তল্লি দুর্গা ভবানি কোলুবুন্না ই পুপ্যভুমি পে মী অন্দরিনি কলবদম নাকু আনন্দমুগা উন্নদি।
আন্ধ্র প্রদেশকী গভর্নর স্যেদ অব্দুল নাজিরজী, মুখ্য মন্ত্রী, ঐহাক্কী মরুপ শ্রী চন্দ্রবাবু নাইদুজী, কেন্দ্রগী মন্ত্রীমন্দলগী ঐহাক্কী মরুপশিং, উপ মুখ্য মন্ত্রী থৱায় য়াওরবা পৱন কল্যানজী, রাজ্য সরকারগী মন্ত্রীশিং, এম.পি. অমসুং এম.এল.এ. পুম্নমক, অমসুং ঐহাক্কী নুংশিজরবা আন্ধ্র প্রদেশকী ইচিল-ইনাওশিং!
ঙসি, ঐহাক্না অমরাবতীগী অশেংবা লমদম অসিদা লেপ্লিবা অসি শহর অমা খক্তা নত্তনা, ঐহাক্না মঙলান অমা মংফাওনবা উবা ফংলি। অনৌবা অমরাবতী, অনৌবা আন্ধ্র। অমরাবতী অসি চৎনবী অমসুং খুমাং চাউশিল্লকপগী লমদম অমনি। মফম অসিদা বুদ্ধকী হেরিতেজকী শান্তি লৈরি অমসুং চাউখৎলবা ভারত অমা শেমগৎনবগী ইনর্জীসু লৈরি। ঙসি, মফম অসিদা লুপা করোর লিশিং 60গী প্রোজেক্তশিংগী উরেপ উয়ুং তমখ্রে অমসুং শঙ্গাখ্রে। হায়রিবা প্রোজেক্তশিং অসি কংক্রিৎ কনস্ত্রক্সন খক্তা নত্তে, মখোয় অসি আন্ধ্র প্রদেশকী এস্পিরেসনশিং, চাউখৎলবা ভারত অমগী আশাগী মপাঙ্গল লৈবা য়ুম্ফমসু ওইরি। ঐহাক্না লোর্দ ভীরভদ্র, লোর্দ অমরালিংগেশ্বর অমসুং তিরুপতি বালাজীগী মফমদা ইকায় খুম্নবা উৎচরি অমসুং আন্ধ্র প্রদেশকী মীয়ামদা নুংঙাইবা ফোংদোকচরি। মুখ্য মন্ত্রী চন্দ্রবাবু নাইদু গারু অমসুং পৱন কল্যানজীবুসু ঐহাক্না য়াইফ-পাউজেল পীজরি।
মরুপশিং,
ইন্দ্রলোক্কী কোনুং অসি অমরাবতী হায়না মমিং থোল্লি অমসুং হৌজিক্তি অমরাবতী অসি আন্ধ্র প্রদেশকী কোনুংনি হায়বসি ঐখোয় পুম্নমক্না খঙই। মসি চানরুবা নত্তে। মসিসু "স্বর্ন আন্ধ্র" শেমগৎপগী অফবা খুদম অমনি। "স্বর্ন আন্ধ্র"না চাউখৎলবা ভারতকী লম্বীদা মপাঙ্গল কনখৎহল্লগনি অমসুং অমরাবতীনা "স্বর্ন আন্ধ্র"গী ভিজনদা ইনর্জী পীগনি। অমরাবতী অসি অমরাবতীগী অমত্তা ঙাইরবা নাগরামনি, মসি শক্তিনি। আন্ধ্র প্রদেশ অসি মোদর্ন স্তেৎ ওইগদবনি অমসুং মসি শক্তি ওইগদবনি। আন্ধ্র প্রদেশ অসি মোদর্ন স্তেৎ ওইগদবনি অমসুং মসি শক্তি ওইগদবনি।
মরুপশিং,
অমরাবরী অসি আন্ধ্র প্রদেশকী নহারোল খুদিংমক্কী মঙলানশিং মংফাওনবা শহর অমা ওইরগনি। লাক্কদৌরিবা চহিশিংদা, অমরাবতী অসি ইনফোর্মেসন তেক্নোলোজী, আর্তিফিসিএল ইন্তেলিজেন্স, গ্রীন ইনর্জী, ক্লিন ইন্দস্ত্রী, এজুকেসন অমসুং হেল্থকুলগুম্বা সেক্তর পুম্নমক্তা মকোক থোংবা শহর অমা ওইরক্লগনি। সেক্তর পুম্নমক্তা