Share
 
Comments
“India's dairy sector is characterized by ‘production by masses’ more than ‘mass production’”
“ Dairy Cooperative in India is unique in the whole world and can be a good business model for poor countries”
“Dairy cooperatives collect milk twice a day from about two crore farmers in more than two lakh villages in the country and deliver it to the customers”
“More than 70 per cent of the money that is received from the customers goes directly to the farmer”
“Women are the real leaders of India's dairy sector”
“At more than eight and a half lakh crore rupees, the dairy sector is more than the combined value of wheat and rice production”
“India produced 146 million tonnes of milk in 2014. It has now increased to 210 million tonnes. That is, an increase of about 44 per cent”
“Indian milk production is increasing at 6 per cent annual rate against 2 per cent global growth”
“India is building the largest database of dairy animals and every animal associated with the dairy sector is being tagged”
“We have resolved that by 2025, we will vaccinate 100% of the animals against Foot and Mouth Disease and Brucellosis”
“Our scientists have also prepared indigenous vaccine for Lumpy Skin Disease”
“ India is working on a digital system which will capture the end-to-end activities of the livestock sector”

উত্তর প্রদেশকী মীয়াম্না পাম্নরবা মুখ্য মন্ত্রী, য়োদী আদিত্যনাথজী, কেন্দ্রগী মন্ত্রী-মন্দলদা ঐহাক্কী মরুপ ওইরিবা শ্রী পুরুশোত্তম রুপালাজী, অতোপ্পা মন্ত্রীশিং, এম.পি.শিং, ইন্তর্নেস্নেল দেরী ফেদরেসনগী প্রসিদেন্ত পি. ব্রজালেজী, আই.দি.ই.গী দি.জি. কেরোলিন এমন্দজী, অতোপ্পা দিগনিতরীশিং, মফম অসিদা তিনবীরিবা নুপী অমদি নুপাশিং!

ঙসি ভারত্তা দেরী সেক্তরগী লমদা লৈরিবা এক্সপর্ত অমসুং ইনোভেতর পুম্নমক্না পুনবা অসিদা নুংঙাইবা ফোঙদোকচরি। ঐহাক্না ভারতকী শা-শনশিংগী মহুৎ শিন্দুনা, ভারতকী প্রজাশিংগী মহুৎ শিন্দুনা, ভারত সরকারগী মহুৎ শিন্দুনা ঐহাক্না ৱর্ল্দ দেরী সম্মিৎতা শরুক য়াবা লাকপীরিবা তোঙান-তোঙানবা লৈবাকশিংগী দিগনিতরী পুম্নমকপু তরাম্না ওকচরি। দেরী সেক্তরগী মতিক-ময়াইনা খুঙ্গংগী শেন্মীৎলোন্দা শাহৌ পীবা খক্তা নত্তনা মালেমদা লৈরিবা মীওই করোর কয়াগী হিংনবগী মরু ওইবা লম্বী অমসু ওইরি। সম্মিৎ অসিনা দেরী সেক্তরগা মরী লৈনবা আইদিয়া, তেক্নোলোজী, এক্সপর্তিস অমসুং চৎনবীশিংগী থাক্তা অমনা অমদগী লৌশিং অমসুং খঙহৈবশিং হেনগৎহনবদা অচৌবা থৌদাং অমা লৌরগনি হায়না ঐহাক্না থাজৈ।

মরুপশিং,

ঙসিগী থৌরম অসি ভারতনা নীংতম্বা ফংবগী চহি ৭৫ মপুং ফারকপা মতমদা তাররে। ঙসিগী থৌরম অসিদা তেক্নোলোজীগী থোংদা ঐখোয়গী ইরক্তা দেরীগী লৌমী লাখ ৭৫ হেনবদা শরুক য়ারিবা অসিসু মপা চান্নরি। অসিগুম্বা সম্মিৎ অসিগীদমক অমসুং মসিগী লাস্ত মাইল বেনিফিসরী অসি ঐখোয়গী লৌমী ইচিল-ইনাওশিংনা ওইরি। ঐহাক্না ৱর্ল্দ দেরী সম্মিৎ অসিদা ঐহাক্কী লৌমী মরুপশিংবু তরাম্না ওকচরি।

