“PM-JANMAN মহা অভিয়ানগী পান্দমদি ত্রাইবেল খুন্নাইগী ইমুং খুদিংগী মীওইশিংদা সরকারগী স্কিমগী কান্নবা ফংহনবনি”
“ঙসিদি, লাইরবগীদমক্তা হান্না খনবা সরকার অমা লৈবাক অসিদা লৈরে”“মাতা শাবরী য়াওদনা শ্রী রামগী ৱারীনা কৌদৌনুংদা মপুং ফারোই”“লাইথোক্তুনা থম্বীরম্বা মীয়াম কয়াদা মোদীনা ঙসি চঙশিল্লি”“কেন্দ্র সরকারনা চলায়রিবা এস্পিরেস্নেল দিস্ত্রিক্ত প্রোগ্রামগী খ্বাইদগী চাউবা বেনেফিসরীশিংদি ঐহাক্কী ত্রাইবেল ইচিল ইনাওশিংনি”“ঙসিদি, ত্রাইবেল খুন্নাইনা ঐখোয়না ত্রাইবেলগী চৎনবী অমসুং মখোয়গী মশাদা চাউথোকচনবগীদমক্তা থবক তৌরি হায়বসি উরে অমসুং খঙলে”খুরুমজরি!
জোহার, রাম-রাম। লৈবাক অসিদা তানফম অসি হরাও কুহ্মৈগী মতমনি। উত্তরায়ন, মকর সঙ্ক্রান্তি, পোঙ্গল, বীহু, কুহ্মৈ কয়া লাক্কদোরে। ঙসিগী থৌরম অসিনা মসিগী নুংঙাইবা অসি হেন্না মগুন হাপ্পী। নখোয়গা ৱারী শাবা অসি ঐগী ওইনা নুংঙাইবা ফোঙদোকপা অমসু ওইরি। ঙসি নাকল অমরোমদা অয়োধ্যাদা দিৱালী পালন তৌরি, নাকল অমদনা ঐগী য়াম্না শোত্থরবা ত্রাইবেল ইচিল-ইনাওশিং, ঐগী ইমুংগী মীওই লাখ অমনা মখোয়গী য়ুমদা দিৱালি পালন তৌবা ফংলি, মসিমক ঐগীদমক য়াম্না নুংঙাইবা অমনি। ঙসি পর্মিনেন্ত ওইবা য়ুমগীদমক মখোয়গী বেঙ্ক একাউন্তদা শেল ত্রান্সফর তৌরি। ইমুংশিং অসিদা ঐহাক্না য়াম্না নুংঙাইবা ফোঙদোকচরি। মখোয়দা মরক সঙ্ক্রান্তিগী নুংঙাইবা ফোঙদোকচরি। অমসুং অফবা থবক অসি হৌদোকপগী খুদোংচাবা ফংজবা অসি ঐগী পুন্সিগী নুংঙাইবা মীকুপ অমাম ওইরি।
মরুপশিং,
ঙসিগী নখোয়গী য়ুম শাবগী থবক হৌরি। নখোয়গী নশাগী য়ুমদা চহি অসিগী দিৱালী শোইদনা পালন তৌবা ফংলগনি ঐনা থাজৈ। মরম অসিদা মরক্তা নোং চুরবসু হৌজিক্তগী শেম শাদুনা য়ুম শাবগী থবক য়ারিবা মখৈ থুনা লোইশিন্নবা তৌ। নখোয়গী পর্মিনেন্ত ওইবা য়ুমদা হন্দক্কী দিৱালী অসি পাঙথোকপা ঙম্নবা হোৎনবীয়ু। য়েংঙু নুমিৎ খরনিগী মতুং জনুৱারী 22দা রামলালানা মাগী অচৌবা অমসুং অথোইবা মন্দির অসিদা লেংশিনগনি। অমসুং অয়োধ্যাদা শারিবা রাম মন্দির অসি থোং হাংনবগী বর্তন তৌবীরকপা ঐগী লাইবক ফবনি। নখোয় ময়ামগী থৌজালশিংদগী মসিগী অফবা খুদোংচাবা অসি ঐনা ফংজবনি। ঐহাক্না নুমিৎ 11 চরা হেন্নবা, ধ্যান তৌনবা অমসুং শ্রী রামবু নীংশিংনবগী ফিরেপসু লৌখি। অমসুং নখোয়না খঙই মদুদি ভগৱান রাম নীংশিংবা মতমদা মশানা মাতা শবারী নীংশিংলকপা অসি মহৌশানি।