ইনফ্রাস্ত্রকচরগী মথৌ তাবশিং অসি রেকোর্দকী খোঙজেলদা মপুং ফাহন্নবগীদমক কেন্দ্র সরকারনা রাজ্য সরকারবু মতেং পাংলি। ঐখোয়গী চন্দ্রবাবু জীনা তেক্নোলোজীগী মতাংদা ঐঙোন্দা থাগৎপা ফোংদোকখি। অদুবু ঙসি ঐহাক্না অদোমদা অরোনবা অমা হায়জগনি। ঐহাক্না গুজরাতকী মুখ্য মন্ত্রী ওইরকপা মতমদা, ঐহাক্না হায়দ্রাবাদতা লৈরিঙৈদা বাবুনা করম্বা খোঙথাংশিং লৌখৎপগে হায়বদু য়াম্না কুপ্না নৈনরম্মি অমসুং ঐহাক্না মদুদগী য়াম্না তম্লকখি। ঙসি ঐহাক্না মদু থবক ওইনা পাংথোকপগী খুদোংচাবা ফংলে। অমসুং ঐহাক্না ঐহাক্কী এক্সপরিয়েন্সতগী হায়রি মদুদি করিগুম্বা মসি তুংলমচৎকী তেক্নোলোজী ওইরবদি, থবক অসি য়াম্না চাউনা পাংথোক্কদবনি অমসুং মসি য়াম্না থুনা গ্রাউন্দদা পুথোক্কদবনি, চন্দ্রবাবুনা থবক অসিবু খ্বাইদগী ফবা মওংদা পাংথোকপা ঙম্মি।
মরুপশিং,
2015দা ঐহাক্না প্রজা রাজধনীগী উরেপ উয়ুং তম্বগী খুদোংচাবা ফংখি। হৌখিবা চহিশিংদা, কেন্দ্র সরকারনা অমরাৱতীবু মওং-মতৌ খুদিংমক্তা মতেং পাংখি। মফম অসিদা বেসিক ইনফ্রাস্ত্রকচর শেমগৎনবা খোঙথাং পুম্নমক লৌখৎখ্রে। হৌজিক, চন্দ্রবাবু গারুগী লুচিং মখাদা রাজ্য সরকার শেম্লবা মতুংদা, থম্লিবা অথিংবা খুদিংমক মুত্থৎখ্রে। মফম অসিদা চাউখৎ-থৌরাংগী থবকশিংনা খোঙজেল য়াংখৎলক্লি। হাই কোর্ত, বিধান সভা, সেক্রেতরিয়েৎ, রাজ ভবনগুম্বা মরুওইবা বিল্দিং কয়া শাবদা অখন্নবা মীৎয়েং থম্লি।
মরুপশিং,
NTR গারুনা চাউখৎলবা আন্ধ্র প্রদেশ অমগী মঙলান শাগৎলমখি। ঐখোয় পুন্না অমরাবতী, আন্ধ্র প্রদেশপু চাউখৎলবা ভারতকী গ্রোথ ইঞ্জিন ওইহনগদবনি। ঐখোয়না NTR গারুগী মঙলান অদু মপুং ফাহনগদবনি। চন্দ্রবাবু গারু, ব্রাদার পৱন কল্যান, ইদি মনামু চৈয়ালি ইদি মনামে চৈয়ালি।
মরুপশিং,
হৌখিবা চহি 10 অসিদা, ভারতনা লৈবাক অসিদা ফিজিকেল, দিজিতেল অমসুং সোসিএল ইনফ্রাস্ত্রকচরদা অখন্নবা মীৎয়েং থম্লি। ঙসিদি, ভারত অসি ইনফ্রাস্ত্রকচর অসি য়াম্না থুনা মোদর্নাইজ তৌরিবা মালেমগী লৈবাকশিংগী মনুংদা অমা ওইরে। আন্ধ্র প্রদেশসু মসিগী কান্নবা ফংলি। ঙসিদি, আন্ধ্র প্রদেশতা রেল অমসুং লম্বীগা মরী লৈনবা প্রোজেক্ত করোর লিশিং কয়া ফংলে। আন্ধ্র প্রদেশতা কন্নেক্তিবিতীগী অনৌবা চেপ্তর অমা ইরি। প্রোজেক্তশিং অসিনা জিলা অমদগী অতোপ্পা জিলা অমদা কন্নেক্তিবিতী হেনগৎহল্লগনি। অকোয়বদা লৈরিবা রাজ্যশিংগা লোয়ননা কন্নেক্তিবিতী ফগৎলগনি। মসিনা