India to host Chess Olympiad for the first time
FIDE President thanks PM for his leadership“This honour is not only the honour of India, but also the honour of this glorious heritage of chess”“I hope India will create a new record of medals this year”“If given the right support and the right environment, no goal is impossible even for the weakest”“Farsightedness informs India’s sports policy and schemes like Target Olympics Podium Scheme (TOPS) which have started yielding results”“Earlier youth had to wait for the right platform. Today, under the 'Khelo India' campaign, the country is searching and shaping these talents”“Give your hundred percent with zero percent tension or pressure”চেস ওলিম্পিয়দকী মালেমগী থাক্কী থৌরম অসিদা শরুক য়াবীরিবা কেন্দ্রগী মন্ত্রী-মন্দলদগী ঐহাক্কী মরুপশিং, আর.কে.দি. দ্বোরকোবিচ, ইন্তর্নেস্নেল চেস ফেদরেসনগী প্রসিদেন্ত, ওল ইন্দিয়া চেস ফেদরেসনগী প্রসিদেন্ত, তোঙান-তোঙানবা লৈবাকশিংগী এম্বেসেদরশিং, হায় কম্মিস্নরশিং, চেস অমসুং অতোপ্পা স্পোর্তস ওর্গনাইজেসনশিংগী মীহুৎশিং, রাজ্য সরকারশিং, দেলিগেৎশিং, অতোপ্পা দিগনিতরীশিং, চেস ওমিম্পিয়দ তীমগী মেম্বরশিং অমসুং অতোপ্পা চেস প্লেয়রশিং, নুপী অমদি নুপাশিং!
ঙসি চেস ওলিম্পিয়দ গেমসকী অহানবা তোর্চ রিলে অসি ভারত্তগী লমথারে। হন্দক্কী চহি অসিদা ইহান হানবা ওইনা, ভারতসু চেস ওলিম্পিয়দ গেমসকী য়ুম্বু ওইগদৌরি। ঐখোয়না চাউথোকচৈ মদুদি, মশান্না অমনা মশাগী হৌরকফমদগী লান্থোক্তুনা মালেম শীনবা থুংনা মাগী মফম অমা কনবা ঙমদুনা লৈবাক কয়াগী অপাম্বা স্পোর্তস অমা ওইরক্লে। চহি চাম্মা-চাম্মগী মমাংদগী ভারত্তগী হৌদুনা মশান্না অসিগী মৈরা অসি চতুরঙ্গগী মওং লৌদুনা মালেম শীনবা থুংনা চৎখি। ঙসিদি অহানবা চেস ওলিম্পিয়দকী মৈরা অসিসু ভারত্তগী চৎখিগদৌরি। ঙসিদি ভারতনা নীংখা তম্বগী চহি ৭৫শুবা পালন তৌরিবা অম্রিত মহোৎসব অসিদা, হায়রিবা চেস ওলিম্পিয়দ তোর্চ অসিসু লৈবাক অসিগী শহর ৭৫তম্না চৎকদৌরি। ইন্তর্নেস্নেল চেস ফেদরেসন - এফ.আই.দি.ই.গী ৱারেপ অসিদা ঐহাক্না য়াম্না নুংঙাইবা পোকই। এফ.আই.দি.ই.না ৱারেপ লৌখ্রে মদুদি চেস ওলিম্পিয়দ গেম খুদিংমক্কী তোর্চ রিলে অসি ভারত মশামক্তগী হৌদুনা লমথাগনি। মসি ভারতকী ইকাইখুম্নবা অদু খক্তমক নত্তে, মসি শত্রংগী লৈজরিবা মঙাল চাউরবা হেরিতেজ অসিবু ইকাইখুম্নবগীসুনি। ঐহাক্না এফ.আই.দি.ই.বু অমসুং মসিগী মেম্বর খুদিংমকপু থাগৎপা ফোংদোকচরি। ঐহাক্না ৪৪শুবা চেস ওলিম্পিয়দতা শরুক য়ারিবা শান্নরোয় পুম্নমক্তা মখোয়না ফজবা পর্ফোরমেন্স উৎপা ঙম্নবা য়াইফ মঙ্গোল পীজখ্রে। গেম অসিদা থোইরবা মীওইশিং অদুগী মাইপাকপা অদু স্পোর্তসমেনশিপকী মাইপাকপা ওইগনি। মহাবলিপুরমদা কন্না শান্নসি অমসুং গেমগী স্পিরিৎ অদু মাংহনগুমসি।
