Share
 
Comments
শান্নরোইশিং অমসুং মখোয়গী ইমুং-মানুংশিংগা লোয়ননা ইনফোর্মেল, স্পোনতেনস সেসন অমা সেয়র তৌখ্রে
নখোয় পুম্নমক্কী ওইনা ভারত মচা কোতি ১৩৫না পীরিবা য়াইফ-মঙ্গোল অসি লৈবাক অসিনা পীরিবা মঙ্গোলশিংনি: পি.এম.
হেন্না ফবা ত্রেনিং কেম্পশিং, ইক্ব্যুইপমেন্ত, ইন্তরনেস্নেল এক্সপোজর শান্নরোইশিংদা ফংহনখ্রে : পি.এম.
অনৌবা ৱাখল্লোন অমসুং অনৌবা খোঙথাং অমগা লোইননা ঙসিদি শান্নরোই খুদিংমক্কী ওইনা লৈবাক অসিনা মতৌ কমদৌনা লেপ্পিবগে হায়বদু শান্নরোইশিংনা খঙলি : পি.এম.
ইহান হানবা ওইনা, ওলিম্পিক্স অসিগীদমক অমসুং মশিং য়াম্লবা মশান্নাশিংদা মশিং য়াম্লবা শান্নরোই ক্বালিফাইদ ওইখ্রে : পি.এম.
ভারতনা ইহান হানবা ওইনা ক্বালিফাইদ ওইবা ঙমখ্রবা মশান্না কয়া অমা লৈরি : পি.এম.
‘Cheer4India’ তৌবনা লৈবাক অসিদা লৈরিবা মীওইশিংগী থৌদাংনি: পি.এম.

প্রধান মন্ত্রী: দীপিকাজী খুরুমজরি !

দিপিকা: খুরুমজরি সর !

প্রধানমন্ত্রী: হৌখিবা মন কি বাত্তা ঐনা অদোমগী অমদি অতোপ্পা মরূপ কয়াগী মতাঙদা ৱাফম কয়া থমখি‍। অন্দক্তা পেরিসতা গোল্দ ফংলক্তুনা অদোম্না উৎখিবা মতৌদুগী মতুংদগীদি লৈবাক শিনবা থুংনা অদোমবু শোন্নদুনা লৈরে‍। হৌজিক্তি অদোম রেঙ্কিংদা ৱর্ল্দ নম্বর ১ ওইরে‍। অদোম্না অঙাং ওইরিঙৈদা হৈনৌ ককপদা খুৎ চুম্বা তম্লকই হায়না ঐ খঙলে‍। হৈনৌদগী হৌরকখিবা অদোমগী খোঙচৎ অসি য়াম্না মরু ওই‍। অদোমগী খোঙচৎ অসিগী মতাঙদা লৈবাকসিনা য়াম্না খঙনিংই‍। অদোম্না মসিগী মতাঙদা ৱাফম খরা থম্বিরবদি য়াম্না ফগনি‍।

দিপিকা: সর ঐগী খোঙচৎসি হৌরকপদগী হৌনা য়াম্না নুংঙাইরকখি‍। ঐদি হৈনৌ য়াম্না পাম্মি অমদি মসিদগী ৱারীসি থোক্লকখিবনি‍। হৌরকপদা য়াম্না নুংঙাইখি, খুদোংচাদবা খরদি মায়োক্নখি মরমদি মফমদুদা ফেসিলিতী মরাং কায়না ফংলমদে‍। মদুগী মতুংদা পুন্না আর্চরী তৌমিন্নরবা মতুংদা ফেসিলিতী নীংথিনা ফংখি অমদি য়াম্না ফবা কোচসু ফংখি‍।

প্রধানমন্ত্রী: দিপিকাজী, অদোম্না মায় পাকপগী পন্দোল অসিদা য়ৌরকপসিদা মীয়াম্না অদোমদা থম্বা থাজবসু ৱাংখৎলক্লি‍। হৌজিক্তি মাঙদা ওলিম্পিক্সকুম্বা খ্বাইদগী চাউবা থৌরম অমা তাদুনা লৈরে, মসিদা মীয়াম্না থম্লিবা থাজবা অমদি পুক্নিং চঙবা অনিসিগী মরক্তা কমদৌনা খল পুদুনা থম্বগে?

দিপিকা: সর থাজবদি লৈ অদুবু খ্বাইদগী হেন্না থাজবদি ইশাদা লৈ অমদি ঐনা পুক্নিংদি প্রেক্তিস অমসুং কমদৌনা পর্ফোর্ম তৌগনি হায়বসিদা চঙদুনা লৈ‍। হায়রিবা ৱাফমসিদা অহেনবা পুক্নিং চঙদুনা থম্মি‍।

প্রধানমন্ত্রী: ফরে অদোমগী মফমদা য়াইফ পাউজেল পীজরি‍। অদোম্না খেন্নবশিংগী মরক্তা মায়থিবা য়াজদনা শিংনবশিংবু থৌনা ওইহনখি‍। অদুগা স্ক্রীনদা অদোমগী ইমুং মনুংসু ঐনা উরি, ঐনা মখোয়বুসু খুরুমজরি‍। অদোম্না ওলিম্পিক্তসু মতৌ অসুম্না লৈবাক্কী মিংচৎ পুরক্কনি হায়না ঐনা মপুং ফানা থাজৈ‍। অদোমগীদমক ঐনা য়াম্লবা য়াইফরোল পীজরি‍।

দীপিকা: থাগৎচরি সর!

প্রধানমন্ত্রী: মথংদি ঐখোয় প্রবীন কুমার জাধবজীগা ৱারী শানশি‍। প্রবীনজী খুরুমজরি‍!

প্রবীন: খুরুমজরি সর!

প্রধানমন্ত্রী: ঐনা তাবদা অদোমগী ত্রেনিংসি অহানবদা লমজেল্লোই ওইননবা তৌরকই হায়না তাই‍।

প্রবীন: হোয় সর!

প্রধানমন্ত্রী: ঙসিদি অদোম্না ওলিম্পিক্তা তেন কাপ্পগী লমদা লৈবাক্কী মহুৎ শিন্দুনা চৎকদৌরি‍। মসি কমদৌনা হোংলকখিবনো?

প্রবীন: সর, অহানবদা ঐ লমজেল চেল্লম্মি মতমদুদা ঐ লৈঙাক্কী একাদমীদা লমজেলগী সেলেক্সন ফংলম্মি‍। মতমদুদা ঐগী হকচাঙ খরা পারম্মি অদুনা মফমদুদা লৈরম্বা কোচতুনা অতোপ্পা মশান্নদনা হেন্না চুনগনি হায়রম্মি‍। মদুগী মতুংদগী ঐবু তেন কাপ্পগী মশান্নদা থাজিল্লম্মি‍। মদুদগী ঐনা অম্রাবতিদা আর্চরী মশান্না মখা চত্থরকখি‍।

প্রধানমন্ত্রী: অসুম্না হোংলক্লবা মতুংদা হায়রিবা মশান্নসিদা অদোম্না কমদৌনা থাজবা অমদি পর্ফেক্সন ফংবা ঙম্লিবনো?

প্রবীন: সর তশেংবদি ঐগী য়ুম ফীভম খরা চাদে‍। হায়বদি শেল থুমগী ফীভম খরা চাদে‍।

প্রধানমন্ত্রী: অদোমগী ইমা-পাবুংসু ঐনা উবা ফংই‍। ঐনা মখোয়বুসু খুরুমজরি‍। প্রবীন মখা তাবিয়ু‍।

প্রবীন: মরম অসিনা ঐনা য়ুমদা হল্লগা থবক অমুক শুরুগনি হায়বা ঐ খঙলম্মি‍। মদুগী মহুত্তা ঐনা কন্না হোৎনদুনা অফবা মিংচৎ খরা পুরকপনা হেন্না ফৈ হায়না ঐনা খনখি‍। মরম অসিনা ঐ মখা চত্থখি‍।

প্রধানমন্ত্রী: অদোমগী অঙাং ওইরিঙৈগী অৱা-নুংঙাইগী মরমদা ৱা কয়া তারে অমদি অদোমগী  ইমা-পাবুংনা নোংমগী শুদুনা লৈরম্বদগী ঙসি লৈবাক্কী মহুৎ শিন্দুনা মায়োং য়ারকপা ফাওবগী লম্বী অসি য়াম্না পুক্নিং থৌগৎনিংঙাইনি‍। অদুগা অদোম্না খুদোংচাদবা পুন্সি অমদা লেল্লকখিবা অদুগা অদোমগী পান্দমবুসু মীৎমাঙদগী হেন্দোকহন্দনা থমখিবা, অদোমগী পুন্সিগী অঙনবা শরুক্তা থেংনরকখিবশিং অদুনা অদোমবু মায় পাকপা অমা ওইহনবদা কমদৌনা লমজিং ওইরকখিবগে?

প্রবীন: সর, ইশানা পুক্নিং হন্থরকপা মতমদা খুদোংচাদবা মায়োক্নরকপা মতমদা হৌজিক ফাওবদা ঐনা তৌরক্লিবা ময়ামসি মতাঙসিদা মায়থিরে হায়না মনিং হল্লবদি পুম্নমক অরেম্বা তারগনি হায়না খনখি‍। মদুগী মহুত্তা হেন্না হোৎনদুনা মায় পাকপনা ফৈ হায়বা ৱাখলনা লমজিংখি‍।

প্রধানমন্ত্রী: প্রবীনজী অদোমদি মায় পাক্লে হায়বা খঙলে অদুগী অদোমগী ইমা-পাবুংসু ঐগী মীৎয়েঙদা মায় পাক্লবনি হায়না লৌই‍। অদুনা ঐনা ইমা-পাবুংগসু ৱারী খরা শানবা পাম্মি, খুরুমজরি!

ময়াম পুম্নমক: খুরুমজরি!

প্রধানমন্ত্রী: অদোম্না থবক শুদুনা অদোমগী ইচাবু শেমলকখিবসিনা অদোমগী ইচানা ঙসি লৈবাক্কী মহুৎ শিন্দুনা ওলিম্পিক্তা শান্নবা চৎকদৌরি‍। হোৎনবা কনবা অমদি পুকচেল শেংবগী মহৈ করি ওইবগে হায়বা অদোম্না উৎলে‍। অযজিক অদোম করি হায়বিনিংবগে?

ময়াম পুম্নমক: ………………….

