Share
 
Comments
ভারতকী শেন্মিৎলোন চাউখৎপগী চাং অসি প্রধান মন্ত্রী মোদীগী শক্তি লৈরবা লুচিং মখাদা মেন্যুফেকচরিং সেক্তরগীদমক তোঙান-তোঙানবা খোঙথাং কয়ানা মরম ওইদুনা হেন্না চাউখৎলক্লিঃ জাপানগী প্রধান মন্ত্রী কিশিদা
"ভারত-জাপান মপাং শক্তি লৈ হায়বসি মারুতি-সুজুকিনা মায় পাকপসিনা তাক্লে"
"হৌখিবা চহি নিপানসিদা, ভারত অমসুং জাপানগী মরী অনৌবা অৱাংবা থাক অমা য়ৌরে"
"মরুপ মপাংগী মতাং য়ৌরকপদা, ভারত মচা খুদিংমক্না ঐখোয়গী মমাংগী প্রধান মন্ত্রী লৈখিদ্রবা শিঞ্জো অবেবু শোইদনা নিংশিংগনি"
"ঐখোয়গী হোৎনরকখিবা কয়াদা জাপানগা লৈনরিবা হকচিনবা মরী অমসুং ইকাইখুম্নবা পুদুনা চৎলি, মরম অসিমক্না গুজরাত্তা জাপানগী কম্পেনী ১২৫ মথৌ তৌদুনা লৈরি"
"সপ্লাই, দিমান্দ অমসুং ইকোসিস্তেম মপাঙ্গল কনখৎহনবনা ই.ভি. সেক্তর শোইদনা চাউখৎলক্কনি"

গুজরাতকী মমিং লৈরবা মুখ্য মন্ত্রী, শ্রী ভুপেন্দ্র ভাই পতেল, হরিয়ানাগী মুখ্য মন্ত্রী শ্রী মনোহর লাল, উপ মুখ্য মন্ত্রী শ্রী কৃষ্ণ চৌতলাজী, পার্লিয়ামেন্তকী ঐহাক্কী মরুপ, শ্রী সি.আর. পাতেল, সুজুকি মোতোর কোর্পোরেসনগী মোক থোংবা থৌপুরিবশিং, ভারত্তা লৈরিবা জাপানগী এম্বেসেদর, মারুতি -সুজুকিগী মকোক থোংবা ওফিসরশিং, অতোপ্পা দিগনিতরীশিং, নুপী অমদি নুপাশিং!

অহৌবদা ঐহাক্না সুজুকি অমসু মসিগা মরী লৈনবা মীপুম খুদিংমকপু থাগৎপা ফোঙদোকচরি।

ভারত অমসুং ভারতকী মীয়ামগা সুজুকিগা লৈনরিবা মরী অসি হৌজিক চহি ৪০ মপুং ফারে। ঙসি গুজরাত্তা ইলেকক্ত্রিক গারীগী বেত্তরীশিং পুথোক্নবগী অচৌবা প্লান্ত অমগী উরেপু-উয়ুং তম্বগা লোয়ননা হরিয়ানাদা অনৌবা কার মেন্যুফেকচরিং ফেসিলিতীসু শঙ্গাখি।

পাকথোক চাউথোকপা অসিনা সুজুকিগী অচৌবা তুংলমচৎকী মতিক-ময়াইগী য়ুম্ফম থোল্লগনি হায়না ঐহাক্না থাজৈ। ঐহাক্না সুজুকি মোতোর্দ অমসুং অচৌবা ইমুং-মনুং অসিগী মীওই পুম্নমক্তা থমোয় শেংনা তৌবীমল খঙবা উৎচরি। মরু ওইনা ঐহাক্না শ্রী ওসামু সুজুকি অমসুং শ্রী তোশিহিরো সুজুকিবু থাগৎচনীংই। নখোয়না ঐহাক্কা উনবা মতম খুদিংদা ভারত্তা সুজুকিগী অনৌবা বিজন অমা খুদোল তম্বী। ঐহাক্না চহি অসিগী মেদা শ্রী ওসামু সুজুকিগা উনখি অমসুং মহাক্না ঐঙোন্দা ভারত্তা পাঙথোক্কদবা চহি ৪০ শুবগী থৌরমদা য়াওবীনবা হায়রকখি। অসিগুম্বা তুংলচৎকী কান্নরবা থৌশিলশিং উবা ফংজবা অসিদা য়াম্না অপেনবা পোকই।