মরুপশিং,
চহি লিশিং কয়া ‘তমসো মা জ্যোতির্গময়’ হায়বা মন্ত্র অসি মালেমদা খোন্থাং য়ৈদুনা লাকখি। হায়বদি, ঐখোয়না অমমদদগী অঙনবদা অদুমক চংশিল্লি। মঙাল হায়বদি মীওইবা জাতিগী অফবা তুংলমচৎ অদুনি। মঙাল হায়বা অসি নুংঙাইবা অমসুং হকচাং ফবা পুন্সি হায়বনি। মঙাল হায়বা অসি লম খুদিংমক্তা কেপাসিতী হেনগৎহন্নবা হোৎনবশিং অদুনি। অমসুং মরম অসিনা ভারতনা নাকল অমরোমদা মেথস, সাইন্স অমসুং এস্ত্রোনোমীদা অমরোমদনা আয়ুর্বেদ, য়োগ অমসুং স্পোর্তস অসিগুম্বা লমশিংদা রিসর্চ তৌরি। ঐখোয়না মতিক-ময়াই লৈবা হৌরক্লিবা মীরোলশিং অসিবু হকচাং ফনবা শেম-শানবা রেস্তলিং অমসুং কবদ্দী, মল্লখম্ব অসিগুম্বা মশান্নশিং অসি ভারত্তা পাঙথোক্লি। মসিগা ইরোইননা এনলাইতিকেল অমসুং প্রোব্লেম সোলবিং ব্রেনশিংগীদি, ঐখোয়গী অহলশিংনা চতুরঙ্গা নৎত্রগা শত্রং অসি পুথোকপীরম্মি। শত্রং অসি ভারত্তগী হৌদুনা মালেমগী লৈবাক কয়াদা য়ৌখ্রে অমসুং পাম্নবা অমসু ওইরে। ঙসিদি মহৈলোইশঙশিংদা শত্রং হায়বসি নহাশিংগী অমসুং মহৈরোইশিংগী লাইরিক লাইশুদা য়াওবা খুৎলাই অমা ওইনা শীজিন্নরে। শত্রং শান্নবা নহারোলশিংনা তোঙান-তোঙানবা লমশিংদা প্রোব্লেম সোলভরশিং ওইরক্লি। চতুরঙ্গ চেসবোর্দতগী দিজিতেল চেস কম্প্যুতরদা শান্নবদা ভারতনা খোঙথাং খুদিংদা শত্রংগী শাংলবা খোঙচৎ অমা উবা ফংখ্রে। ভারতনা নীলকান্ত বৈদ্যনাথ, লালা রাজা বাবু অঞসুং তুরুবেঙ্গদাচার্য় শাস্ত্রি অসিগুম্বা মশক নাইবা শান্নরোয় কয়া গেম অসিদা পীবা ঙমখ্রে। ঙসিসু বিস্বনাথন অনন্দজী, কোনেরু হম্পী, দিব্যা দেশমুখ অসিগুম্বা তেলেন্ত কয়া ঐখোয়গী মাংদা চেসতা ঐখোয়গী মচু অহুমগী ফিরালগী মীংচৎ পুরক্লিখ। হৌজিক ঐহাক্না কোনেরু হম্পীজীগা লোয়ননা চেসকী সেরেমোনিএল মুফ অমা থাংবগী এক্সপরিয়েন্স অমা ফংজখি।
মরুপশিং,
ঐহাক্না চহি ৭-৮ অসিদা ভারতনা চেসতা মাগী পর্ফোরমেন্স লেপ্পা লৈতনা হেনগৎলপা অসি উবদা নুংঙাই। ভারতনা মাগী অহানবা মেদল ব্রোঞ্জ ওইনা ৪১শুবা চেস ওলিম্পিয়দতা লৌখি। ভারতনা ২০২০ অমসুং ২০২১দা ভর্চুএল চেস ওলিম্পিয়দতা গোল্দ অমসুং ব্রোঞ্জ লৌবা ঙমখি। হন্দক্তি মমাংদগী হেন্না চেস ওলিম্পিয়দতা শান্নরোয় কয়ানা য়াওরি। অদুনা ঐহাক্না চহি অসিদসু ভারতনা মেদলশিংগী অনৌবা রেকোর্দ অমা থম্বা ঙমগনি হায়না ঐহাক্না থাজবা থম্লি। ঐহাক্না খল্লিবা অসিগুম্না নখোয়নসু খল্লমগনি, চুমদ্রা?