প্রধানমন্ত্রী: য়েংবিয়ু, করিগুম্বা খরা ফংনবা পান্দম লৈরবদি নিংহন্নবা কয়া লাক্তুনসু মদুবু নমথবা ঙমদে হায়বসি অদোম্না খুদম ওইনা উৎলে‍। করিগুম্বা গ্রাসরুতকী থাক্তা মওং চুম্না থবক পায়খৎলবদি ঐখোয়গী লৈবাক্কী হৈ-শিংবশিংসিনা করি তৌবা ঙমবগে হায়বসু অদোমগী মায় পাকপনা উৎলে‍। প্রবীন অদোমগী মফমদা য়াম্লবা য়াইফরোল পীজরি অমদি অদোমগী ইমা-পাবুংবু অমুক্কা হন্না খুরুমজরি অদুগা জপান্দা ফজনা শান্নরকউ‍।

প্রবীন: থাগৎচরি সর!

প্রধানমন্ত্রী: ফরে অদুদি ঐখোয় নীরজ চোপ্রাজীগা ৱারী অমুক শানরসি‍।

নীরজ: খুরুমজরি সর!

প্রধানমন্ত্রী: নীরজজী অদোমদি ভারত লান্মীদসু লৈরিবনি অমদি লান্মীগী পুন্সিদা করম্বা ফীভমদগী করম্বা ত্রেনিংনা অদোমবু শান্ন-খোৎনবগী লমদা খোঙফম অসি ফাওবা য়ৌহল্লকপদা লমজিংখিবগে?

নীরজ: সর য়েংবিয়ু, ঐদি হেক হৌরকপদগী ভারত লান্মী য়াম্না পাম্লকখি অমদি ঐ চহি ৫-৬ শান্নরবা মতুংদা ভারত লান্মীদা য়াওননবা হায়খি‍। মতমদুদা ঐ য়াম্না হরাএখি অমদি ঐ ভারত লান্মীদা য়াওরকখি অদুগা মদুগী মতুংদা ঐগী মশান্নদা পুক্নিং চঙদুনা লাক্লি অমদি ভারত লান্মীনা ইফমদা ফংহল্লিবা ফেসিলিতী ফংহল্লি অমদি ঐনা পাম্বা খুদিংসু ভারত লৈঙাক্না ঐঙোন্দা ফংহল্লি অদুগা ঐনা পুক্নিং লুপ্তুনা হোৎনজরি‍।

প্রধানমন্ত্রী: নীরজজী ঐনা অদোমগা লোয়ননা অদোমগী ইমুং মনুংবুসু উবা ফংলি‍। অদোমগী ইমুং মনুংবুসু ঐনা খুরুমজরি‍।

প্রধানমন্ত্রী: নীরজজী, ঐনা তাবদা অদোম অশোক অপন খরা নংখি অদুম ওইনমক অদোম্না চহিসিগী লৈবাক্কী রেকোর্দ থমখি‍। অদোম্না অদোমগী পুক্নিংগী পাঙ্গল অমদি প্রেক্তিস কমদৌনা কায়হন্দনা থমখিবগে?

নীরজ: ঐদি অশোক অপন হায়বসি শান্ন-খোৎনবগী শরুক অমনি হায়না লৌই অদুগা ঐনা ২০১৯দা য়াম্না কন্না হোৎনখি অমদি চহিদুদা ঐখোয়না ৱর্ল্দ চেম্পিয়ন তাখি…

প্রধানমন্ত্রী: অদোম্না শান্ন-খোৎনবদা শোকপসু শান্নবগী ইথিল অমা ওইনা উরি‍।

নীরজ: সর মরমদি মসি ঐখোয়গী খোঙচৎনি‍। ঐখোয়গী করিয়র চহি খরখক্কীনি অমদি ঐখোয় ইশানা ইশাবু পুক্নিং থৌগৎচবা মথৌ তাই‍। অদুনা অশোকপসিনা ঐগী চহি অমা মাঙহনখি মরমদি ৱর্ল্দ চেম্বিয়নসিপ অমসুং এসিয়ন চেম্পিয়নসিপকীদমক ঐনা শেম শাখি অদুবু শোকপনা মরম ওইরগা অপনবা ওইখি‍। মদুদগী ঐনা ঐগী পুক্নিং ৱাখল ওলিম্পিক্তা লুপখি অমদু অমুক হল্লকখি‍। ঐনা অহানবা কম্পিতিসন নীংথিনা শান্নখি‍। মদুদা ওলিম্পিক্কীদমক ক্বালিফাই ওইখি‍। মদুগী মতুংদা কোরোনানা মরম ওইরগা ওলিম্পিক য়ৈথোকখি‍। অদুবু ঐনা হোৎনবা লেপখিদে‍। অদুগা মদুগী মতুংদা অমুক হন্না কম্পিতিসন পাঙথোকখিবদা ঐনা কন্না হোৎনজদুনা লৈবাক্কী রেকোর্দ থমখি অমদি হৌজিকসু কন্না হোৎনরি‍। ওলিম্পিক্তা ঐনা হেক ঙম্লিবমখৈ হোৎনদুনা মায় পাক্নবা হোৎনগনি হায়না থৌরাং তৌরি‍।

প্রধানমন্ত্রী: নীরজজী, অদোমগা ৱারী শান্নবা য়াম্না নুংঙাইরে‍। ঐ মরুওইবা ৱাফম অমা অদোমদা হায়বা পাম্মি, অদোম্না মীয়ামগী থাজবা কয়ানা পোৎলুম ওইহনবগী মথৌ তাদে‍। অদোম্না অদোমগী হৈশিংবগী চাদা চাম্মখক্তা হোৎনবিয়ু হায়বা ৱাফমসি ইথিল নৎত্রগা শাফু অমত্তা য়াওদনা হোৎনবিয়ু‍। ঐনা অদোমগীদমক য়াম্লবা য়াইফরোল পীজরি অমদি অদোমগী ইমা-পাবুংবুসু খুরুমজরি‍।

প্রধানমন্ত্রী: দুতি চন্দজীগা অমুক ৱারী শারসি লাকপিরো‍।

প্রধানমন্ত্রী: দুতি জী খুরুমজরি!

দুতি: ইকায়খুম্নরবা প্রধান মন্ত্রী, খুরুমজরি!

প্রধানমন্ত্রী: দুতি জী, অদোমগীদি মিংগী ৱাহন্থোকসু অরাংবা হায়বনি, দুতিগী ৱাহন্থোক্তি মশেক হায়বনি! অদুগা অদোম্না শান্ন-খোৎনবদসু মশেক মঙান নাইবা ওইরি‍। হৌজিক অদোম ওলিম্পিক্তা মঙাল শন্দোক্লুনবা শেম শাবিরবরা? অসুক চাউখ্রবা অথোই অহেন তান্নবগী থৌরমসি অদোম্না কমদৌনা য়েংবগে?

দুতি: সর অহানবমক্তদা ঐনা হায়জনিংবদি ঐ ওরিসাগী ফিশা-লোনশা তৌদুনা হিংবা ইমুং অমদগী হৌরকপনি‍। ঐগী ইমুংদা ইচিন-ইনাউ নুপী অহুম, নুপা অমা, ইমা পাবুং থারগা পুন্না মী ৯ লৈ‍। ঐগী ইমুংদা নুপী ঙাক্তা মথং মথং পোক্লকপদা খুঞ্জাশিংনা ইমাবু তত্তনা করিগী নুপী অদুক য়াম্না পোক্লিবনো হায়না শিথবিরম্মি‍। য়াম্না লায়রবা ইমুং ওইরম্মি, চানিংঙাই ফাওবা লৈরমদে অদুগা ঐখোয়গী পাবুংগী শেন্থোকসু য়াম্না পীক্লম্মি‍।

প্রধানমন্ত্রী: অদোমগী ইমা পাবুং মাঙদা লেংশিনবিরি।

দুতি: হোই, মরম অসিনা ঐগী পুক্নিংদা ঐনা নীংথিনা শান্নরবদি লৈবাক্কীদমক মিংচৎ পুরক্কনি অদুগা লৈঙাক্কী থবক ফংলবদি মদুদগী ফংলকপা তলবনা ঐগী ইমুংগী ফীভমদা অহোংবা পুরক্কনি হায়না খনখি‍। ঙসিদি কোর্স অসিগী মতুংদা অহোংবা কয়া পুরকখ্রে, ঐগী ইমুংদা অহোংবা কয়া লাক্লে‍। হৌজিক্তি ঐনা অদোমবু অমদি ঐবু মতম পুম্নমক্তা ঙাক্লৌ পীবিরকপা পুম্নমকপু থাগৎচনিংই‍। ঐগী পুন্সিদা মতম পুম্নমক্তা চয়েৎনবা কয়ানা য়োমদুনা লাক্লি‍। তি.ভি.গী খুত্থাঙদা অদোমদা হায়জনিংবা ৱাফমদি শিংনবা কয়া মায়োক্নরগা, অৱাবা কয়া লান্থোক্লগা ঙসি মফমসিদা য়ৌরকপা ঙম্লিবনি, অদুগা ঐগা লোয়ননা ওলিম্পিক্তা চৎলিবশিংদা, ঐদি অনিরক শুবনি চৎলিবসি, হায়নিংবদি ঐ অরৈবা থৌনা পুথোক্লগা চৎলিবনি, ঐনা কনাবুসু কিরোই‍। ভারতকী নুপী অমত্তা অশোনবা নত্তে, অদুগা নুপীশিংনা মাঙদা চঙশিন্দুনা লৈবাক্কী মিংচৎ পুরক্কনি হায়বা থৌনাগা লোয়ননা ওলিম্পিক্তা শান্নগনি অমদি লৈবাক্কীদমক মেদল পুরক্নবা হোৎনগনি‍।

প্রধানমন্ত্রী: দুতি জী, অদোমগী চহি কয়া চঙনা হোৎনজরক্লিবদুগী মহৈ শুপ্নতগী সেকেন্দ খরদা লেপকদৌরিবনি‍। মায়থিবা অমদি মায় পাকপা অনিগী মরক্তা মীকুপ অমখক্তগী খেন্নবনি‍। মসি মায়োক্নবদা কয়া য়াম্না ৱাবগে?

