ভারত ইমানা য়াইফরে!
ভারত ইমানা য়াইফরে!
নমস্কার! কেম ছো! বনক্কম! শত শ্রী অকাল! জিন দোব্রে!
শক্তম অসি উবদা য়াম্না নুংঙাই অদুগা অদোমগী থৱাই য়াওবগী মতৌ অসিশু অঙকপনি। ঐহাক্না মফমসিদা হেক খোঙদারকপদগী অদোম হৌজিক ফাওবা ৱানদ্রি। অদোমশু পোলেন্দগী তোঙান-তোঙানবা মফমদগী লাক্লিবনি, পুম্নমক্কী চাকচা-য়ুথক, ফিজেৎ চাজেৎ লোয়না তোঙানবা ঙাক্তনি। অদুবু ভারত মচা ওইবগী ৱাখল্লোন্না অমত্তা ওইহল্লি। অদোম্না ঐহাকপু তরাম্না অমসুং পাক চাউনা ওকপীরি। অদুনা, ঐহাক্না অদোম খ্বাই পুম্নমক, পোলেন্দগী মীয়াম্বু মসিগীদমক্তা থাগৎচরি।
মরুপশিং,
হৌখিবা চয়োল অমদগী ভারতকী মীদিয়াদা অদোম ঙাক্তা ঙাইরে, পোলেন্দগী মীয়ামগী মতাংদা য়াম্না ৱা ঙাংখ্রে, অমসুং পোলেন্দগী মরমদা কয়া অমা হায়খ্রে। অতোপ্পা হেদলাইন অমসু চত্থরি, অমসুং মিদিয়াদা হায়রি মদুদি চহী 45গী মতুংদা ভারতকী প্রধান মন্ত্রী অমা পোলেন্দদা লাকখ্রে। অফবা থবক কয়া অমা ঐগী মায়কৈদা লৈরি। থা খরগী মমাংদা ঐহাক ওস্ত্রিয়াদা চৎখি। চহী চাম্মাগী মতুংদা ভারতকী প্রধান মন্ত্রী অমা মফম অসিদা য়ৌখিবনি। ভারতকী প্রধান মন্ত্রী অমত্তা চহী কয়াগী মমাংদগী চৎখিদ্রিবা লৈবাক কয়া অমসু লৈরি। অদুবু হৌজিক্তি ফিভম অসি হোংলে। চহী কয়াদগী ভারতকী চৎনবীনা লৈবাক পুম্নমক্তগী মান্নবা অরাপ্পা থম্লি। ঙসিগী ভারতকী চৎনবীদি লৈবাক পুম্নমক্তা চপ মান্ননা নকশিন্নবনি। ঙসিগী ভারতনা মীপুম খুদিংগা শম্নবা পাম্মি, ঙসিগী ভারতনা মীপুম খুদিংমক্কী চাউখৎ-থৌরাংগী মতাংদা ৱা ঙাংলি, ঙসিগী ভারতনা মীপুম খুদিংমক্তা মতেং পাংলি, মীপুম খুদিংমক্কী য়াইফনবা খল্লি। ঙসি মালেম্না ভারতপু বিশ্ববন্ধু হায়না ইকায় খুম্নবা উৎলিবা অসিদা ঐখোয়না চাউথোকচবা ফাওই। অদোম্না মফমসিদা চপ মান্নবা এক্সপিরিএন্স অসি থেংনরি, ঐগী ইনফোর্মেসন অসি চুম্মি।
মরুপশিং,
ঐখোয়গীদমক্তদি মসি জিও-পোলিতিসকী ৱাফম নত্তে, অদুবু সংস্কার, ভেল্যুগী ৱাফম্নি। মফম অমত্তদা মফম ফংদ্রিবা মীওইশিংবু ভারতনা মখোয়গী থম্মোয় অমসুং মখোয়গী লম অনিমক্তা মফম পীরি। ভারত মচা খুদিংমক্না চাউথোকচবা পোক্লিবা অসি ঐখোয়গী হেরিতেজনি। পোলেন্দনা ভারতকী অনীংবা অপাম্বা অদু উবা ফংলে। ঐখোয়গী জাম সাহেববু পোলেন্দগী মীপুম খুদিংমক্না ঙসি ফাওবা দোবরে হায়না খঙনরি। ৱার্ল্দ ৱার-2গী মতমদা, পোলেন্দনা অৱাবা কয়া মায়োক্নরকপা মতমদা, পোলেন্দগী নুপী অমসুং অঙাং লিশিং কয়া অমা মফম কয়াদা চংশিল্লকপা মতমদা, জাম সাহব, দীগবিজয়য় সিংহ রঞ্জিত সিংহ জাদেজাজীনা মাংলোমদা চংশিনখি। মহাক্না পোলিস নুপী অমসুং অঙাংশিংগীদমক্তা অখন্নবা কেম্প অমা শঙ্গাখি। জাম সাহেবনা কেম্পকী পোলিস অঙাংশিংদা হায়রম্মি মদুদি, নৱানগরগী মীওইশিংনা ঐবু বাপু হায়না কৌবগুম্না, ঐহাকসু অদোমগী বাপুনি।