মরুপশিং,
শ্রী রামগী ৱারী অসি ইমা শবারী য়াওদনা মপুং ফাদে। রামনা অয়োধ্যাদগী থোরকপা মতমদা মহাক অসি রাজকুমার রাম ওইরমখি অদুবু রাজকুমার রাম মর্য়াদা পুরুশোত্তমনা ঐখোয়গী মাংদা শক্লোন অসিদা থোরকখিবা অসিগী মরম ইমা শবারী ওইরবসু, কেবত ওইরবসু, নিশাদ্রাজ ওইরবসু অতৈ মীওই কয়ানা মতেং পাংলগনি। রাজকুমার রাম অসি ভাগৱান রাম ওইহনখি। রামচরিত মানাসতা অসুম্না হায়রমখি – কহ রাঘুপতি সুনু ভামিনি বাতা। হায়দি ভগৱান শ্রী রামনা মহাক্কী ভক্তাশিংগা লৈনরিবা মরী অসি অথোইবনি হায়রমখি। ত্রেতাগী রাজাতামগী ৱারী ওইরবসু নত্ত্রগা ঙসিগী রাজ লিলা ওইরবসু লায়রবা, শোত্থরবা অমসুং উমংদা লৈরিবা ইচিল ইনাওশিংগী য়াইফনবা য়াওদনা ওইথোকপা য়ারোই। এখোয়না ৱাখল্লোন অসিগা লোয়ননা থবক লেপ্পা লৈতনা পাইখৎলি। ঐখোয়না চহি 10 লায়রবশিংগীদমক কত্থোকখি, লায়রবশিংগীদমক লুপা করোর 4রোমগী পর্মিনেন্ত য়ুম শাখি। কনাগুম্বা অমত্তনা হংবীরমদবা মীওইশিং অদু ঙসি মোদীনা হংলি অমসুং মখোয়বু লাৎচরি।
মরুপশিং,
সরকারনা নখোয়া লাক্লি, সরকারগী স্কিমশিংনা ঐগী খ্বাইদগী শোত্থরবা ত্রাইবেল ইচিল-ইনাওশিংদা য়ৌশিল্লি, মসি পি.এম. জনমন মহা অভিয়ানগী পান্দমনি। অমসুং শুপ্নগী থা অনিদা পি,এম, জনমন মহা অভিয়ান্না মাগী পান্দমশিং ফংবা হৌখি, মসি কনাগুম্বা অমত্তনা মমাংদা তৌবা ঙমখিদ্রি। ঐহাক্না নীংশিংলি সরকারনা ভগৱান বিরসা মুন্দাগী মপোক নুমিৎতা থা অনিগী মমাংদা কেম্পেন অসি হৌদোকখিবা মতমদা ঐখোয়গী মাংদা অচৌবা শীংনবনা থনখি। উমুংদা লৈবা ঐগী শোত্থরবা ত্রাইবেল মরুপশিং, অৱাংবা চীংদোন্দা লৈরিবশিং, ঙমখৈগী মফমশিংদা লৈরিবশিংনা দিকেদ কয়া চাউখৎ-থৌরাং ঙাইদুনা লাকখি, সরকারগী মেছিনরীগীদমক মখোয়দা য়ৌশিনবা অসি য়াম্না অৱাংবা ওইখি অদুবু ঐখোয়গী সরকারনা মীওইশিং অসিদা য়ৌশিন্নবা অসিগুম্বা অচৌবা কেম্পেন হৌখি। ঐহাক্না জিলাশিংগী সরকারগী ওফিসিএলশিং অমসুং রাজ্যশিংগী সরকারগী ওফিসিএলশিংবু ঐখোয়না চহি 75 অসিদা তৌবা ঙমদনা লাকখিবা অদু ঙম্বদা থমোয় শেংনা থাগৎপা ফোঙদোকচরি। নখোয়গী য়ুমদা দিৱালি পাঙথোকপগী ওইথোকপা য়াবা অদু লৈরে। লৈবাক অসিদা মীওই কয়ানা ঐখোয়গী ইচিল ইনাওশিং অসিনা