কেন্দ্রগী কেবিনেত্তা ঐগা থৌ পুমিন্নরিবা শ্রী অশ্বিনি ৱেস্নৱ জী, দর্শনা বেন জর্দোশ, গুজরাতকী মন্ত্রীশিং, এম.পি.শিং অমসুং এম.এল.এ.শিং অমসুং লেংবীরক্লিবা য়াম্লবা ইচিল-ইনাওশিং!
গুজরাতকী চাউখৎ-থৌরাংগীদমক্তা ঙসি য়াম্না মরু ওইবা নুমিৎনি। য়াম্লবা মফম কয়া অমদা ব্রোদ গেজ লাইন লৈতবনা মরম ওইরগা অৱাবা মায়োক্নরিবা গুজরাতকী মী লাখ কয়া অমা, ঙসিদগী অৱাবা কোক্লগনি। মতম খরগী মমাংদা ঐহাক্না অসার্ৱা রেলৱে স্তেসনদা, অসার্ৱাদগী উদয়পুর চৎপা ত্রেনগী অশংবা ফিরাল উৎপগী খুদোংচাবা ফংখি। লুনিধরদগী জেতলসরগী মরক্তা অচৌবা লাইনদা চৎপা ত্রেনশিংগীসু ঙসি অশংবা ফিরাল উৎখ্রে।
মরুপশিং,
ঙসিগী থৌরম অসি, রেলৱে রুত অনিখক্তদা ত্রেন অনুখক্তমক চেলহনবা খখ্তা নত্তে। মসি কয়া য়াম্না চাউবা থবক লোইশিনখিবনো হায়বদু মপানগী মীশিংনা য়াম্না লাইনা খঙবা ঙম্লোই। মসিগী থবক অসিবু লোইশিনবা ঙাইবদা দিকেদ কয়া হৌখ্রে। অদুবু মসিগী থবক অসিবু লোইশিনবগী লাইবক ফবা অদুসু ঐগী ইফমদা তম্লম্লে।
মরুপশিং,
ব্রোদ গেজ লৈতবা রেলৱে লাইন অদুদি নাইতোম তারবা ঈথৎ অমগুম্বনি। হায়বদি কনা অমত্তগা শম্নদনা। মসিসু অসিগা চপ মান্নৈ, হায়বদি ইন্তর্নেত লৈতবা কমপ্যুতর, কেনক্সন লৈতবা তি.ভি., নেতৱার্ক লৈতবা মোবাইলগা পাংখক্নি। মসিগী রুত অসিদা চৎপা ত্রেনশিংনা লৈবাক অসিগী অতোপ্পা রাজ্যদা চৎপা য়ারমদবদা নত্তনা অতোপ্পা রাজ্যশিংদগী ত্রেনশিংনসু মফম অসিদা লাকপা য়ারমদে। হৌজিক্তগীদি মসিগী রুত পুম্নমক অসি নৌহৌননা অমুক হিংগৎহল্লে। হৌজিক্তি অসার্ৱাদগী হিম্মতনাগর ফাওদুনা মিতর গেজ লাইন, ব্রোদ গেজ লাইনদা ওন্থোকখ্রে। অমসুং ঙসিগী ঐখোয়গী থৌরম অসিদা গুজরাতকা লোইন-লোইননা রাজস্থানগী মশিং য়াম্লবা মীশিং কয়া অমগসু শম্নহল্লি। লুনিধর-জেতলসরগী মরক্তা গেজ ওন্থোকপগী থবক তৌরিবা অদুনসু মফম অসিগী রেলৱে কনেক্তিবিতীদসু য়াম্না লাইহল্লগনি। মফম অসিদগী চেনবা ত্রেননা লৈবাক অসিগী মফম অমহেক্তদা চৎপা য়াহল্লগনি।
মরুপশিং,
করিগুম্বা রুত অমদা মিতর গেজগী লাইন অদুনা ব্রোদ গেজতা ওন্থোকপা মতমদা, মদুগা লোইননা তোঙান-তোঙানবা ওইথোকপা য়াবা কয়া অমা লাকই। অসার্ৱাদগী উদয়পুর ফাওবদা চাউরাক্না কি.