“রাজস্থান হৌখ্রবা মতমগী অফবা পুৱারি লৈবা, হৌজিক মপাঙ্গল কনবা অমসুং তুংগী খুদোংচাবা কয়া লৈবা রাজ্য অমনি”
“রাজস্থানগী চাউখৎ-থৌরাং পায়খৎপা হায়বসি ভারত সরকারনা য়াম্না মরুওইনা লৌবা হিরম অমনি”
“থৌনা, অফবা অমসুং চাউখৎপগা লোয়ননা ঐখোয় মাঙলোমদা চঙশিনগদবনি হায়না রাজস্থানগী পুৱারিনা ঐখোয়দা তাক্লি”
“মমাঙদা চাউখত্তনা লৈরম্বা মফমশিং অমসুং কাংলুপ, ঙসিদি মখোয় চাউখৎহনবা হায়বসি লৈবাক অসিনা মরুওইনা লৌরে”

ফম্বাক্তা লেংখৎপীরিবা শক্নাইরবা ইবেম্মা অমসুং ইবুংঙোশিং!

ঙসিদি, ঐখোয় পুম্নমক্কী মফমদা ইথিল পীদুনা লাক্লিবা নুংশিরবা বাপু অমসুং লাল বহাদুর শাস্ত্রীজীগী মপোক কুমওন্নি। ঙরাং ওক্তোবর 1দা রাজস্থান য়াওনা লৈবাক পুম্বনা তরু-তনান্না লৈবগী মতাংদা অচৌবা থৌরম অমা পাংথোকখি। তরু-তনান্না লৈবগী খোঙথাংবু জন আন্দোলন ওইহনবগীদমক্তা ঐহাক্না লৈবাক মীয়ামগী মফমদা ইকায় খুম্নবা উৎচরি।

মরুপশিং,

নুংশিরবা বাপুনা তরু-তনান্না লৈবা, মরোমদোম লেপচবা অমসুং হীরম খুদিংদা চাউখৎপগী মতাংদা থৱাই য়াম্না য়াওবীরম্মি। হৌখিবা চই 9দা বাপুগী মসিগুম্বা ৱাখল্লোনগী মগুন ঙাক্তুনা লৈবাক্না চাউখৎপা কয়া য়াম্না ফংখ্রে। ঙসি, চিত্তোরগরদা লুপা করোর 7200কী শেনফমগী প্রোজেক্তশিং হৌরিবা অসিদসু মহাক্কী ৱাখল্লোনশিং অসিগী মমি উবা ফংলি।

 

মরুপশিং,

গ্যাস্তা য়ুম্ফম ওইবা শেন্মিৎলোনগী ফম্বাক মপাঙ্গল কনখৎহন্নবা লৈবাক অসিদা গ্যাস পাইপ্লাইন নেতৱর্ক শেম্বগী মশক থোকপা থবক কয়া পায়খৎলি। মেহসানাদগী ভতিন্দা ফাওবা গ্যাস পাইপ্লাইন থম্লে। পাইপ্লাইন অসিগী পালী-হনুমানগর সেক্সনবু ঙসি মীয়ামদা খুৎশিন্নরি। মসিনা রাজস্থান্দা ইন্দস্ত্রী চাউখৎহনগনি অমসুং অনৌবা থবক কয়া অমা লৈহনগনি। পাইপশিং অসিনা ইচে-ইচলশিংগী চাকখুমদা অহোঙবা গ্যাস ফংহনবগী ঐখোয়গী খোঙথাং অসিগী খোঙজেলসু হেন্না য়াঙখৎহনগনি।

মরুপশিং,

ঙসি মফমসিদা শোরোক অমসুং রেলৱেগা মরী লৈনবা ইনফ্রসাত্রকচর খরসু মীয়ামগী মফমদা খুৎশিন্নগনি। খুদোংচাবশিং অসিনা মেৱর মীয়ামগী পুন্সি মহিং লাইথোকহনগনি। লমদমসিদা থবক্কী অনৌবা খুদোংচাবা কয়াসু পুরক্কনি। ত্রিপল আইতি (IIIT)গী অনৌবা কেম্পস শারিবসিনা কোতাগী এজুকেসন হব অমা ওইবগী শক্তাক অসিবুসু হেন্না মপাঙ্গল লৈরগনি।

