপদি হায়বদি জিরো ৪-৫ গী ৱাফমনি আমসুং মসি নুপাশিংগী ফুরিৎখাউশিংদা য়াওগদবনি হায়না খনখি। সার, ঙসিদি মহাক লাখপতি অমা ওইরে, চহি খরগী মতুংদা নুমিৎ অসি মক্তদা ঐখোয় করোরপতি দিদিগী থৌরমদা শরুক য়াগনি।
প্রধান মন্ত্রী - Wow.
লাখপতি দিদি - ঐখোয়না মসিগী মঙ অসি মঙফাওনহনগনি। অদোম্না ঐখোয়দা লাখপতি অমা ওইনবগী লম্বী তাক্লে, ঐখোয়না অদোমদা করোরপতিগী মরমদা হায়গনি, সার, ঐখোয় করোরপতি ওইরে হায়না বেন্নর অসি থেৎকনি।
লাখপতি দিদি - ঐ দ্রোন পাইলোত অমনি, ঐ দ্রোন দিদিনি অমসুং হৌজিক লুপা লাখ ২ তানবা ঙম্লে।
প্রধান মন্ত্রী - ঐনা সাইকল থৌবা হৈতে হায়বী ইচল অমা থেংনখি অমসুং হৌজিক দ্রোন পাইবা হৈরে হায়খি।
লাখপতি দিদি - ঐখোয় প্লেন অমা পাইবা হৈতে অদুবু ঐখোয় দ্রোনশিং পাইদুনা পাইলোতশিং ওইরে।
প্রধান মন্ত্রী - ঐখোয় পাইলোতশিং ওইরে।
লাখপতি দিদি - হোই সার, ঐগী ইনাওনুপাশিংনা ঐবু পাইলোত হায়না কৌই, মখোয়না ঐবু ইতৈমা হায়না কৌদ্রে।
প্রধান মন্ত্রী - ফরে, পাইলোত দিদি ইমুং অমগী পাইলোত হায়না মিং কৌনরে।
লাখপতি দিদি - য়ুমদা লাকপদা ফাওবদা মখোয়না ঐবু পাইলোত হায়না কৌখি।
প্রধান মন্ত্রী - খুঞ্জাশিংনশু কৌবরা?
লাখপতি দিদি – খুঞ্জাশিংনশু পাইলোত হায়না কৌই।
প্রধান মন্ত্রী – অদোম কদাইদগী ত্রেনিং ফংবগে?
লাখপতি দিদি – পুনে, মহারাস্ত্রা।
প্রধান মন্ত্রী – ঐ পুনেদগী ঐগী ত্রেনিং ফংখি।
লাখপতি দিদি – পুনে।
প্রধান মন্ত্রী - অদোমগী ইমুংগী মীওইশিংনা অদোম চৎপা য়াবরা?
লাখপতি দিদি – মখোয়না ত্রেনিং চৎপগী অয়াবা পী।
প্রধান মন্ত্রী – য়াম্না ফরে।
লাখপতি দিদি - ঐগী অপীকপা অঙাং চেনখি অমসুং ঐনা মফম অসিদা থম্লমখি।
প্রধান মন্ত্রী - অদোমগী ইচানা অদোম দ্রোন দিদি অমা ওইহল্লে।
লাখপতি দিদি - ঐগী অসিগুম্না মহাক্কীশু মঙলান অমা লৈখি, মমা, অদোম দ্রোন পাইলোত অমা ওইরে, ঐ প্লেন পাইলোত অমা ওইগনি।
প্রধান মন্ত্রী - অঙকপনি, ঙসিদি খুঙ্গং খুদিংমক দ্রোন দিদি মশক খঙলে।
লাখপতি দিদি - সার, মসিগীদমক ঐনা অদোম থাগৎনিংই, মরমদি অদোমগী দ্রোন দিদি য়োজনাগী মখাদগী ঙসি ঐ লাখপতি দিদি অমা ওইরে।
প্রধান মন্ত্রী - য়ুমদা অদোমগী ফিবমশু ফগৎলে।
লাখপতি দিদি – ফগৎলে।
লাখপতি দিদি - ঐনা থবক হৌরকপদা ঐগী ইচল ১২ লৈখি, হৌজিক ঐগী ইচল ৭৫ লৈরে।
প্রধান মন্ত্রী - অদোম য়াম শেন কয়া য়াম্না তানবা ঙম্বগে?
লাখপতি দিদি - ঐখোয়গী রাধা কৃষ্ণ মন্দলগী মরমদা হায়রবদি, ইচলশিং ফি লোনবা অমসুং শা-ষন লোইবা অনিমক পাংথোকই অমসুং থা ১২ দা লুপ লাখ ৯.৫ দগী লুপা লাখ ১০ ফাওবা তাল্লি।
প্রধান মন্ত্রী – লুপা লাখ ১০।
লাখপতি দিদি - হোই, মখোয়না মদু ফাওবা তানবা ঙম্মী…
লাখপতি দিদি - সার, ২০১৯ দা গ্রুপ অসিদা য়াওরবা মতুংদা, ঐনা বেঙ্ক শখি অমা ওইনা বরোদা শ্বারোজগার সংস্থান্দগী ত্রেনিং ফংখি।
প্রধান মন্ত্রী - নোংমগী মনুংদা অদোমগী শেন কয়া য়াম্না পুদুনা চৎলি?