মি. ৩০০ শাংবা রেলৱে লাইন অদুবু ব্রোদ গেজতা ওন্থোকপা হায়বসি মসিগীদমক্তা অমুক্কসু হেন্না য়াম্না মরু ওই। মসিগী রেলগী শরুক অসিনা ব্রোদ গেজ ওইরকপনা মরম ওইরগা গুজরাত অমসুং রাজস্থানগী আদিৱাসিগী মফমশিং অদু দিল্লীগা শম্নহন্দুনা অৱাং ভারতকা শম্নহল্লগনি। মসিগী রেল লাইন অসিনা ব্রোদ গেজতা ওন্থোকপনা মরম ওইরগা এহমেদাবাদ অমসুং দিল্লীদমক্তা অতোপ্পা রুত অমসু ওইরে। মসিদা নত্তনা হৌজিক্তি কচ অমসুং উদয়পুরগী লমকোই মফমশিংগী মরক্তা দাইরেক্ত রেল কনেক্তিবিতী লৈহল্লে। মসিনা কচ, উদয়পুর, চিত্তোরগর অমসুং নাথদ্বারাগী লমকোই মফমশিংদা য়াম্না চাউনা ইনোৎ হাপ্লগনি। দিল্লী, মুম্বাই অমসুং এহেদাবাদগুম্বা অচৌবা ইন্দস্ত্রীশিংগী সেন্তরশিং অসিগা দাইরেক্ত শম্নহনবগী কান্নবসু মফম অসিগী লাল্লোনবশিংনা ফংলগনি। মরু ওইনা হিম্মতনাগরগী তাইলস ইনদস্ত্রীবুদি য়াম্না চাউনা মতেং ফংলগনি। অসিগুম্না, লিনিধর-জেতলসর রেল লাইনগী ব্রোদ গেজতা ওন্থোকপনা ধসা-জেতলসর শরুক্তা মপুং ফানা ব্রোদ গেজতা ওন্থোকখ্রে। মসিগী রেল লাইন অসি বোতাত, অমরেলি অমসুং রাজকোত জিলাশিং ফাওদুনা চৎলি, মফম অসিদা হোজিক ফাওবদা কেনেক্তিবিতী য়াম্না লৈরমদে। মসিগী লাইনগী থবক অসি লোইশিনবনা মরম ওইরগা হৌজিক্তি ভাৱনাগর অমসুং অমরেলিগী মীশিংনা সোমনাথ অমসুং পোরবন্দরগা দাইরেক্ত কনেক্তিবিতীগী কান্নবা ফংগদৌরিবনি।
অমসুং মরুপশিং, মসিগী কান্নবা অমসু লৈগনি। মসিগী রুত অসিদগী চাৱনাগর অমসুং সাউরাস্ত্রগী মফমদা লৈরিবা ঐখোয়গী রাজকোত, পোর্বন্দর অমসুং ৱেরাৱলগুম্বা শহরশিং অসিগী অরাপ্পসু হন্থরে। হৌজিক ভাৱনাগর-ৱেরাৱলকী অরাপ্পা অসি চাউরাক্না কি.মি. ৪৭০ ওইরে, মসিদা পুং ১২ চংঙি। মসিগী ব্রোদ গেজকী থবক লোইরবা মতুংদা, অনৌবা রুত হাংদোক্লবা মতুংদা হৌজিক হন্থরক্তুনা কি.মি. ২৯০দগীসু হেন্না হন্থরে। মসিনা মরম ওইরগা চৎপদা চংবগী মতম অদুসু পুং ১২দগী হন্থরগা পুং তরুক মখাইদা য়ৌবা ঙম্লে।
মরুপশিং,
অনৌবা রুত হাংদোক্লবা মতুংদদগী ভাৱনাগর-পোর্বন্দরগী মরক্তা লৈবা অরাপ্পা অসি চাউরাক্না কি.মি. ২০০ ময়া নক্না অমসুং ভাৱনাগর-রাজকোতকী মরক্তা লৈরিবা অরাপ্পা অসি চাউরাক্না কি.মি. ৩০ হন্থরে। মসিগী রেল রুত অসি য়াম্না চিনবা সুরে্দ্রনাগর-রাজকোত-সোম্নাথ-পোর্বন্দর মার্গকী মরক্তা অতোপ্পা রুত অমা ওইনা ফংলরে। ব্রোদ গেজশিংদা চেনবা ত্রেনশিং অসিনা গুজরাতকী ইন্দস্ত্রীগী ওইবা চাউখৎ-থৌরাংশিংদসু খোংজেল য়াংখৎহল্লগনি, গুজরাত্তা তুরিজমদসু লাইহল্লগনি অমসুং লৈবাক অসিদগী তোখাইনা তাদুনা য়ৌশিনবা ঙমদনা লৈবা মফমশিং অদুবুসু শম্নহল্লগনি। ঙসি রাস্ত্রিয়া এক্তা দিৱসকী নুমিৎ অসিদা মসিগী প্রোজেক্তশিং অসিবু হৌদোকপা অসিনা অমুক্কসু হেন্না অখন্ননা মরু ওইহল্লে।
