এক্সেলেন্সীশিং, ইবেম্মা অমসুং ইবুংঙোশিং, নমস্কার!
ঐহাক্না অদোম্বু “নম্মা বেঙ্গালুরু”দা তরাম্না ওকচরি। শহর অসিদি সাইন্স, তেক্নোলোজী অমদি ওন্তোপ্রিনর্শিপকী ইথিলগী তুংফম্নি। দিজিতেল ইকোনোমীগী মতাংদা খন্ন-নৈনবগী ওইনদি বেঙ্গালুরুদগী হেন্না ফবা মফম অমত্তা লৈররোই।
মরুপশিং,
হৌখিবা চহি মাপনসিদা থোকখিবা ভারতকী দিজিতেল ত্রান্সফোর্মেসন অসিদি মমাংদা অমুক্তা থোকখিদ্রিবা মওংনি। পুম্নমক অসি ইং 2015দা ঐখোয়গী দিজিতেল ইন্দিয়া ইনিসিএতিব হৌদোকখিবা অদুদগী হৌখিবনি। মসিদি ঐখোয়না খোঙজেল য়াঙনা থবক পায়খৎপা হায়বদা খোঙফম চেৎখিবা অদুনা শাফু পীবনি। অদুগা, ঐখোয়গী ইনক্লুজন, মীওই অমত্তা চিত্থহন্দবা হায়বা ইথিল অসিনা পুক্নিং থৌগৎপনি। মসিগুম্বা ত্রান্সফোর্মেসন অসিগী স্কেল, স্পীদ অমসুং স্কোপ অসিদি ৱাখলনা ফাওবা খল্লুদবা অমনি। ঙসিদি, ভারত্তা ইন্তর্নেত য়ুজর মিলিয়ন 850 হেন্না লৈরে, মখোয়না মালেমগী খাইদগী হোঙবা দেতাগী খুদোংচাবা লৌনরি, নুংঙাইনা শিজিন্নরি। ঐখোয়না গবর্নেন্সপু শেমদোক্নবা, মসিবু হেন্না ইনক্লুসিব, ফাস্ত অমসুং ত্রান্সপরেন্ত ওইহন্নবা তেক্নোলোজী শিজিন্নখি। ঐখোয়গী দিজিতেল শক্তাক্কী তোপ-তোপ্পা প্লেতফোর্ম, আধারনা ঐখোয়গী মীয়াম বিলিয়ন 1.3 কোল্লি। ঐখোয়না JAM ত্রনিতী – জন ধন বেঙ্ক একাউন্ত, আহধার অমসুং মোবাইলগী শক্তিবু ভারত্তা ফাইনেন্সিএল ইনক্লুজনগী ফিভমদা অহোংবা পুরক্নবা শিজিন্নরি। থা খুদিংগী ওইনা, চাউরাকপা ত্রাঞ্জেক্সন বিলিয়ন তরাদি ঐখোয়গী ইন্সতেন্ত পেমেন্ত সীস্তেম, UPIদা পাংথোক্লি। মালেমগী রিএল তাইম পেমেন্তকী 45% হেনবদি ভারত্তা পাংথোক্লি। সরকারগী তেংবাংশিংবু দাইরেক্ত বেনেফিত ত্রান্সফর তৌবনা লীকেজ থিংলে অমসুং বিলিয়ন দোল্লর 33 হেনবগী শেনফম কনবা ঙমখ্রে। কোৱিন পোর্তেলনা ভারতকী কোবিদ তিকা থাবগী খোঙথাংবু শৌগৎখি। মসিনা ভেক্সিন দোজ বিলিয়ন অনি হেন্না কাপ্পদা অমসুং মদুগী মতুং ইনবা দিজিতেল সর্তিফিকেত পীবদা তেংবাংখি। গতি-শক্তি প্লেতফোর্ম্না ইনফ্রাস্ত্রকচর অমসুং লোজিস্তিক্স মেপ্পিং তৌনবগীদমক্তা তেক্নোলোজী অমসুং স্পাতিএল প্লান্নিংগী