লৌমীশিংনা মখোয়গী মহৈ-মরোংশিং অচৌবা কৈথেলদা পুথোক-পুশিন তৌবা হেন্না লায়থোকহল্লগনি অমসুং ইন্দস্ত্রীশিংগীদমকসু খুদোংচাবা ওইরগনি। তুরিজম সেক্তর অমসুং পিলগ্রিমেজকী মফমশিংদা পুক্নিং থৌগৎকনি। খুদম ওইনা, তিরুপতি বালাজীগী দর্শন রেনীগুন্তা-নাইদুপেতা হাইৱেদগী লায়থোক্লগনি, মীয়ামনা অতেনবা মতমগী মনুংদা ভেঙ্কতেশ্বর স্বামিগী দর্শন তৌবা ঙম্লগনি।
মরুপশিং,
মালেমগী চাউখৎপা লৈবাক পুম্নমক্না মখোয়গী রেলৱেজদা অহেনবা মীৎয়েং চংলি। হৌখিবা চহি তরা অসিদা ভারতকী রেলৱেজদা অহোংবা লাক্লি। ভারত সরকারনা আন্ধ্র প্রদেশতা রেলৱেজ চাউখৎহন্নবা রেকোর্দ ওইনা শেল থাদখ্রে। 2009দগী 2014 ফাওবদা, আন্ধ্র প্রদেশ অমসুং তেলঙ্গনাগী রেলৱেজকী অপুনবা বজেৎ অসি লুপা করোর 900গী মখাদা লৈখি। অদুগা ঙসিদি আন্ধ্র প্রদেশকী রেলৱেজকী বজেৎ অসি লুপা করোর লিশিং 9 হেনখ্রে। হায়বদি, শরুক 10 হেনগৎলে।
মরুপশিং,
রেলৱেজকী বজেৎ হেনগৎলকপগা লোয়ননা আন্ধ্র প্রদেশতা রেলৱেজ 100% ইলেক্ত্রিফিকেসন তৌখ্রে। মোদর্ন ভন্দে ভারত ত্রেন জুরা নিপান অসি মফম অসিদা চৎলি। মসিগা লোয়ননা, মোদর্ন ফেসিলিতীশিংগা লোয়ননা অমৃত ভারত ত্রেনশিংসু আন্ধ্র প্রদেশকী থোংদা চৎলি। হৌখিবা চহি তরাদা, রেল ফ্লাই ওভর অমসুং আন্দরপ্রেদশতা রেল ফ্লাই ওভর অমসুং আন্দরপ্রেদশতা রেল ওভর 750 হেন্না শাখ্রে। মসিগী মথক্তা, অমৃত ভারত স্তেসন স্কিমগী মখাদা আন্ধ্র প্রদেশকী রেলৱে স্তেসন 70 হেন্না শেমগৎলি।
মরুপশিং,
ইনফ্রাস্ত্রকচরগীদমক থবক কয়া পায়খৎলকপা মতমদা, মসিদা য়াম্না চাউবা মল্তিপ্লাইয়র ইফেক্ত লৈ। ইনফ্রাস্ত্রকচর শেমগৎপদা শিজিন্নরিবা মচাক অসিনা মেন্যুফেকচরিং ইন্দস্ত্রীবু মপাঙ্গল কনখৎহল্লি। সিমেন্ত ৱার্কিং, স্তীল ৱার্কিং নৎত্রগা ত্রান্সপোর্ত ৱার্কিং ওইরবসু, সেক্তর খুদিংমক্না মসিগী কান্নবা ফংলি। ইনফ্রাস্ত্রকচর দিবেলপমেন্তদগী ঐখোয়গী নহারোলশিংনা হকথেংননা কান্নবা ফংলি, মখোয়না থবক হেন্না ফংলি। হায়রিবা ইনফ্রাস্ত্রকচর প্রোজেক্তশিং অসিদগী আন্ধ্র প্রদেশকী নহারোল লিশিং কয়াসু থবক ফংবগী অনৌবা খুদোংচাবা ফংলি।
মরুপশিং,
