25শুবা SCO সম্মিত্তা শরুক য়াবা অসিদা য়াম্না নুংঙাইজবা ফাওই। ঐখোয়বু নিংথিনা অমসুং হরাউ-তয়াম্না ওকপীবগীদমক্তা ঐহাক্না প্রেসিদেন্ত সিবু থমোই শেংনা তৌবীমল খঙবা উৎচরি।
ঙসি অসি উজবেকিস্তানগী নিংখা তম্বা নুমিৎনি অমসুং ঙরাংনা কির্গীস্তানগী জাতিগী নুমিৎ ওইখি। থৌরম অসিদা ঐহাক্না লুচিংবা অনিমক্তা নুংঙাইরবা অমসুং য়াইফ-পাউজেল পীজরি।
এক্সেলেন্সীশিং,
হৌখিবা চহি কুনমরি অসিদা, SCOনা য়ুরেসিয়ন রিজন শন্দোক্তুনা লৈরিবা ঐখোয়গী ইমুং-মনুংশিংশিংবু অমুক হন্না শম্নহনবদা য়াম্না মরু ওইবা থৌদাং লৌখি। এক্রিব মেম্বর অমা ওইনা ভারতনা মতম পুম্বদা কন্সত্রক্তিব ওইবা অমসুং পোজিতিব ওইবা মওংদা শরুক য়াদুনা লাকখি।
SCOগীদমক্তা ভারতকী ভিজন অমসুং পোলিসী অসি মরুওইবা য়ুম্বী অহুমদা য়ুমফম ওই:
S – সেক্যুরিতী
C - কনেক্তিবিতী
O- ওপোর্চুনিতী
অহানবা য়ুম্বি, “S” – হায়বদি সেক্যুরিতীগী মতাংদা মরু ওইবা খরদং থমজগে মদুদি সেক্যুরিতি, পীস অমসুং স্তেবিলিতী হাববসি লৈবাক অমগি চাউখৎ-থৌরাংগী য়াম্না মরুোইবা য়ুমফম অমা ওইরিবনি। তৌইগুম্বশুং, তেরোরিজম, সেপরেতিজম অমসুং এক্সত্রিমিজম্না মসিগী লম্বি অসিদা য়াম্না চাউবা শিংনবা অমা ওইদুনা অদুমক লৈরি।
তেরোরিজম অসি কনাগুম্বা লৈবাক অমগী সেক্যুরিতীদা কুদোংথিনিংঙাই ওইবা খক্তা নত্তে মসি মীওইবা জাতি পুম্নমক্কী ওইবা শিংনবা অমনি। কনাগুম্বা লৈবাক অমত্তনা, খুন্নাই অমত্তনা, নাগ্রিক অমত্তনা মশাবু মসিদগী অশোই-অঙাম অমত্তা য়াওদনা লৈ হায়বা ঙমদে। মরম অদুনা ভারতনা মতম পুম্বদা তেরোরিজমগী মায়োক্তা লান্থেংনবদা অমত্তা ওইনা লেপমিন্নবগী মরুওইবা অদুগী মতাংদা তত্তনা পল্লিবনি।
SCO-RATSনা মসিগী মতাংদা য়াম্না মরুওইবা থৌদাং লৌখি। হন্দক্কী চহি অসিদা, জোইন্ত ইনফোর্মেশন ওপরেশন লুচিংদুনা ভারতনা “অল-কাইদা” অমসুং মরি লেনবা তেরোরিস্ত ওর্গনাইজেশনশিংগা লান্থেংননবা অনৌবা থৌরাং অমা পাইখৎখ্রে। লোইননা ঐখোয়না রেদিকেলাইজেশনগী মায়োক্তা কোর্দিনেশন হেনগৎহন্নবা অমসুং অপুনবগী ওইবা থৌরাংশিং লৌখৎনবগী ৱাফম হৌদোকখ্রে।
ঐখোয়না তেরর ফাইনান্সিংগী মায়োক্তা খোংফম চেৎনা ঐখোয়গী খোল্লাও লাওখি, অমসুং মসিগী অসিদা মতেং পাংলকখিবগীদমক্তা ময়াম পুম্নমকপু থাগৎপা ফোংদোক্লি।
এক্সেলেন্সিশিং,