মরুপশিং,

পশুধন অমসুং শঙ্গোমগা মরী লৈনবা বিজিনেস অসি ভারতকী চহি লিশিং কয়া শরুবা নাৎকী মরু ওইবা শরুক অমনি। ঐখোয়গী লেগেসী অসিনা ভারতকী দেরী সেক্তরবু অখন্নবা মশক-মওংশিংনা মপাঙ্গল হাপ্পি। অতোপ্পা লৈবাকশিংদগী সম্মিৎ অসি য়াওবা লাকপীরিবা এক্সপর্তশিংগী মাংদা ঐহাক্না মওং-মতৌশিং অসি থমজগে।

মরুপশিং,

মালেমগী অতোপ্পা চাউখৎলবা লৈবাকশিংগা মান্নদবা মওংদা ভারতকী দেরী সেক্তরগী তশেংবা মপাঙ্গলদি অপীকপা লৌমীশিংনা ওইরি। ভারতকী দেরী সেক্তর অসিবু “মাস প্রদক্সন”দগী “প্রদক্সন বাই মাস” হায়বা অসিনা হেন্না মশক তাক্লি। শা-শন অমা, অনি নত্ত্রগা অহুম লৈজবা অপীকপা লৌমীশিং অসিনা হোৎনবদগী ভারতনা শঙ্গোম খ্বাইদগী য়াম্না পুথোকপা লৈবাক অমা ওইবা ঙম্লি। সেক্তর অসিনা লৈবাক অসিগী ইমুং করোর ৮ হেনবদা থবক পীরি। ভারতকী দেরী সেক্তরগী মসিগী য়ুনিকনেস অসি অদোম্না মফম অমত্তদা ফংলোই। ঙসি ঐহাক্না মসি ৱর্ল্দ দেরী সম্মিৎতা হায়জরিবা অসিগী মরমদি মসিনা মালেমগী লায়রবা লৈবাক কয়াগী লৌমীশিংগীদমক অফবা বিজিনেস মোদেল অমা ওইবা য়াগনি।

মরুপশিং,

ভারতকী দেরী সেক্তরগী মসিগী অখন্নবা মতৌ অসি অতোপ্পা য়ুনিকনেস অমদগী চাউনা মতেং ফংলি। ঐখোয়গী দেরী সেক্তরগী অতোপ্পা অনিশুবা মশক-মওং অদুদি ভারতকী দেরী কোওপরেতিব সিস্তেম অসিনি। ঙসি ভারত্তা দেরী কোওপরেতিবকী অচৌবা নেৎৱার্ক অমা লৈরে, হায়রিবা অসিগুম্বা খুদমশিং মালেম পুম্বদা থীবদা ৱানা থোক্কনি। দেরী কোওপরেতিবশিংনা লৈবাক অসিগী খুঙ্গং লাখ অনি হেনবদা লৈরিবা লৌমী করোর অনিগী ময়াদগী নোংমদা অনিরক শঙ্গোম লৌরি অমসুং মদুবু কস্তমরশিংদা য়ৌহল্লি। অপুনবা থৌওং অসিদা মিদল মেন লৈতে অমসুং কস্তমরশিংদগী লাকপা শেলগী চাদা ৭০ হেনবনা লৌমীশিংগী ফুরিৎ খাউদা হকথেংননা চংলি। মসি খক্তা নত্তনা করিগুম্বা ঐখোয়না গুজরাতকুম্বা রাজ্যগী মতাংদা হায়রবদি মসিগী শেল পুম্নমক অসি নুপীশিংগী বেঙ্ক একাউন্তশিংদা হকথেংননা চংলি। মালেম পুম্বগী ওইনা অসুম্না রেসিও ৱাংবা অতোপ্পা লৈবাক অমত্তদা লৈতে। হৌজিক ভারত্তা লাক্লিবা দিজিতেল রিভোল্যুসন অসিনা মরম ওইরগা দেরী সেক্তরদা ত্রাঞ্জেক্সন অয়াম্বা য়াম্না খোঙজেল য়াংনা তৌরি। ভারতকী দেরী কোওপরেতিবশিং নৈনবা, মখোয়গী মরমদা লৈরিবা ই-পাউ, দেরী সেক্তরদা লৈরিবা পেমেন্ত তৌবগী দিজিতেল সিস্তেম অসিনা অতোপ্পা লৈবাকশিংগী লৌমী কয়াদা চাউনা মতেং পাংবা য়াগনি হায়না ঐহাক্না থাজৈ।