মরুপশিং,
ঐহাক্না জাম সাহেবকী ইমুং মনুংগা য়াম্না চান্নখি। ঐহাক্না মখোয়বু য়াম্না নুংশিজখি। থা খরগী মমাংদা ঐহাক জাম সাহেবকা উনবা চৎখি। পোলেন্দগা মরী লৈনবা ফোতো অমা ঙসি ফাওবা মহাক্কী কাদা লৈরি। অমসুং জাম সাহেবনা থম্বা লম্বী অদু পোলেন্দনা ঙসি ফাওবা হিংহন্দুনা থম্বা অসি উবদা ঐহাক নুংঙাইবা ফাওই। চহী তরাগী খুজিং অনিগী মমাংদা, গুজরাত্তা অৱাবা ওইরবা য়ুহা হাখিবা মতমদা, জামনগরসু শোকহল্লকখি। পোলেন্দদসু মীয়াম্না জাম সাহেব অমসুং মহাক্কী ইমুং-মনুংবু য়াম্না ইকায় খুম্নখি। ৱারসোদা লৈবা গুদ মহারাজা স্ক্বায়রদা নুংশিবা অসি ময়েক শেংনা উবা ফংই। মতম খরগী মমাংদা ঐহাক্না মহারাজা মেমোরিএল অমসুং কোলহাপুর মেমোরিএলদা অমুক হন্না চৎপগী খুদোংচাবা ফংখি। অসিগুম্বা নীংশিংনীংঙাই ওইরবা মতম অসিদা, ঐহাক্না অদোমদা পাউজেল অমা পীবা পাম্মি। ভারতনা জামসাহেব মেমোরিয়েল য়ুথ এক্সচেঞ্জ প্রোগ্রাম হৌদোক্লগনি। মসিগী মখাদা ভারতনা চহি খুদিংগী পোলিশ নহা 20 ভারত্তা লাক্নবা কৌগনি। মসিনা পোলেন্দগী নহাশিংদা ভারতকী মরমদা হেন্না খঙনবগী খুদোংচাবা পীগনি।
মরুপশিং,
কোলহাপুর মেমোরিয়েল অসিসু কোলহাপুরগী অচৌবা নিংথৌগী ইমুং অদুগীদমক পোলেন্দগী মীয়ামগী শ্রদ্ধাভাওনি। মহারাস্ত্রগী মীয়াম অমসুং মরাথী সংস্কৃতিগীদমক পোলেন্দগী প্রজাশিংনা ইকায় খুম্নবা উৎলি। মরাথী সংস্কৃতিদা মীওইবগী ধর্মগী চৎনবী অসি খ্বাইদগী হেন্না মরুওই। ছত্রপতি শিবাজী মহারাজগী ইথিলনা কোলহাপুরগী নিংথৌগী ইমুংনা পোলেন্দগী নুপী অমসুং অঙাংশিংবু বালিৱারেদা লৈহন্নবা হোৎনখি। মফম অদুদা য়াম্না চাউবা কেম্প অমা শেমখি। পোলেন্দগী নুপীশিং অমসুং অঙাংশিংদা খুদোংচাদবা অমত্তা লৈহন্দনবা, মহারাস্ত্রগী মীয়াম্না পুংজা খুদিংগী হোৎনখি।
মরুপশিং,
ঙসি ঐহাক্না মোন্তে কসিনো মেমোরিয়েলদা শ্রদ্ধাঞ্জলি পীনবগী খুদোংচাবা ফংজখি। মেমোরিয়েল অসিনা ভারতকী লান্মী লিশিং কয়াগী থৱায় কৎথোকপগী থৌরমশিংবুসু নীংশিংহল্লি। মালেমগী মফম খুদিংমক্তা ভারত মচাশিংনা মখোয়গী মথৌশিং অসি মতৌ করম্না পাংথোক্লম্বগে হায়বগী খুদম্নি ।
মরুপশিং,