ঐহাক্না লাল কিলাদগী হায়খি মদুদি চাউখৎলবা ভারত অসি লায়রবশিং, লৌমীশিং, নহাশিং অমসুং নারী শক্তিগী য়ুম্ফম মরিদা শেমগৎকনি। হায়রিবা য়ুম্বী মরি অসি NDA সরকারগী পোলিসীদা খ্বাইদগী মরু ওই। ঐখোয়না লৌমীশিংগী কান্নবশিংবু খ্বাইদগী মরুওইনা লৌদুনা থবক তৌরি। লৌমীশিংগী পোকেৎতা চৈথেং পীদনবা, কেন্দ্র সরকারনা হৌখিবা চহি 10দা লুপা করোর লাখ 12রোম মমল হোংবা ফর্তিলাইজরশিং ফংহন্নবা শিজিন্নখ্রে। অনৌবা অমসুং মোদর্ন সীদ লিশিং কয়াসু লৌমীশিংদা পীখি। পি.এম. ক্রোপ ইন্সুরেন্স স্কিমগী মখাদা, আন্ধ্র প্রদেশকী লৌমীশিংনা হৌজিক ফাওবদা লুপা করোর লিশিং মঙা অমসুং মঙাগী ক্লেম ফংখ্রে। পি.এম. কিসান সম্মান নিধিগী মখাদা, আন্ধ্রগী লৌমী লাখ কয়াগী একাউন্তশিংদা লুপা করোর লিশিং তরা তরেৎ মখাই হেন্না য়ৌহনখ্রে।
মরুপশিং,
ঙসিদি, লৈবাক শীনবা থুংনা ইরিগেসন প্রোজেক্তশিংগী নেৎৱার্ক অমা শেমগৎলি। তুরেলশিং শম্নহন্নবা কেম্পেন অমসু হৌখ্রে। ঐখোয়গী পান্দমদি লৌবুক খুদিংমক্তা ঈশিং ফংহনবনি, লৌমীশিংনা ঈশিংগী খুদোংচাদবা অমত্তা মায়োক্নহন্দবনি। মফম অসিদা অনৌবা সরকার শেম্লবা মতুংদা, পোলাভরম প্রোজেক্তসু অনৌবা খোঙজেল অমা ফংলে। প্রোজেক্ত অসিনা আন্ধ্র প্রদেশকী মীওই মিলিয়ন কয়াগী পুন্সিদা অহোংবা পুরক্লগনি। পোলাভরম প্রোজেক্ত অসি অথুবা মতমদা লোইশিনবা ঙম্নবা, কেন্দ্রগী NDA সরকারনা রাজ্য সরকারদা মপুং ফানা মতেং পাংলি।
মরুপশিং,
দিকেদ কয়াগী মমাংদগী, আন্ধ্রগী লমদম অসিনা ভারতপু স্পেস পাৱর অমা ওইহনবদা অচৌবা থৌদাং অমা লৌদুনা লাক্লি। শ্রী হেরিকোতাদগী মিসন অমা হৌদোকপা খুদিংদা, মসিনা ভারত মচা করোর কয়াবু চাউথোকচবা পোকহল্লি। হীরম অসিনা ভারতকী নহারোল মিলিয়ন কয়াবু স্পেসকী মায়কৈদা পুক্নিং থৌগৎলি। ঙসিদি, লৈবাক অসিনা ঐখোয়গী ঙাকশেলগী সেক্তরবু মপাঙ্গল কনখৎহন্নবা অনৌবা ইন্সতিত্যুৎ অমা ফংলে। মতম খরগী মমাংদা, ঐখোয়না DRDOগী অনৌবা মিসাইল তেস্তিং রেঞ্জগী উরেপ উয়ুংসু তমখ্রে। নাগায়ালঙ্কাদা শাগৎলিবা নভদুর্গা তেস্তিং রেঞ্জ অসিনা ইমা দুর্গাগুম্না লৈবাক অসিগী ঙাকশেলগী পাৱর মপাঙ্গল কনখৎহল্লগনি। মসিগীদমক লৈবাক অসিগী সাইন্তিস্তশিং অমসুং আন্ধ্র প্রদেশকী মীয়াম্বু ঐনা থাগৎচরি।
মরুপশিং,
ঙসিদি, ভারতকী শক্তি অসি ঐখোয়গী খুৎলাইশিং খক্তা নত্তে, ঐখোয়গী অপুনবা শক্তমসু য়াওরি। অমত্তা ওইবগী ৱাখল্লোন অসি ঐখোয়গী এক্তা মোলশিংদা মপাঙ্গল কনখৎহল্লি। লৈবাক অসিগী শহর কয়াদা এক্তা মোলশিং শাগৎলি। ঐহাক্না হরাওবা ফোংদোকচরি মদুদি হৌজিক্তি বিশাখাপত্নমদসু এক্তা মোল শারগনি। মসিগী এক্তা মোল অসিদা, লৈবাক শিনবা থুংনা লৈরিবা আর্তিসানশিং অমসুং কস্তমেনশিংনা পুথোকপা পোত্থোকশিং অসি মফম অমগী মখাদা ফংলগনি। মসিনা মীপুম খুদিংমকপু ভারতকী দাইভর্সিতীগা শম্নহনগনি। এক্তা মোলনা লোকেল ইকোনোমীদা ইনোৎ পীরগনি অমসুং এক ভারত, শ্রেস্ত ভারতকী ৱাখল্লোনসু হেন্না মপাঙ্গল কনখৎহল্লগনি।