ভারতকী দেরী সেক্তরগী অতোপ্পা য়াম্না কনবা মপাঙ্গল অমা লৈ, অতোপ্পা য়ুনিকনেস অদুদি ঐখোয়গী ইন্দিজিনস স্পেসিস অসিনি। ভারত্তা লৈরিবা লমদম অসিগী শন, ইরোইগী ব্রীদ অসি য়াম্না খুদোংচাদবা ফীভমদা ফাওবা হিংবা ঙম্মি হায়না হায়নৈ। ঐহাক্না গুজরাতকী বন্নী ইরোই অসি খুদম ওইনা পীজগে। বন্নী ইরোই অসি কচ্ছকী লৈকংলা অমসুং মসিগী লৈরিবা ফীভম অসিগা চুশিন্নখিবনা করিগুম্বা মতমদা অঙকপনা থল্লি। নুংথিলগী মতম অসি য়াম্না শাই, নুংশা য়াম্না য়াকই। মরম অসিনা বন্নী ইরোই অসিনা নুমিদাংদা ইংথরক্লবা মতমদা থোরক্তুনা শজিক চাই। মপালদগী লাকপা ঐখোয়গী মরুপশিংনা অঙকপা পোক্কনি, হায়রিবা ইরোই অসিনা শন শেনবা, মাগী লৌমী কনাগুম্বা অমত্তা য়াওদনা মশা মথন্তা খুঙ্গংশিংগী মনাক্তা লৈবা শজিক চাফমশিংদা চৎলি। লৈকংলাদদি ঈশিং মরাং কাইদে অদুনা বন্নী ইরোই অসি ঈশিং খজিক্তং থক্লবসু হিংবা ঙম্মি। নুমিদাংদা কিলোমিতর ১০-১০, ১৫-১৫ চৎতুনা শজিক চারুবা মুংদা অয়ুক্তা মশা মথন্তা য়ুমদা হল্লকই। কনাগুম্বা অমগী বন্নী ইরোই মাংখ্রে নত্ত্রগা হল্লক্ত্রে হায়বা অসি য়াম্না তাংনা থোকই। ঐহাক্না বন্নী ইরোই খক্তগী খুদম পীজবনি অদুবু ভারত্তা মুর্হা, মেহসানা, জাফরাবাদী, নীলী রাবী, পন্দরপুরী অসিগুম্বা ইরোইগী অতোপ্পা ব্রীদশিংসু লৈ। মসিগা মান্ননা গীর, সাহীৱাল, রাথী, কানকরেজ, থারপারকর অমসুং হরিয়ানা অসিগুম্বা শন মখলশিং লৈ, অসিগুম্বা শন মখলশিং অসিনা ভারতকী দেরীবু য়ুনিক ওইহল্লি। ভারতকী ব্রীদ ওইবা অয়াম্বা শন-ইরোইশিং অসি ক্লাইমেৎ কমফোর্তেবল অমসুং লায়না এদজস্তেবেল ওই।