মরুপশিং,
দবল ইঞ্জিন সরকারনা থবক তৌবা মতমদা, মসিগী ফল অসি শরুক অনি খক্তা ওইদে, মসিদগী শরুক কয়া হেন্না ওই। মসিদা অমা অমসুং অমগা পুল্লগা ২ ওইবা নত্তে মসিদি ১গী নকন্দা ১, হায়দি ১১গী শক্তি অদু ওইরকই। গুজরাত্তা রেল ইনফ্রাস্ত্রকচরগী চাউখৎ-থৌরাং অসিসু মসিগী খুদম্নি। ঐহাক্না মতম অদু কাওবা ঙম্লোই, ২০১৪গী মমাংদা গুজরাত্তা অনৌবা রেল রুতশিংগীদমক্তা ঐহাক্না কেন্দ্র সরকারগী মনাক্তা হন্না-হন্না চৎপগী মথৌ তাখি। অদুবু মতম অদুদা অতোপ্পা মফমশিংগুম্না রেলৱে মরি লৈননা গুজরাতসু অখুবা মিৎয়েংদা থম্বীখি। দবল ইঞ্জিনগী সরকার ওইবনা গুজরাত্তা থবক তৌবগী খোংজেলদি য়াংখৎলক্লে, মদুবু চাউথোকহনবগী পাঙ্গলসু হেনগৎলে। ২০০৯দগী ২০০১৪গী মরক্তা কি.মি.চামগা য়াংখৈদগীসু তানা রেলৱে লাইন অনি থোকখি। অদুবু ২০১৪দগী ২০২২গী মরক্তা কিলোমিতর চামঙা য়াংখৈদগীসু হেনবা রেলৱে লাইন দব্লিং তৌখি, মসি গুজরাত্তা থোকখি। অসুম্না, গুজরাত্তা ২০০৯দগী ২০১৪গী মরক্তা চাউরাক্না কিলোমিতর ৬০গী ত্রেকতা মৈগী লাইন তিংখি। অদুবু ২০১৪দগী ২০২২গী মরক্তা কিলোমিতর ১৭০০দগীসু হেন্না মৈগী লাইন তিংখি। হায়বদি দবল ইঞ্জিন সরকারনা হান্নগা চাংদম্নবদা শরক য়াম্না হেন্না থবক তৌখি।
অমসুং মরুপশিং, ঐওয়না স্কেল আমসুং স্পীদ খক্তমক ফগৎহনখিবা নত্তে, মসিদসু নত্তনা ঐখোয়না থাক কয়া অমদা অহোংবা কয়া অমা পুরকখি। পুরক্লিবা অহোংবা অসি ক্বালিতী, ফেসিলিতী, সেফতী অমসুং লু-নানবদা পুরকখি। লৈবাক শিনবা থুংনা রেলৱে স্তেসনশিংদা লৈরিবা ফিভমদা পুরক্লিবা অহোংবা অদু ঙসিদি ময়েক শেংনা উবা ফংলি। লাইরবা অমসুং ময়াই ওইবা কাংলুপশিংদসু ঙসিদি হান্না শেল-থুম পাইবা নুংঙাই-য়াইফবশিংনা ফংলম্বা ফিভম অদুমক ফংলে। মফম অসিদ আগান্ধিনাগর স্তেসন অসি কয়া য়াম্না মোদর্ন ওইবগে অমসুং কয়া য়াম্না চাউবগে হায়বদু নখোয়নসু উরি। হৌজিক এহমদাবাদ স্তেসনবুসু অসিগুম্না শেমগৎলক্লি। মসিগী মথক্তা তুংগী মতমদা সুরত, উধনা, সাবর্মতি, সোম্নাথ অমসুং ন্যু ভুজগুম্বা স্তেসনশিং অসিসু মতম অসিগী ওইবা চাউখৎলবা শক্লোন অমদা উবা ফংলগনি। হৌজিক্তি গান্ধিনাগরদগী মুম্বাইগী মরক্তা ৱন্দে ভারত এক্সপ্রেস সর্বিসসু হৌখ্রে। মসিগী রুত অসিদা খ্বাইদগী হেন্না য়াংবা ত্রেনগী সর্বিস হৌদোকপনা লৈবাক অসিগী খ্বাইদগী হেন্না মরু ওইবা বিজনেস কোরিদোর শেমখ্রে। ফংলিবা মসিগী খুদোংচাবশিং অসি দবল ইঞ্জিন সরকারনা মরম ওইরগা ওইথোকপা ঙম্লিবনি।