মরুপশিং,

মারুতি-সুজুকিগী মাইপাকনা ভারত-জাপান চুনশিন্নবগী অচেৎপা মরী অদু তাক্লি। হৌখিবা চহি নিপানসিদা, ভারত অমসুং জাপানগী মরী অনৌবা অৱাংবা থাক অমা য়ৌরে। ঙসিদি গুজরাত-মহারাস্ত্রাগী বুলেৎ ত্রেনদগী য়ু.পি.গী বনারসকী রুদ্রক্ষ ফাওবদা, চাউখৎ খোঙথাংগী প্রোজেক্ত কয়ানা ভারত-জাপান মরীগী খুদম ওইরি। অমসুং মসিনা মরুপ মপাংগী মতাংদা য়ৌরকপদা ভারত মচা খুদিংমক্না ঐখোয়গী মরুপ লৈখিদ্রবা হান্নগী প্রধান মন্ত্রী শিঞ্জো অবেবু নিংশিংগনি। সিঞ্জো অবেনা গুজরাত্তা লাক্তুনা মতম খরা লেনবীরম্বা অদু ভারত মচা খুদিংমক্না নিংশিংনরি। ঙসিদি ঐখোয়গী লৈবাক অসিনা নকশিন্না লৈমিন্ননবা সিঞ্জো অবেনা হোৎনজরম্বা কয়া প্রধান মন্ত্রী (ফুমিও) কিশিদানা মাং থানা পুখৎপীরক্লি। ঐখোয়না হৌজিক্তা প্রধান মন্ত্রী কিশিদাগী ৱারোল ভিদো মেসেস ওইনা উবা ফংখ্রে। ঐহাক্না প্রধান মন্ত্রী কিশিদা অমসুং জাপানগী প্রজা পুম্নমক্তা ভারত পুম্বগী মহুৎ শিন্দুনা খুরুমজরি।

মরুপশিং,

লৈবাক অসিগী ইন্দস্ত্রিএল দিবেলপমেন্ত অমসুং মেক ইন ইন্দিয়াদা লেপ্পা লৈতনা শাহৌ পীরিবা গুজরাত অমসুং হরিয়ানাগী মীয়ামদা ঐহাক্না য়াইফ-মঙ্গোল পীজনবগী খুদোংচাবা লৌজগে। রাজ্য অনিমক্কী সরকারশংগী চাউখৎ-থৌরাং অমসুং ইন্দস্ত্রিএল-ওরিয়েন্তেদ ওইবা থৌশিলশিং অমসুং ‘ইজ ওফ দুইং বিজিনেস’কী মাইকৈদা লৌখৎলিবা খোঙথাংশিং অসিনা রাজ্য অসিগী মীওই করোর কয়াদা অমসুং মরু ওইনা নহারোলশিংদা কান্নবা পীরি।

মরুপশিং,

অখন্নবা থৌরম অসিদা ঐহাক্না য়াম্না অরিবা অমসুং মহৌশাগী ওইবা করিগুম্বা অমা নীংশিংলকই। চহি ১৩রোমগী মমাংদা সুজুকি কম্পনীনা গুজরাত্তা মখোয়গী মেন্যুফেকচরিং য়ুনিৎ শানবা লাকখিবা অদু নিংশিংলি। মতম অদুদা ঐহাক্না হায়খি – ‘ঐখোয়গী মারুতিগী মরুপশিংনা গুজরাতকী ঈশিং থকপগুম্না মখোয়সি চাউখৎপগী পর্ফেক্ত মোদেল অদু কদাইদা লৈবগে খঙলক্কনি’। ঙসি গুজরাতনা সুজুকিগা লোয়ননা থমখিবা ৱাশক ঙাক্লে খনবদা অদুক্কী মতীক হরাওজৈ অমসুং সুজুকিনসু গুজরাতকী অপাম্ববু মান্ননা ইকাইখুম্নবা উৎলি। ঙসি গুজরাতনা লৈবাক অসি খক্তা নত্তনা মালেমগী ওইনা মাংজিল থারিবা ওতোমোতিব মেন্যুফেকচরিং হব অমা ওইনা মচিল তুমখৎলক্লি।

মরুপশিং,

ঙসিগী থৌরম অসিদা গুজরাত অমসুং জাপানগা লৈনরিবা অচেৎপা মরী অসিগী মতাংদা খন্নবদা লোইবা নাইরোই। গুজরাত অমসুং জাপানগী মরী অসি দিপ্লোমেতিক সর্কলশিং হেনখি।