মরুপশিং,

রাজস্থান হায়বা রাজ্যসিদি হৌখিবা মতমগী হেরিতেজ, হৌজিক মতমগী তৌবা ঙম্বগী মতিক অমসুং তুংগী মতমগী রিসোর্সসু লৈবা লমদম অমনি। রাজস্থানগী মসিগুম্বা শক্তি অহুম অসিনা লৈবাক্কী পাঙ্গলবুসু খুমাং চাউশিনহল্লি। হৌজিক্তসু, নাথদ্বার তুরিস্ত ইন্তর্প্রিতেসন অমসুং কলচরেল সেন্তরবু মীয়ামদা খুৎশিন্নরে। মসিদি জয়পুরদা লৈরিবা গোবিন্দদেবজী মন্দির, সিকরদা লৈরিবা খাতুশ্যাম মন্দির অমসুং রাজসমন্দদা লৈরিবা নাথদ্বার তুরিস্ত সর্কিৎকী শরুক অমনি। মসিনা রাজস্থানগী মিংচৎপু হেন্না নীংথিজহনগনি অমসুং তুরিজম সেক্তরদসু কান্নবা য়াম্না ফংগনি।

মরুপশিং,

চিত্তোরগরগী মনাক্তা ভগ্বান কৃষ্ণদা কত্থোকপা ‘সাঁবলিয়া সেথ’ মন্দির অসিসু ঐখোয়গী পুম্নমক্কী লাইনীংফম অমনি। লাইনীংবা লাখ কয়ানা ‘সাঁবলিয়া সেথ’ খুরুম্বগীদমক্তা মফমসিদা চহি খুদিংগী লাকই। লল্লোনবশিংগী মরক্তা লাইশঙ অসিগী ওইবা অখন্নবা মরু ওইবা খরসু লৈরি। ভারত সরকারনা স্বদেশ দর্শন স্কিমগী মখাদা সাঁবলিয়াজীগী লাইশঙদা মতমগা চুনবা খুদোংচাবা লৈহনবগী থবক পায়খৎলি। লুপা করোর কয়া চাদিং তৌরবা তুংদা, মফমসিদা ৱাতর-লেজর শো, তুরিস্ত ফেসিলিতী সেন্তর, এম্ফিথীএতর, কেফেতরিয়াগুম্বা মতমগা চুনবা খুদোংচাবা কয়া শেম্লে। পুম্নমক অসিনা সাঁবলিয়া সেথকী তুং ইনবশিংগী খুদোংচাবা হেনগৎকনি হায়না ঐহাক্না থাজৈ।

 

মরুপশিং,

রাজস্থানগী চাউখৎ থৌরাং হায়বসিদা ভারত সরকারনা অহেনবা মিৎয়েং চঙলি। ঐখোয়না রাজস্থানগী এক্সপ্রেসৱে, হাইৱে  অমসুং রেলৱেগুম্বা মতমগা চুনবা ইনফ্রাস্ত্রকচরশিংদা অকনবা মিৎয়েং চঙলি। দিল্লী-মুম্বাই এক্সপ্রেসৱে ওইরো, নত্ত্রগা অমৃতসর-জাম্নগর এক্সপ্রেসৱে ওইরো, মসিনা রাজস্থান্দা লৈবা লোজিস্তিক্সকা মরী লৈনবা সেক্তরশিংদা অনৌবা পাঙ্গল হাপকনি। ঙসিদগী নুমিৎ খরনিগী মমাংমক্তদা, উদয়পুর-জয়পুর বন্দে ভারত ত্রেন চেনবসু হৌখ্রে। রাজস্থান অসি ভারতমালা প্রোজেক্তকী খ্বাইদগী মরু ওইবা অমসুং খ্বাইদগী চাউবা বেনেফিশরী অমসু ওইরিবনি।