মরুপশিং,

হৌজিক ফাওবদা ঐহাক্না ভারতকী দেরী সেক্তরগী য়ুনিকনেসকী অহুমশুবা অদু হায়জখ্রে হায়বদি মাগী দাইদেন্তিতী। অপীকপা লৌমীশিংগী শক্তি, কোওপরেতিবশিংগী শক্তি অমসুং ভারতকী ব্রীদ ওইরিবা শা-শনশিংগী শক্তি অসি পুল্লগা অখন্নবা ফোর্স অমা শেম্মি। অদুবু ভারতকী দেরী সেক্তরগী মরিশুবা য়ুনিকনেস ওইরিবা তোইনা খন্ন-নৈনদবা হীরম অসি রিকগনিসন কয়া ফংদে। মপালদগী লাকপীরিবা ঐখোয়গী মীথুংলেনশিংনা শোইদনা অঙকপা পোক্কনি মদুদি ভারতকী দেরী সেক্তরগী ৱার্কফোর্স অসি নুপীশিংনা ৭০% মশক তাক্লি। ভারতকী দেরী সেক্তরগী তশেংবা লুচিংবশিং অসি নুপীনা ওইরি। মসি খক্তা নত্তে, ভারত্তা লৈরিবা দেরী কোওপরেতিবশিংগী মেম্বরশিংগী শরুক অহুম হেনবদি নুপীশিংনা ওইরি। লুপা করোর লাখ নিপান মখাই হেন্না ওইবা দেরী সেক্তরনা গেহু অমসুং চেং পুথোকপগী অপুনবা ভেল্যুদগী হেন্না হেল্লি। মসিদা ভারতকী খুঙ্গংগী মফমশিংদা লৈরিবা নুপীশিংনা, ঐখোয়গী ইমা-ইবেল অমসুং ইচানুপীশিংনা শাহৌ পীরি। ঐহাক্না ৱর্ল্দ দেরী সম্মিৎকা মরী লৈনবা দিগনিতরী পুম্নমক্তা ভারতকী নারী শক্তিগী থৌদাং অসি শকখঙবীনবা অমসুং মসিবু মালেমগী তোঙান-তোঙানবা ফম্পাকশিংদা পুখৎনবা হায়জরি।

মরুপশিং,

২০১৪দগী হৌদুনা ঐখোয়গী সরকারনা ভারতকী দেরী সেক্তরগী মতিক-ময়াই হেনগৎহন্নবা চোকথবা লৈতনা হোৎন্দুনা লাকখি। মসিনা শঙ্গোম পুথোকপদা হেনগৎহন্দুনা লৌমীশিংগী শেন্থোক হেনগৎহনবা ঙমখি। ২০১৪দা ভারতনা শঙ্গোম মিলিয়ম তন ১৪৬ পুথোকখি। হৌজিক মসি মিলিয়ন তন ২১০দা হেনগৎহনবা ঙম্লে। হায়বদি চাদা ৪৪ রোম হেনগৎলে। ঙসি মালেমগী লৈরিবা থাক্তা লৈরিবা প্রদক্সন গ্রোথ চাদা ২ অসিগা চাংদম্নবদা ভারতকী শঙ্গোম পুথোকপগী গ্রোথ রেত অসি চাদা ৬ হেন্না হেল্লি। ভারতকী শঙ্গোমগী পর কেপিতা এভাইলেবিলিতী অসি মালেমগী চাংচৎতগী হেল্লি। হৌখিবা চহি ৩-৪ অসিদা ঐখোয়গী সরকারনা ভারতকী অপীকপা লৌমীশিংগী বেঙ্ক একাউন্তশিংদা লুপা করোর লাখ ২রোম হকথেংননা ত্রান্সফর তৌখি। মসিগী অয়াম্বা শরুকশিংদি দেরী সেক্তরগা মরী লৈনবা লৌমীশিংগী একাউন্তশিংদা চংখি।