দুতি: তশেংবদি মিতর ১০০গীদি য়েংলগদি সেকেন্দ ১০-১১দা লোইবা ৱাফম্নি‍। অদুবু মদু হঞ্জিন হঞ্জিন তৌবদা চহি চুপ্পা চঙখি‍। য়াম্না কন্না হোৎনবা মথৌ তাই‍। মিতর ১০০ চেন্নবগীদমক ঐখোয়না ১০দগী ১২রক হঞ্জিন হঞ্জিন হোৎনবা মথৌ তাই‍। জিমদা, ইরোইফমদা শাজেল কয়া অমা তৌবা তাই‍। অদুগা মতম পুম্নমক্তা শিংনবা অমা ওইনা লৌবা মথৌ তাই‍ মরমদি খজিক্তং শোইখিবদা দিসক্বালিফাই তৌদুনা তান্থোরক্কদৌরিবনি‍। পুক্নিংদা চরাংনবা অমদি লৈ, কিবসু ফাওই অদুবু থৌনা ফুদোক্তুনা থেংনবনি‍। ঐগী লনাই পুন্সিদা পাঙ্গল থৌনা ফুদোক্তুনা থেংনবগুম মিতর ১০০গী লমজেলদা থৌনা লৈনা শিংনবা মায়োক্নদুনা লমজেল চেনবদা মতমসু পুক্নিংদসু নুংঙাই অমদি লৈবাক্কীদমক্তা মেদলসু লৌরকই‍।

প্রধানমন্ত্রী: দুতি জী, অদোম্না লৈবাক্কীদমক রেকোর্দ কয়া থমখ্রে‍। হন্দক্তি ওলিম্পিক্কী পোদিয়মদা অদোম্না শোয়দনা মফম অমা কনবা ঙমগনি হায়না লৈবাকসিনা থাজবা থম্লি‍। অদোম্না চিংনবা লৈতনা শান্নবিয়ু, ভারত পুম্বনা ঐখোয়গী ওলিম্পিক্তা শরুক য়ারিবা শান্নরোইশিংগীদমক লেপ্লি‍। ঐনা অদোমগী মফমদা য়াম্লবা য়াইফরোল পীজরি অমদি অদোমগী ইমা পাবুংবুসু খুরুমজরি‍।

প্রধানমন্ত্রী: হৌজিক অমুক আশীস কুমারজীগা ৱারী শানরসি‍।

প্রধানমন্ত্রী: আশীস জী, অদোমগী পাবুংগী লৈবাক্কী থাক্কী কবদ্দী শান্নরোই ওইরম্মি অমদি ইমুং মনুংদশু শান্নরোই কয়া লৈরি‍। অদোম্না বোক্সিং করিগীদমক শান্নরিবনো?‍

আশীস: সর ঐনা পিক্লিঙৈদগী হৌনা ঐখোয়গী ইমুংদা শান্ন-খোৎনবগী নুংশিৎ অমা অদুম শিত্তুনা লাকখি, পাবুংসু অফবা শান্নরোই অমা ওইরম্মি, মহাক্না মহাক্কী মচাবু বোক্সিং শান্নহন্নিংলম্মি‍। মরম অসিনা মহাক্না মতমদুদা কবদ্দী শান্ননবা শাফু পীরমদে‍। অদুবু ঐগী ইয়ামবদি মুক্না শান্নরম্মি অমদি বোক্সিং শান্নবদসু মহাক ফজনা শান্নরম্মি‍। অদুনা ঐঙোন্দসু অনিদুগী মনুংদা অমা শান্ননবা হায়বিরক্কি‍। ঐ ইশা য়াম্না পারম্মি অমদি ইশাশু খরা থরেক্নরম্মি অদুনা মুক্নাদি শান্নবা য়াররোই অদুনা বোক্সিং ওইনা শান্নবনা ফরনি খন্দুনা অসুম অসুম চঙশিল্লকখিবদগী ঙসি বোক্সিংদা লাক্লিবসিনি‍।

প্রধানমন্ত্রী: আশীস জী, অদোম্না কোবিদকসু লান্থেংনখ্রে‍। শান্নরোই অমা ওইনা ফীভমসি অদোমদা কয়া য়াম্না খুদোং চাদবা মায়োক্নখিবগে? অদোমগী মশান্না, অদোমগী ফিতনেসতা শোনহন্দনা অদোম্না করি তৌখিবগে? অসুক লুখ্রবা মতমসিদা অদোমগী পাবুংসু লৈখিদ্রে হায়বা খঙই, অসিগুম্বা ফীভমসিদা অদোম্না মিসন অসিদা থোরক্লিবনি, অমদি মসিদা অয়েৎ অপন অমত্তসু লৈহন্দে‍। অদুনা অদোমগী পুক্নিং ৱাখল ঐ খঙবা পাম্মি‍।

প্রধানমন্ত্রী: আশীস জী অদোমগী ইমুং মনুংবুসু ঐনা খুরুমজরি‍ অমদি অদোম নিংশিংলমগনি সচিন তেন্দুলকর জী য়াম্না মরু ওইবা মশান্না অমা শান্নরিঙৈদা মহাক্কী মপাবুং লৈখিদে‍। অদুবু মহাক্না শান্নবদা পুক্নিং চঙদুনা শান্নবগী খুত্থাঙদা মহাক্কী মপাবুংগী মফমদা শ্রদ্ধাঞ্জলি কৎখি‍। অদোমসু মদুগা মান্নবা ফীভমদা লৈরে‍। ঙসি অদোম্না অদোমগী পাবুং লৈখিদ্রবসু লৈবাক্কীদমক, শান্নবগীদমক পুক্নিং লুপ্তুনা লৈরি‍। অদোম তশেংনমক অথোইবা পুক্নিং থৌগৎনিংঙাই ওইবা, শান্নরোই অমা ওইনা মায় পাক্লবা মীওই অমা ওইরবনি‍। মসিগা লোয়ননা মীওইবা অমা ওইনা অদোম্না হকচাঙগী অমদি পুক্নিং ৱাখলগী শিংনবশিংবু মায়থিবা পীরি‍। অদোমদা লৈবাক পুম্বনা থাজবা থম্লি‍। ওলিম্পিক্কী ফম্পাক্তসু অদোম্না মশক থোক্না শান্নরক্কনি হায়না ঐখোয়না থাজৈ‍। ঐনা অদোমগী মফমদা য়াম্লবা য়াইফরোল পীজরি‍। অদোমগী ইমুং মনুংবুসু খুরুমজরি‍।

প্রধানমন্ত্রী: মথংসিদি অদোম পুম্নমক্না শকখঙনরবা মায়থোঙনি, শকখঙনরবা মিংনি‍। হৌজিক মেরী কোমগা ৱারী শানরসি‍।

প্রধানমন্ত্রী: মেরী কোম জী, খুরুমজরি!

মেরী কোম: খুরুমজরি সর!

প্রধানমন্ত্রী: অদোমদি লৈবাক পুম্বগী থৌনা ওইরিবী শান্নরোই অমনি‍। হন্দক্কী ওলিম্পিক্কী কাঙবু অসিদসু অদোমবু তমজনফম ওইনা লৌবা শান্নরোই কয়া অমসু য়াওরমগনি‍। মখোয়না অদোমদা ফোন তৌরক্লম্বসু য়াওরমগনি অদুগা করিগুম্বা ফোন তৌরক্লবদি অদোমদা করি করি হংলকপগে?

মেরী কোম: সর, য়ুমদা পুম্নমক্না ঐগীদমক্তা লাই খুরুম্লি, মখোয়না মরুওইনা অঙাঙশিংনা ঐবু মিস তৌই অদুগা ঐনা মমাদি লৈবাক্কীদমক লান্থেংনবা চৎকদৌরিবনি অদুনা য়ুমদা পাপানা হায়বা ইল্লু, নুংশিননা লৈয়ু, কোবিদ লৈবনিনা য়ুমদগী চত্থোক্কনু হায়‍। অদুগা মোইসু য়ুমদা সুম লৈশিনবদা হৈনদবা ফাওরক্লে, ওন্লাইন ক্লাস তৌরবসু মপুং ফাবদি ওইদ্রি‍। অঙাঙশিংদি শান্নবা য়াম্না পাম্মি, মমান্নবশিংগা শান্নবা পাম্বনি, অদুবু হন্দক্তি কোবিদনা মরম ওইরগা মমান্নবশিংগসু পুনবা ফংদ্রে‍। অদুবু ঐনা মখোয়দা লাইচৎ অসি লান্থেংনগদবনি, নীংথিনা লৈগদবনি অমদি শাফনা লৈগদবনি হায়না হায়‍।‍। অদুগা ঐসু লৈবাক্কীদমক লান্থেংননবা চৎলিবনি অদুনা ঐনা নখোয়না শাফনা লৈবা পাম্মি, ঐসু শাফনা লৈগে অমদি লৈবাক্কীদমক মিংচৎ পুরক্নবা হোৎনগে হায়না ৱারী ৱাতায় শান্নৈ সর‍।

প্রধানমন্ত্রী: মখোয়সু তারি, ঐগী মাঙদা পুম্নমক উরি‍। অদুগা অদোমদি পঞ্চ খুদিংদা চেম্পিয়ন্নি, অদুবু অদোম্না খ্বাইদগী পামজবা পঞ্চ করম্বনো?‍ জেব, হুক, অপ্পর কত নৎত্রগা অতোপ্পা করি লৈবগে? অদুগা হায়রিবা পঞ্চতু অদোম্না য়াম্না পাম্লিবসি করিগীনো হায়বদুসু হায়বিয়ু‍।

মেরী কোম: সর ঐগী খ্বাইদগী পামজবা পঞ্চতি ঐগী সাউথ পোলনি‍। মসিদগী কনানসু থৈদোকপা ঙমদে অদুম্মক পাল্লি অদুনা মসিনা খ্বাইদগী পামজবা পঞ্চনি‍।

প্রধানমন্ত্রী: অদোম্না খ্বাইদগী পামজবা শান্নরোই কনানো?

মেরী কোম: সর ঐনা খ্বাইদগী পামজবা, ঐবু পুক্নিং থৌগৎলিবা শান্নরোইদি বোক্সিংগী হিরো মুহম্মদ অলিনি‍।

প্রধানমন্ত্রী: মেরী কোম চী, অদোম্না বোক্সিংগী ওইবা মালেমগী অথোই অহেন তান্নবা অয়াম্বদা মায় পাক্তুনা লাক্লি‍। ওলিম্পিক গোল্দনা অদোমগী মঙলান্নি হায়না অদোম্না করিগুম্বদা হায়বা তাখি‍। মসি অদোমগীদা নত্তনা লৈবাক পুম্নমক্কী মঙলান্নি‍। অদোম্না অদোমগী অমদি লৈবাকসিগী মঙলানবু শোয়দনা মঙফাওনহনগনি হায়না লৈবাকসিনা থাজবা থম্লি‍। ঐনা অদোমগী মফমদা য়াম্লবা য়াইফরোল পীজরি, অদোমগী ইমুং মনুংবুসু খুরুমজরি‍।

মেরী কোম: সর অদোমবু হন্না হন্না থাগৎচরি‍!

