Share
 
Comments
পাইপলাইন অসিনা কেরলা অমসুং কর্নাতকা মীয়াম্না কোম্না হিংবগী ফীভম ফগৎহল্লগনি: পি.এম.
ব্লু ইকনমীনা আত্মনিরভর ভারতকী মরুওইববা হৌরকফম ওইগদৌরি: পি.এম.

খুরুমজরি!

কেরলাগী রাজ্যপাল, আরিফ মোহম্মদ খানজী, কর্নাতক্কী রাজ্যপাল বজুভাই ৱালাজী, কেরলাগী মুখ্যমন্ত্রী শ্রী পিনারাই বিজয়নজী, কর্নাতক্কী মুখ্যমন্ত্রী শ্রী বি.এস. য়েদিয়ুরপ্পাজী, কেন্দ্রগী মন্ত্রীমন্দলদা ঐগী খোঙলোই ওইবীরিবা শ্রী ধর্মেন্দ্র প্রধানজী, প্রহলাদ জোশীজী, ভি. মুরলীধরনজী, এম.পি.শিং, এম.এল.এ.শিং, ইচিল-ইনাও পুম্নমক,

মসি কিলোমীতর ৪৫০ শাংবা কোচী-মেঙ্গলুরু নেচরেল গ্যাস পাইপলাইন লৈবাক মীয়ামদা কৎথোকচবগী পুংফম অদুনি। মসি ভারতকী, মরুওইনা কেরলা অমসুং কর্নাতক্কী মীয়ামগী মরুওইরবা নুমিৎ অমনি। রাজ্য অনি অসি নেচরেল গ্যাস পাইপলাইন্না শম্নহল্লগনি। ঐনা রাজ্যশিং অসিগী মীয়ামদা নুংঙাইবা ফোংদোকচরি। ক্লীন ইনর্জীগী ইনফ্রাস্ত্রকচর ফংহন্নবগীদমক খোংথাং পায়খৎপীরিবা স্তেকহোল্দর পুম্নমক্তসু ঐনা নুংঙাইবা ফোংদোকচরি। পাইপলাইন অসিনা রাজ্য অনি অসিদা শেন্মিৎলোনগী শাহৌদা অফবা শাফু পীরগনি।

মরূপশা,

কোচী-মেঙ্গলুরু পাইপলাইন অসি ৱাফম অসিগী য়াম্না চাউবা খুদম অমনি মদুদি চাউখৎ-থৌরাংদা মরুওইবা থমদুনা, পুম্নমক্না অমত্তা ওইনা থবক তৌমিন্নরবদি, পান্দম খুদিংমক ফংদনীংঙাই লৈতে। মসি প্রোজেক্ত অসিগা লোইনরিবা পুম্নমক্না খঙই মদুদি ইঞ্জিনীয়রিংগী থৌওংনা মসিবু মপুং ফাহনবা কয়াদা অরুবা ওইখি। প্রোজেক্ত অসিদা অতৈ অরুবা কয়াসু লাকখি। অদুবু ঐখোয়গী শিন্মীশিং, ঐখোয়গী ইঞ্জিনীয়রশিং, ঐখোয়গী লৌমীশিং অমসুং রাজ্য সরকারশিংগী মতেংদগী পাইপলাইন অসি মপুং ফাহল্লে। হায়রুরগদি মসি শুপ্নগী পাইপলাইন খক্তনি, অদুবু রাজ্য অনি অসিগী চাউখৎ-থৌরাংগী খোংজেল হাপ্পদা মসিগী অচৌবা থৌদাং য়াওগদৌরিবনি। ঙসি লৈবাক অসিনা গ্যসতা য়ুম্ফম ওইবা শেন্মিৎলোন্দা করিগী অসুক য়াম্না শাফু পীরিবনো? করিগী ৱন নেসন, ৱন গ্যাস গ্রিদতা অদুক্কী মতিক খোংজেল য়াংনা থবক পায়খৎলিবনো? আত্মনির্ভর ভারতকীদমক্তা গ্যাসতা য়ুম্ফম ওইবা শেন্মিৎলোন খোংজেল য়াংনা শন্দোকপা করিগী মথৌ তারিবা? মসি শুপ্নগী পাইপলাইন অসিগী কান্নবদগী খঙবা ঙমলগনি।