অৱাবা কয়া য়াম্না মায়োক্নরপগে খঙবা ঙমলোই। মীওইশিং অসি ফত্তবা ঈশিংনা মরম ওইরগা অনাবা মখল কয়া মায়োক্নখি, অঙাংশিংদা অৱাবা তাখি, মখোয়দা মীৎয়েং চংদনা লৈরকখি। ইলেক্ত্রিসিতী লৈতবনা মরম ওইদুনা করিগুম্বা মতমদা লিন, করিগুম্বা মতমদা বিরশিক, করিগুম্বা মতমদা লমলক্কী শাশিংদগী খুদোংথিবা মায়োক্নখি। গ্যাস কন্নেক্সন ৱাৎপনা মরম ওইরগা চাকশঙদা মৈখু চেনবনা অকাইবা থোকহল্লি… খুঙ্গংগী লম্বী ফৎতবনা মরম ওইরগা মফম অমা হেক্তদা চৎপা অসি অচৌবা পোৎলুম অমা ওইরমখি। অৱাবা অসিদগী ঐনা ঐগী লায়বা ত্রাইবেল ইচিল-ইনাওশিংবু কনবা তাই। হৌজিক নখোয়গী অহল লমন, ইপা-ইপুশিংনা থেংনখিবা অৱাবা অদু নখোয়দা থেংনহল্লরোই। অদোমগী তুংগী মীরোলশিংনা অসিগুম্বা ফীভমদা লৈহল্লোই। অমসুং অদোম্না খঙলব্রা কেম্পেন অসি করিগীদমক জনমন কৌরিবনো? জন হায়বদি ময়াম, জনার্দন… মসি ঐগীদমক্তদি ঈশ্বরগী মশক ওই। ত্রাইবেক ইচিল ইনাওশিং অমসুং নখোয়গী ৱাখল্লোন অদু ঐগী ৱাখল্লোনশিংনি। হৌজিক নখোয়না ৱানা লৈররোই, হৌজিক নখোয়গী মঙলানশিং থুংহল্লগনি অমসুং মসিগীদমক সরকারনা ফিরেপ চেৎনা লেপ্পী। মরম অসিনা সরকারনা পি.এম. জনমন মহা অভিয়ানদা লুপা করোর লিশিং 23 হেন্না চাদিং তৌগদৌরি।
মরুপশিং,
ঐখোয়গী লৈবাক্কী চাউখৎ-থৌরাং অসি খুন্নাইদা মীওই অমত্তা চিত্থহৌদ্রবা মতমদা খক্তদা ওইথোক্কনি। সরকারগী স্কিমশিংগী কান্নবশিং মীপুম খুদিংমক্তা য়ৌহনগদবনি। লৈবাক অসিগী জিলা 190দা লৈরিবা ঐখোয়গী শোত্থরবা ত্রাইবেল ফুরুপকী মচিল-মনাওসিং। শুপ্নগী থা অনিগী মনুংদা সরকারনা থীরবা মতিংদা অসিগুম্বা ইমুং লিশিং 80 হেনবদা আয়ুশ্মান কার্দশিং পীখি। মতৌ অসুম্না সরকারনা অসিগুম্বা মীওই লৌমী লিশিং 30গা পি.এম. কিসান সম্মান নিধিগা লিঙ্ক তৌখি। কেম্পেন মনুংদা বেঙ্ক একাউন্ত লৈতবা অসিগুম্বা মীওই লিশিং 40 থেংনখি। হৌজিক সরকারনা মখোয়গী বেঙ্ক একাউন্তশিংসু হাংবীরে। খুদোংচাদ্রবা লৌমী লিশিং 30 হেনবদা ক্রেদিৎ কার্দশিং পীখি, ফোরেস্ত রাইৎস এক্তকী মখাদা মখোয়গুম্বা লিশিং 11দা লেন লীজ পীখি। অমসুং মশিং অসি শুপ্নগী হৌখিবা থা অনি খক্তগীনি। হৌজিক্কী ওইনা মশিং অসি নুমিৎ খুদিংগী হেনগৎলক্লি। সরকারনা য়ারিবা মখৈ ঐখোয়গী শোত্থরবা ত্রাইবেল ইচিল-ইনাওশিংদা স্কিম খুদিংমক্না হৌশিন্নবা হোৎনরি। সরকারগী থৌরাংশিংগী কান্নবা ফংহনদনা ঐনা তোক্লোই। ঐহাক্না নখোয়দা থাজবা পীই অমসুং মসি মোদীগী গরেন্তীনি।