21শুবা চহীচাগী ঙসিগী ভারত অসি মাগী অরিবা মগুনশিং, মাগী হেরিতেজদা চাউথোকচরি। ঙসি মালেম অসিনা ভারতকী মগুনশিং অদুগীদমক খঙলে, মদু ভারতকী মীওইশিংনা মালেম পুম্বগী মমাংদা উৎখ্রে। ঐখোয় ভারত মচাশিং অসি ঐখোয়গী হোৎনবা, অফবা থবক অমসুং ইম্পেথীগীদমক খঙনরি। ঐখোয়না মালেমদা করিগুম্বা মফমদা চৎলবসু, ভারতকী মীয়াম্না মপুং ফানা হোৎনবগী থৌওং অদু উবা ফংই। এন্ত্রিপ্রেন্যুওরশিপ ওইরো, কেয়র গিভর ওইরো নত্রগা ঐখোয়গী সর্ভিস সেক্তর ওইরো। ভারত মচাশিংনা মখোয়গী হোৎনজবশিং অদুনা মখোয়গী অমসুং মখোয়গী লৈবাক অসিগী মমিং মিংথোন হেনগৎহল্লি। মসি ঐহাক্না অদোমগী মফমদা হায়জরি। নহাক্না খল্লকপা য়াই মদুদি ঐনা অহুমশুবা লৈবাক অমগী মতাংদা ঙাংলি। মালেম শীনবা থুংনা ভারত মচাশিং অসি মগুন লৈবগীদমক খঙনরি। আই.তি. সেক্তর ওইগেরা নত্রগা ভারতকী দোক্তরশিং ওইগেরা, পুম্নমক্না মখোয়গী মগুনশিং অদুদা থাগৎলি। অমসুং কতোবা অচৌবা গ্রুপ অমা ঐগী মমাংদা লৈরি।
মরুপশিং,
ঐখোয় ভারত মচাশিংগী মশক থোকপা মশক অমা হায়রগদি ইম্পেথী অসিনি। মালেমগী লৈবাক অমদা খুদোংচাদবা লাকপা মতমদা, ভারতনা খ্বাইদগী অহানবা লৈবাক ওইদুনা মতেং পাংলি। কোবিদ লাকপদা, চহি 100গী খ্বাইদগী চাউবা অৱাবা লাকপদা, ভারতনা হায়খি- হ্যুমেনিতী ফোরম। ঐখোয়না মালেমগী লৈবাক 150 হেনবদা হিদাক-লাংথকশিং অমসুং ভেক্সিনশিং থাগৎলি। মালেমদা করিগুম্বা মফম অমদা ইকায় খুম্নরবা মতমদা, মহৌশাগী অৱাবা অমা লাকপা মতমদা, ভারতকী মন্ত্র অসি অমখক্তনি - হ্যুমেনিতী ফার্ষ্ত। করিগুম্বা লান থোক্লবদি, ভারতনা হায়রি মদুদি মীওইবা জাতিবু খ্বাইদগী মরুওইনা লৌই। অমসুং ভারতনা মালেম পুম্বগী নাগরিকশিংদা মতেং পাংলি। ভারতনা মতম পুম্নমক্তা অহানবা রেস্পোন্সর ওইনা মায়োক্নৈ।
মরুপশিং,
ভারত অসি বুদ্ধগী হেরিতেজ লৈরবা লমদম অমনি। অমসুং বুদ্ধগী ৱাফম লাকপদা মহাক্না লান নত্তনা শান্তিদা থাজবা থম্লি। মরম অদুনা, ভারত অসি লমদম অসিদা লেংদনা লৈগদবা শান্তিগী অচৌবা পোরোকর অমনি। ভারতকী ৱাখল্লোন অসি ময়েক শেংলে। মসি লানগী মতম নত্তে। মীওইবা খুন্নাইগী খ্বাইদগী চাউবা খুদোংচাদবশিং অসি থেংননবা পুন্না হোৎনমিন্নবগী মতম ওইরে। মরম অসিনা ভারতনা দিপ্লোমসী অমসুং দাইলোগতা মরুওইবা পীরি।
মরুপশিং,
অদোম্না য়ুক্রেনদা পন্দুনা লৈরিবা ঐখোয়গী অঙাংশিংবু মতেং পাংলিবা অদু ঐখোয় পুম্নমক্না উরে। অদোম্না মহাকপু য়াম্না সেবা তৌখি। অদোম্না লঙ্গর থাখি, অদোম্না অদোমগী য়ুমগী থোঙ হাংদোকখি, অদোমগী রেস্তোরেন্ত হাংদোকখি। পোলেন্দ সরকারনা ঐখোয়গী মহৈরোয়শিংগী ভিজাগুম্বা অথিংবা কয়া লৌথোকখি। পোলেন্দনা ঐখোয়গী অঙাংশিংগীদমক্তা মখোয়গী থোঙ হাংদোকখি। ঙসিসু, ঐহাক্না য়ুক্রেনদগী হল্লকখিবা অঙাংশিংগা উনবদা মখোয়না পোলেন্দগী মীয়ামগী অমসুং অদোমগী মফমদা থাগৎপা ফোংদোকই। মরম অদুনা ঙসি ঐহাক্না মফম অসিদা লৈরিবা ভারত মচা কোতি 140গী মায়কৈদগী, অদোম পুম্নমকপু, পোলেন্দগী মীয়াম্বু নুংঙাইবা ফোংদোকচরি।