অহানবদা – পাইপলাইন অসিনা রাজ্য অনি অসিগী মীয়ামগী ইজ ওফ লিভিং হেনগৎহল্লগনি। অনিশুবদা - পাইপলাইন অসিনা রাজ্য অনি অসিগী লাইরবা, ময়াই ওইবা কাংলুপকী অমসুং ওন্ত্রপ্রিনরশিংগী চাদিং হন্থহল্লগনি। অহুমশুবদা - পাইপলাইন অসিনা শহর কয়াদা সিতী গ্যাস দিস্ত্রিব্যুসন সিস্তেম অসিগী পাম্বৈ অমা ওইরগনি। মরিশুবদা - পাইপলাইন অসিনা শহর কয়াদা সি.এন.জি. দা য়ুম্ফম ওইবা ত্রান্সপোর্ত সিস্তেম দিবেলপ তৌনবগী য়ু্মফম ওইরগনি। মঙাশুবদা – পাইপ লাইন অসি মেঙ্গলোর কেমিকেল অমসুং ফর্তিলাইজর প্লান্তদা ইনর্জী পাগনি, হন্থবা চাদিংদা হার শেম্বদা মতেং পাংগনি, লৌমীশিংগী মতেং পাংগনি। তরুক শুবদা – পাইপলাইন অসিনা মেঙ্গলোর রিফাইনরী অমসুং পেত্রোকেমিকেলদা ইনর্জী পীগনি, মখোয়দা অশেংবা ফুএল পীগনি। তরেৎশুবদা - পাইপলাইন অসিনা রাজ্য অনিমক অসিদা পোলুসন হন্থহনবদা অচৌবা থৌদাং য়াগনি। তরেৎশুবদা – পোলুসন হন্থহনবনা অকোইবগী ফিভমদা হকথেংননা ফল ফংগনি, উ লাখ কয়া থাবদগী ফংবা ঙমবা অদুক্কী মতিক মসিদগী কার্বোন দাইওক্সাইদ এমিসন হন্থহগনি।

 

মরূপশা,

মাপন শুবদি মসিনি মদুদি অকোইবগী ফিভম ফরকপদগী মীয়ামগী হকশেলসু ফরগনি, অনাবদা চমবা মখোয়গী চাদিংসু হন্থহল্লগনি। তরাশুবদা – পোলুসন হন্থরবদি, নুংশিৎ শেংলগনি, শহরদা গ্যাসতা যুম্ফম ওইবা থৌরাংশিং লৈরগনি অদুনা তুরিস্ত হেন্না লাক্লগনি, তুরিস্ত সেক্তরদসু মসিগী কান্নবা ফংলগনি অমসুং মরূপশা, পাইপলাইন অসিগী কান্নবা অনি অমসু লৈরি মদু পনবা য়াম্না মথৌ তাই। পাইপলাইন অসি শেম্লকপা মতমদা মেন দেজ লাখ ১২গী থবক জেনরেৎ তৌখি। পাইপলাইন হৌরবা মতুংদসু থবক ফংবা অমসুং মশানা থবক পীজবগী অনৌবা ইকোসিস্তেম কেরলা অমসুং কর্নাতকাদা খোংজেল য়াম্না য়াংনা শেমগৎলগনি। ফর্তিলাইজরগী ইন্দস্ত্রীবু ওইরো, পেত্রোকেমিকেলগী ইন্দস্ত্রীবু ওইরো, ইলেক্ত্রিক্কী ইন্দস্ত্রীবু ওইরো, ইন্দস্ত্রী খুদিংমক মসিদগী কান্নবা ফংলগনি থবক ফংবগী খুদোংচাবা লৈরগনি।

