ইকায়খুম্নরবা শ্রী শ্রী রবি সঙ্কর জি, মফম অসিদা তিল্লিবা সাধুশিং, ইনাওশিং অমসুং ইচলশিং, খুরুমজরি।
ঙসিগী অয়ুক অসিদা তোপ-তোপ্পা নুংঙাইবা অমা থেংনরে। অঙাংশিংনা বেদগী মন্ত্রশিং শক্তুনা তরাম্না ওকখি, ভাগবন গনেসগী দর্শন ফংলে, চহি ৭০ শুরবা শ্রী শ্রী রবি সঙ্কর অমসুং চহি ৪৫ শুরবা আর্ত ওফ লিভিং- মখোয় ময়াম অসি ঐগী ৱাখলদা মতম পুম্নমক্ত নিংশিংদুনা লৈহৌরগনি। অঙকপা থৌরম অসিগী চেপাউ পীরকপগীদমক ময়াম পুম্নমক ঐনা তৌবীমল খঙবা উৎচরি।
গুরুদেবনা ঐঙোন্দা ৱাফম কয়া তাকপীরে। মহাক ঐ থাগৎলমগনি হায়না অদোম্না খল্লমগনি, অদুবু মহাক্না ঐঙোন্দা করিগুম্বা খর হায়খি। অদোম্না হায়বা চুম্মী, ঐনা অদোম থাগৎপা ঙমদ্রে। ঐ অদোমগীনি, অদোমগীদমক ঐ মফম অসিদা লাকপনি অমসুং অদোম্না মরম ওইদুনা ঐ মফম অসিদা লাকপনি। ঙসি গুরুদেবগী ৭০শুবা মপোক নুমিৎনি, অদুবু ঐনা হায়নিংবদি অদোমগী চহি ১০০শুবা থৌরমদা ঐ মফম অসিদা অমুক হন্না লাক্কনি।
ঙসি ফজরবা ধ্যান লাইশঙ শঙ্গারে। পান্দম নাখৈ শেংলবা অমসুং মীয়ামগী থবক তৌনবা ৱাখল অমগা লোয়ননা থবক পাংথোকপা মতমদা, থবক খুদিংমক্কী অফবা ফলশিং ফংগনি। থোক্নিংবা থৌদোক থোকচসনু, ঐখোয় পুম্নমক থম্বালগী মখাদা লৈরি। অদোম মসি খঙলে, খুবাক খুরি। গুরুদেবগী থৌজালগা লোয়ননা, থম্বালনা ঙাক-শেনবা অসিনা লৈবাক অসি অনৌবা থাকশিংদা পুখৎকনি। ধ্যান লাইশঙ অসিগীদমক আর্ত ওফ লিভিংদা ঐগী য়াইফ পাউজেল পীজরি।
মরুপশিং,
বেঙ্গালুরুগী হৌজিক ওইরিবা ফিবম, মসিগী মহৌশাগী অকোয়বগী ফিবম তোঙাল্লি। সোফৱায়ার অমসুং থবকশিংগীদমক সহর অসি মালেম শীনবা থুংনা মমিং চৎলি। সহর অসিনা ভারতকী নাৎকী শক্তম, অধ্যাতিক অমসুং অধ্যাতিক্কী ৱাখল তাবা অনৌবা থাকশিংদা পুখৎলে। য়োগ, ধ্যান তৌবা অমসুং প্রানায়ম ভারতকী চৎনবীগী থাদোক্নবা য়াদ্রবা শরুক অমনি। গুরুজিনা হায়খিবগুম্না, ঙসি মালেম শীনবা থুংনা ভারতকী অধ্যাতিক্কী চৎনবীশিংনা ইথিল পীরে অমসুং অরিবা চৎনবীশিং অসিনা ভারতকী মহৈলোয়শঙ কয়াদা ইথিল পীরে।
মরুপশিং,
ইথিল অসিগা লোয়ননা, চহি ৪৫ গী মমাঙদা শ্রী শ্রী রিব সঙ্করনা আর্ত ওফ লিভিংগী মরু হুনখি। ঙসিদি, মসি অচৌবা খোঙনাং পাম্বী অমগুম ঐখোয়গী মাঙদা লেপ্লি। খোঙনাং পাম্বী অসিগী মশা লিশিং কয়ানা মালেম শীনবা থুংবগী মশিং থিঙমদ্রবা মীওই কয়াগী পুন্সিগা শম্নরে। সরকারগী খোঙচৎকীদমক ঐনা মপান লৈবাক্ত চৎপা খুদিংগী, ঐনা মতম পুম্নমক্ত অদোমগা মরী লৈনবা কনাগুম্বা অমা হেক্ত থেংনৈ।