মরুপশিং,

ঙসি ঐখোয়না লৈবাক অসিদা বেলেন্স দেরী ইকোসিস্তেম অমা শেমগৎনবা মীৎয়েং থম্লি। শঙ্গোম অমসুং এলাইদ প্রদক্তশিংগী ক্বালিতীদা ঐখোয়না মীৎয়েং থম্বা ইকোসিস্তেম ওইবা খক্তা নত্তনা মসিনা অতোপ্পা শীংনবশিং কোকহনবদা মীৎয়েং থমগনি। ইকোসিস্তেম অসিদা লৌমীশিংগী অহেনবা শেন্থোক, লায়রবশিং মপাঙ্গল হাপ্পা, লুনানবা, কেমিকেল-ফ্রী ফার্মিং, ক্লীন ইনর্জী অমসুং শা-শন য়েংশিনবা হায়বা অসি অমগা অমগা মরী লৈনৈ। হায়বদি ঐখোয়না এনিমেল হসবেন্দরী অমসুং দেরী অসি খুঙ্গংশিংদা গ্রীন অমসুং সস্তেনেবল গ্রোথকী মপাঙ্গল কনবা মীদিয়ম অমা ওইহন্নবা প্রমোৎ তৌরি। রাস্ত্রীয় গোকুল মিসন, গোবরধন য়োজনা, দেরী সেক্তর দিজিতাইজেসন তৌবা অমসুং শা-শনগী য়ুনিভর্সেল ভেক্সিনেসন অসিগুম্বা স্কিমশিং অসি মাইকৈ অসিদা পাইখৎপা থৌশিলশিংনি। মসি খক্তা নত্তনা সিঙ্গল-য়ুজ প্লাস্তিক থীংনবা কেম্পেন অসি এনভাইরনমেন্তগী মীৎয়েংদগী য়াম্না মরু ওই, অদুবু মীনুংশিদা থাজবা থম্বা, লাইবস্তোক্তা থাজবা থম্বা, মখোয়গী য়াইফনবা খনবা মীওইশিংনা প্লাস্তিক অসিনা শা-ঙাশিংদা কয়া য়াম্না অকাইবা পীবগে খঙই। মসিনা শন-ইরোইদা য়াম্না খুদোংথীনীংঙাই ওই। ঐখোয়না সিঙ্গল-য়ুজ প্লাস্তিক মাংহনখিনবা লেপ্পা লৈতনা হোৎনদুনা লাকখি।

মরুপশিং,

ভারতকী দেরী সেক্তরগী স্কেল অসি সাইন্সকা লোয়ননা শম্নদুনা হেন্না পাকথোক-চাউথোকহল্লি। ভারতনা দেরী এনিমেলগী খ্বাইদগী চাউবা দেতাবেজ অমা শেমগৎলি। দেরী সেক্তরগা মরী লৈনবা শা-শন খুদিংমক তেগিং তৌরি। মতমগা চুনবা তেক্নোলোজীগা লোয়ননা ঐখোয়না শা-শনশিংগী বাইওমেত্তিক আইদেন্তিফিকেসন তৌরি। ঐখোয়না মসিগী মমিং অমা থোনখি – পশু আধার, মসিনা মখোয়গী হকশেল য়েংশিনবগা লোয়ননা দেরী প্রদক্তশিংগা মরী লৈনবা কৈথেল পাকথোক-চাউথোকহনবদা মতেং পাংগনি।

মরুপশিং,

ঙসি ভারতনা এনিমেল হসবেন্দরীদা লৈরিবা ওন্তপ্রিনোর্শিপ, এন্তর্প্রাইজ প্রমোৎ তৌনবা অকনবা মীৎয়েং চংলি। ঐখোয়না এফ.পি.এ.শিং অমসুং ৱুমেন সেল্ফ-হেল্প গ্রুপশিংফী খুত্থাংদা দেরী সেক্তরগা মরী লৈনবা অপীকপা লৌমীশিংগী শক্তি পুনশিন্দুনা অচৌবা মার্কেৎ ফোর্স অমা শেমগৎলি। ঐখোয়না এগ্রিকলচর অমসুং দেরী সেক্তরদা স্তার্তঅপশিং লৈহন্নবা ঐখোয়গী নহা ওইরিবা তেলেন্তশিং শীজিন্নরি। হৌখিবা চহি ৫-৬ অসিদা ভারতকী এগ্রিকলচর অমসুং দেরী সেক্তরদা স্তার্তঅপ লিশিং ১ হেন্না শেমখি।

মরুপশিং,

ভারতনা পাইখৎপা অখন্নবা খোঙথাংশিংগী খুদম অসি গোবরধন য়োজনানি। ঐখোয়গী রুপালাজীনা হৌজিক্তা শেন্মীৎলোন্দা গোবরগী মরু ওইবা হেনগৎলক্লিবা অসিগী মরমদা শন্দোক্না হায়বীখ্রে। ঙসি গোবরদগী বাইওগ্যাস অমসুং বাইও-সি.এন.জি. পুথোক্নবা অচৌবা কেম্পেন অমা ভারত্তা পাইখৎলি। গোবর অসিদগী দেরী প্লান্তশিংনা মশাগী ওইবা ইলেক্ত্রিসিতী পুথোকপা ঙম্লগনি। থৌওং অসিদগী পুথোকপা অহোংবা মমলগী হারনা লৌমীশিংদা কান্নবা ফংহনগনি। মসিনা লৌ-উবদা চংবা শেল হন্থহল্লগনি অমসুং লৈপাক লৈহাও মাংলরোই। ঙসি ভারত্তা মহৌশাগী ওইবা লৌউ-পথাপতা অমুক্তা ওইখিদ্রিবা মওংদা মীৎয়েং চংনরক্লি, মসিদা শাশিংনা অচৌবা থৌদাং লৌরি।