মরুপশিং,
ভারত অমসুং পোলেন্দগী খুন্নাইদা মান্নবা কয়া লৈ। ঐখোয়গী দেমোক্রেসীদসু অচৌবা মান্নবা অমা লৈরি। ভারত অসি দেমোক্রেসীগী মমানা ওইবতা নত্তনা, শরুক য়াবা অমসুং হিংবা দেমোক্রেসী অমসুনি। ভারতকী মীয়াম্না দেমোক্রেসীদা অচেৎপা থাজবা থম্লি। অসিগুম্বা থাজবা অসি ঐখোয়না হৌখিবা মীখলদা উবা ফংখি। মসি পুৱারীগী খ্বাইদগী চাউবা মীখলশিংনি। হৌজিক য়ুরোপিয়ন য়ুনিয়নগী মীখলসু পাঙথোকখ্রে। মসিদা চাউরাক্না ভোল্তর মিলিয়ন 180না ভোৎ থাদখি। ভারত্তা মসিদগী শরুক অহুম হেন্না, চাউরাক্না ভোল্তর মিলিয়ন 640না ভোৎ থাদখি। ভারত্তা পাঙথোকখিবা মীখলশিং অসিদা পোলিতিকেল পার্তী লিশিং কয়া শরুক য়াখি। কেন্দিদেৎ লিশিং 8 রোম্না মীখলদা শরুক য়াখি। মীশিং মিল্লিয়ন মঙাদগী হেনবা ভোতিং মেছিন, মীশিং মিল্লিয়ন অমা হেনবা পোল্লিং স্তেসন, মীশিং মিল্লিয়ন 15দগী হেনবা ইমপ্লোয়ী, স্কেল অসিগী মেনেজমেন্ত, অসিগুম্বা ইফিসিএন্সী, অমসুং মীখলদা অসিগুম্বা থাক্কী থাজবা অসি ভারতকী য়াম্না চাউবা শক্তি অমনি। মালেমগী মীওইশিংনা হায়রিবা মশিংশিং অসি তাবদা মখোয়দা খোইদাজবা ফাওই।
মরুপশিং,
ঐখোয় ভারত মচাশিংনা, দাইবর্সিতীবু হিংবা খঙই, সেলেব্রেৎ তৌবসু খঙই। অমসুং মরম অসিনা, খুন্নাই খুদিংমক্তা ঐখোয় য়াম্না লায়না পুনশিন্নৈ। পোলেন্দদা ভারতকী মরমদা খঙবা, খঙবা অমসুং পাবা অসি অরিবা চৎনবী অমনি। মসি মফম অসিগী য়ুনিভর্সিতীশিংদা উবা ফংই। অদোমগী মরক্তগী অয়াম্বনা ৱারসো য়ুনিভর্সিতীগী মেন লাইব্রেরীদা চৎলমগনি। মদুদা, ভগবদ্ গীতাগী, উপনিষদশিংগী আদর্শ স্লোগান ঐখোয় পুম্নমকপু তরাম্না ওকচরি। তামিল, সংস্কৃত, অসিনচিংবা ভারতকী লোন কয়াদা লাইরিক তম্বা মীওই কয়া অমা লৈরি। মফম অসিগী খ্বাইদগী ফবা য়ুনিভর্সিতীশিংদা ইন্দিয়া স্তদিজকা মরী লৈনবা চেয়রশিং লৈ। পোলেন্দ অমসুং ভারতকী মরক্তা কবাদিগী মরীসু লৈনৈ। ভারতকী খুঙ্গং খুঙ্গংশিংদা কাবাদি শান্নবসি অদোম্না খঙবীরমগদ্রা? ভারততগী শান্নবা অসি পোলেন্দদা য়ৌখ্রে। পোলেন্দগী মীয়াম্না কাবাদীবু অনৌবা থাক্তা পুখৎলে। পোলেন্দনা চহী অনী চুপ্না য়ুরোপিয়ন কাবাদি চেম্পিয়ন ওইরি। ওগস্ত 24দগী অমুক্কা হন্না কাবাডিগী চেম্পিয়নশিপ অমা পাংথোক্কনি হায়না ঐহাক্না খঙহনখ্রে অমসুং মসিনা পোলেন্দদা অহানবা ওইনা পাংথোক্কনি। ঐহাক্না ঙসি অদোমগী খুত্থাংদা পোলেন্দগী কাবাডি তীমদা য়াইফ-পাউজেল পীজরি।
মরুপশিং,