মরূপশা,

পাইপলাইন অসিগী অতোপ্পা কান্নবা অমা লৈবাক অপুনবা অসিনা ফংগনি। পাইপলাইন অসি মপুং ফাবা কেপাসিতীগা লোইননা থবক তৌবা হৌরকপদা লৈবাক্কী ফোরেন এক্সচেঞ্জ করোর লিশিং কয়া চাদিং তৌবদগীসু কল্লগনি। ভারতনা কোপ-১২গী পান্দম অসিদা অদুক্কী মতিক লুম্না থবক তৌরিবা অসিদসু, থৌওং অসিনা ঐখোয়দা মতেং পীগনি।

মরূপশা,

মালেম পুম্নমক্কী এক্সপোর্তশিংনা হায় মদুদি ২১শুবা চহিচাদা লৈবাক অমা হেক্তনা কনেক্তিবিতীদা অমসুং ক্লিন ইনর্জীদা খ্বাইদগী হেন্না শাফু পীরবা, খোংজেল য়াংনা থবক তৌরবদি মখোয় অনৌবা মতোল অদুদা য়ৌগনি। ঙসি অদোম্না অমা হেক্তা ফ্রন্ততা য়েংবদা, হাইৱে কনেক্তিবিতী, রেলৱে কনেক্তিবিতী, মেত্রো কনেক্তিবিতী, এয়র কনেক্তিবিতী, ৱাতর কনেক্তিবিতী, দিজিতেল কনেক্তিবিতী, নত্ত্রগা গ্যাস কনেক্তিবিতী, ভারত্তা হৌজিক পায়খৎলিবা থবকশিং, লম কয়াদা অমুক্তদা পায়খৎলিবা অসিগুম্না হান্না অমুক্তা ওইখিদ্রি। ঐখোয়না মসি পাংথোকপা ইমিৎনা উবা ফংজবা অসি ভারত মচা অমা ওইনা ঐখোয় পুম্নমক্কী লাইবক ফবনি, ঐখোয় খুদিংমক চাউখৎপগী অনৌবা খোংজং অসিগী শরুক্নি।

ইচিল-ইনাওশা,

হৌখিবা চহিচাদা ভারতনা চৎখিবা খোংজেল অদুগী মশাগী তোঙানবা মরমশিং লৈরি। ঐ মদুদা কুথনা চৎপা পামদে। অদুবু মসিমসি তশেংলে মদুদি ঙসিগী নহা ওইরিবা ভারত, মালেমদা লিখৎনবগীদমক খাংঙমদ্রবা ভারতনা হৌজিক তপ্না চৎপা য়াদ্রে। মরম অসিমক্না হৌখিবা চহি খরা অসিদা লৈবাক অসিনা স্পীদসু হেনগৎহল্লি অমসুং স্কেলসু হেনগৎহল্লে, লোইননা স্কোপসু হেনগৎহল্লে।

মরূপশা,

ভারতকী অনৌবা মীরোলগী অফবা মগুন অমদি মখোয়না অচুম্বগী মতুং ইন্না পোৎশকশিংগী মগুন লেপ্পা অসিনি। অমসুং মদুগী মায় পাকপা মায় থিবদা চাংদম্নদুনা এনলাইস তৌই। অমসুং ৱাফম খুদিংমক লোজিক অমসুং ফেক্কী মতুং ইন্না লৌশিল্লি। ভারত্তা গ্যাস বেজ ইকোনোমীগী মতাংদা হৌজিক থবক পায়খৎলিবা অসিদসু লোজিক অমসুং ফেক কয়াগী মথৌ তারি।

 

মরূপশা,

ঐখোয়গী লৈবাক্তা অহানবা ইন্তরস্তেৎ নেচরেল গ্যাস পাইপলাইন কুমজা ১৯৮৭তা কমিশন তৌখি। মসিগী মতুংদা কুমজা ২০১৪ ফাওবা, হায়বদি চহি ২৭তা ভারত্তা নেচরেল গ্যাস পাইপলাইন কিলোমীতর লিশিং ১৫ শেমখি। ঙসি লৈবাক অপুনবদা, নোংপোক-নোংচুপ-অৱাং-মখাদা, নেচরেল গ্যাস পাইপলাইন কিলোমীতর লিশিং ১৬ হেনবদা থবক পায়খৎলি। থবক অসি মথংগী চহি ৪-৬তা লোইগদৌরি। অদোম্না খনবীবা য়াই, চহি ২৭তা তৌখিবা থবক অদুক, ঐখোয়না মদুদগী হেনবা থবক, মদুগী মতম তঙ্খাইদা তৌনবগী পান্দম পুদুনা চৎলি।