মরুপশিং,

এনিমেল হসবেন্দরী অমসুং লৌউ-শিংউ অসিদা মখল মথেল মথৌ তাই, মসিদা মোনোকলচর খক্তনা সোল্যুসন ওইরোই। ঙসি ভারতনা লমদম অসিগী ব্রীদশিং অমসুং হাইব্রিদ ব্রীদশিংদা চপ মান্ননা মীৎয়েং চংলি। মসিনা অইং-অশাগী অহোংবনা মরম ওইদগা থোকহনবা অমাংবদগী হন্থহনবসু ঙমগনি।

মরুপশিং,

অতোপ্পা মরু ওইবা সমস্যা অসি শা-শনগী লাইনাশিংনি। শা-শান্না নারকপা মতমদা মসিনা লৌমীগী পুন্সিদা চৈথেং পী, মহাক্কী শেন্থোক্তা অকাইবা পী। মসিনা শা-শন অদুগী তৌবা ঙম্বা, মাগী শঙ্গোমগী ক্বালিতী অমসুং অতোপ্পা মরী লৈনবা পোত্থোকশিংদা অকাইবসু পী। মাইকৈ অসিদা ভারত্তা ঐখোয়না শা-শনশিংগী য়ুনিভর্সেল বেক্সিনেসন্দা মীৎয়েং চংলি। ২০২৫ ফাওবদা ঐখোয়না শাশিংগী চাদা ১০০ ফুত এন্দ মাউথ দিজিজ অমসুং ব্রুসলোসিসতগী ঙাকথোক্নবা তীকা থাদোক্কনি হায়না ফিরেপ লৌখি। ঐখোয়না দিকেদ অসি লোইরকপদা লাইনাশিং অসিদগী মপুং ফানা ঙাকথোক্নবা পান্দম থম্লি।

মরুপশিং,

ঙসি নখোয়গা লোয়ননা খন্ন-নৈনবা অসিদা ঐহাক্না দেরী সেক্তরনা মায়োক্নবা খ্বাইদগী নৌবা শীংনবা অমগী মতাংদা হায়জগে। হন্দক্তা লম্পী কৌবা লাইনা অমনা মরম ওইদুনা ভারতকী রাজ্য কয়াদা লাইবস্তোক কয়া শীখি। তোঙান-তোঙানবা রাজ্য সরকারশিংগা লোয়ননা কেন্দ্র সরকারনা মসিবু লাকশিন্নাব হোৎনরি। ঐখোয়গী বিজ্ঞানিকশিংনা লম্পী স্কিন দিজিজকী লমদম অসিগী ওইবা ভেক্সিনসু পুথোকখি। ভেক্সিনেসনগী মথক্তা ইনভেস্তিগেসন খোঙজেল য়াংহন্দুনা, শা-শনশিংনা চৎপা অসি কন্ত্রোল তৌদুনা লাইনা অসি লাকশিন্নবা খোঙথাংশিং পাইখৎলি।