মরুপশিং,
ঐখোয়না চন্দ্রবাবু জীনা জুন 21দা পাংথোক্কদৌরিবা মালেমগী য়োগ নুমিৎকী মতাংদা ঙাংখিবা অদু তাবদা থেংনখি। ঐহাক্না চন্দ্রবাবু, আন্ধ্র সরকার অমসুং আন্ধ্রগী মীয়াম্বু মালেমগী য়োগ নুমিৎকীদমক লৈবাক অসিগী মরুওইবা থৌরম অসি আন্ধ্রদা পাংথোক্নবা ঐহাকপু কৌবগীদমক থাগৎপা ফোংদোকচরি। মসিগীদমক ঐহাক্না থাগৎপা ফোংদোকচরি। অমসুং অদোম্না হায়খিবগুম্না, ঐহাক মশামকসু জুন 21দা আন্ধ্গী মীয়ামগা লোয়ননা য়োগ তৌরগনি অমসুং মালেমগী থৌরম অমা মফম অসিদা পাংথোক্কনি। থৌরম অসি য়াম্না মরু ওই মরমদি মসি ইন্তরনেস্নেল যোগ নুমিৎকী চহি 10গী খোঙচৎকী মরু ওইবা মাইলস্তোন অমনি। মালেম পুম্বদা য়োগগী মায়কৈদা অপেনবা পোক্লি। মসিগী ওইনা মালেম পুম্বনা জুন 21দা আন্ধ্রগী মায়কৈদা য়েংগনি। লাক্কদৌরিবা নুমিৎ 50 অসিদা ঐহাক্না অপেনবা পোকচরি মদুদি য়োগগীদমক অচৌবা ফিভম অমা অন্ধ্রা পুম্বদা শেমগদবনি। কম্পিতিসনশিং পাংথোক্কদবনি।
মরুপশিং,
আন্ধ্র প্রদেশতা দ্রীমরশিংগী অৱাৎপা লৈতে, মখোয়গী মঙলানশিং অদু মঙফাওনহনবা ঙম্বা মীওইশিংগী অৱাৎপা লৈতে। ঙসি আন্ধ্র প্রদেশনা অচুম্বা লম্বীদা চংশিল্লি, আন্ধ্রনা অচুম্বা মওংদা খোঙজেল য়াংখৎলে হায়না ঐহাক্না থাজবা থম্লগা হায়জবা য়াই। হৌজিত্তি ঐখোয়না চাউখৎপগী খোঙজেল অসি লেপ্তনা হেনগৎহনগদবনি। অমসুং ঐহাক্না হায়জবা য়ারি মদুদি বাবুনা চহি অহুমগী মনুংদা অমরাবতী শাবগী মঙলান উখি। মসিনা তাকপদি চহি অহুম অসিদা অমরাবতীগী থবক থৌরমশিং খক্তনা আন্ধ্র প্রদেশকী GDP সু হেনগৎহল্লগনি। ঐহাক্না অমুক্কা হন্না আন্ধ্র প্রদেশকী মীয়ামদা, মফম অসিদা লৈরিবা ঐহাক্কী মরুপশিংদা থাজবা পীজরি মদুদি অদোম্না ঐহাকপু মতম পুম্নমক্তা আন্ধ্র প্রদেশকী চাউখৎ-থৌরাংগীদমক নখোয়গা লোয়ননা নখোয়গী নাকলদা চৎমিন্নবা উগনি। অদোম পুম্নমকপু অমুক্কা হন্না য়াইফ-পাউজেল পীজরি। মী অন্দরি আশীবার্দমুতো ই কুদমি আন্ধ্র প্রদেশ অভিবৃদ্ধিকি কত্তুবদি উন্নদি।
থাগৎচরি!
ভারত ইমানা য়াইফরে! ভারত ইমানা য়াইফরে!
ভারত ইমানা য়াইফরে!
বন্দে মাতরম! বন্দে মাতরম!
বন্দে মাতরম! বন্দে মাতরম!
বন্দে মাতরম! বন্দে মাতরম!
বন্দে মাতরম! বন্দে মাতরম!