মরুপশিং,

থৌনা লৈবা, অফবা মিংচৎ লৈবা অমসুং চাউখৎপগী মতৌশিং পুন্দুনা ঐখোয়না তুংলমচৎকী মাইকৈদা চঙশিনগদবনি হায়না রাজস্থানগী পুৱারীনা ঐখোয়দা তাকপীরি। ঙসিগী ভারতনা মসিগুম্বা ৱাখল্লোনগা লোয়ননা তুংলমচত্তা চঙশিল্লিবনি। ঐখোয়না পুন্না হোৎনমিন্নদুনা চাউখৎপা ভারত অমা পুরক্নবা হোৎনমিন্নরি। মমাংগী মতমশিংদা থৌশাবীদনা লৈরুরবা মফমশিংদা চাউখৎ থৌরাং পুরক্নবা ঙসিদি অহেনবা মিৎয়েং চঙলে। মরম অদুনা, হৌখিবা চহি 5তগী লৈবাক অসিদা এস্পিরেস্নেল দিস্ত্রিক্ত প্রোগ্রাম মায় পাক্না চত্থরি। মেৱর অমসুং রাজস্থানগী জিলা কয়াবু কেম্পেন অসিগী মখাদা চাউখৎহল্লি। কেন্দ্র সরকারনা হৌজিক্তি প্রোগ্রাম অসিবু খোঙ্কাপ অমা হেন্না মাঙ থানা থাংদুনা চঙশিল্লি। ঐখোয়না হৌজিক এস্পিরেস্নেল ব্লোক মশক খঙদোক্তুনা, মখোয়বুসু খোঙজেল য়াঙনা চাউখৎহন্নবা মিৎয়েং চঙবা হৌখ্রে।

 

লাক্কদৌরিবা মতমশিংদা হায়রিবা খোঙথাং অসিগী মখাদা, রাজস্থানগী ব্লোক কয়াসু চাউখৎহল্লগনি। শোত্থবশিংদা মিৎয়েং চঙবা হায়বা ৱাখল্লোনগা লোয়ননা কেন্দ্র সরকারনা ভাইব্রেন্ত ভিলেজ প্রোগ্রামসু হৌদোকখ্রে। খ্বাইদগী অকোনবনি হায়না মতম কয়াদগী খন্নদুনা লাক্লিবা ঙমখৈদা লৈবা খুঙ্গংশিংবু হৌজক্তি ঐখোয়না খ্বাইদগী অহানবনি খন্দুনা চাউখৎহল্লি। খোঙথাং অসিগী অচৌবা কান্নবশিংদি রাজস্থানগী ঙমখৈদা লৈবা খুঙ্গং দর্জন কয়ানা ফংবা হায়বসিদি শোইদ্রবনি। মসিগুম্বা ৱাফম অসি থম্বদি অহাঙবা লম্পাক্তা ঙৈহাক লৈরগা পাংথোক্কদৌরিবা থৌরমদা থম্বনা য়াম্না হেন্না নুংঙাইগনি। মফমসিদদি অপনবা খরা লৈবনা, অহেনবা ৱারিদি মফমদুদা ওইনা শাজরগে। রাজস্থানগী চাউখৎ থৌরাংগীদমক্তা ঐখোয়না মঙলিবা মঙলানশিংনা খোঙজেল য়াঙনা মঙফাওনবা হায়বা ৱাখল্লোনগা লোয়ননা মেৱরগী মীয়ামশিংবু অনৌবা প্রোজেক্তশিং অসিগীদমক্তা ঐহাক্না থাগৎচরি।

অদোম পুম্নমকপু ঐহাক্না থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Boosting ‘Make in India’! How India is working with Asean to review trade pact to spur domestic manufacturing

Media Coverage

Boosting ‘Make in India’! How India is working with Asean to review trade pact to spur domestic manufacturing
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 13 এপ্ৰিল, 2024
April 13, 2024

PM Modi's Interaction with Next-Gen Gamers Strikes a Chord with Youth

India Expresses Gratitude for PM Modi’s Efforts to Achieve Exponential Growth for the Nation