হৌখিবা দেকেদ মরি অসিদা, ভারতনা থৌজাল হৈত্রবা তেরোরিজম্না পীবা অৱা-চৈথেং কয়া নংদুনা লাক্লবনি। মশিং থিঙমদ্রবা মমা ওইবী কয়ানা মচা কাইনখ্রে, অমসুং মশিং লাকঙমদ্রবা অঙাংশিংনা পু-পাং লৈতনা কনা লৈজদ্রবাশিং ওইহনবীরে।
হন্দক্তা পেহলগামদা ঐখোয়না তেরোরিজমগী তমথিরবা শক্লোন অদু উখ্রে। ঐখোয়গী অসিগুম্বা অৱাবা মীৎকুপ অসিদা ঐখোয়গীদমক্তা লেপ্পীখিবা লৈবাকশিং পুম্নমকপু ঐহাক্না তৌবীমল কঙবা উৎচরি। মসিনা লান্দারিবসি ভারতকী ৱাখল্লোনদা লান্দবদা নত্তনা মীওইবা জাতিদা থাজবা থম্লিবা লৈবাক খুদিংদা অমসুং মীপুম খুদিংদা ফোংনা শিংনবনি।
অসিগুম্বা ফিভম অসিদদি, লৈবাক খরনা তেরোরিজমবু ফোংনা মতেং পাংলিবা অসি ঐখোয় পুম্নমক্না য়াফম থাওকপ্রা হায়বা ৱাহং অসি মশানা হংফম থোকই।
এক্সেলেন্সীশিং,
ঐখোয়না ময়েক শেংনা হায়ফম থোকই অমসুং খোঞ্জেল অমত্তা ওইনা মদুদি তেরোরিজমগী মতাংদা দবলে স্তেন্দার্দ লৈবা অসি য়ানিংদে হায়না ফোংদোক্কদবনি।
এক্সেলেন্সীশিং,
ঐহাক্না অনিশুবা য়ুম্বি, "C” – হাববদি কনেক্তিবিতীগীগী মতাংদা ইশাগী ওইবা ৱাখল্লোন খরা হৌজিক শিয়র তৌজগে। ভারতনা মতম চুপ্পদা কনেক্তিবিতী লিংবনা লাল্লোন-ইতিক ফগৎহনবা খক্তা নত্তনা থাজবা অমসুং চাউখৎ-থৌরাংগী ওইবা অনৌবা লম্বি কয়া অমসু হাংদোকই হায়বসি থাজদুনা লাক্লি।
মসিগী ভিজন অসিগা লোইননা ঐখোয়না চাবহার পোর্ত অমসুং ইন্তর্নেস্নেল ত্রান্সপোর্ত কোরিদোরগুম্বা অনৌবা থৌরাংশিং অসিদা কন্না হোৎনরিবনি। মসিগী খুত্থাংদা ঐখোয়না অফঘানিস্তান অমসুং সেন্ত্রেল এসিয়াগা ঐখোয়গী লিঙ্কেজ হেনগৎহনবা ঙমগনি।
ঐখোয়না থাজৈ মদুদি কনেক্তিবিতীগী মাইকৈদা হোৎনবা খুদিংমক্না সোভরেনতী অমসুং তেরিতোরিয়েল ইন্তেগ্রিতীগী প্রিন্সিপলশিং হায়বসি ঙাক্না চৎকদবনি। মসি SCOগী চার্তরগী কোর প্রিন্সিপলশিংদা য়াওরিবনি।
সোভরেনতীবু নাথৈদুনা চৎলিবা কনেক্তিবিতী অদুনা অরোইবদা থাজবা অমসুং মদুগী ৱাহন্থোক অনিমক মাংঙি।
এক্সেলেন্সীশিং,
অহুমশুবা য়ুম্বী অসি "O” – হাববদি ওপোর্চুনিতী। কোওপরেশন অমসুং রিফোর্মগী ওপোর্চুনিতী।
2023দা, ভারতকী প্রেসিদেন্সীগী মখাদা, SCO অনৌবা শক্তি অমসুং ৱাখল্লোনশিং উবা ফংখি। খুৎশম্ননা থবক তৌমিন্নবগী অনৌবা হীরম কয়া অমা হৌদোরকখি, মসিদা স্তার্তঅপশিং অমসু ইন্নোভেশনশীং, ত্রেদিস্নেল মেদিসিন, য়ুথ এমপাৱরমেন্ত, দিজিতেল ইনক্লুজন অমসুং ঐখোয়গী বুদধিস্ত হেরিতেজ অসি য়াওরিবনি।