নুমিৎ খরনিগী মমাংদা অদোম্না মফম অসিদা নীংতম্বগী থৌরম পাংথোকখ্রে। নীংতম ইহৌগী মতমদা ঐখোয়গী নীংতম লান্মীশিংনা চাউখৎপা ভারতকী মঙলান উখি। ঙসি ভারত মচা খুদিংমক্না মসিগী মঙলান অসি মংফাওনহন্নবা কন্না হোৎনরি। ভারতনা 2047 ফাওবদা মশামকপু ভারত, বিকাস তৌরবা ভারত অমা ওইহন্নবগী ৱারেপ লৌদুনা ঐখোয়গী লৈবাক অসি মাংলোমদা চংশিল্লি। মরম অদুনা, ঙসিগী ভারত অসি মমাংদা অমুক্তা ওইখিদ্রিবা স্কেল, স্পীদ অমসুং সোলুসনশিংদা থবক তৌরি। ঙসি ভারত্তা চাউখৎ-থৌরাংগী খোঙজেল য়াংনা অহোংবা লাক্লি হায়বা খঙবদা অদোমসু চাউথোকচবা পোক্কনি। অদোম্না কদাইদা চৎকনি? ভারত্তা হৌখিবা চহি 10দা মীওই মিলিয়ন 250না লায়রবা ওইরম্বদগী কোকহল্লে। অমসুং মিলিয়ন 250 হায়বদি হায়রিবা মশিং অসি ফ্রান্স, জর্মনী অমসুং য়ু.কে.গী অপুনবা মীশিংদগী হেনবা ওইগনি। চহী 10দা লায়রবশিংগীদমক য়ুম মিলিয়ন 40 শেম্লে, অমসুং ঐখোয়না অহেনবা য়ুম মিলিয়ন 30 শেমগদৌরি। অমসুং ঙসি পোলেন্দদা য়ুম মিলিয়ন 14 লৈরবদি, ঐখোয়না চহী তরাগী মনুংদা অনৌবা পোলেন্দ অহুম হেন্না শেমগৎলে। ফাইনান্সিএল ইনক্লুজনবু ঐখোয়না মথংগী থাক্তা পুখৎলে। চহি 10 অসিদা ভারত্তা জনধন বেঙ্ক একাউন্ত মিলিয়ন 500 হাংদোকখ্রে। হায়রিবা মশিং অসি য়ুরোপিয়ন য়ুনিয়নগী অপুনবা মীশিংদগী হেন্না ওইরি। য়ুরোপিয়ন য়ুনিয়নগী মীশিংগা মান্ননা, ভারত্তা নোংমদা য়ু.পি.আই.দগী দিজিতেল ত্রাঞ্জেক্সন থোকই। য়ুরোপিয়ন য়ুনিয়নগী অপুনবা মীশিংদগী হেনবা ভারত মচাশিংদা সরকারনা লুপা লাখ 5গী ফ্রী হেল্থ ইন্সুরেন্স পীরি। হৌখিবা চহীদা ভারত্তা ব্রোদবেন্দ শিজিন্নরিবশিংগী মশিং অসি মিলিয়ন 60দগী মিলিয়ন 940দা হেনগৎখ্রে। হায়বদি, য়ুরোপ অমসুং য়ু.এস.এ.গী মীশিং পুশিল্লবদি, ঙসি ভারত্তা ব্রোদবেন্দ শীজিন্নরিবা মীশিং অদুগা চপ মান্নরে। হৌখিবা চহী তরা অসিদা, ওপ্তিকল ফাইবর কিলোমীতর লাখ 7 রোম শারকখ্রে। মসি ঐখোয়গী পৃথীবিগী অকোয়বদা চত্থোক-চৎশিন তৌবদা চহী তরেৎ হন্না চংশিনবগা চপ মান্নৈ। চহি অনিগী মনুংদা ভারতনা লৈবাক অসিগী জিলা খুদিংমক্তা 5G নেটৱার্ক ফংহনখ্রে। হৌজিক ঐখোয়না মেদ ইন ইন্দিয়া 6G নেটৱার্কতা থবক তৌরি।
মরুপশিং,
ভারতকী ত্রান্সফোর্মেসনগী স্কেল অসি পব্লিক ত্রান্সপোর্ততা উবা ফংই। 2014দা ভারতকী সহর মঙাদা ওপরেস্নেল মেত্রো লৈরম্মি। ঙসি শহর 20দা ওপরেস্নেল মেত্রো লৈরে। পোলেন্দগী মীশিং শরুক অহুম থোকপগী অমা ওইবা মীওইশিংনা ঙসিদি নোংমদা মেত্রো ত্রেনদা চৎলি।
মরুপশিং,