মরুপশিং,
হীরম অসিদা ঙসি খ্বাইদগী শোত্থরবা ত্রাইবেল ইচিল-ইনাওশিংদা পর্মিনেন্ত ওইবা য়ুমশিং পীনবা থবক পাইখৎপা হৌরে। হৌজিক প্রোগ্রাম অসিগী মখাদা সরকারনা পর্মিনেন্ত য়ুমশিং শানবা ত্রাইবেল বেনিফিসরী লাখ অমগী বেঙ্ক একাউন্তশিংদা শেল হকথেংননা ত্রান্সফর তৌখ্রে। নখোয়গী য়ুমশিং শানবা সরকারদগী য়ুম অমমমগী ওইনা নখোয়না চাউরাক্না লুপা লাখ 2.5 ফংগনি। অমসুং নখোয়না য়ুম অমা ফংবা খক্তা নত্তনা নখোয়গী অঙাংশিংনা লাইরিক তৌনবা ইলেক্ত্রিসিতী কন্নেক্সন ফংগনি, নখোয়গী মঙলানশিং থুংহনগনি। নখোয়গী য়ুমদা লাইনা চংলক্তনবা নখোয়গী অনৌবা য়ুমদা অফবা ঈশিংগী প্রোভিজন অমা থমগনি অমসুং কন্নেক্সন অসি লেম্না পীগনি। অহাংবা মফমদা খোঙ হামনবা চৎলম্বা ইমা-ইবেল অমসুং ইচে-ইচলশিংনা অৱাবা কয়া মায়োক্নরমখি, মখোয়না মমথরকপা ঙাইরমখি, নুমিৎ থোক্ত্রিঙৈ মমাংদা মখোয়না চৎলমখি অমসুং মখোয়গী ইজৎসু শোকই। য়ুম খুদিংমক্তা তোইলেৎ থমদুনা মখোয়বু ইকাই খুম্নবা পীবীগনি। চাকথোংনবা LPG কন্নেক্সনসু পীগনি। অমসুং নখোয়না য়ুমশিং অসি ফংবা খক্তা নত্তনা পুম্নমক অসিসু ফংগনি। অমসুং ঐগী ইমা-ইবেল অমসুং ইচে-ইচলশিংনা তাবীয়ু মসি শুপ্নগী অহৌবনি। ঙসি বেনিফিসরী লাখ 1না মখোয়গী য়ুমগী শেল ফংলে। ঐখোয়গী সরকারনা শোইদনমক বেনিফিসরী অমমম য়ৌশিনগনি মখোয়না ফনা লাপ্না লৈরগসু। অমসুং ঐহাক্না মসি ফোঙদোকপা অসিদা অমুক হান্না হায়জগে মদুদি মসি মোদীগী গরেন্তীনি। অমসুং ঙসি প্রোগ্রাম অসিগী খুত্থাংদা ঐহাক্না পুম্নমক্তা থাজবা অমা পীজবা পাম্মি মদুদি নখোয়না নখোয়গী য়ুম শানবা শেল কনাগুম্বা অমত্তদা পীবগী মথৌ তাদে। করিগুম্বা কনাগুম্বনা শেল পীনবা হায়রকপা মতমদা কেন্দ্র সরকারনা মদুগী শেল পীরি খঙউ। মখোয়না শেল লুপা অমা ফাওবা পীবীগনু।
ঐগী ইচিল-ইনাওশিং,
নখোয়দা শেল অসিগী হক পুম্নমক লৈ; অমসুং মিদ্দলমেন অমত্তনা মসি ক্লেম তৌবা য়ারোই। নখোয়গী নরক্তা ঐগী পুন্সিগী য়াম্লবা শরুক লেলকখিবনা ঐহাক্না নখোয়না মেনস্ত্রীম সোসাইতীদগী থাপনা লৈদুনা মায়োক্নরিবা শীংনবশিং অদু খঙই। এক্সপরিয়েন্সশিং অসিনা পি.