মরুপশিং,
ঐখোয়গী ভারত খেন্নবা কয়ানা পীক থনবা লৈবাক অমনি। লোল কয়া, চৎনবী কয়া, নাৎ কয়া অমসুং লাইনিং কয়া লৈরি, মসি উরুবদা, ৱাহং অমদা মশা মথন্থ হংজরকখি। ফজরবা খেন্নবা অসি শম্নহল্লিবা মরুওইবা মচাক অদু করিনো? পাউখুমদি: মশা মথন্থগী হিংবা নত্তবা, অদুবু অতোপ্পশিংগী হিংবনি। মসি ঐখোয়গী লৈবাক্ত হায়নরি, "অষ্টাদশা পুরানাশু ব্যাস্য বচনাদ্বয়ম। পুণ্যয় পাপ্য পরপীদানম”। মসিনা হায়রিবদি অতোপ্পশিংগী থবক তৌবা অসি অফবা থবক অমনি অমসুং চৈনা পোকহনবনা পাপ অমনি।
মীয়ামগী থবক তৌবনা অথোইবা লাইনিংনি; মসি ঐখোয়গী খুন্নাইগী মহৌশাদগী লৈরক্লবা চৎনবীনি। মীরোল কয়া মথং মথং, মসিনা গুন কয়া শেমগৎলি, ইথিল পীরি অমসুং ঐখোয়গী থৌনা হাপ্লি। ভারত্ত লৈখিবা অধ্যাতিক্কী খোঙজং কয়া মীওইবা খুন্নাইগী থবক তৌদুনা মখোয় মশামক ফোঙদোকচখি। আর্ত ওফ লিভিংগী থবক খুদিংমক্ত মীয়ামগী থবক তৌবগী মমি তাবা অসিদা ঐ অপেনবা ফাওই। হৌজিক উৎখিবা ভিদিও অদুদা, “সেবানা অথোইবা ধর্মনি”, মীয়ামগী য়াইফনবা থবক তৌবা অসিনা মরুওইবা পান্দমনি। আর্ত ওফ লিভিংগী খোঙচত্ত শরুক য়ারিবা মীওই খুদিংমক ঐনা তৌবীমল খঙবা উৎচরি।
মরুপশিং,
খুন্নাইগী শক্তিনা শরুক য়ারবা মতমদা খোঙজং অমা হেক্ত মাইপাকপা ঙম্মী। মরম অদুনা, অসিগুম্বা মরুওইবা মিসন খুদিংমক্ত খুন্নাইগী শক্তি মিকপ থোকহনবা তঙাইফদে। রাজনিতি অমসুং সরকারশিংদগী খুন্নাইনা হেন্না মপাঙ্গল কল্লি হায়না ঐনা মতম পুম্নমক্ত থাজৈ। লৈবাক শেমগৎপদা খুন্নাইনা মরুওইবা থৌদাং অমা লৌরবা মতমদা সরকার অমা মাইপাকপা ঙমগনি। ঐখোয়গী শ্বাচ্ছ ভারত অভিয়ানগুম্না। মসি সরকারগী থৌরম অমা খক নত্তনা, মীয়ামগী পুন্সিগী শরুক অমা ওইরে। হৌজিক মসি খুন্নাইগী শক্তিগা লোয়ননা মাঙলোমদা চঙশিল্লি।
মরুপশিং,
খুন্নাইনা মপাঙ্গল কনবা মতমদা, লৈবাক অমগী খ্বাইদগী অৱাবশিং ফাওবা পুন্না থেংনবা ঙমগনি। আর্ত ওফ লিভিংনা মতম পুম্নমক্ত খুন্নাইগী মপাঙ্গল অসি শীজিন্নবা উবদা অপেনবা ফাওই। অদোম্না চাউখৎ-থৌরাংগী থবকশিংদা খুন্নাইগা লোয়ননা চৎমিন্নবদা মরুওইনা লৌরি। মসি উ থাবগী খোঙজংশিং, স্মার্দ ভিলেজ সেন্তরশিং, নুপীশিং অমসুং ত্রাইবেলশিংগী ফিবম ফগৎনবা থৌরমশিং নত্ত্রগা ফাদোক তারবা মীওইশিংগী পুক্নিং-ৱাখলগী হকশেল ফগৎনবা খোঙজংশিং ওইবা য়াই, হায়রিবা থবকশিং অসিনা লৈবাক অমসুং খুন্নাই চাউখৎনবগী খোঙচত্ত শিংথাবা য়ানা মতেং পাংলি।
মরুপশিং,