মরুপশিং,
ঐহাক্না চেসকী মরমদা য়াম্না খঙবদি ওইদে অদুবু চেসকী লৈরিবা ৱাখল্লোন অমসুং মাগী কাংলোনশিং অসিগী ৱাহন্থোক য়াম্না লুই হায়বদি ঐহাক্না খঙই। চেসকী পীচ খুদিংমক মাগী মশাগী অখন্নবা মপাঙ্গল অমসুং অখন্নবা মতিক-ময়াই লৈবা অদুগুম্না। করিগুম্বা পীচ অমনা অচুম্বা মুফ অমা চৎলবদি অমসুং মাগী শক্তি নীংথিনা শীজিন্নরবদি মহাক্না খ্বাইদগী শক্তি লৈবা ওইবা ঙম্মি। খ্বাইদগী শোল্লি হায়না লৌনরিবা খোঙনাও অমনা ফাওবা খ্বাইদগী শক্তি লৈবা ওইরকপা য়াই। করিগুম্বা মথৌ তারবদি চেকশিন্না অচুম্বা মুফ, অচুম্বা খোঙথাং অমা থাংলবদি মহাক্না শমু, উত নত্ত্রগা শগোল নত্ত্রগা শেনাগী শক্তি অদু য়ৌবা ঙম্মি।
মরুপশিং,
চেসবোর্দকী মসিগী অখন্নবা অসিনা পুন্সিদা অচৌবা পরা অমা ঐখোয়দা পীরি। খ্বাইদগী শোনবা মীওই অদু ফাওবদা করিগুম্বা তেংবাং মতিক চানা অমসুং এনভাইরনমেন্ত মতিক চানা লৈরবদি পান্দম অমত্তা ওইথোক্লোইদবা লৈতে। হৌরকফম অমা হেক্তদগী ওইরবসু, মখোয়না অৱাবা কয়া মায়োক্নরবসি মখোয়না অহানবা খোঙথাং থাংবা মতমদা মতিক চাবা মতেং ফংবা তারবদু মখোয়না শক্তি লৈবা ওইরক্কি অমসুং অপাম্বা ফলশিং ফংবা ঙমগনি।
মরুপশিং,
শত্রং মশান্নগী অতোপ্পা অচৌবা মশক অমা হায়রবদি ভিজননি। শত্রংনা ঐখোয়দা হায়রি মদুদি তশেংবা মায় পাকপা হায়বদুদি ঙাইহাক্কী ওইবা মায় পাকপদু নত্তবা ভিজন লৈবশিং অদুদা থোকই। করিগুম্বা ঐহাক্না ঙসি ভারতকী স্পোর্তস পোলিসীগী মতমদা, স্পোর্তসকী লমদা তার্গেৎ ওলিম্পিক্স পোদিয়ন স্কিম (তোপস) অমসুং খেলো ইন্দিবা অসিগুম্বা স্কিমশিংগী মরমদা হায়রবদি, মখোয়না ৱাখল্লোন অসিগী লোয়ননা থবক পাইখৎলি অমসুং মসিগী ফলশিং ঐখোয়না লেপ্পা লৈতনা উবা ফংলি। ন্যু ইন্দিয়াগী নহারোলশিংনা ঙসি মশান্না খুদিংমক্তা চেসকা লোয়ননা শীংথানীংঙাই ওইনা মাংদা চংশিল্লি। হন্দক্তা ঐখোয়না ওলিম্পিক্স, পেরালিম্পিক্স অমসুং ফেদলিম্পিক্স অসিগুম্বা অচৌবা গ্লোবেল স্পোর্তস ইভেন্তশিংদা উবা ফংখ্রে। ভারতকী শান্নরোয়শিংনা ইভেন্ত পুম্নমক্তা শীংথানীংঙাই ওইনা পর্ফোর্ম তৌখি, অরিবা রেকোর্দশিং থুগাইখি অমসুং অনৌবা রেকোর্দশিং