এম. জনমন মহা অভিয়ান হৌদোকপদা ঐঙোন্দা মতেং ওইখি। মসিগী মথক্তা ঐহাক্না ঐখোয়গী লৈবাক্কী রাস্ত্রপতি, শ্রীমতি দ্রৌপদি মুর্মুজীদগী কেম্পেন অসি হৌদোক্নবা চাউনা মতেং ফংখি। ঐখোয়গী রাস্ত্রপতি অসি ত্রাইবেল ফুরুপতগীনি। মহাক্না নখোয়গী নরক্তা চাউরকখি। মহাক্কা উনবা মতমদা মহাক্না নখোয়গী মরমদা অকুপ্পা ৱারোলশিং পাউদমলকখি। অমসুং মসিনা মরম ওইরগা ঐহাক্না পি.এম জনমন মহা অভিয়ান হৌদোক্তুনা সমস্য খুদিংমক্তগী নখোয়বু কোকহন্নবা ফিরেপ লৌখি।
ঐগী ইমুংগী মীওইশিং,
ঙসি লৈবাক অসিদা লৈরিবা সরকারনা নখোয়বু ঐগী লাইরবা ইচিল ইনাওশিং অমসুং মনুং হঞ্জিনবা উমংগী মফমশিংদা লৈরিবশিংবু মরু ওইনা লৌরি। ঙসি লৈবাক অসিদা লায়রশিংগী সমস্যা কোকহন্নবা থবক তৌরিবা সরকার অমা লৈরি। অহানবদা ঐখোয়না মখোয়না শোত্থরিবা অদুদা মীৎয়েং চংলি; মোদীনা শোত্থরবশিংগীদমক লেপ্পী। মমাংদা সরকারগী স্কিমশিংগা মরী লৈনবা কাংলোনশিং অসি য়াম্না কমপ্লেক্স ওইবনা স্কিমশিং অসিগী শেল অমসুং কান্নবশিংনা নখোয়দা য়ৌরমদে। অতোপ্পা সমস্যা অসিনা স্কিম অসি চেদা খক্তা মখা চত্থৈ অমসুং তশেংবা বেনিফিসরীনা স্কিম অসি লৈ হায়বগী মরমদা খঙলমদে। করিগুম্বা কনাগুম্বনা স্কিম অসিগী মরমদা খঙলবসু মহাক্না কান্নবশিং অসিনা লৌনবা হোৎনবদা অৱাবা কয়া মায়োক্নৈ। মসিদা পেপরৱার্ক, ফোর্মেলিতী অমসুং রেদ-তেপিজম কয়া য়াওরি। হৌজিক পি.এম. জনমন মহা অভিয়ানগী মখাদা ঐখোয়গী সরকারনা নখোয়দা সমস্যা ওইরম্বা কাংলোনশিং অদু শেমদোকখি। পি.এম. গ্রাম সরক য়োজনাগী কাংলোনশিংদা অহোংবশিং পুরক্তুনা ত্রাইবেলগী খুঙ্গংশিংদা চৎপদা লাইহন্নবা লম্বীশিং শেম্নবা খোঙথাংশিং পাইখৎলি। করিগুম্বা অনাবনা মরম ওইরগা লাইয়েংশঙদা চৎপা তারবদি অফবা লম্বেলনা নখোয়গী পুন্সি কনবা ঙমগনি। সরকারনা মোবাইল মেদিকেল য়ুনিৎশিংগা মরী লৈনবা কাংলোনশিংসু সরকারনা রিভাইজ তৌখি। শোত্থরবা ত্রাইবশিংগী ইমুং খুদিংমক্তা ইলেক্ত্রিসিতী ফংহন্নবা মখোয়দা সোলর পাৱর কন্নেক্সনশিং পীরি। নখোয়গী মফমদা নহারোলশিং অমসুং অতৈ মীওইশিংনা ইন্তরনেৎ কন্নেক্সন ফংহন্নবা নখোয়গী লমদমদা অনৌবা মোবাইল তাৱর চা কয়া ইনস্তোল তৌরি।
মরুপশিং,