মফম অসিদা তিল্লিবা মীয়ামদা ঐনা করিগুম্বা খরা পাংথোক্নবা হায়নিংই: নহারোলশিংগী শক্তিদা পুক্নিং চঙবীয়ু। ঙসিগী মালেম য়াম্না য়াংবা খোঙজেল অমদা হোংলক্লি। নুমিৎ খুদিংগী, সাইন্সনা অনৌবা খুদোংচাবশিংগী থোঙ হাংদোক্লি। অনৌবা থবকশিংনা অপুনবা শেন্মিৎলোন্দা অহোংবশিং পুরক্লে। অহোংবা অসিদা ভারত শরুক য়াবা খক নত্তনা, হিরম কয়াদসু মাঙজিল থারি। ঐখোয়গী দিজিতেলগী অওনবনা দিজিতেল পেমেন্তশিংদা ভারতনা মালেমগী লুচিংবা অমা ওইরে। ঙসিদি, ইনফ্রাষ্ট্রকচর মমাঙদা ওইখিদ্রিবা খোঙজেল অমদা তুংগী পান্দম অমগা লোয়ননা মাঙলোমদা চঙশিল্লি। মালেমদা ভারতনা য়াংনা ষ্টার্দঅপ ইকোসিষ্টেম লৈবা খ্বাইদগী চাউবা অহুমশুবা লৈবাক ওইরে। ঐখোয়গী নহারোলশিংনা সুন্দ্রংদা সেতেল্লাইতশিং থাগৎলে। লৈবাক অসিগী মাইপাকপশিংগী খ্বাইদগী চাউবা মরমদি ঐখোয়গী নহারোল অমসুং আর্ত ওফ লিভিংনি। ঙসিগী অনৌবা যুগকী অৱাবশিং কোকহন্নবা পাম্বৈশিং থিবদা গুরুদেব অমসুং আর্ত ওফ লিভিংনা নহারোলশিংগী মতেং পাংলি।
মরুপশিং,
ঙসিদি, তেক্নোলোজিনা থাপ্না লৈনবা মীওইশিং খুদক্ত পাউ ফাওনবা ঙমহল্লে। অদুবু, ঐখোয় মালেমগা শম্নবা নত্ত্রগা শম্নদবা, ঐখোয় ইশামক শম্নবা অসি তঙাইফদবনি। ঐখোয় ইশামক শম্নবা ঙম্বা, মসিগী মরু হুনবা, মখোয় য়োকখৎপা নত্ত্রগা মখোয় ফিবম ফগৎহনবা অসি চৎনবী অসি খক্তনা ওইথোকপা ঙমগনি। পুক্নিং-ৱাখল লৈতারবা, খুন্নাইগী দাইত্ব লৌরবা অমসুং খুন্নাইগী অৱাবা খঙবা নহারোলশিং খক্তনা বিকসিত ভারত অমা শেমগৎপা ঙমগনি। মরম অদুনা, অধ্যাতিক্কী য়াইফনবা, পুক্নিং-ৱাখল ফনবা, য়োগ অমসুং ধ্যান তৌবগী অদোমগী থবকশিং অমসুং মান্নবা হিরমশিং অসিদা অতোপ্পা লুপশিংগী থবকশিং য়াম্না মরুওই। অসিগুম্বা লোইশঙনা মীয়ামদা মখোয়গী চৎনবী তম্নবা অমসুং খঙনবা খুদোংচাবা পীরি। ঙসি শঙ্গারিবা ধ্যান লাইশঙ অসিনা তুংগী মীরোল কয়াগী মীওই লিশিং কয়াগী শান্তি অমসুং অনাবা ফনবা মফম অমা ওইগনি হায়না ঐনা থাজৈ।
মরুপশিং,
অদোম্না লৈবাক অমসুং খুন্নাইগীদমক অদোমগী থৌদাংশিং থৱায় য়াওনা পাংথোক্লি। অদুবু ঐনা অদোমগী নাক্ত লাকপা মফম খুদিংমক্ত, করিগুম্বা খর হায়জদনা তোকপা ঐ ঙমদে। ঐনা ৱা ঙাংদ্রিঙৈদা, পাংথোক্নবা হায়জবা ৱাফম মপান মহাক্না য়ারে হায়না গুরুজিনা লাউথোকখ্রে, করিগুম্বা অমতা হায়নিংঙাই লৈত্রে, অদুবু হৈনবীদি অদুম লৈরি। ভারতকী চাউখৎপা থাক কয়াদা অপুনবা থবকশিং পাংথোকপা দরকার ওইরি। আর্ত ওফ লিভিংগুম্বা লুপনা