মরুপশিং,
ৱেস্তর্ন রেলৱেগী চাউখৎ-থৌরাংদা হেন্না পাকথোক-চাউথোক্না অনৌবা ইনোৎ অমা হাপ্নবগীদমক্তা গতি শক্তি কার্গো তর্মিনেল ১২গী থৌরাং-থৌশিলসু তৌখ্রে। ৱদোদরা সর্কলদা অহানবা গতি শক্তি মল্তিমোদল কার্গো তর্মিনেল হৌদোকখ্রে। য়াম্না য়াংনা অতোপ্পা তর্মিনলদসু মসিগী সর্বিসশিং পীনবগীদমক্তা শেম-শাবা লোইরগনি। দবল ইঞ্জিন সরকারদগী হিরম খুদিংমক্তা চাউখৎপগী খোংজেলসু য়াংখৎলক্লি, অমসুং মসিগী মপাঙ্গলসু কনবা হেনগৎলক্লি।
মরুপশিং,
নিংতম্লবা মতুং দিকেদ কয়া লৈবাক অসিদা লাইরবা-ইনাকখুনবগী মরক্তা লৈরিবা খেৎনবা, খুঙ্গং-শহরগী মরক্তা লৈরিবা খেৎনবা, লেং-মান্নদনা চাউখৎপা অসিনা অচৌবা শিংনবা অমা ওইদুনা লাক্লি। ঐখোয়গী সরকার অসিনা লৈবাক অসিগী অসিগুম্বা শিংনবা অসিগীদমক্তসু সোল্যুশন অমা পুরক্নবা থবক তৌরি। মবাম পুম্নমক চাউখৎনবগীদমক্তা ঐখোয়গী পোলিসী খুদিংমক য়াম্না ময়েক শেংনা লৈ। ইনফ্রাস্ত্রকচরদা অহেনবা মিৎয়েং চংবা, ময়াই ওইবা কাংলুপশিংদা খুদোংচাবা পীবা অমসুং লাইরবশিংদা লাইরবা অসিদগী মায়োক্নবা ঙম্নবা পাম্বৈশিং পীবা। চাউখৎপগী মসিগী চৎনবী অসি ঙসিদি লৈবাক শিনবা থুংনা শাগোন্নদুনা লৈখ্রে। লাইরবশিংগী চেক্কী য়ুম, তোইলেত, মৈ, ঈশিং, গ্যাস, লেম্না লাইয়েংবা অমসুং ইন্সুরেন্সকী খুদোংচাবশিং, মসি অফবা গোবর্নেন্স অমগী শক্তম্নি। ঙসি মেত্রো কেএক্তিবিতী, ইলেক্ত্রিক ভেহিকল, সোলার পাৱর, অহোংবা ইন্তর্নেত, হেন্না ফবা লম্বি, এম্স, মেদিকেল কোলেজ, আই.আই.তি., অসিগুম্বা মখলগী ইনফ্রাস্ত্রকচর অসিনা লৈবাক মীয়ামদা অনৌবা খুদোংচাবা অমা পীরি। হৌৎনরিবা অসি অচম্বা ইমুংশিংগী পুনশিবু হেন্না লাইহন্নবনি। চৎথোক-চৎশিন, লাললোন-ইতিক তৌবদা লাইহন্ননবনি।
ইচিল-ইনাওশিং,
লৈবাক অসিদা হৌজিক্তি কেনেক্তিবিতীগী ইনফ্রাস্ত্রকচরদা চাউখৎহন্নবগীদমক্তা থাংজিল্লিবা খোংথাং অসিদা য়াম্না চাউনা অহোংবা অমা লাক্লে। হৌজিক্তি মফম অমদা লম্বি শেম্বা, মফম অমদনা রেল ত্রেক হাপ্পা, অদুগা মফম অতোপ্পা অঞদানা এয়র্পোত শাবা হায়বগী ৱাফম অদু ওইদ্রে। হৌজিক্তি কেনক্তিবিতীগী মপুং ফাবা সীস্তেম অমা শেমগৎলক্লি। হায়বদি তোঙান-তোঙানবা মখলগী পাম্বৈশিং