থমখি। ঐখোয়না অহানবা ওইনা তোকিও ওলিম্পিক্সতা মেদল ৭ লৌরকখি, পেরালিম্পিক্সতা অহানবা ওইনা মেদল ১৯ লৌরকখি। হন্দক্তা ভারতনা অতোপ্পা মাইপাকপা ফংবা ঙমখি। ঐখোয়না দিকেদ তরেৎ অসিদা অহানবা ওইনা থোমাস কপ লৌবা ঙমখি। নুপী বোক্সর অহুমনা ৱর্ল্দ চেম্পিয়নশিপতা গোল্দ অমসুং ব্রোঞ্জ লৌখি। ওলিম্পিক্সতা গোল্দ তৌখিবা নীরজ চোপ্রানা নুমিৎ খরগী মমাংদা অতোপ্পা ইন্তর্নেস্নেল মেদল অমা লৌরকখি, অনৌবা নেস্নেল রেকোর্দ অমা থম্বা ঙমখি। ভারতনা ঙসি শেম্বা-শারিবা অসিগী খোঙজেল করিনো, ভারতকী নহারোলশিংনা করিদা থৱায় য়াওরি ঐখোয়না খঙবা তাই! ঐ।পয়না হৌজিক ২০২৪ পেরিস ওলিম্পিক্স অমসুং ২০২৮ লোস এঞ্জেলস ওলিম্পিক্সকী মাইকৈদা পান্দম ফংনবা চংশিল্লি। শান্নরোয় কয়া হৌজিক তোপস স্কিম অসিগী মখাদা হৌজিক সপ্পোর্ত তৌরি। ভারতনা স্পোর্তসকী লমদা অনৌবা ফোর্স অমা ওইরক্লিবা অসিগা চপ মান্নবা মওংদা ভারতকী শান্নরোয়শিংনা স্পোর্তসকী লমদা অনৌবা মশক তাক্নবা শেম-শারি অমসুং খ্বাইদগী মরু ওইবা ৱাফম অমনি লৈবাক অসিগী অপীকপা সহরশিংদগী নহারোলশিংদা স্পোর্তসকী লমদা চংলক্লি। ঐখোয়গী ফিরাল হেন্না ৱাংনা পাইহন্নবা মাংদা থোরক্লি।
মরুপশিং,
অফবা খুদোংচাবশিংগা তেলেন্তশিং কন্নেক্ত তৌরবা মতমদা মাইপাকপা অসি মশা মথন্তা লাকচৈ। অমসুং ঐখোয়গী লৈবাক্তা তেলেন্তকী অৱাৎপা লৈতে। লৈবাক অসিগী নহারোলশিংগী মরক্তা থৌনা, কত্থোকপা অমসুং মপাঙ্গলগী অৱাৎপা লৈতে। ঐখোয়গী নহারোলশিং অসিনা মমাংদা মতিক চাবা ফম্পাক ঙাইদুনা লৈরমখি। ঙসিদি ‘খেলো ইন্দিয়া’ কেম্পেনগী মখাদা লৈবাক অসিনা তেলেন্তশিং অসি থীরি অমসুং মখোঙ শোম্বীরি। ঙসি লৈবাক অসিগী মনুং হঞ্জিনবা মফমশিংদগী, খুঙ্গং অমদুং সহরশিংদগী, ত্রাইবেলগী মফমশিংদগী ‘খেলো ইন্দিয়া’ কেম্পেনগী মখাদা নহারোল লিশিং কয়া খল্লি। লৈবাক অসিগী তোঙান-তোঙানবা তাউন অমসুং জিলাশিংদা মোদর্ন স্পোর্তিং ইনফ্রাস্ত্রকচর শেমগৎলি। স্পোর্তস অসি ন্যু এজুকেসন পোলিসীগী মখাদা অতোপ্পা একাদেমিক সবজেক্তশিংগুম্না লৌনরি। স্পোর্তসকী লমদা শান্নবগী মথক্তা অনৌবা খুদোংচাবা কয়া লৈরক্লে। স্পোর্তস সাইন্স, স্পোর্তস ফিজিও, স্পোর্তস রিসর্চ অসিগুম্বা স্পোর্তসকী অনৌবা লম কয়া থোরক্লি অমসুং নখোয়গী কেরিয়র শেম্বদা মতেং পাংনবা লৈবাক অসিদা স্পোর্তস য়ুনিভর্সিতী কয়া লিংখৎনরক্লি।