প্রধানমন্ত্রী: হন্দক অমুক পি.ভি. সিন্ধুগা ৱারী শানরসি‍।

প্রধানমন্ত্রী: সিন্ধু জী, অদোম্না তোকিও ওলিম্পিক্কী মাঙওইননা ওলিম্পিক সাইজকী কোর্ততা প্রেক্তিস তৌবা পাম্মি হায়বা ৱাফম তাই‍। হৌজিক গৌচীবাউলীদা অদোমগী প্রেক্তিস কমদৌবিরিবগে?

পি.ভি. সিন্ধু: গৌচীবাউলীদা প্রেক্তিস নীংথিনা চত্থরি সর‍। মফমসি ঐনা খল্লিবগী মরমদি ওলিম্পিক স্তেদিয়মদি য়াম্না চাউই অমদি এ.সি. অমসুং….. ময়ামদু লৈবনা স্তেদিয়ম অফবা ওইরগা কৈদৌবগে, শান্ননবগী তাঞ্জা ফংলবদি করিগী শান্নরোইদৌরিবনো খল্লগা ফেব্রুৱারীদগী প্রেক্তিস হৌরকখিবনি‍। লৈঙাক্তগী অয়াবসু লৌখি‍। লাইচৎ লৈবনা মখোয়না অয়াবা পীরগা প্রোতোকোল ঙাক্নবা ৱাফমসু থম্লকখি‍। ঐনা হেক হায়জবগা অয়াবা পীবিরকপগীদমক্তা মখোয়গী মফমদা থাগৎপা ফোঙদোকচরি‍। মতমদুদা ঐনা খনখিবসি হৌজিক্তগী হৌনা শান্নরগদি তোকিও চৎলগা অচৌবা স্তেদিয়মদা শান্নবদা খুদোংচাদবা মায়োক্নররোই অমদি ঐঙোন্দা থুনা চুশিন্নবা ঙমগনি হায়না খনবদগী মফমসি খনখিবনি সর‍।

প্রধানমন্ত্রী: অদোমগী ইমুং মনুংসু ঐগী মাঙদা লৈরি, মখোয়বু ঐনা খুরুমজরি‍। ঐনা নীংশিংবদা গোপিচন্দ জীনা ইন্তরভিউ অমদি হায়খিবদা মহাক্না রিও ওলিম্পিক্কী মাঙওইননা অদোমগী ফোন লৌশিনখি‍। অদোমবু আইসক্রীম ফাওবা চাবা য়াহনখিদে‍। হৌজিকসু অদোম আইসক্রীম চাবদা অথিংবা লৈরিবরা নৎত্রগা খরা কোমথোক্লবরা?

পি.ভি. সিন্ধু: হোই সর কন্ত্রোল খরা তৌরি‍। মরমদি শান্নরোই অমগীদমক্তদি দাইত অসি য়াম্না মরুওই‍। অদুগা হৌজিক ওলিম্পিক্কীদমক হোৎনরিবনিনা দাইত খরা কন্ত্রোল তৌখিগনি অদুনা আইসক্রীমদি থোইদোক্না চাদে, মরক মরক্তা চাবা নত্তনা‍।

প্রধানমন্ত্রী: সিন্ধু জী অদোমগী ইমা পাবুং অনিমক শান্নরোই ঙাক্তা ওইরম্মি অমদি মরম অসিনি ঙসি ঐ মখোয়গা ৱারী খরা শোয়দনা শান্নবা পাম্মি‍। অদোমবু খুরুমজরি, করিমগুম্বা অঙাং অমগী হৈ-শিংবা শান্ন-খোৎনবগী মায়কৈদা ওনশিল্লক্বদি মমা মপা কয়া অমদি অৱাবা মায়োক্নৈ‍। মী কয়া অমদি চিংনবা কয়ানা থল্লি‍। অসিগুম্বা মমা মপাশিংগী মফমদা অদোম্না করি পাউজেল পীনিংবগে?

অভিভাবক: সর করিগুম্বা অঙাংদু মশা মউ ফরবদি পুম্নমক অফবা ওইগনি হায়বসি মমা মপাশিংনা খঙবিগদবনি মরমদি শান্ন-খোৎনবা খরা তৌরবদি অদোমগী হকশেল ফনা লৈগনি অমদি মশা মথন্তা পুক্নিং চঙবা হেল্লক্কনি‍। ইসু খুদিংদা অদোম্না মাঙদা চঙশিনবা ঙম্লক্কনি অমদি অদোম্না শোয়দনা মীকোক থোংবা ঙম্লক্কনি‍।

প্রধানমন্ত্রী: অদোম মায় পাক্লবা শান্নরোই অমগী মমা মপানি‍। অদোমগী অঙাংশিংবু শান্নরোই ওইহন্নবগীদমক্তা অদোম্না করম্বা পেরেন্তিংগী থৌওং পায়খৎপা মথৌ তাবগে?

অভিভাবক: সর, পেরেন্তিংগী ৱাফমদি অহানবদা মমা মপা ওইবদুনা কত্থোকপা তাবনি মরমদি মসিনা মখোয়বু পুক্নিং থৌগৎকদৌরিবনি‍। অদোম্না মখোয়বু পুক্নিং থৌগৎপা তাই অদুগা অদোমসু খঙলিবদুনি লৈঙাক্নদি মায়কৈ খুদিংদা শান্নরোই খুদিংদা ফেসিলিতী পুম্নমক পীরি‍। মদুবু খঙহনবগা লোয়ননা ঐখোয়গী অঙাংশিংদা লৈবাক্কী মিংচৎ পুরক্নবা হোৎনদুনা মিংচৎ উরোং খিন্নবা মখোয়বু পুক্নিং থৌগৎপিবনি‍। অতোপ্পবু ইকায় খুম্ননবা অমদি মখোয়গী থৌজাল ফংননবা অঙাংশিংদা তাকপি তম্বিবা তাই‍।

প্রধানমন্ত্রী: সিন্ধু জী, অদোমগী ইমা পাবুংনা অদোমবু মালেমগী মকোক থোংবা ওইহন্নবা কয়া অমা কত্থোকখ্রে‍। মখোয়নদি মখোয়গী থৌদাং য়ারে‍। হৌজিক্তি অদোমগী পালি তারে, অদোম কন্না হোৎনবিয়ু‍। হন্দক অদোম শাওয়দনা মায় পাক্কনি হায়না ঐনা থাজৈ অমদি মায় পাক্লক্লবা মতুংদা ঐগা শোয়দনা উনগদবা লৈরবনিনা অদোমগা লোয়ননা আইসক্রীম চাগদৌরিবনি‍।

প্রধানমন্ত্রী: এলাগা ৱারী অমুক শারসি, এলা খুরুমজরি!

এলাবেনিল: খুরুমজরি সর!

প্রধানমন্ত্রী: (গুজরাতীদা কৌরগা) এলাবেনিল, ঐনা তাবদা অদোম অহানবদা লমজেল্লোই ওইবা পাম্লম্মি হায়‍। অদুগা করিনা অদোমদু সুতিংদা পুশিল্লকখিবনো?

এলাবেনিল: সর তশেংবদি সুতিংগী মমাঙদা ঐনা মশান্না কয়া চাংয়েং তৌরুরে, অঙাং ওইরিঙৈদগী ঐ শান্না-খোৎনবা য়াম্না পাম্লকখি‍। এথ্লেতিক, বেদমিন্তন, জুদোনচিংবা চাংয়েং তৌরকখ্রে অদুবু ঐনা সুতিংদা চঙলকপা মতমদা ঐঙোন্দা য়াম্না পুক্নিং লাংতক্নবা হরাওবা ফাওখি মরমদি মশান্না অসিদা ঐখোয় য়াম্না কা হেন্না স্তীতী ওইবা মথৌ তাই‍। পুক্নিং ইংথবা মথৌ তাবনিনা ঐঙোন্দা পুক্নিং ইংথবা কয়া লৈতবদুদা মশান্না অসিদগী তম্বা য়াবা কয়া অমা লৈগনি খল্লগা মসিদা পুক্নিং লুপখিবনি‍।

প্রধানমন্ত্রী: হৌজিক ঐনা দুর্দরশন্দা থৌরম অমা য়েংলম্মি‍। মদুদা অদোম্না অদোমগী ইমা পাবুংগী ৱা তারগা অদোম্না সঙ্সকারধামদগী হৌদুনা লাকখিবা লম্বী উৎখি‍। অদুগা মখোয়না মফমদুদা চত্তুনা অদোমবু নীংশিংবা উখি‍। নহা কয়ানা অদোম্না স্কুলদগী হৌরগা ওলিম্পিক ফাওবগী খোঙচৎকী মরমদা খঙবা পাম্লমগনি‍। ঐ মনিনগরগী এম.এল.এ. ওইরম্মি অমদি অদোমসু মনিনগরদা লৈবনি অদুগা ঐনা ঐগী এসেমব্লী সেগমেন্তকী খ্বাইদগী অহানবা শান্নবগী একাদমী খোখরাদা লিংখৎবদা অদোম শান্নবা লাকখিবনি‍। মতমদুদদি অঙাং ওইরিবনি অদুগা ঙসি ঐনা অদোমবু উবদা য়াম্না চাউথোকচবা ফাওই‍। অদুনা অদোমগী ওইবা ৱাফম খরসু থম্মু‍।

এলেবেনিল: সর, ঐগী সুতিংগী প্রোফেসনেল খোঙচৎ সঙ্সকারধামদগী হৌখিবনি‍। ঐনা ১০শুবা স্তেন্দর্দতা তম্লিঙৈদা ইমা-পাবুংনা করিগুম্বা ঐনা শান্ন-খোৎনবা য়াম্না পামজরবদি ফরে তৌরো হায়না হায়বিবদগী মতমদুদা স্পোর্তস ওথোরিতী ওফ গুজরাতকা গন ফোর গ্লোরী সুতিং একাদমীগা এম.ও.য়ু. খুৎয়েক পীনরবা মতুংদা মখোয়না সঙ্কারধামদা দিস্ত্রিক্ত লেভেলগী স্পোর্তস হৌদোকখি‍। লাইরিকসু মফমদুদা তম্লকপনা নুমীৎ চুপ্পা মফমদুদা ঐখোয় ত্রেনিং তৌখি‍। খোঙচত্তূ য়াম্না নুংঙাইখি মরমদি মফমদুদগী হৌরকখিবনি অমদি ঙসি ঐনা অহানবা ওইনা ওলিম্পিক্কীদমক চৎকদৌরিবসিদা য়াম্না চাউথোকচবা ফাওই‍। য়ামখ্রবা মীয়ামগী থৌজাল, মীয়ামসিনা ঐগীদমক পীবিরিবা ঙাক্লৌশিং অসিনা ঐগীদমক্তা মতম পুম্বদা লমজিং ওইদুনা লাকপসি ঐঙোন্দা নুংঙাইবা ফাওই‍।

প্রধানমন্ত্রী: এলাবেনিল, হৌজিক অদোম গ্রেজুএসন তৌরি‍। সুতিং করিয়র অমসুং একাদমিক্স অনিগী মরক্তা অদোম্না কমদৌনা খল কায়হন্দনা থমবগে?