থৌওং শিজিন্নরি। মসিনা থৌরাং য়াৎপদা তেংবাংলি, অচঙবা শেনফম হন্থহল্লি অমসুং থবক লোইশিনবগী খোঙজেল য়াঙখৎহল্লি। ঐখোয়গী ওনলাইনগী পব্লিক প্রোক্যুর্মেন্ত প্লেতফোর্ম – দি গবর্নমেন্ত ই-মার্কেতপ্লেস অসিনা মরী লৈনবা থবকশিংদা ত্রান্সপরেন্সী অমসুং প্রোবিতী পুরক্লে। দিজিতেল কম্মর্সকী ওপন নেতৱর্ক্না ই-কম্মর্সপু দেমোক্রাইজ তৌহল্লে। মপুং ফানা দিজিতেল ওইরবা তেক্সেসন সীস্তেম্না ত্রান্সপরেন্সী অমসুং ই-গবর্নেন্সপু খুমাং চাউশিনহল্লি। ঐখোয়না ভাশিনি, AIনা চলায়বা লোলগী ৱাহন্থোক হনবগী প্লেতফোর্ম অমা শেম্লি। মসিনা ভারতকী তোঙান-তোঙানবা লোলশিংদা দিজিতেল ইনক্লুজন লৈহনবদা তেংবাংগনি।
এক্সেলেন্সীশিং,
ভারতকী পব্লিক দিজিতেল ইনফ্রাস্ত্রকচরনা মালেমগী শিংনবশিংগী স্কেলেবল, সেক্যুর অমসুং ইনক্লুসিব ওইবা ৱারোইশিন পীরি। ভারত অসি য়ক লাওনা দাইবর্স ওইবা লৈবাক্নি। ঐখোয়গী লোল অমসুং দাইলেক্ত দর্জন কয়া অমা লৈ। মালেমগী ধর্ম খুদিং অমসুং নাৎকী ওইবা চৎনবী মশিং কয়া অমা লৈবাক অসিদা লৈ। অরিবা মতমগী চৎনবীদগী হৌরগা, খ্বাইদগী নৌবা তেক্নোলোজী ফাওবা, ভারত্তা মীপুম খুদিংগী করিগুম্বা অমা শোইদনা লৈ। মসিগুম্বা দাইবর্সিতী অসি লৈবনা, ভারত অসিদি ৱারোইশিন পুরকপগী খ্বাইদগী ফবা তেস্তিং লেব অমা ওইরিবনি। ভারত্তা মায় পাক্লবা ৱারোইশিন অসিদি মালেমগী মফম অমা হেক্তদা শিজিন্নবা য়ারগনি। ভারতনা মশাগী এক্সপেরিএন্স খুদিংমক মালেমগা শেয়র তৌনবা শেম শাদুনা লৈরি। ঐখোয়না কোবিদ লাইচৎ মনুংদা ঐখোয়গী কোৱিন প্লেতফোর্ম্বু মালেমগী য়াইফনবগীদমক্তা পীখি। ঐখোয়না হৌজিক ওনলাইন গ্লোবেল পব্লিক দিজিতেল গুদ রিপোজিতরী – দি ইন্দিয়া স্তেক হায়বা অমা শেম্লে। মসিনা মীওই অমত্তবু চিত্থহল্লরোই। মরু ওইনা, ঐখোয়গী গ্লোবেল সাউথকী ইচিল ইনাওশিং।
এক্সেলেন্সীশিং,