ভারতনা করিগুম্বা অমা পাংথোক্লবদি মদু অনৌবা রেকোর্দ অমা ওইরকই, পুৱারী অমা শেম্মী। ভারতনা সেতেলাইত 100 হেন্না অমুক্তা থাগৎপা উরে। মসিসু মশাগী রেকোর্দ অমনি। ঙসিদগী নুমিৎ অনিগী মতুংদা ওগস্ত 23 অসি নেস্নেল স্পেস দেনি। অদোম্না খঙলব্রা, নীংশিংলব্রা? নুমিৎ অসিমক্তদা ভারতনা চন্দ্রগী সাউথ পোলদা চন্দ্রয়ান থাখি। লৈবাক অমত্তনা য়ৌবা ঙমদবা মফমদা ভারতনা য়ৌরে। মফম অদুগী মমিংদি শিৱশক্তি কৌই। মফম অদুগী মমিংদি শিৱশক্তি কৌই। ভারত অসি মালেমগী খ্বাইদগী চাউবা অহুমশুবা স্তার্ত-অপ ইকোসিস্তেমনি।
মরুপশিং,
মালেমগী মীশিং অসিদা ভারতকী শরুক অসি চাউরাক্না 16-17% ওইরি, অদুবু মীশিং হেনগৎলকপগী মতুং ইন্না মালেমগী ওইনা ভারতকী শরুক অসি মমাংদা লৈরমদে। হৌজিক্তি ফিভম অসি য়াম্না থুনা হোংলক্লি। 2023দা গ্লোবেল গ্রোথতা ভারতকী শরুক অসি চাদা 16 হেনগনি। ঙসিদি মালেমগী এজেন্সী খুদিংমক্না, ইন্সতিত্যুসন খুদিংমক্না, ভারতকী অফবা তুংলমচৎকী মতাংদা ভাবনা শাগৎলি, অমসুং মসি জ্যোতির্বিজ্ঞান নত্তে, মসি অঙ্কগী মতুং ইন্না, লমদমসিগী অশেংবা ফীভমগী মতুং ইন্না খন্ন-নৈনৈ। হৌজিক ভারত অসি মালেমগী অহুমশুবা ইকোনোমি ওইবদগী য়াম্না লাপ্না লৈতে। ঐহাক্না লৈবাক অসিগী মীয়ামদা থাজবা পীখি মদুদি ঐহাক্কী অহুমশুবা তর্মদা ভারত অসি অহুমশুবা মকোক থোংবা ইকোনোমী অমা ওইদুনা লৈহৌরগনি। লাক্কদৌরিবা চহিশিংদা মালেম অসিনা ভারতকী শেনমিৎলোনগী চাউখৎপা উবা ফংলগনি। দিজিতেল ইনফ্রাস্ত্রকচরনা মরম ওইদুনা ভারত অসি দিকেদ অসিগী লোইশিল্লকপদা দোল্লর ত্রিলিয়ন 8গী ইকোনোমী অমা ওইগনি হায়না নাসকমনা পানরি। ন্যাসকোম অমসুং বোস্তন কন্সল্তিং গ্রুপকী মতুং ইন্না লাক্কদৌরিবা চহি 3-4 ফাওবদা ভারতকী এ.আই. মসিনা তাক্লিবদি, ভারতকা মরী লৈননা মমাংদা অমুক্তা ওইখিদ্রিবা মওংদা পোজিতিবিতী অমা চারিঙৈদা উবা ফংলি। ঙসি ভারত সেমি-কন্দক্তর মিসন, দিপ ওসিন মিসন, নেস্নেল গ্রীন হাইদ্রোজেন মিসন, নেস্নেল ক্বান্তম মিসন অমসুং এ.আই. ভারতনা লাক্কদৌরিবা চহি খরদা মশাগী স্পেস স্তেসন লিংখৎনবা শেম-শাদুনা লৈরি। অমসুং ভারতকী এস্ত্রোনোৎশিং মেদ ইন ইন্দিয়া গগনযানগী খুত্থাংদা স্পেসতা চৎপা উবা নুমিৎ অদু অরাপ্পা নত্তে।
মরুপশিং,
ঙসি ভারতনা মগুন লৈবা মেনুফেকচরিং অমসুং মগুন লৈবা মেনপাৱরদা মীৎয়েং থম্লি। গ্লোবেল সপ্লাই চেনগীদমক্তা অসিগুম্বা পোৎলম অনি অসি য়াম্না মথৌ তাই। হৌখিবা মতমগী বজেৎ অসিদা ঐখোয়না ঐখোয়গী নহারোলশিংগী স্কিলিং অমসুং থবক ফংহন্নবা হোৎনবদা অখন্ননা মীৎয়েং থম্লি। ঐখোয়গী নহারোল কয়ানা অয়াম্বা মশীংদা মসিদা তম্বা লাক্লি। ঐখোয়না ভারতপু এজুকেসন, রিসর্স অমসুং ইন্নোবেসনগী অচৌবা সেন্তর অমা ওইহন্নবা হোৎনরি।