অদু অমনা অমগা কনেক্ত তৌবা হায়বসি ওইথোকহল্লগনি। মফম অসিমক্তদা এহমেদাবাদতদা রেল, মেত্রো অমসুং বসশিংগী ফেসিলিতীশিং অদু অমনা-অমগা শম্নহল্লে। অসিগুম্না অতোপ্পা শহরশিংদসুঅসুম্না থবক তৌরি। হোৎনরিবা অসি চৎথোক-চৎশিন তৌববু ওইরো নত্রগা পোৎচৈ পুববু ওইরো, মখল খুদিংমক্তগী লেপ্তনা মখা চত্থবা য়ানবা। মোদ অমদা থোরক্লগা মোদ অমদা অমুক চৎপা। মসিনা মতমসু কনগনি অমসুং পৈশাসু চংবা হন্থগনি।
মরুপশিং,
গুজরাত অসি ইন্দস্ত্রীশিং য়াম্না চাউবা সেন্তরনি। মসিদা লোজিস্তিক কোস্ত য়াম্না চাউবা হিরম অমনি। মসিনা লাল্লোন-ইতিক্তা, ইন্দস্ত্রীশিংদবুদি অৱাবা ওইরি, মসিনা মরম ওইরগা পোৎ-চৈগী মমল হেনগৎহল্লি। মরম অদুনা ঙসি রেলৱেবু ওইরো, আইৱেবু ওইরো, এয়রপোর্তপু ওইরো, পোর্তশিংবু ওইরো, মখোয়শিং অসিদা ইনৎ হাপ্লিবনি। গুজরাতকী পোর্তশিং চাউখৎপা মতমদা মসিনা হকথেংননা শেনমিৎলোনদা ইফেক্ত তৌই। মসি ঐখোয়না হৌখিবা চহি ৮দা থেংনরকখি। মতম অসিদা গুজরাতকী পোর্তশিংগী কেপাসিতি শরুক অনি থোক্না হেনগৎলে। হৌজিক্তি ৱেস্তর্ন দেদিকেতেদ ফ্রৈত কোরিদোর অসিগী মতেংনা গুজরাতকী পোর্তশিং অসিবু লৈবাক অসিগী অতোপ্পা শরুক্কা শম্নহল্লি। মসিগী য়াম্না চাউবা শরুক অমা শাবসু লোইশিনখ্রে। মালগারিশিংগীদমক্তা অখন্নবা ত্রেকসু হাপ্লি, মসিনা মরম ওইরগা গুজরাত্তা ইন্দস্ত্রীশিং চাউথোকহল্লগনি। অনৌবা সেক্তরগীদমক্তা খুদোংচাবা অমা ওইরগনি। অসুম্না সাগরমালা য়োজনাগী মতেংনা কোস্তলাইন পুম্নমক অদুদা অফবা লম্বিগী নেতৱার্ক অমা শেম্লে।
মরুপশিং,
চাউখৎপা হায়বসি লেপ্তনা চত্থবা থৌওংনি। চাউখৎ-থৌরাংগা মরি লৈনবা পান্দম চাউরবা চিং অমগী মতোলগা মান্নৈ। মতোল অমা য়ৌবা মতমদা মদুদগীসু হেন্না ৱাংবা মতোল অমমুক উবা ফংলকই। মদুগী অদু অমুক য়ৌননবা হোৎনৈ। চাউখৎপা হায়বসিসু অসিগুম্বা থৌওংনি। হৌখিবা চহি ২০ অসিদা গুজরাতনা চাউখৎপগী তোঙান-তোঙানবা মতোলশিং অদু লান্থোকখ্রে। অদুবু লাক্কদবা চহি ২৫ গুজরাতপু চাউখৎপা লমদম অমা ওইহন্নবগী চাউরবা পান্দম অমা ঐখোয়গী মাংদা লৈররে। হৌখিবা চহি ২দা ঐখোয়না পুন্না মাইপাকপা ফংলকখিবা অদুগুম্না অমৃতকালগী মতম অসিদসু গুজরাতি খুদিংমক্না পুনশিনগদবনি, গুজরাত ৱাসি পুম্নমক্না পুনশিগদবনি। চাউখৎপা ভারত অমগীদমক্তা চাউখৎপা গুজরাত অমা শেম্বা হায়বসি ঐখোয়গী মোতোনি। অমসুং ঐখোয় লোইনমক্না খঙই মদুদি করিগুম্বা গুজরাতি