লাখপতি দিদি - সার, ঐনা মহৌশানা বেঙ্কদগী লুপা লাখ ১ দগী লুপা লাখ ১.৫ ফাওবা লৌথোকই অমসুং মসি ঐনা য়ুমদা থমখি।
প্রধান মন্ত্রী - অদোম অকিবা অমতা ফাওদবরা?
লাখপতি দিদি - ফাওদে, সার, ঐনা অপীকপা বেঙ্ক অমা পুদুনা চৎলি।
প্রধান মন্ত্রী – য়াম্না ফৈ।
লাখপতি দিদি – হোই সার।
প্রধান মন্ত্রী - থা অমদা অদোমগী বেঙ্কনা শেন কয়া য়াম্না ললোন-ইতিক পাংথোকপগে?
লাখপতি দিদি - সার, থাগী অমগী ঐগী বেঙ্কগী তর্নওভর অসি লুপা লাখ ৪ দগী লুপা লাখ ৫ ফাওবনি।
প্রধান মন্ত্রী - মওং অসিদা, হৌজিক মীয়াম্না বেঙ্কতা থাজবা থম্লে অমসুং অদোম লাকপা মতমদা বেঙ্ক লাক্লে হায়না মীয়াম্ন থাজবা থম্লে।
লাখপতি দিদি – হোই সার।
লাখপতি দিদি - সার, ঐনা অদোম ঐগী ওজা অমনি হায়না খল্লি। অদোমগী ইথিলদগী ঙসি ঐ লাখপতি দিদি অমা ওইরে অমসুং ঙসি ঐ ফম্বাক অসিদা ফম্লে। ঐনা মঙ অমা মঙফাওনরে অমসুং ঐখোয় লাখপতি দিদি ওইরে। ঐখোয়গী মঙলান্দি অতোপ্পা ইচলশিং ঐখোয়গুম্না লাখপতি দিদিশিং ওইহনবনি। শখি মন্দলদগী লাক্লবা মতুংদা, ঐখোয়গী পুন্সিদা অহোংবা কয়া লাক্লে। ঐখোয়গী মেদাম রাধা বেন রাস্তোগী অসি লবসনা মুসোরিদগী লাকপনি। মহাক্না ঐগী স্কিল উরে অমসুং মুসোরিদা লাক্নবা হায়রমখি। ঐনা হোই হায়খি অমসুং ঐ মুসোরিদা চৎখি। ঐনা মফম অদুদা গুজরাতি ব্রেকফাস্ত শেম-শাবগী ত্রেন তৌখি। মফম অদুদা স্তাফ ৫০ লৈখি। ঐনা মখোয়দা মিল্লেতকী তন হৌবা তম্বীখি। ঐনা য়াম্না পাম্বা থবক অমা লৈখি। রিতা বেন অসি নরেন্দ্র মোদী সাহিবকী লমদম গুজরাত্তগী লাকপনি। ঐ গুজরাতকী নুপী অমা ওইবদা চাউথোকচবা ফাওখি।
প্রধান মন্ত্রী - হৌজিক অদোম ওনলাইনদা ললোন-ইতিক্কী থবকশিং পাংথোক্লে। অদোমগী মতেং পাংনবা ঐনা সরকারদা হায়গনি। মসি ফগৎহনগদবনি অমসুং ঐখোয়না ইচল কয়াগা শম্নরে অমসুং ইচল কয়াগী শেন্থোক হেনগৎলে। মখোয় ভারতকী শেন-থুমগী শক্তি অমা ওইরে। ভারতকী শেন-থুমগী ফিবম ফগৎহনবদা হৌজিক খুঙ্গংশিংগী নুপীশিংনা মরুওইবা থৌদাং অমা লৌরে। ঐখোয়গী নুপীশিংনা য়াম্না য়াংনা তেক্নোলোজি লৌশিনবা ঐখোয়না উবা ফংলে, দ্রোন পাইলোত অমা ওইনবা ত্রেনিং ফংলবা দ্রোন দিদি অমগা ঐগা উনরে, মসি মহাক্না নুমিৎ ৩-৪ দা তমখি, মহাক্না য়াম্না থুনা তমখি অমসুং থম্মোয় শেংনা থবক তৌখি। ঐখোয়গী ইমাশিং অমসুং ইচলশিং মহৌশানা লান্থেংনবা ঙম্বা, অনৌবা থবক পাংথোকপা ঙম্বা, গুনশিং লৈহনবা, শেন তানবগী থৌনা কয়া লৈরি। মসিগী থৌনা অসিনা লৈবাক অসিদা কান্নবা য়াম্না পীগনি হায়না ঐনা থাজৈ।