মরূপশা,

মতৌ অসুম্না অতোপ্পা খুদম অমনা সি.এন.জি. স্তেসনগীনি। ঐখোয়গী লৈবাক্তা অহানবা সি.এন.জি. স্তেসন ১৯৯২গী অদুৱাইদা হৌখি। কুমজা ২০১৪ ফাওবদা চহি ২২দা, ঐখোয়গী লৈবাক্তা সি.এন.জি. স্তেসনগী মশিং ৯০০দগী হেল্লমদে। অদুম ওইনমক হৌখিবা চহি ৬তা অনৌবা সি.এন.জি. ১৫০০দগী হেন্না হৌদোকখ্রে। হৌজিক সরকার অসিনা সি.এন.জি. স্তেসন লিশিং ১০ ফাওবা য়ৌহন্নবা পান্দমগা লোইননা থবক পায়খৎলি। হৌজিক পায়খৎলিবা পাইপলাইন কমিশন অসিনসু কেরলা অমসুং কর্নাতক্কী শহর কয়াদা সি.এন.জি. স্তেসন ৭০০ হাংদোকপদা মতেং ওইরগনি।

মরূপশা,

অতোপ্পা নুংঙাইরবা ফিগর অমদি পি.এন.জি. কনেক্সনগীনি, চাকখুমদা পাইপনা গ্যাস য়ৌহল্লিবা অসিগী। কুমজা ২০১৪ ফাওবদা ঐখোয়গী লৈবাক্তা শুপ্নগী পি.এন.জি. কনেক্সন লাখ ২৫ খক্তমক লৈরম্মি। ঙসি লৈবাক অসিদা লাখ ৭২দগী হেনবা ইমুংগী চাকখুমদা পাইপ্তা গ্যাস য়ৌহল্লি। কোচী-মেঙ্গলুরু পাইপলাইন্দগী অনৌবা মীওই লাখ ২১ অমগনা পি.এন.জি.গী খুদোংচাবা লৌবা ফংলগনি। ইচিল-ইনাওশা, মতম কুইনা ভারত্তা এল.পি.জি. কভরেজগী ফিভম করি ওইরম্মি হায়বসি ঐখোয় পুম্নমক্না খঙই। কুমজা ২০১৪ ফাওবদা লৈবাক অপুনবদা লৈরম্বা এল.পি.জি. কনেক্সন করোর ১৪গী মশিং অদুমক, হৌখিবা চহি ৬তা অনৌবা কনেক্সন ওইনা পীখি। উজ্জ্বলা য়োজনাগুম্বা স্কিমদগী লৈবাক অসিগী করোর ৮দগী হেনবা লাইরবা ইমুংশিংগী য়ুমদা কুকিং গ্যাস য়ৌহনখিবগা লোইননা মসিদগী এল.পি.জি.গা মরী লৈনবা ইনফ্রাস্ত্রকচরসু লৈবাক অপুনবদা মপাঙ্গল কনশিনখি। মরূপশা, কোরোনাগী মতমদা লৈবাক অসিদা কুকিং গ্যাসকী অৱাৎপা কৈদৌনুংদসু লৈখিদবা অসিগী অচৌবা মরম অমা মসিনা ওইরি। লাইরবদগী লাইরবশিংদা ঐখোয়না অৱাবগী মতম অদুদা লেম্না সিলিন্দর চাউরাক্না করোর ১২ রোম ফংহনবা ঙমখি।