ঐকোয়না করিগুম্বা অমগীদমক্তা লেপ্লবদি মদুবু মপুং ফাহল্লবা মতুংদা খক্তমক লেপ্পী। মসিগী ফিরেপ অসিগা লোইননা অমসুং ঐহাক্না ঙকই মদুদি ঙসি অসি সরদার পতেলগী মপোক কুম্ননি। লৈবাক অসিগীদমক্তা য়াম্না চাউথোকচনিংঙাই মতম্নি। মীশক অসিনা, মমিং লৈরবা অচৌবা মীশক অসিনা হিন্দুস্তান অসিবু পুনশিনখি, হিন্দুস্তানবু অমত্তা ওইহনখি, ঙসি মদুগি অমত্তা ওইবগী কান্নবা অদু ঐখোয়না লৌরিবনি। সরদার বাল্ল ভাই পতেল লৈবাক অসিগী অহানবা গৃহ মন্ত্রী ওইখি। লৈবাক অসিবু পুনশিন্নবা থবক তৌখি। হিন্দুস্তানি খুদিংমক্না সরদার পতেলদা য়াম্না চাউথোকচৈ, ওইব্রা ওইদব্রানে ভাই? চাউথোকচব্রা নত্রগা চাউথোকতব্রো? ওইব্রা নত্রগা ওইদব্রা? সরদার পতেল ভাজপাগী ওইরমব্রো? মহাক্তি ভাজপাগীসু নত্তে। সরদার বল্লব ভাই পতেল কংগ্রেসকী য়াম্না মমিং লৈরবা অচৌবা নেতা অমা ওইখি। ঙসি, মহাক্কী মপোক নুমিৎ অসিদা পাউচে অনিদা ঐগী মিৎয়েং থমখি। কংগ্রেস পার্তী রাজস্থানগী কংগ্রেস সরকারনা গুজরাতি পাউচেশিংদা লমাই থন্না মখোয়গী এদভর্তিজমেন্ত ফোংলি। কংগ্রেস সরকারগী এদভর্তিজমেন্ত, অদুবু মদুগী এদভর্তিজমেন্ত অদুদা ঙসি সরদার বল্লব ভাই পতেলগী মপোক নুমিৎ অসিদা এদভর্তিজমেন্ত অদুদা সরদার পতেলগী মিং, সরদার পতেলগী ফোতো, সরদার পতেলগী হৈকৎ-লৈকৎ তমদুনা ইকাইখুম্নবা অমত্তা য়াওদে। মসিগী ইকাইবা পীবা, অদুসু গুজরাতকী লমদম অসিদা, সরদার পতেলবু মখোয়গা পুনশিনবা ঙমদ্রবা কংগ্রেস অদুনা করিবু পুনশিনবা শমজিনবা ঙমদোরিবনো? মসি সরদার সাহেবপু ইকাইবা পীবনি, মসি লৈবাক অসিবু ইকাইবা পীবনি। মহাক্তি ভাজপাগীসু নত্তে, মহাক্তি কংগ্রেসকী ওইখি। অদুবু লৈবাক পুম্বগীদমক্তা হিংখি, লৈবাক্কীদমক্তা করিগুম্বা খরা পীরমখি, তৌরমখি। ঙসি ঐখোয়না চাউথোকচরিবনি, মালেম অসিগী খ্বাইদগী চাউবা মীতম শাদুনা পুক্নিংদা অপেনবা অমা ফাওরি, মখোয়না মিং ফাওবা পন্নিংদ্রিবনি।
ইচিল-ইনাওশিং,
গুজরাতনা হায়রিবশিং অসি কৈদৌনুংদা ঙাকপীদে অমসুং লৈবাক অসিনসু কৈদৌনুংদা ঙাকপীদে।
মরুপশিং,
মসিগী রেলৱে অসিসু শেম্নহনবগী থবক তৌই। অৱাংদগী খাদা, নোংপোক্তগী নোংচুপ্তা, অসিগী শম্নহনবগী থৌওং অসিবু খোংজেল য়াংখৎহনবা, মসিবু পাকথোক-চাউথোকহন্দুনা শন্দোকপা, লেপ্তনা থবক তৌবা, খোংজেল য়াংনা চৎলি অমসুং মসিগী কান্নবা অসি ঙসিদি নখোয়সু ফংলিবনি। ঐগী মাইকৈদগী নখোয়বু য়াইফবা ওইসনু!
হন্না-হন্না থাগৎচরি!