এলাবেনিল: সর মসিগীদমক্তদি ঐগী গুজরাত য়ুনিভর্সিতী অমদি ঐখোয়গী কলেজ ভবন রাজ কলেজপু থাগৎচবা পাম্মি মরমদি মখোয়না ঐঙোন্দা শুকশোয় শোয়দনা লাক্তুনা মসি তৌদবা য়াদে হায়বা ৱাহৈ অমত্তা হায়রকখিবা লৈখিদ্রি‍। মখোয়না ঐঙোন্দা য়াম্না কোমথোকপিখি, ঐগীদমক্তদি মখোয়না চাংয়েংসু তোখাইনা শিন্বিখি‍। ঐগীদমক্তা ঐগী সেমিনারশিং তোঙান্না থমবিদুনা য়াম্না ঙাক্লৌ পিবি সর‍। ঐগী খোঙচৎসিদা মখোয়না অমদি স্কুলনসু মতেং য়াম্না পাংবিরকখি‍।

প্রধানমন্ত্রী: অদোমগী মীরোলসি হোৎনবসু কল্লি অদুগা ৱাখলসু মপুং ফাই‍। অদোম্না চহি য়াম্না নৌনা মালেমগী থাক্তা মায় পাকবা ঙম্লে‍। অসুম্না শান্ন-খোৎনবগী খ্বাইদগী চাউবা ফম্পাকসিদসু অদোমগী খোঙচৎ মখা চত্থখিগনি হায়না লৈবাকসিনা থাজবা থম্লি‍। ঐনা অদোমগীদমক য়াম্লবা য়াইফরোল পীজরি অমদি অদোমগী ইমা-পাবুংবুসু খরুমজরি, ৱনক্কম‍।

প্রধানমন্ত্রী: হৌজিক ঐখোয় সৌরব চৌধরীগা অমুক ৱারী শারসি, সৌরব জী খুরুমজরি‍!

প্রধানমন্ত্রী: অদোম্না চহি য়াম্না নৌনা ওলিম্পিক্কীদমক ক্বালিফাই ওইরে‍। অদোমগী মিসন কমদৌনা অমদি করম্বা মতমদা হৌরকখিবগে?

সৌরব: সর ২০১৫দা ঐনা সুতিং হৌরকখি‍। ঐখোয়গী থংনবা খুঙ্গঙ অমদা সুতিং একাদমী অমা লৈ, মদুদা ঐ শান্নবা হৌরকখি‍। ঐগী ইমুংনসু য়াম্না ঙাক্লৌ পীবিখি‍। ঐনা অসুক য়াম্না পাম্লগদি হোৎনদুনা য়েংবা তারে হায়না মখোয়না হায়বিখি‍। অদদগী মফমদুদা চৎলগা ঐ শান্নবা হৌখি‍। মদুদা নুংঙাইরকপদগী তপ্না তপ্না হোৎনদুনা মহৈ য়ানবা হৌরকখি, ভারত লৈঙাক্না ঐখোয়গীদমক হোৎনবিবা ময়ামদুনা ঙসি মফমসিদা য়ৌরকপা ঙম্লিবনি‍।

প্রধানমন্ত্রী: অদোমগী ইমুং মনুংসু চাউথোকচবা অমগা লোয়ননা ঙসি ঐগা উনরি‍। মখোয়গী মীত্তসু সৌরবনা অঙকপা ফংনা হোৎনদুনা মায় পাক্কনি হায়বগী মঙলান কয়া উরি‍। সৌরব হোৎনবা কনবগা লোয়ননা সুতিংদা পুক্নিং চপ য়ুংবা মথৌ তাই‍। মদুগীদমক্তা অদোম য়োগকুম্বা তৌবরা নৎত্রগা অদোম্না করি তৌবগে হায়বদু ঐ খঙবা পাম্মি‍ অমদি লৈবাক্কী নহাশিংনসু খঙবা পাম্লমগনি‍।

সৌরব: সর হিরি কোল্লি, য়োগসু শান্নৈ‍। পুক্নিং ইংথনা লৈনবগীদমক্তদি ঐখোয়না অদোমদগী খঙবা হেন্না পাম্মি মরমদি অদোম্না চাউখ্রবা হায়বদি ভারত পুম্ববু শেন্নদুনা পুক্নিং ইংথনা লৈরিবসি করি তৌদুনা ঙমবগে?

প্রধানমন্ত্রী: ফরে সৌরব, অদোমগী মরূপ মপাং অদোমগী নাক্তা লাক্তুনা অদোমগা সেল্ফি নম্বদা অদোমদা করি ফাওবিবগে? হান্নদি কয়া তৌরম্লোই‍?

সৌরব: তৌদে, ঐনা য়ুমদা চৎপদা ঐগী খুঙ্গঙগী য়ুম্লোন্নবা অমদি মরূপ মপাংশিং লাক্তুনা সেল্ফি নম্মি‍। ঐগী পিস্তোল পায়রগা সেল্ফি নম্বদা য়াম্না নুংঙাইবা ফাওই‍।

প্রধানমন্ত্রী: সৌরব অদোমগী ৱা তারগা অদোম য়াম্না পুক্নিং চঙবগী মতৌ উবা ফংই অমদি মসি অদোমগুম্বা নহাশিংগী ওইনদি য়াম্না ফবা ৱাফম্নি‍। সুতিংদসু অসুম্না পুক্নিং চঙবা মথৌ তাই‍। অদোমগী মাঙদা শাংলবা খোঙচৎ অমা তাদুনা লৈরি, লৈবাক্কীদমক পন্দোল কয়া লোমগদৌরি‍। অদোম্না ওলিম্পিক্তা নীংথিনা হোৎনরক্কনি, অমদি তুংদা য়াম্না মায় পাক্লকখিগনি হায়না ঐখোয় পুম্নমক্না থাজৈ‍। অদোম অমদি অদোমগী ইমুং মনুংবু ঐনা খুরুমজরি‍।

প্রধানমন্ত্রী: সরত কমল জীগা ৱারী অমা শানরসি, সরত জী খুরুমজরি‍!

সরত: খুরুমজরি সর!

প্রধানমন্ত্রী: সরত জী, অদোম্না ওলিম্পিক ৩লক শরুক য়ারুরে‍। অদোমদি মীয়াম্না খঙনরবা শান্নরোইনি‍। অদোম্না অহানবা ওইনা ওলিম্পিক্তা লৈবাকসিবু মহুৎ শিন্দুনা শরুক য়াগদৌরিবা নহা ওইরিবা শান্নরোইশিংদা করি পাউতাক পীবিনিংবগে?

সরত: হন্দক্কী ওলিম্পিক অসিদি অনৌবা ফীভম অমদা পাঙথোক্কদৌরিবনি হায়বদি মসি কোবিদ-১৯ মরক্তা পাঙথোক্কদৌরিবনি‍। অদুনা হৌখিবা ওলিম্পিক ৩দা হন্দক্কী অসুম্না শান্নবখক্তা নত্তনা ঐখোয়গী শাফনবগীদমক্তা খনবসু মথৌ তারিবসি থোকখিদ্রি‍। ঙাকফম থোকপা চৎন-পথাপশিংদসু পুক্নিং চঙবা মথৌ তারি‍। হন্দক্তি হায়রিবশিং অসিদসু পুক্নিং চঙবা মথৌ তাই‍। অদুনা হন্দক অহানবা ওইনা চৎকদৌরিবা ময়ামদা ঐনা হায়জনিংবদি শান্নবসু মরু ওই অদুবু চৎন-পথাপশিং ঙাকপা ঙমদ্রবদি ঐখোয় শান্ন-খোৎনবা অসিদা শরুক য়াবা ঙমদবসু য়াই‍। ঐখোয়না চৎন-পথাপ নিংথিনা ঙাকপা তাই অমদি ঐখোয়না ওলিম্পিক্স মফম হেক য়ৌবগা ঐখোয়গী পুক্নিং ৱাখল পুম্বা শান্ন-খোৎনবদা লুপশিনগদবনি‍। ঐখোয়না চৎখিবদদি শান্ন-খোৎনবা অমদি চৎন-পথাপ অনিমক্তা পুক্নিং চঙগদবনি অদুগা মফমদুদা হেক য়ৌখিবগা ঐখোয়গী শান্নবদা পুক্নিং লুপশিনগদবনি‍।

প্রধানমন্ত্রী: সৌরব জী, অদোম্না শান্নবা হৌরকপদগী মতমদুগা হৌজিক্কী মতমসিগা মরকসিদা তেবল তেনিসকী মতাঙদা অহোংবা খরা লাক্লে হায়না খনবরা? শান্না-খোৎনবগা মরী লৈনবা লৈঙাক্কী লোয়শঙশিংগী মওং মতৌদা অহোংবা খরা উবা ফংবরা?