মরূপশা,

সরকারনা হোৎনরিবশিং অসিদা, খোংজেল অদুক্কী মতিক য়াংনা পাংথোক্লিবা থবকশিং অসিগী অতোপ্পা শাফু অমগা পীরি। মসিগী মতাংদা অদুক্কী মতিক পন্নদ্রি। নীংশিংবীয়ু ঐখোয়গী অসিদা কেরোসিনগী মতাংদা কয়াদা শাংনা শাংনা ক্যু লেপ্নখিবা। রাজ্য সরকারশিংনা, ভারত্তা সরকারদা চিথী কয়া ইখি, কোরিসিনগী কোতা হেনগৎহন্নবগীদমক্তা। কেরোসিনগী দিলিবরীগীদমক্তা কেন্দ্র অমসুং রাজ্যগী মরক্তা মতম পুম্নমক্তা উংখৎনখি। ঙসি চাকখুমগীদমক্তা গ্যাল কোম্না ফংলবা অসিদা, চাকখুম ফাওবা গ্যাস য়ৌরবা অসিদদি কেরোসিনগী অৱাৎপসু হন্থরে। ঙসি লৈবাক অসিগী রাজ্য অমসুং য়ুনিয়ন তেরিকরী কয়ামরুম্না মশাবু কোরোসি ফ্রী ওইনা লাওথোকচরে।

মরূপশা,

তুংলমচৎকী মথৌ তাবশিং, তুংলমচৎকী ইনর্জী নীদশিংগীদমক্তা ঙসিদগী শেম শানবা লৈবাক অসিনা হোৎনরি। মরম অসিনা, অমরোমদা লৈবাক অসিদা নেচরেল গ্যাসকী মতাংদা মিৎয়েং চংলি অদুগা অতোপ্পা অমরোমদা লৈবাক অসিনা মসিগী ইনর্জী রিসোর্সশিং অসিসু দাইবর্সিফাই তৌরি। হন্দক্তা গুজরাত্তা মালেমগী খ্বাইদগী চাউবা রেন্যুএবল ইনর্জী প্লান্তকী তবক হৌখ্রে। মতৌ অসুম্না ঙসি লৈবাক অসিদা বাইও-ফুএল্সদা য়াম্না চাউবা থাক্তা থবক পায়খৎলি। চু নত্ত্রগা অতৈ এগ্রো প্রদক্তশিং ওইরো মদুদগী ইথানোল পুথোকপদা অচেৎপা মওংদা থাবক পায়খৎলি। মথংগী চহি ১০দা পেত্রোলদা তৌগদৌরিবা ইথানোল ব্লেন্দিং অদু চাদা ২০ ফাওবা য়ৌহন্নবা পান্দম থম্লি। মসিদা নত্তনা ইলেক্ত্রিক মোবিলিতীগা মরী লৈনবা লমদা, মসিগা মরা লৈনবা ইনফ্রাস্ত্রকচরদসু কা হেন্না ইনোৎ হাপ্লি। ইরৈবাকচা খুদিংমক্তা মরাং কাইবা, অহোংবা, পোলুসন য়াওদবা ফুএল ফংহন্নবা, ইলেক্ত্রিক ফংহন্নবা ঐখোয়গী সরকারনা অচেৎপা ফিরেপকা লোইননা থবক তৌরি।

ইচিল-ইনাওশা,

লৈবাক অসিগী খল মান্নবা অমসুং খোংজেল য়াংবা চাউখৎ-থৌরাংগী ৱাখল্লোন ঐখোয়গী কোস্তেল এরিয়াগী দিবেলপমেন্তগী মতাংদসু ময়েক শেংনা উবা ফংলি। কেরলাবু ওইরো, কর্নাতকপু ওইরো, সমুদ্রগা লোইনরিবা সাউথ ইন্দিয়াগী রাজ্য পুম্নমক্তা ব্লু ইকোনোমীগী চাউখৎ-থৌরাংগীদমক্তা কমপ্রিহেন্সিব প্লান অমদা থবক পায়খৎলি। ব্লু ইকোনোমী অসি আত্মনির্ভর ভারতকী য়াম্না চাউবা সোর্স অমা ওইগদৌরি। ঐখোয়গী পোর্তশিংবু ওইরো, কোস্তেল রোদশিংবু ওইরো, মখোয়শিং অসি অতোপ্পা পাম্বৈনা কনেক্ত তৌগদৌরি। মল্তিমোদেল কনেক্তিবিতীদা ঐখোয় মরুওইনা মিৎয়েং থম্লি। ঐখোয়গী কোস্তেল রিজন, ইজ ওফ লিবিংগীসু মোদেল ওইরি। ইজ ওফ দোইং বিজিনেসসু হেন্না ফহন্নবা পান্দম অসিগা লোইননা থবক তৌরি।