ঐখোয়গী সরকারনা নখোয়গী সমস্যাশিং অসি কোকহন্নবা চীঞ্জাক্কা মরী লৈনবা খুদোংচাদবশিংদগী ঙাকথোক্নবা চহি মঙাগী ওইনা লেম্না রাসন পীনবা স্কিম শাংদোকখি নখোয়গী অঙাংশিংবু ক্বালিতী লৈবা এজুকেসন ফংহন্নবা লেপ্পা লৈতনা খোঙথাংশিং পাইখৎলি অসুম্না তৌবনা মখোয়না স্কিলশিং হৈজিনগনি অমসুং থবক ফংদুনা অফবা পুন্সি মহিং অমা হিংবা ঙমগনি। ত্রাইবেলগী মফমশিংদা সিঙ্গল বিল্দিং অমদা সরকারগী ফেসিলিতী খুদিংমক ফংহনবা অসি চপ মান্ননা মরু ওই। মরম অসিনা সরকারনা মফম অমদা স্কিম কয়ামরুমগী কান্নবশিং ফংহন্নবা অদুগুম্বা সেন্তর লিশিং কয়া লৈহন্নবা হোৎনরি। তীকা থাবা, নত্ত্রগা হীদাক লৈ, দোক্তর তানবা, নত্ত্রগা থবক পীবা নত্ত্রগা মশানা থবক পীজনবা ত্রেনিং ফংনবা নত্ত্রগা অঙ্গনৱাদী ওইরবসু নখোয়না কোইচৎ চৎপগী মথৌ তাররোই অমসুং সরকারগী স্কিমশিংগী কান্নবশিং লৌবা য়ারগনি। সরকারনা শোত্থরবা ত্রাইবশিংগী নহারোলশিংনা ক্বালিতী এজুকেস ফংনবগীদমক অনৌবা হোস্তেলশিং শারি। বন-ধন বিকাস কেন্দ্র চা কয়া ত্রাইবশিংগীদমক শাবা হৌখ্রে।
ঐগী ইমুংগী মীওইশিং,
হৌজিক্কী ওইনা নখোয়না খুঙ্গং খুদিংমক্তা মোদীগী গরেন্তীগী গারীনা পাকশন্না য়ৌশিনবা উবা ফংলি। ইনিসিএতিব অসি অখন্ননা তোঙান-তোঙানবা স্কিমশিংগা লোয়ননা লৈবাক অসিদা লৈরিবা মীওইশিংগা কন্নেক্ত তৌনবা দিজাইন তৌখি। কেন্দ্র সরকারনা লমজিংখিবা এস্পিরেস্নেল দিস্ত্রিক্ত প্রোগ্রামনা মরু ওইনা ঐখোয়গী ত্রাইবেল ইচিল-ইনাওশিংদা কান্নবা পীরি। ত্রাইবেল রিজনশিংদা ঐখোয়না ইলেক্ত্রিসিতী এক্সেস ফংহনখি অমসুং রোদ নেৎৱার্ক ফগৎহনখি। রাজ্য অমদগী রাজ্য অমদা রাসন কার্দ শীজিন্নবা য়ান্নবা থবকসু পাইখৎখি। মসিগী মথক্তা আয়ুশ্মান ভারত য়োজনানা লৈবাক অসিগী মফম অমা হেক্তদা লেম্না লায়েং ফংহল্লি।
মরুপশিং,
ত্রাইবেল খুন্নাইদা মীরোল কয়া চৈথেং পীরকখিবা সিকল সেল এনেমিয়াগা মরী লৈনবা রিস্কশিংগী মরমদা নখোয়না শোইদনা খঙলমগনি। সরকারনা হেরিদিতরী ওইবা লাইনা অসি মুথৎনবা থবক কন্না পাইখৎলি, লৈবাক শিনবা থুংবদা কেম্পেন লোঞ্চ তৌরি।ল ভিকসিৎ ভারত সঙ্কল্প য়াত্রাগী শরুক ওইনা মীওই লাখ 40 হেনবনা হৌখিবা থা অনি অসিদা সিকলসেলগীদমক তেস্ত তৌখি।
ঐগী ইমুংগী মীওইশিং,