মরুপশিং,
নখোয় শান্নরোয় খুদিংমক্না শান্নবুং নত্ত্রগা তেবল অমা নত্ত্রগা চেসবোর্দ অমগী মমাংদা লৈবা মতমদা মখোয়না মখোয়গী মাই পাক্নবগী খক্তা নত্তনা লৈবাক্কী মাই পাক্নবসু শান্নৈ। হায়রিবা ফীভম অসিদা মীওই করোর কয়াগী থাজবা অমসুং অপাম্বগী প্রেসর অদোমগী মথক্তা লাকপা হায়বসি মহৌশানি। অদুবু ঐহাক্না নখোয়দা নিংশিংজনীংবদি লৈবাক অসিনা অদোমগী হোৎনবা কনবা অমসুং কত্থোকপা অদু উবা ফংলি। অদোম্না অদোমগী চাদা ১০০ পীবা ঙম্নবা হোৎনগদবনি। অদোম্না স্ত্রেস অমসুং তেন্সন অমত্তদা য়াওদনা চাদা ১০০ পীবা ঙম্নবা হোৎনগদবনি। মাই পাকপা হায়বসি শান্নবগী শরুক অমা ওইরিবমখৈ অমুক হন্না মাই পাক্নবা কন্না হোৎনবা হায়বসিসু শরুক অমা ওইরি। মরম অসিনা ৱাখল ইংনা লৈবা হায়বা অসি য়াম্না মরু ওই হায়খি। শত্রং মশান্নদা অশোইবা অমনা মরম ওইদুনা মশান্না অদু মাইথিবা য়াবগী ওইথোকপা লৈ। অদুবু, কনাগুম্বা অমনা মসিগী মাইথিরবা গেম অসি ব্রেনগী শক্তি শীজিন্নদুনা ফীভম অদু হোংদোকপা য়াই। মরম অসিনা গেম অসিদা অদোম্না ৱাখল ইংনা লৈরিবকৈ অদোম্না নীংথিনা পর্ফোমেন্স পীবা ঙমগনি। য়োগ অমসুং মেদিতেসন তৌবনা মসিদা চাউনা মতেং পাংগনি। জুন ২১ অসি মালেমগী য়োগগী নুমিৎসু ওইরি। ঐহাক্না য়োগ অসি অদোমগী নোংমগী পুন্সিগী শরুক অমা ওইহন্নবা অমসুং লাক্কদৌরিবা মালেমগী য়োগ নুমিৎ অসিদা থৱায় য়াওনা শরুক য়ানবগীদমক মহাক্না অপীল তৌজরি। মসিনা অদোম্না মীওই করোর কয়াদা লমজিং লমতাকপীগদৌরিবনি। অদোম খুদিংমক্না মসিগী অনিংবা অপাম্বা অসিগা লোয়ননা মশান্না অসিগী ফিল্দদা চংগনি অমসুং অদোমগী লৈবাক্কী মাই পাকপা পুরক্কনি হায়বা ঐহাক্না থাজবা থম্লি। মসিগী কাউবা ঙম্লরোইদবা খুদোংচাবা অসি পীবীবগীদমক অদোম পুম্নমকপু ঐহাক্না অমুক হন্না থাগৎপা ফোঙদোকচরি। অমুক্কা হন্না শান্ন-খোৎনবগী মালেম অসিদা থাগৎপা ফোঙদোকচরি, হন্না হন্না থাগৎপা ফোঙদোকচরি।