ইচিল-ইনাওশা,

সমুদ্রগী তোর্বান্দা লৈবা চাউরবা মীয়াম অমদি ঐখোয়গী লৌমীশিংনি, ঐখোয়গী ঙা ফাবা মরূপশিংনি। মরূপ পুম্নমক অসি সমুদ্রগী লন অসিগী মপান তাংবদা নত্তনা, মসিবু খ্বাইদগী চাউনা ঙাক-শেল্লিবা অমসুনি। মরম অসিনা কোস্তেল ইকো-সিস্তেমগী ঙাকশেল অমসুং চাউখৎপা অসি য়াম্না মরু ওই। হৌখিবা চহি খরা অসিদা মসিগীদমক্তা অফবা খোংথাং কয়া পায়খৎলে। ঙা ফাবশিংদা দীপ সী ফিশিংগী মথৌ তাবা তেংবাংবু ওইরো, ফিসরিজগী তোঙানবা দিপার্তমেন্ত শেম্ববু ওইরো, ঙাগা মরী লৈনবা মরূপশিংদসু অহোঙবা লোনগীদমক্তা কিসান ক্রেদিৎ কার্দ পীববু ওইরো, মসিদগী খ্বাইদগী চম্বা ঙা ফাবশিংদসু কান্নবা ফংলে। থা খরগী মমাংদা লৈবাক অসিদা লুপা করোর লিশিং ২০গী মৎস্য সম্পদা য়োজনা হৌদোকখ্রে। মসিগী কান্নবা কেরলা অমসুং কর্নাতক্কী ঙা ফাবা মরূপ লাখ কায়ানা হকথেংননা ফংগদৌরি। ঙসি ঙাগা মরী লৈনবা এক্সপোর্ততদি ঐখোয় খোংজেল য়াংনা মাংদা চংশিল্লি, ভারতনা ক্বালিতী প্রোসেস সী ফুদকী হব অমা ওইনবগীদমক্তসু মথৌ তাবা খোংথাং খুদিংমক পায়খৎলি। মালেমদা সী ৱীদকী দিমান্দ হেনগৎলক্লি, মসিপু মপুং ফাহন্নবদা ভারতনা মরুওইবা থৌদাং লৌবা য়াই। সী ৱীদ ফার্মিংগীদমক্তা লৌমীশিংদা অদুক্কী মতিক পুক্নীং থৌগৎলিমখৈ অসুক্কী মতিক খোংজেল য়াংনা লম অসিদসু ঐখোয় মাংজিল থাবা ঙমগনি।

ঐখোয়না অমত্তা ওইনা, ৱাশক অমদা থবক তৌরবতদা, ঐখোয়না লৈবাক অসিগী পান্দম পুম্নমক খোংজেল য়াংনা ফংবা ঙমগনি। অমুক্কা হন্না কোচী-মেঙ্গলুরু গ্যাস পাইপলাইনগীদমক্তা কেরলা অমসুং কর্নাতক্কী মীপুম খুদিংমক্তা, ইচিল-ইনাওশিংদা, থবক অসিগা মরী লৈনরিবা খঙ-হৈরবা পুম্নমক্তা হন্না হন্না নুংঙাইবা ফোংদোকচরি।

থাগৎচরি!

 

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Forex reserves up by USD 1.492 billion to USD 641 billion

Media Coverage

Forex reserves up by USD 1.492 billion to USD 641 billion
...

Nm on the go

Always be the first to hear from the PM. Get the App Now!
...
Share
 
Comments

Join Live for Mann Ki Baat