ঐখোয়গী সরকারনা ঐখোয়গী ত্রাইবেল ইচিল ইনাওশিংগী মঙলানশিং থুংহন্নবা হোৎনবা য়াবা হোৎনরি। ঐখোয়গী সরকারনা সেদ্যুল্দ ত্রাইবশিংগা মরী লৈনবা স্কিমশিংগী বজেৎশিং শরুক মঙা হেন্না হেনগৎহনখি। স্কোলরশিপশিংগী অপুনবা শেনফম অসি মমাংদগী শরুক 2.5 হেন্না হেনগৎহনখ্রে। দিকেদ অমগী মমাংদা ত্রাইবেল অঙাংশিংগীদমক একলব্যা মোদেল স্কুল 90 খক্তা লৈরমখিবা অদু হৌ অনৌবা একলব্যা মোদেল স্কুল 500 হেন্না শাখ্রে। খ্বাইদগী শোত্থরবা ত্রাইবেল ফুরুপকী অঙাংশিং অসিনা মখোয়গী স্কুল তম্বা অসি খক্তা নত্তনা MA, BA য়াওনা হায়র এজুকেসন মখা চত্থরুনা মশক নাইবা কম্পনীশিংদা থবক ফংবা অসি য়াম্না নুংঙাই। মসিবু খুদোংচাহন্নবা ত্রাইবেলগী মফমশিংদা ক্লাসশিং অসি মতমগা চুনবা ওইহল্লি অমসুং হায়র এজুকেসনগী সেন্তরশিংসু হেনগৎহল্লি।
মরুপশিং,
অপুনবা ত্রাইবেল খুন্নাইগী ইনকম হেনগৎহন্নবা থাক খুদিংমক্তা খোঙথাংশিং পাইখৎলি। উমংগী পোত্থোকশিংনা ঐখোয়গী ত্রাইবেল মরুপশিংগীদমক অচৌবা ফাইনান্সিএল রিসোর্স ওইরি। 2014গী মমাংদা মিনিম সপ্পোর্ত প্রাইস (MSP) অসি উমংগী পোত্থোক 10 খক্তদা পীরমখি। হৌজিক ঐখোয়না MSP অমব্রেলাগী মখাদা উমংগী পোত্থোক চাউরাক্না 90 হাপচিনখ্রে। বন ধন য়োজনা অসি উমংগী পোত্থোক মমল ৱাংনা লৌনবা হৌদোকখি। মসিদা বেনিফিসরীশিংগী মশিং অয়াম্বা নুপীশিংনা ওইরি। হৌখিবা দিকেদ অসিদা ত্রাইবেল ইমুংশিংদা লমগী পত্তা লাখ 23 পীখ্রে। ঐখোয়না ত্রাইবেল ফুরুপকীদমক হাত বজার প্রমোৎ তৌরি। ঐখোয়গী ত্রাইবেল ইচিল-ইনাওশিংনা লৈবাক্কী অতৈ মার্কেৎশিংদা চপ মান্নবা পোৎলমশিং য়োনবা য়ানবা কেম্পেন কয়ামরুম চত্থরি।
মরুপশিং,
ঐগী ত্রাইবেল ইচিল-ইনাওশিংনা মনুং হঞ্জিনবা মফমশিংদা লৈজরবসু মখোয়দি মীৎয়েং শান্না য়েংবা ঙম্মি মসি ঐহাক্না মখোয়গা ৱারী শাবদা খঙবা ঙম্মি। ত্রাইবেল খুন্নাইনা সরকারনা ত্রাইবেল কলচর য়োকখৎনবা অমসুং মখোয়গী চৎনবী অসি ইকাই খুম্নবা উৎনবা কত্থোকপা উবা ফংলি। ভগৱান বিরসা মুন্দাগী মপোক কুমওন অসি জন জাতীয়া গৌরব দিবস হায়না পাঙথোক্লি। ঐখোয়গী সরকারনা লৈবাক শিনবা থুংবদা ত্রাইবেল নীংতম লান্মীশিংদা কত্থোকপা অচৌবা ম্যুজিয়ম 10 শানবা থবক হৌরি। ঐহাক্না নখোয়দা থাজবা পীরি মদুদি নখোয়দা ইকাই খুম্নবা উৎনবা অমসুং নখোয়বু নুংঙাইহন্নবা মখা তানা থবক তৌগনি। নখোয়না শরুক য়াবীবা অসি মাতা শবারীগী থৌজালশিং ফংবগা পাঙ্খক ওই, য়াম্না নুংঙাইবা পোকইই। ঐহাক্না পুম্নমক্তা থমোয় শেংনা ময়ামদা ইকাই খুম্নবা উৎচরি অমসুং য়াইফ মঙ্গোল পীজরি।
থাগৎচরি!