সরত: য়াম্না খেন্নরে সর‍। ২০০৬তা অহানবা ওইনা ঐনা কম্মনৱেল্থতা গোল্দ মেদল ফংখি অদুগা ২০১৮দা ঐখোয় পুন্না গোল্দ মেদল ফংখি‍। ২০০৬ অমসুং ২০১৮দা খেন্নবা কয়া উরে‍। খ্বাইদগী মরু ওইবদি শান্ন-খোৎনবা অসি হৌজিক্তি প্রোফেসনেল ফীল্দ ওইরে‍। ২০০৬ তদি অদুক হাক্না প্রোফেস্নেল ওইরমদে‍। হায়বদি লাইরিক লাইসু তম্বদা হেন্না পুক্নিং চঙনরম্মি, শান্ন-খোৎনবনা নাকনদা থম্লম্মি‍। অদুবু হৌজিক্তি মদু ওইদ্রে, শান্না-খোৎনবদা য়াম্না মরুওইনা লৌরে, লৈঙাক্না য়াম্না পুক্নিং চঙবিরে, লনাই লূপশিংসু য়াম্না পুক্নিং চঙনরি অদুগা নাকল অমরোমদসু শান্ন-খোৎনবদা করিয়র শেম্নবা, প্রোফেসনেল ওইনবা খুদোংচাবসু য়াম্না লৈরে হায়বগী গরেন্তী অঙাং কয়া অমা অমদি মমা মপা কয়াদালৈরে‍। গরেন্তিগী হেন্দোক্তুনা অঙাংশিংনা শান্ন-খোৎনবদা চঙখ্রবদি মশাগী মপুন্সি শেমজবা ঙম্লগনি হায়না থাজবা লৈরে‍। অদুনা ঐনা খনবদা ময়ামগী ৱাখল মীৎয়েঙদসু য়াম্না অহোংবা উরে‍।

প্রধানমন্ত্রী: সরত জী, অদোমদা তেবল তেনিসখক্তা নত্তনা অচৌবা ইভেন্ত কয়াগী হৈশিংবসু য়াওরি‍। হায়রিবা হৈ-শিংবসি অদোমদা কান্নবা খক্তা নত্তনা তোকিও ওলিম্পিক্তা শরুক য়াগদৌরিবা ভারতকী শান্নরোই ময়ামদসু কান্নগনি হায়না ঐনা খল্লি‍। হন্দক্কী অসিদা অদোমগী মফমদা তীম অপুনবগী ওইবা অচৌবা মরুওইবা থৌদাং অমা লৈরি অমদি অদোম ইশাগী শান্নবখক নত্তনা অপুনবা তীবু শেন্নবদা অদোম্না চাউনা থৌদাং য়ারক্কনি হায়না ঐনা থাজৈ‍। ঐনা অদোমগী অমদি অদোমগী খোঙবুগী মফমদা য়াম্লবা য়াইফরোল পীজরি‍।

প্রধানমন্ত্রী: হৌজিক অমুক মনিকা বত্রাগা ৱারী শানরসি, মনিকা জী খুরুমজরি!

মনিকা: খুরুমজরি সর!

প্রধানমন্ত্রী: মনিকা, অদোম্না তেবল তেনিস শান্নবতা নত্তনা লায়রবা অঙাংশিংদসু মশান্ন অসি তম্বিরি হায়না তাই‍। অদোম ইশাসু নহানি অদুগা মখোয়গী মতেংসু পাংলি, মসিদা অদোমগী ৱাখল্লোন করি লৈবগে?

মনিকা: সর ঐনা অহানবা ওইনা পুনেদা শান্ননবা লাকপদা লায়রবা মমা মপা লৈজদ্রবা অঙাং কয়া শান্নবা উখি অমদি মফমসিগী সেন্তরদা মখোয়বু তাকপি তমবিখি‍। মখোয়না ফংজদবা খুদোংচাবশিং ফংহন্দুনা মখোয়গী মতেং পাংবা মথৌ তাই অমদি মখোয়সু নোংমদি অফবা শান্নরোই ওইহনবা য়াই হায়না ঐনা খনখি‍। অসুম্না অঙাংশিংদু শান্নবা উরগা পীক্লিবা অঙাং ময়াম্না শান্নবা উরগা ঐগী পুক্নিং থৌগৎনবগী মচাকসু ওইখি‍।

প্রধানমন্ত্রী: মনিকা, ঐনা হেক হেক উবদা করিগুমম্বা মতমদা অদোম্না শান্নবদা খুত্তা মচু অহুমগী ফিরাল য়েকপা উই‍। মদুগী মরুমদা লৈরিবা ৱাখল্লোন অমদি ইথিলগী মরমদা ৱাফম খরা থম্বিয়ু‍।

মনিকা: নুপী অমা ওইনা অসিগুম্বসি ঐ পাম্মি অদুবু ভারতকী ফিরালবু ইনাক্তা নক্না থম্বা পাম্মি অদুগা করিগুম্বা ঐনা সর্ভিস তৌবদা খুৎ ওইদা ভারতকী ফিরাল উবদা ঐবু হেন্না পুক্নিং থৌগৎলি অদুনা ঐনা ভারতকীদমক শান্নবা মতমদা ফিরাল নৎত্রগা ভারতকী ওইবা পোৎশক অমা পু্নিং ৱাখলগা নকশিন্ননা থম্নবা হোৎনৈ‍।

প্রধানমন্ত্রী: মনিকা, অদোম জগোয় শাবসু য়াম্না পাম্মি হায়না তাই‍। জগোয় শাবা পাম্লিবসি অদোমগীদমক্তা অৱাবা কোক্নবা পাম্বৈ অমা ওইবরা?

মনিকা: হোই সর, কনাগুম্বনা ঈশৈ তাবা পাম্মি, কনানা জগোয় শাবা পাম্মি, অসুম্না ঐগীদমক্তদি জগোয় শাবনা অৱাবা কোক্নবগী পাম্বৈ ওই‍। ঐনা তুর্নামেন্ত চৎপা নৎত্রগা মতম খরা হাংবদা জগোয় শাদুনা হেক্তা লৈ মরমদি মসিনা ঐবু নুংঙাইহল্লি অমদি ইশাদা থাজবা পোকহল্লি‍।

প্রধানমন্ত্রী: ঐনা ৱাহংসি হংবদা অদোমগী ইমুং মনুং অমদি মরুপ মপাংশিং নোক্লি‍।

প্রধানমন্ত্রী: মনিকা, অদোম মালেমগী থাক্কী চেম্পিয়ন অমনি‍। অদোম্না অঙাংশিংবুসু মশান্ন অসিদা পুশিল্লি‍। অদোমগী মায় পাকপনা অঙাংশিংদুগীখক নত্তনা লৈবাকসিগী নহা ওইরিবা তেবল তেনিস শান্নরোই খুদিংমক্কী থৌনা ওইগদৌরিবনি‍। ঐনা অদোমগী মফমদা য়াম্লবা য়াইফরোল পীজরি, অদোমগী মরূপ মপাংশিংসু থকাজবা কয়াগা লোয়ননা ঙসিগী থৌরমসিদা শরুক য়ারি‍। অদোমগী ইমুং মনুং পুম্বসু য়েংলি‍। অদোমগী মফমদা য়াম্লবা য়াইফরোল পীজরি‍। হন্না হন্না থাগৎচরি‍।

প্রধানমন্ত্রী: হন্দক্তি বিনেস ফোগাত জীগা ৱারী অমুক শানরসি, বিনেস খুরুমজরি‍‍।

বিনেস: সর খুরুমজরি‍!

প্রধানমন্ত্রী: বিনেস, অদোম ফোগাত শাগৈদগীনি‍। অদোমগী ইমুং পুম্বনা শান্ন-খোৎনবগী লমদা লৈবাক্কীদমক য়াম্লবা থৌদাং লৌরি‍। হায়রিবা শক্লোন অসিগী মতুং ইন্না অহেনবা শাফু খরা, অহেনবা থৌদাং খরা লৈতবরা?

বিনেস: সরজী, থৌদাংদি য়াম্না লৈরে মরমদি ইমুং মনুংনা হৌদোকপিরম্বা থবকসি লোইশিনবা তাবনি, অদুগা ওলিম্পিক্কীদমক মঙখিবা মঙলান অসি মেদল ফংলবখক্তদা মঙফাওনগদৌরিবনি‍। থাজবদি লৈ, লৈবাক পুম্বগী ওইনা থাজবনি, ইমুং মনুংগীসু থাজবনি‍। অদুগা থাজবা হায়বসি য়াম্না মরুওই মরমদি থাজবশিং অসিনা মাঙদা লৈরবা মতমদা ঐখোয়না হেন্না কন্না হোৎনৈ অমদি থাক অমা য়ৌরবা মতমদদি শাফু অমত্তা লৈত্রে, অদুনা নীংথিনা শান্নগনি অমদি লৈবাক্কীদমক চাউথোকচনবা তাঞ্জা অমা শোয়দনা ফংহনগনি‍।

প্রধানমন্ত্রী: মমাঙদা রিও ওলিম্পক্তা অদোম শোকপনা মরম ওইরগা তোকপা তাখি, মমাঙ চহিদসু অদোম নাদুনা লৈখি‍। অদোম্না হায়রিবা পল কয়া অসি লান্থোক্তুনা মশক থোক্না হোৎনখি‍। অসিগুম্বা অৱাবা ফীভম কয়াবু মায় পাকপদা ওন্থোকপা অসিমক অচৌবা ৱাফম অমনি মসি অদোম্না কমদৌনা তৌবগে?

বিনেস: সর খুদোংচাদবদি য়াম্না মায়োক্নখিই অদুবু শান্নরোই অমা ওইনা মকোক থোংবা থাক্তা শান্ননবগীদমক্তা পুক্নিং ৱাখল মপাঙ্গল কন্না থম্বা তাই অমদি শান্নরোই অমা ওইনা হায়রিবা থাক্তু য়ৌনবগীদমক ঐনা অহেনবা ইনোৎ হাপ্তুনা কন্না হোৎনখি, মসিদা ঐগী ইমুং মনুংগীসু অচৌবা থৌদাং য়াওখি‍। মতম পুম্বদা ইমুং মনুংগী ঙাক্লৌ ফংখি, ফেদরেসনগী মীয়ামসু পুকচেল শেংনা হোৎনবিখি‍। অসুম্না ঐগীদমক্তা হোৎনবিখিবা, ঐবু শৌগৎপিরকখিবা ময়ামদুগী থাজবা মাঙহন্দনবা ৱাখল লৈখি‍। কৈদৌঙৈদসু লেপ্তুনা লৈরোই হায়বা ৱাখল্লোন্দা ময়ামগী ঙাক্লৌ নীংশিংদুনা মীৎমাঙদা থমদুনা হোৎনখিবনি‍।

প্রধানমন্ত্রী: অদোম্না তোকিওদা নীংথিনা শান্নরক্কনি হায়বা ঐনা চপ চানা থাজৈ‍। অদোমগী মতাঙদসু ফিল্ম অমা পুথোরকপা য়াই হায়না ঐখোয়না লৌববা য়ারবরা?