অদোম্না G20 ভর্চুএল গ্লোবেল দিজিতেল পব্লিক ইনফ্রাস্ত্রকচর রিপোজিতরী অমা শেম্নবা হোৎনরিবা অসিদা ঐহাক্না য়াম্না নুংঙাইবা ফাওই। দিজিতেল পব্লিক ইনফ্রাস্ত্রকচরগী কম্মন ফ্রেমৱর্ক অমা লৈবনা পুম্নমক্কী ত্রান্সপরেন্ত, একাউন্তেবল অমসুং ফেয়র ওইবা দিজিতেল ইকোসীস্তেম অমা শেম্বদা তেংবাংগনি। দিজিতেল স্কিলবু ক্রোস কন্ত্রী একজামিনেসন তৌবদা তেংবাংনবা রোদমেপ অমা শেম্নবা অদোম্না হোৎনরিবা অসিবুসু ঐহাক্না তরাম্না ওক্লি। অদুগা, দিজিতেল স্কিলিংগী ভর্চুএল সেন্তর ওফ এক্সেলেন্স শেমগৎনবা হোৎনরিবা অসিবুসু ঐহাক্না শৌগৎলি। ফ্যুচর রেদী ওইবা ৱর্কফোর্স অমগী তঙাই ফদবা থেংনবগী ওইনদি, হোৎনরিবশিং অসি য়াম্না মরু ওইরিবনি। দিজিতেল ইকোনোমী অসিনা মালেম পুম্বদা শন্দোক্লিবা অসিগা লোয়ননা, মসিনা সেক্যুরিতী থ্রেত অমসুং চেলেঞ্জ কয়া অমা থেংনগনি। হীরম অসিগা মরী লৈননা, সেক্যু, ত্রস্তেদ অমসুং রেজিলিএন্ত দিজিতেল ইকোনোমী অমগীদমক্তা G20 হাই লেভেল প্রিন্সিপল অমা শেম্বগী মরু ওইবা য়াম্না লৈরে।
মরুপশিং,
তেক্নোলোজীনা ঐখোয়বু অমত্তা ওইহল্লে। মসিনা পুম্নমক্কী ইনক্লুসিব অমসুং সস্তেনেবল ওইবা চাউখৎ থৌরাং শোইদনা লৈহনগনি হায়বগী থাজবা পীরি। ঐখোয়, G20দা ইনক্লুসিব, প্রোস্পরস অমসুং সেক্যুর ওইবা গ্লোবেল দিজিতেল ফ্যুচর অমগী ফম্বাক শেম্বগী তোপ তোপ্পা খুদোংচাবা অমা লৈরি। ঐখোয়না দিজিতেল পব্লিক ইনফ্রাস্ত্রকচরগী খুত্থাংদা ফাইনেন্সিএল ইনক্লুজন অমসুং প্রদক্তিবিতীবু হেন্না খুমাং চাউশিলহনবা ঙম্মি। লৌমী অমসুং পীক্না কারবার তৌবা মীওইশিংদা ঐখোয়না দিজিতেল তেক্নোলোজী শিজিন্নহন্নবা পুক্নিং থৌগৎপা য়াই। ঐখোয়না গ্লোবেল দিজিতেল হেল্থ ইকোসীস্তেম অমা শেম্নবা ফ্রেমৱর্ক শেম্বা য়াই। ঐখোয়না আর্তিফিসিএল ইন্তেল্লিজেন্স তেক্ত কায়দনা অমসুং থৌদাং খঙনা শিজিন্ননবা ফ্রেমৱর্ক শেম্বা য়াই। তসেংবদি, মীঐবা খুন্নাইনা মাইয়োক্নরিবা শিংনবশিংগী ৱারোইশিন পুরক্নবা তেক্নোলোজীগী মপুং ফাবা ইকোসীস্তেম অমসু শেম্বা য়াই। মসিগীদমক্তা ঐখোয় পুম্নমক্কী মফমদগী মথৌ তারিবা অসিদি C মরিনি – কনভিক্সন, কম্মিৎমেন্ত, কোওর্দিনেসন অমসুং কোল্লাবোরেসন। অদোমগী গ্রুপ অসিনা ঐখোয় পুম্নমকপু মাইকৈ অসিদা পুগনি হায়বগী ঐহাক্না অচেৎপা থাজবা থম্মি। অদোম পুম্নমক্না মহৈ য়ানবা মীফম অমা ফম্বা ওইসনু হায়না ঐহাক্না য়াইফ পাউজেল পীজরি। অদোম পুম্নমকপু ঐহাক্না থাগৎচরি!