মরুওইবা থৌদাং অমা লৌরি অমসুং অহোংবা অসিগী লুচিংবা ওইনবা ঐখোয়দা থৌনা পীরি। অদোমগা লৌমীশিং অমসুং খুঞ্জাশিংগা য়াম্না নকশিন্ননা থবক তৌমিন্নরি। ফিল্মদা উৎখিবগুম্না, লৌমীশিং মহৌশাগী ওইবা লৌউ-পথাপ পায়খৎনবা থবক কয়া পায়খৎপা দরকার ওইরে। ঙসিদি, অনাবা ফাওবদা, মীওইবনা মহৌশাগী ওইবা থবক্না অনাবা ফনবা হোৎনরি অমসুং ঐখোয়গী মালেম ইমাসু মহৌশাগী ওইবা অনাবা ফনবা থবক দরকার ওইরে। কেমিকেল হারশিংনা ঐখোয়গী লৌবুকশিং, ঐখোয়গী মালেম ইমা মাঙহল্লে। ঐখোয়গী মালেম ইমা কেমিকেলশিংগী ঙাকথোকপা অসিসু আর্ত ওফ লিভিংনি। “এক পের মা কে নাম” খোঙজং পাক-শন্না পাংথোক্নবা ঐখোয়না মতেং পাংবা য়াই। মহৌশাগী অকোয়বগী ফিবম ঙাক-শেনবা অসিসু আর্ত ওফ লিভিংনি। ঐখোয়না মহৌশাগী অকোয়বা ফিবম অমসুং শেন্মিৎলোনশিং তোখায়না থম্বা য়ারোই। অদুবু, “দ্রোপ মোর ক্রোপ” গী খুৎথাংদা, কমদৌনা ঈশিং লিক্না শীজিন্নগনি হায়বগী মতাংদা লৌমীশিংদা তম্বীরে। অদোমগী মতেংনা হেন্না ফবা ফলশিং ফংগনি।
ঈশিং মরিক খুদিংমক তুংশিনবা অসিসু আর্ত ওফ লিভিংনি। চয়োল খরগী মনুংদা কুমগী নোং য়ৌরক্লগনি। ঈশিং তুংশিনবগী মতাংদা পাক-শন্না ৱাখল তাহনবা মতম চপ চারে। মসিগা চপ মান্না, ইলেক্ত্রিসিতি লিক্না শীজিন্নবা, শিঙ্গল-য়ুজ-প্লাষ্টিক শীজিন্নদবা অমসুং লমদম অসিগী পোৎথোকশিং শীজিন্নবা অসি আর্ত ওফ লিভিংনি। ঙসি লৈবাক অসিনা মিসন লাইফ মরুওইনা লৌরি। মসি হেন্না দাইত্ব লৈনা অমসুং ৱাখল তানা হিংনবা অকনবা খোঙজং অমনি। মসিনা মহৌশাগা লোয়ননা খল চানা হিংবা পুন্সি মহিং অমা লৈনবা তকশিল্লি। ঐগী ৱাখলদা, মিসন লাইফ অসিসু আর্ত ওফ লিভিংগী মশক অমনি। লাক্লিবা মতমশিংদা অদোম্না মতম পুম্নমক্ত আর্ত ওফ লিভিংগী তোঙান তোঙানবা থবকশিং চাউখৎহনগনি হায়না ঐনা থাজৈ। খুন্নাইগী মীওই কয়াগা শম্ননবা অদোম্না মীৎয়েং চঙগনি অমসুং গুরুজিগী চহি ১০০ শুবা মপোক নুমিৎ পাংথোকপা মতমদা, হায়রিবা পান্দমশিং অসি ঐখোয়না ফংবা ঙমগনি। ঐনা অমুক হন্না শ্রী শ্রী রবি সঙ্কর জি, গুরুদেবদা ঐগী য়াইফ পাউজেল পীজরি। মখোয়গী মীয়ামগী থবক তৌনবা ৱাখল অমসুং কৎথোকপগীদমক আর্ত ওফ লিভিং ইমুং-মনুংগী মীওই খুদিংমক ঐনা তৌবীমল খঙবা উৎচরি। অদোমগী মরক্ত শরুক য়ানবা অমসুং শেংলবা মফম অসিদা মিকুপ খর লৈনবা, থম্বালগী মখাদা পোথানবা খুদোংচাবা পীবগীদমক ময়াম পুম্নমক ঐনা অমুক হন্না থাগৎচরি। অমুক হন্না ঐগী থম্মোয়দগী অদোম থাগৎচরি। জয় গুরুদেব।