ঙসি, ঐহাক্না ঐখোয়গী প্রজা মীয়ামগী মরক্তা লৈরিবা মরি অদুবু হেন্না চেৎশিন্ন্নবা অনৌবা খোংথাং অমগী মতাংদা ৱাফম অমা পুখৎপা পাম্লি- SCOগী মখাদা সিভিলাইজেস্নেল দাইলোগ ফোরম অমা শেম্বা। অসিগুম্বা প্লেতফোর্ম অসিনা ঐখোয়বু ঐখোয়গী লিরবা সিভিলাইজেশন, আর্ত, লিতরেচর অমসুং ত্রেদিশনশিংবু মালেমগী থাক্তা শরুক য়াবা ঙমহল্লগনি।
এক্সেলেন্সীশিং,
ঙসি ভারতনা রিফোর্ম, পর্ফোর্ম অমসুং ত্রান্সফোর্মগী মোত্তো অসিগা লোইননা খুমাং চাউশিল্লি। কোবিদকী অৱাবা মতমদগীনা গ্লোবল ইকোনোমিক অনসর্তেন্তীশিং অসিদফাওবা ঐখোয়না শিংনবশিং অদুবু খুদোংচাবদা ওইনা ওন্থোক্নবা কন্না হোৎনরকখি।
ঐখোয়না মখল-মখা কয়াগী ওইবা অওনবা অমা পাক্তক্ননা পুরক্নবা লেপ্পা লৈতনা কন্না হোৎনরি, মসিনা মরম ওইরগা জাতিগী চাউখৎ-থৌরাংগী ওইবা অমসুং মালেমগী থাক্তা তেংবাং পীনদুনা খুৎশম্ননা থবক তৌমিন্ননবগী খুদোংচাবা কয়া অমা পুরক্লি। ঐহাক্না ময়াম পুম্নমকপু ভারতকী চাউকৎ-থৌরাংগী খোংচৎ অসিদা শরুক য়ানবগীদমক্তা তরাম্না চেবাউ পীরি।
এক্সেলেন্সীশিং,
SCO অসি মতমগী মতুং ইন্না অওনবা কয়া অমা লাক্তুনা হোংলক্লিবা অসি য়াম্না পেন্নিংঙাই ওইবা ৱাফম অমনি। ওর্গনাইজ ক্রাইম, দ্রগ ত্রাফিক্কিং অমসুং সাইবর সেক্যুরিতীগুম্বা মতম অসিগী ওইবা সিংনবশিং অসিবু লাকশিন্নবা অনৌবা সেন্তর মরি অমা লিংখৎখ্রে।
SCO মেম্বরশিংনা গওবল ইনস্তিত্যুশনশিংদা অওনবা অমা পুরক্নবা ঐখোয় মশেলগী মরক্তা তেংবাং পীনবা হেনগৎপা য়ারগনি। য়ুনিআতেদ নেশন্সকী 80শুবা কুমওন থৌরমদা, ঐখোয়না অমত্তা ওইনা UNগী রিফোর্ম পুরক্নবগীদমক্তা ফোংদোকপা য়াগনি।
গ্লোবল সাউথকী অনিংবা অপাম্বা পুম্নমকপু লিরবা মতমগা চুনদ্রবা ফ্রেমৱার্কশিং অসিদা পুনশিন্দুনা থম্বা আববসি তুংগী মীরোলগীদমক্তা অচুম্বা ৱাবেল পীবীদবগা পাংখক্নি। হৌগৎলক্লিবা অনৌবা মীরোলশিং অসিগী মচু কয়াগী ফজরবা মঙলানশিং অদুবু ব্লেক এন্দ হ্ৱাইত স্ক্রীনদা উৎপা য়ারোই। স্ক্রীনা অদু হোংদোকপগী মতম ওইরে।
এক্সেলেন্সীশিং,
ঐখোয়না পার্তনরশিং পুম্নমক্কা য়াম্না কুপ্না কোওর্দিনেশন অমসুং কোওপরেশন পীনদুনা মাং লোমদা খোং থাংজিল্লি। ঐহাক্না SCOগী মথংগী চিয়রমেন, কির্গীস্তানগী প্রেসিদেন্ত অমসুং ঐগী মরুপ, প্রেসিদেন্ত জাপারোবপু য়াইফ-পাউজেল পীজরি
ময়াম পুম্নমকপু হন্না হন্না থাগৎচরি।