বিনেস: সর অদোম ময়ামগী থৌজালনি‍। অদুগা হায়জনিংবদি ঐখোয় শান্নরোই কয়ানা লৈবাক্কী মহুৎ শিল্লগা চৎলিবসিদা মেদল পুদুনা হল্লক্কনি‍। লৈবাক পুম্বগী থাজবা কয়া পুদুনা থাজবদু মাঙহন্দনবা ৱাখল্লোন্দা চৎকদৌরিবনি‍।

প্রধানমন্ত্রী: অদোমগী ইমা-পাবুংসু শরুক য়ারি‍। অদোমগী ইমা পাবুংদি মওং অমদা ওজাসু ওইরিবনি‍। অদোমগী পাবুংগা ৱারী ঙাইহাক শান্নবা পাম্মি‍। বিনেসকী ইমা-পাবুংসু শরুক য়ারি‍। খুরুমজরি! অদোমগীদমক্তদি তোপ তোপ্পা ৱাহং হংজগে‍। ঐখোয়গী লৈবাক্তা কনামগুমবা অমা মশা মউ ফরবদি করমবা চক্কিগী আতা চাবগে হায়নৈ‍। অদুনা ফোগাত শাগৈনা অদোমগী ইচানুপীশিংদা করম্বা চক্কিগী আতা পীজবগে? অদুগা বিনেসতা করম্বা লাইৱা তাকপিরগা তোকিওদা থাবিরিবনো হায়বসিসু হায়বিসু?

অভিভাবক: চক্কিগী আতাগী মতাঙদদি ঐখোয়গী খুঙ্গঙগী চক্কিগী আতা পীজৈ‍। অদুগা শন ইরোইসু লোইরি‍। মখোয়গী শঙ্গোম, দহি, ঘী, মখননচিংবসু পীজৈ‍। ২০১৬দা বিনেসনা শোকখিবা মতাংদুদা ঐনা লৈবাক পুম্ববু থাগৎচনিংই‍। ঙসিদি ঐগী ইচানুপীদা ময়ামগী থাজবা থম্লি‍। ঐনা মঙোন্দা হায়বা ৱাফমদি করিগুম্বা ওলিম্পিক্তা গোল্দ মেদল পুদুনা লাক্লবদি ঐ নংবু এয়রপোর্ত্তা ওকপা লাক্কনি অদু নৎত্রবদি ঐ লাক্লোই‍ হায়বসিনি‍। অদুগা ঙসিসু ঐ ৱাফমসিদা লেপ্লি‍। মমাঙদদি ঐগী ইচানুপী চৎপা ফংখিদ্রে‍। অদুবু হন্দক্কী ওইম্পিকসিদদি ঐ মপুং ফানা থাজবগা লোয়ননা হায়বা ঙমগনি‍। অদোম মহাক্কী হান্নগী তুর্নামেন্ত য়েংবিয়ু‍। হন্দক্কী মতাঙসিদা ঐনা ঐগী ইচানুপীদা মপুং ফানা থাজবা থম্লি‍। হন্দক মহাক শোয়দনা গোল্দ মেদল পুদুনা লাক্কনি‍। ঐগী মঙলান মঙফাওনহনগনি‍।

প্রধানমন্ত্রী: অদোমগী ইমা-পাবুংগী ৱা তারগা বিনেস অদোম শোয়দনা মায় পাক্কনি হায়না ঐনা থাজৈ‍। অদোম্না খুদি থিবা খরদা মায়থিরে হায়বা খন্দনা থেংনদুনা চৎলি‍। অদোম্না অদোমগী ইমুংদগী তম্লিবশিং অদু শোয়দনা ওলিম্পিক অসিদা লৈবাক্কদমক্তা মতেং ওইগনি‍। অদোমগী মফমদা য়াম্লবা য়াইফরোল পীজরি‍।

প্রধানমন্ত্রী: সাজন প্রকাস জীগা অমুক ৱারী শানরসি‍। সাজন জী খুরুমজরি‍!

প্রধানমন্ত্রী: সাজন প্রকাস জীগা অমুক ৱারী শানরসি‍। সাজন জী খুরুমজরি‍। অদোমগী ইমাসু এথ্লেতিক্সতা লৈবাক্কী মিংচৎ পুরকখিবনি হায়না তাই‍। অদোমগী ইমাদগী অদোম্না করি তম্লকপগে?

সাজন প্রকাস: সর ঐগীদি ইমানা পুম্নমক্নি অমদি মহাক ঙল্লিঙৈ মতমদা শান্নরোই অমা ওইরম্মি অদুগা ঐনা হোৎনরকপা, অয়েৎ অপন কয়া মায় পাকপগী লম্বীদা থেংনরকপশিংদা মহাক্না মতেং পাংখি‍।

প্রধানমন্ত্রী: অদোম য়াম্না শাথিনা শোকখি হায়নসু তাই‍। অদোম্না মসিদগী কমদৌনা ফরকখিবনো?

সাজন প্রকাস: অহানবদা পুল লোনখ্রবা মতুং থা ১৮ মতুংদা ঐখোয় য়াম্না খুদোংচাদবা মায়োক্নখি অমদি শোকপনা মরম ওইরগা পুলদা মতম শাংনা চঙবা য়াদনা লৈখিবদু য়াম্না নীংবা কায়খি অমদি পুক্নিং শোন্থহনখি‍। অদুবু ময়ামগী, ঐগী কোচকী, ইন্দোমচা গৌরি, কেরলা পুলিস অমসুং স্বিম্মিং ফেদরেসন ওফ ইন্দিয়া পুম্নম্কী মতেংগা লোয়ননা হায়রিবা মতমদু লান্থোরকখি অমদি অশোকপা অনাবা অদুগী ৱাংমা লান্দুনা পুক্নিং ৱাখল ইচঙ থৌনা থোক্লকখিবনি‍।

প্রধানমন্ত্রী: সাজন অদোম্না ওলিম্পিক্সতা চৎত্রিঙৈগী মমাঙদগী ভারতকী শান্ন-খোৎনবগী লমদা মফম অমা কন্দুনা লৈরবনি‍। অদোম্না কন্না হোৎনদুনা হন্দক্কী তাঞ্জা অসিবু সনা ফুদোংবা ওইহলক্কনি হায়না ঐনা থাজৈ‍।

প্রধানমন্ত্রী: মনপ্রীত, কোরোনাগী অহানবা ইথক মতমদা অদোম পুম্নমক বেঙ্গলুরুদা লৈখি, পুম্নমক্না কোরোনাগা মায়োক্নখি হায়না তাই‍। মদুনা তীম স্পিরিত্তা করি ইনোৎ পীখিবগে?

মনপ্রীত: মতমদুদা লৈঙাক্কী ঙাক্লৌ নীংথিনা ফংখি হায়না হায়জনিংই‍। মরমদি ঐখোয় বেঙ্গলোরদা লৈবা মতমদুদা ঐখোয় কমদৌনা ঐখোয়গী কাঙবুবু মপাঙ্গল কন্না থমগদগে হায়বসিদু পুক্নিং চঙখি‍। মদুদা থবক চঙশিন্দুনা ঐখোয় পুন্না হোৎনমিন্নখি‍। ঐখোয় শান্নরোই মশেলগী মরক্তা অমনা অমগী বেকগ্রাউন্দ খঙনখি হায়বদি কনাগুম্বী ইমুংনা মখোয়গী মচাশিংবু মফমসি ফাওবা য়ৌরক্নবগীদমক্তা করি কত্থোকখিবগে হায়বা খঙখি‍। ঐখোয়গী তীমবু হেন্না মরা চেৎশিনহনগদবা, মপাঙ্গল কলহনগদবা ৱাফমশিং খঙনখি‍। অদুগা সর, ঐখোয়দা চহি অমগী মতম ফংলিবসিনা ঐখোয় কমদৌনা হেন্না মপাঙ্গল কনখৎনবা হোৎনসিগে হায়বা খন্নখি‍। ঐখোয়না অতোপ্পা তীমগী মরমদা মখোয়গী মপাঙ্গল ওইবা ৱাফম মখোয়গী অশোনবা ৱাফম অমদি মখোয়না ঐখোয়দা কমদৌনা শোকহল্লকপা য়াবগে হায়বা নৈনখি‍। মদুনা ফনা য়াম্না কান্নখি‍।

প্রধানমন্ত্রী: ওলিম্পিক্তা হোক্কীগী ওইনা ভারতকী পুৱারী মশক নাইনা লৈরি‍। ফীভমসিদা থৌদাং খরা হেন্না চাউনা লৌদুনা হোক্কীগী রেকোর্দ থম্বা হায়বসি হৌনসানি‍। হায়রিবা ৱাখল্লোনসিনা মরম ওইরগা শান্নরিঙৈ মনুংদা অদোমদা অ্রহেনবা শাফুদি লৈতবা নত্ত্রা?