মরুপশিং,

শা-শনশিং ভেক্সিনেসন তৌবা নত্ত্রগা অতোপ্পা মতমগা চুনবা তেক্নোলোজী ওইরবসু ভারতনা মাগী পার্তনর ওইরিবা লৈবাকশিংদগী তমশিনবগা লোয়ননা দেরীগী লমদা শরুক তম্নবা মতম চুপ্পদা শেম-শাদুনা লৈরি। ভারতনা মাগী ফুদ সেফরী স্তেন্দর্দশিংদা থবক পাইখৎলি। ঙসি ভারতনা লাইবস্তোক সেক্তরগী এন্দ-তু-এন্দ এক্তিবিতীশিং কেপচর তৌনবা দিজিতেল সিস্তেম অমা শেমগৎলি। মসিনা সেক্তর অসি ফগৎহন্নবা হেন্না মরিক চুম্বা ই-পাউ পীগনি। সম্মিৎ অসিনা অসিগুম্বা তেক্নোলোজীশিংগী মতাংদা মালেম শিনবা থুংবদা তৌরিবা থবক অসি খুমাং চাউশিনহনবা ঙম্লগনি। লম অসিগা মরী লৈনবা খঙ-হৈবশিং অদু শিয়র তৌনবা লম্বীশিং পুথোকপীরউ। ঐহাক্না দেরী ইন্দস্ত্রীগী মালেমগী লুচিংবশিংবু ভারতকী দেরী সেক্তর মপাঙ্গল হাপ্নবা শাহৌ পীবদা য়াওবীনবা বর্তন তৌজরি। ঐহাক্না ইন্তর্নেস্নেল দেরী ফেদরেসনবু মখোয়গী শীংথানীংঙাই ওইবা থবক অমসুং মখোয়না শরুক তমখিবা অদুগীদমক থাগৎপা ফোঙদোকচরি। মপালদগী লাকপীবা মীপুম খুদিংমকপু ঐহাক্না অমুক হন্না তরাম্না ওকপচরি অমসুং শাংলবা মতম, দিকেদ ৫রোমগী মতুংদা ভারতনা ময়াম্বু তরাম্না ওকচবগী, ময়ামগা পুনবগী খুদোংচাবা ফংজরি। ঐহাক্না খন্ন-নৈন্নবগী খুদোংচাবা ফংজরে অমসুং মসিদগী ফংলকপা অমৃতনা অমৃত কালদা লৈবাক অসিগী খুঙ্গংগী পুন্সিগী শেন্মীৎলোন চাউখৎহনবদা মতেং পাংলগনি, মসিনা লৈবাক অসিগী লাইবস্তোক্কী কেপাসিতী মপাঙ্গল হেন্না কনখৎহল্লগনি অমসুং লৈবাক অসিগী লায়রবশিংগী খ্বাইদগী লায়রবশিংবু মপাঙ্গল হাপ্লগনি। চাউনা শরুক তম্বীয়ু, এক্সপরিয়েন্স অমসুং থাজবা অসিগা লোয়ননা ঐহাক্না পুম্নমকপু থাগৎচরি।

নুংঙাইবা ফোঙদোকচরি। থাগৎচরি!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Modi image, page committees, Patel govt: How BJP scripted historic win in Gujarat

Media Coverage

Modi image, page committees, Patel govt: How BJP scripted historic win in Gujarat
...

Nm on the go

Always be the first to hear from the PM. Get the App Now!
...
PM chairs Video meeting of Governors, CMs and LGs to discuss aspects of India’s G20 Presidency
December 09, 2022
Share
 
Comments

Prime Minister Shri Narendra Modi chaired a video meeting of the Governors and Chief Ministers of States and Lt Governors of Union Territories today, to discuss aspects relating to India’s G20 Presidency.

Prime Minister in his remarks stated that India’s G20 Presidency belongs to the entire nation, and is a unique opportunity to showcase the country’s strengths.

Prime Minister emphasized the importance of teamwork, and sought the cooperation of the States / UTs in the organization of various G20 events. He pointed out that the G20 Presidency would help showcase parts of India beyond the conventional big metros, thus bringing out the uniqueness of each part of our country.

Highlighting the large number of visitors who would be coming to India during India’s G20 Presidency and the international media focus on various events, Prime Minister underlined the importance of States and UTs utilizing this opportunity to rebrand themselves as attractive business, investment and tourism destinations. He also reiterated the need to ensure people’s participation in the G20 events by a whole-of-government and a whole-of-society approach.

A number of Governors, Chief Ministers, and Lt. Governors shared their thoughts during the meeting, emphasising the preparations being done by the states to suitably host G20 meetings.

The meeting was also addressed by External Affairs Minister, and a presentation was made by India's G20 Sherpa.