মরুপশিং,
তেক্নোলোজী ওইগেরা, মেদিকেল কেয়র ওইগেরা, এজুকেসন ওইগেরা, সেক্তর খুদিংমক্তা মালেমগীদমক স্কিল্দ মেনপাৱর অমা শেমগৎনবা ভারতনা থবক পায়খৎলি। ঐহাক্না অদোমদা হেল্থ সেক্তরগী খুদম অমা পীজগে। হৌখিবা চহি 10দা ঐখোয়না ভারত্তা অনৌবা মেদিকেল কোলেজ 300 হেন্না শেম্লে। হৌখিবা চহি 10 অসিদা ভারত্তা মেদিকেল সিৎশিং অসি শরুক অনি হেনগৎখ্রে। চহী 10 অসিদা ঐখোয়না ঐখোয়গী মেদিকেল সিস্তেমদা অনৌবা সিৎ লিশিং 75 হাপচিনখ্রে। হৌজিক লাক্কদৌরিবা চহী মঙা অসিদা ঐখোয়না মেদিকেলগী অনৌবা সীৎ লিশিং 75 হাপচিনবগী পান্দম থম্লি। মসিনা ক্বালিতী হেল্থ সর্বিস প্রোভাইদর অমা ওইনা ভারতকী থৌদাং হেন্না মপাঙ্গল কনখৎহল্লগনি। অমসুং ঐখোয়গী মালেমদা পাউজেল অসি অমখক্তনি, মদুদি ঐখোয়না ভারততা হিল হায়না হায়রগনি। হৌজিক ঐখোয়না শেম-শারি।
মরুপশিং,
ইনোবেসন অমসুং য়ুথনা ভারত অমসুং পোলেন্দ অনিমক লৈবাক অনিগী চাউখৎ থৌরাংদা ইনর্জী পীরগনি। ঙসি ঐহাক অচৌবা নুংঙাইবা পাউ অমগা লোয়ননা অদোমগী মরক্তা লাক্লি। ভারত অমসুং পোলেন্দ, লৈবাক অনিমক্না খুন্নাইগী সেক্যুরিতীগী মতাংদা য়ানচে অমা তৌখ্রে। মসিগী কান্নবা অসি অদোমগুম্বা মরূপ পুম্নমক্তা ফংলগনি।
মরুপশিং,
ভারতকী লৌশিং অসি মালেমগীনি, ভারতকী মিৎয়েং অসি মালেমগীনি, ভারতকী চৎনবী অসি মালেমগীনি, পুক্নিং চংবা অমসুং নুংশিবা অসি মালেমগীনি। ঐখোয়গী মমা-মপাশিংনা ঐখোয়দা বসুধৈব কুটুম্বকমগী মন্ত্র পীখি। ঐখোয়না মালেম পুম্ববু ইমুং অমনি হায়না লৌই। অমসুং মসি ঙসিগী ভারতকী পোলিসী অমসুং ৱারেপশিংদা উবা ফংলি। জি-20গী মতমদা, ভারতনা হায়খি মদুদি - মালেম অমা, ইমুং অমা অমসুং তুংলমচৎ অমা হায়বসি 21শুবা চহীচাগী মালেমগী অফবা তুংলমচৎকী গেরেন্তীনি। ভারতনা মালেম অসি নুমিৎ অমা, মালেম অমা, গ্রিদ অমা হায়বা ৱাখল্লোনগা লোয়ননা শম্নবা পাম্মি। ভারত অসিমক - মালেম অমা, হকশেল অমা হায়বসি হকচাং ফনা লৈবা মালেম অমগী গেরেন্তীনি হায়না লৌনরি। ঐখোয়গী শা-ইচেকশিং, পাম্বী-শিংসু ওইরবসু, মীপুম খুদিংমক্কী হকশেলদা মীৎয়েং থমদুনা, হকশেল অমখক্তদা ঐখোয়না মীৎয়েং থমগদবনি। ঙসি ঐখোয়না য়েংলিবা অসিগুম্বা ফিভম অসিদা, ৱান হেল্থকী ৱাখল্লোন অসি হেন্না তঙাইফদবা ওইরক্লি। ভারতনা মিসন লাইফ, হায়বদি লাইফ স্তাইল ফোর এনভাইরনমেন্তকী মোদেল অমা মালেম পুম্বদা পীরি। ভারত্তা চত্থরিবা অচৌবা খোঙজং অমগী মতাংদা অদোম্না খংজিনখিবা ওইগনি। মসিগী খোঙজং অসি... অমগা অমগা মমিং থোন্দুনা চৎলি। ঙসি ভারতকী মীওই কোতি কয়া অমনা মখোয়গী পোক্নফম ওইরিবা মমাগী মমিংদা পাম্বীশিং থারি অমসুং মসিনা পৃথিবী মমাবুসু ঙাকথোক্লি।