মনপ্রীত: লৈতে সর, করিসু লৈতে‍। মরমদি হোকীদা হৌজিক ফাওবদা গোল্দ মেদম ৮ লৌখ্রে‍। খ্বাইদগী য়াম্না মেদল ফংলিবনি‍। অদুগুম্বা মশান্না অমা শান্নরি খনবদা ঐখোয়দা চাউথোকচবা ফাওই‍। অদুগা ঐখোয়না ওলিম্পিক্তা চৎপা খুদিং ঐখোয়গী খ্বাইদগী ফজবা মশান্না উত্তুনা ভারতকীদমক মেদল পুরক্কনি হায়বা ৱাখল লৈ‍।

প্রধানমন্ত্রী: অদোমগী ইমুং মনুংসু উরে‍। ঐনা মখোয়বু খুরুমজরি‍। মখোয়গী থৌজাল অদোমগা লোয়ননা লৈসনু অমদি লৈবাক মীয়ামগী য়াইফরোলসু অদোমগা লোয়নবা ওইসনু‍।

প্রধানমন্ত্রী: মনপ্রীত অদোমগা ৱারী শান্নবদা ঐ মেজর ধ্যানচান্দ, কে.দি. সিংহ বাবু, মোহম্মদ শাহিদনচিংবা অফাওবা হোকী শান্নরোইশিংবু নিংশিংহল্লি‍। অদোম্না হোকীগী পুৱারীবু হেন্না মশক থোকহনগনি হায়না ঐনা মপুং ফানা থাজৈ‍।

প্রধানমন্ত্রী: সানিয়া জী, অদোম্না গ্রান্দ স্লেম কয়াদা মায় পাকখ্রে, অফাও-অফাওবা শান্নরোই কয়াগা অদোম শান্নমিন্নখ্রে‍। তেনিসকী চেম্পিয়ন ওইনবগীদমক করি করি মতিং চেনবা মথৌ তাই হায়না খল্লি? মরমদি ঙসি ঙরাংদি তিয়র তু, তিয়র থ্রী ময়োল্লমশিংদা অদোমবু মখোয়গী হিরো ওইনা লৌদুনা তেনিস তম্বা পাম্নরক্লি‍।

সানিয়া‍: হোই সর, তেনিস অসি মালেমগী ওইবা মশান্না অমনি‍। চহি ২৫গী মমাঙদা ঐনা শান্নবা হৌরকপদা তেনিস শান্নবা মী য়াম্না লৈরমদে‍। অদোম্না তাকপিবগুম্না ঙসিদি অঙাং কয়া অমা তেনিসকী রেকেত পায়বা পাম্লি‍। প্রোফেসনেল ওইবা পাম্লিবা, তেনিসকী অফাওবা শান্নরোই অমা ওইবা ঙমগনি হায়না মশাদা থাজবা থম্লিবা ময়ামদুগীদমক্তা শান্নবা, হোৎনবা কনবা দাউ য়াম্না য়াবসু মায়কৈ অমরোমদা চঙই‍। অদুবু হোৎনবা কনবা অমদি হৈ শিংবা য়াওদনা তেনিস ওইরবসু নৎত্রগা অতোপ্পা মশান্না ওইরবসু হীরম অমত্তদা করিসু ওইথোকপা ঙমদে‍। হৌজিক্তি ফেসিলিতীসু য়াম্না ফরে‍। চহি ২৫গী মমাঙদগী হৌজিক ফাওবদা অফবা স্তেদিয়ম কয়া শেমগৎলে‍। হার্দ কোর্তশিং লৈরে‍। অদুনা ভারত্তগী তেনিস শান্নরোই কয়া অমা থোক্লক্কনি হায়না থাজৈ‍।

প্রধানমন্ত্রী: ওলিম্পিক্তা অদোমগী খোঙবু অঙ্কিতা রৈনাগা অদোমগা খোঙবু ওইমিন্নবা করম তৌবগে? অদোমগী শেম শাবা কমদৌরিবগে?

সানিয়া: অঙ্কিতা নহা ওইরিবা শান্নরোই অমনি‍। য়াম্না নীংথিনা শান্নরি‍। মহাক্কা শান্নমিন্নবা য়াম্না নুংঙাই অমদি ঐখোয় অনি মমাঙ চহিগী ফেব্রুৱারীদা ফেদ কপ্তা শান্নমিন্নখি‍। অমদি মদুদা ঐখোয়না ফজনা শান্নখি‍। অদুগা হৌজিক ঐখোয় ওলিম্পিক্তা চৎনবা শেম শারি‍। ঐগীদি মরিরক শুবা ওলিম্পিক্নি অদুগা মহাক্কীনা অহানবনি‍। ঐদি চহি খরা লৈশিল্লক্লবনিনা নহা ওইবা মখোঙ মখুৎ য়াংবা মী মথৌ তাই অদুগা মহাক্কী মফমদগী মদুমক পীবা ঙমগনি হায়না ঐনা খল্লি‍।

প্রধানমন্ত্রী: সানিয়া, অদোম্না শান্নবগীদমক লৈঙাক্কী লোয়শঙগী থবক থৌরমসু য়েংশিন্দুনা লাক্লি‍। হৌখিবা চহি ৫-৬সিদা অদোম্না করি করি অহোংবা উবা ফংবগে?

সানিয়া: ঐনা হান্নসু হায়খিবদুনি‍। চহি ৫-৬কী ৱা নত্তনা ঐখোয়গীদা কম্মনৱেল্থ গেম্স পাঙথোকখিবা মতুংদগী ক্রিকেতরখক নত্তনা অতোপ্পা মশান্নশিংগী শান্নরোইশিংনসু লৈবাক্কী মিংচৎ পুরক্লি হায়বসি তপ্না তপ্না খঙনবা হৌরক্লে অমদি হৌখিবা চহি ৫-৬সিদা মসি হেনগৎলক্লি‍। অদুগা লৈঙাক্কী মফমদগীদি ঐখোয়না মতম পুম্নমক্তা ঙাক্লৌ ফংদুনা লাক্লি‍। ঐনা অদোমগা হকথেংননা উনবদসু অদোম্না হীরম খুদিংমক্তা মতেং পাংগনি হায়না মতম পুম্বদা হায়দুনা লাক্লি‍। অসুম্না চহি ৫-৬সিদা য়াম্না হোংলে অমদি মমাঙগী ওলিম্পিক্সকা হন্দক্কী ওলিম্পিক্সকা অনিগী মরক্তা য়াম্না খেন্নরে‍।

প্রধানমন্ত্রী: সানিয়া অদোম চেম্পিয়নসুনি ফাইতরসুনি‍। হন্দক্কী ওলিম্পিক অসিদা অদোম্না হেন্না ফবা অমদি মায় পাকপা শান্নরোই অমা ওইনা থোরক্কনি হায়না ঐনা থাজৈ‍। ঐনা অদোমগী মফমদা য়াম্লবা য়াইফরোল পীজরি‍।

प्रधानमंत्री : सानिया जी, आपने कई ग्रैंड स्लैम जीते हैं, बड़े-बड़े खिलाड़ियों के साथ आपने खेला है। आपको क्या लगता है कि टेनिस का चैंपियन बनने के लिए क्या खूबियां होनी चाहिए?क्‍योंकि आजकल मैनें देखा है कि टियर टू, टियर थ्री सिटी में भी आप लोग उनकी हीरो हैं और वो टैनिस सीखना चाहते हैं।

सानिया: जी सर, I Think टेनिस एक ऐसा global स्‍पोर्ट है। जिसमें जब मैनें स्‍टार्ट किया था 25 साल पहले तब ज्‍यादा लोग टेनिस खेलते नही थे। लेकिन आज जैसे आप कह रहे हैं बहुत सारे ऐसे बच्‍चे है जो टेनिस रेकेट उठाना चाहते हैं और जो प्रोफेशनल बनना चाहते हैं और जो बिलिव करते हैं कि वो टेनिस में एक बड़े खिलाड़ी बन सकते हैं। उसके लिए ज़ाहिर सी बात है कि आपको जरूरत होती है सपोर्ट, लगन और बहुत-बहुत सारी I think destiny भी एक रोल प्‍ले करती है इसमें लेकिन मेहनत और टेलेंट के बगैर कोई भी चीज़ में कुछ नही होता। चाहे वो टैनिस को या कोई भी स्‍पोर्ट हो। और अब फैसिलीटी भी बहुत अच्‍छे हो गए हैं। इससे 25 साल पहले से अब तक बहुत सारे अच्‍छे स्‍टेडियम बन गए हैं। हार्ड कोर्टस हैं। तो उम्‍मीद यही है कि बहुत सारे टैनिस प्‍लेयर्स निकलेगें इंडिया से।

प्रधानमंत्री: ओलंपिक में आपकी साथी अंकिता रैना के साथ आपकी पार्टनरशिप कैसी चल रही है? आप दोनों की तैयारी कैसी है?

सानिया: अंकिता एक यंग खिलाड़ी है। बहुत अच्‍छा खेल रही है। I am very excited to play with her and हम last year खेले थे फरवरी में। जो फेडकप के matches थे। और उसमें हमने काफी अच्‍छा प्रदर्शन किया था। लेकिन we are looking forward to going to Olympicsand जैसे ये मेरा चौथा Olympic है। उसका पहला Olympic है तो थोड़ा सा अभी मेरी उमर के साथ यंग पैरों की जरूरत है। तो I think कि वो प्रोवाईड कर सकती है।

प्रधानमंत्री: सानिया, आपने पहले भी स्पोर्ट्स के लिए सरकारी विभागों के कामकाज को देखा है।पिछले 5-6 साल में आपको क्या बदलाव महसूस हुआ?

सानिया: जैसे की मैनें कहा कि I Think 5-6 साल नही अब You know जब से हमारे पास commonwealth games हुआ है सर तब से I think जो हमारे कंट्री में से क्रिकेटर्स के अलावा बाकी बहुत सारे ऐसे स्‍पोर्टस पर्सन हैं जो देश के लिए नाम कमाते हैं और देश के लिए बहुत अच्‍छे मुकाम पर पहुँचाते हैं and I think वो बिलिफ धीरे-धीरे पाँच-छ: साल में बढ़ गया है। और आप तो government से हमें हमेशा ही सपोर्ट मिलता है। मैं आपसे जब पर्सनली भी मिली हूँ। आपने हमेशा मुझे यही कहा है कि आप हर चीज़ में साथ देगें। तो इसी तरह 5-6 साल में बहुत कुछ हुआ और last Olympics से अब Olympics तक काफी सारा फर्क है।

प्रधानमंत्री- सानिया आप चैंपियन भी हैं, फाइटर भी हैं। मुझे उम्मीद है कि आप इस ओलंपिक में ज्यादा बेहतरीन और सफल खिलाड़ी बनकर उभरेंगी। मेरी आपको बहुत-बहुत शुभकामनाएँ हैं।

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
Big Boost to ‘Make in India’: Govt India-Russia arms unit to be set up in Amethi

Media Coverage

Big Boost to ‘Make in India’: Govt India-Russia arms unit to be set up in Amethi
...

Nm on the go

Always be the first to hear from the PM. Get the App Now!
...
Let us keep up momentum and inspire our youth to shine on games field: PM
December 05, 2021
Share
 
Comments

The Prime Minister, Shri Narendra Modi has said that let us keep up the momentum and inspire our youth to shine on the games field.

In response to a tweet by Door Darshan News, the Prime Minister said;

"This thread will make you happy.

Let us keep up the momentum and inspire our youth to shine on the games field."