মরুপশিং,
শেন্মিৎলোন অমসুং ইকোলোজীগী মরক্তা তংদু লৈতাবা অসি ঙসি ভারতকী মরুওইবা অমনি। চাউখৎলবা লৈবাক অমা অমসুং নেৎ জিরো নেসন অমা ওইনবা হোৎনরিবা অসি ভারতনি। ভারতনা গ্রীন ফ্যুচরগীদমক দিগ্রী 360গী এপ্রোচতা থবক তৌরি। গ্রীন মোবিলিতী অসি মসিগী অচৌবা খুদম অমনি। ঐখোয়না পেট্রোলদা 20% ইথেনোল ব্লেন্দিং তৌবগী য়াম্না মনাক নক্না য়ৌখ্রে। ভারতনা ঙসি ইলেক্ত্রিক মোবিলিতী অসি য়াম্না থুনা পাকথোক চাউথোকহল্লি। ঙসি ভারত্তা ইলেক্ত্রিক ভেহিকলগী সেল অসি চহি খুদিংগী য়াম্না থুনা হেনগৎলক্লি। হৌখিবা চহিদা, ই.ভি.শিং য়োনবা অসি চাদা 40 হেনগৎখি। ভারতনা ইভি মেনুফেকচরিং অমসুং ইনোভেসনগী গ্লোবেল সেন্তর অমা ওইরকপা মতম অসি অরাপ্পা নত্তে। লাক্কদৌরিবা মতমশিংদা ভারত অসি গ্রীন হাইদ্রোজেনগী মালেমগী অচৌবা মফম অমা ওইনা অদোম্না উবা ফংলগনি।
মরুপশিং,
অনৌবা তেক্নোলোজী অমসুং ক্লিন ইনর্জীগুম্বা লমশিংদা ভারত অমসুং পোলেন্দগী মরক্তা পার্তনরশিপ লেপ্তনা হেনগৎলক্লিবা অসিদা ঐহাক নুংঙাইবা ফাওই। ভারতকী কম্পেনী কয়ানা মফম অসিদা ইনভেস্ত তৌখ্রে, থবক ফংহনখ্রে। পোলেন্দগী কম্পেনী কয়ানা ভারত্তা খুদোংচাবা কয়া ফংলি। ঙরাং ঐহাক্না রাস্ত্রপতি দুদাজী অমসুং প্রধান মন্ত্রী তুস্কজীগা উনগদৌরি। মীফমশিং অসিনা ভারত-পোলেন্দগী অফবা মরী অসি হেন্না মপাঙ্গল কনখৎহল্লগনি। প্রধান মন্ত্রী তুস্কো অসি ভারতকী অফবা মরুপ অমনি। মহাক্না য়ুরোপিয়ন কাউন্সিলগী প্রসিদেন্ত ওইরিঙৈদা ঐহাক্না মহাক্কা কয়ারক থেংনখি।
মরুপশিং,
ঙসিগী ভারত অসি, স্বর অমা, ইচিল-ইনাও অমগা লোয়ননা চাউখৎলবা তুংলমচৎ অমা শেমগৎনবা হোৎনরি। ঙসি ভারত অসি খুদোংচাবশিংগী লমনি। ভারতকী গ্রোথ স্তোরিগা অদোম্না হেন্না মরী লৈনহনগদবনি। অমসুং নহাক্না ভারতকী তুরিজমগী ব্রান্দ এম্বেসেদরসু ওইগদৌরি। অদোম্না করি তৌগনি? সোসিএল মীদিয়াদা মশাগী ফোতো থাগৎলগনি, তাজমহলগী মমাংদা ফমগনি। ব্রান্দ এম্বেসেদরগী ৱাহন্থোক্তি চহি খুদিংগী য়ামদ্রবদা পোলিস ফেমিলী মঙা ভারত্তা লাক্নবা অদোম্না থাগৎপা ফংগনি। তৌগদ্রা? অদোম্না হোমৱর্ক অসি ঐঙোন্দা পীগদৌরিবরা? অদোমগী হোৎনবা খুদিংমক্না ভারতপু চাউখৎপা ভারত অমা ওইহনবদা মতেং পাংগনি।
মরুপশিং,
অমুক্কা হন্না, মফম অসিদা লাকপীবগীদমক, মসিগী ফজরবা তরাম্না ওকপগীদমক, ঐহাক্না অদোম পুম্নমকপু থাগৎপা ফোংদোকচরি। ঐগা অমুক্তা লাওমিন্নসি-
ভারত ইমানা য়াইফরে!
ভারত ইমানা য়াইফরে!
ভারত ইমানা য়াইফরে!
অদোমবু অমুক্কা হন্না থাগৎচরি।