২০০৯দা ভাইব্রেন্ত গুজরাত সম্মিৎ হৌদোকখিবা মতমদগী হৌদুনা জাপান অসি মপাং ওইবা লৈবাক অমা ওইদুনা লাক্লি হায়বা ঐহাক্না নিংশিংলি। অমসুং রাজ্য অমদা নাকল অমদা অমসুং অতোপ্পা নাকল অমদনা চাউখৎলবা লৈবাক অমা লৈদুনা অনিমক্না অমনা অমগী মতেং পাংনবা হায়বা অসি য়াম্না মমল য়াম্মি। ঙসিসু জাপান্না ভাইব্রেন্ত গুজরাত সম্মিৎতা মশিং খ্বাইদগী ৱাংনা শরুক য়াখি।

ঐহাক্না মুখ্য মন্ত্রী ওইনা থৌ পুরিঙৈ মনুংদা ঐহাক্না তৎতনা ৱাফম অমা হায়খি – ‘ঐহাক্না গুজরাত্তা মিনি-জাপান অমা শাবা পাম্মি’। মসিগী নুংগী ওইবা ৱাখল্লোন অসি জাপানদগী লাকপা ঐখোয়গী মীথুংলেনশিংনা গুজরাত অসি জাপানগুম্না ফাওহন্নবনি। ঐখোয়না জাপানদগী লাকপা মীয়াম অমসুং কম্পনীশিংনা মখল অমত্তগী খুদোংচাদবা মফম অসি মায়োক্নদনবা কন্না হোৎনখি।

অপীকপা হীরমশিংদা ফাওবা ঐখোয়না অদুক্কী মতিক মীৎয়েং চংখি। মীওই কয়ানদি খঙবদা অঙকপা পোক্কনি অদুবু জাপানগী মীয়াম্না গোল্ফ শান্নদনা লৈবা ঙমদে। নখোয়না খঙগদবনি জাপানিজ গোল্ফ য়াওদনা লৈবা ঙমদে। হৌজিক গুজরাত্তা গোল্ফকী লমগা মরী লৈনবা করিসু লৈতে। মরম অসিনা করিগুম্বা ঐখোয়না মফম অসিদা জাপান পুরকপা পাম্লবদি ঐহাক্না মফম অসিদা গোল্ফ কোর্সশিং হান্না শেমগৎপা হৌবা তাই। ঙসি গুজরাত্তা গোল্ফ ফিল্দ কয়া লৈরে, মফম অসিদা থবক তৌদুনা লৈরিবা ঐখোয়গী জাপানগী মীয়াম্না মসিদা ৱীকএন্দদা লাক্তুনা শান্নবগী খুদোংচাবা অমা ফংলে। জাপানগী মথেল-লুকোই কয়া য়োনবা রেস্তোরেন্ত কয়া মফম অসিদা লৈরে। ঐখোয়না জাপানগী চিঞ্জাক্কী মতাংদসু মীৎয়েং চংখি।

গুজরাতী কবানা জাপান লোল তমদুনা জাপানদগী লাকপা মখোয়গী মরুপশিংনা সমস্যা অমত্তা মায়োক্নদনবা হোৎনরি অমসুং হৌজিক মতম অসিদা গুজরাত্তা জাপান লোলগী ক্লাস কয়া অমা তৌরি।

মরুপশিং,

ঐখোয়গী হোৎনরকখিবা কয়াদা জাপানগা লৈনরিবা হকচিনবা মরী অমসুং ইকাইখুম্নবা পুদুনা চৎলি, মরম অসিমক্না গুজরাত্তা সুজুকি য়াওনা জাপানগী কম্পেনী ১২৫ মথৌ তৌদুনা লৈরি। জাপানগী কম্পনীশিংনা ওতোমোবাইলদগী বাইও-ফ্যুলদা পাকথোক চাউথোরক্লি। জেত্রোনা চলাইবা অহমদাবাদকী সপ্পোর্ত সেন্তর অসিনা কম্পেনী কয়াদা প্লগ এন্দ প্লেগী খুদোংচাবা পীরি। জাপান ইন্দিয়া ইন্সতিত্যুৎনা মেন্যুফেকচরিংগী ত্রেনিং কয়া মীয়ামদা পীরি। ঙসি গুজরাত্তা জাপান-ইন্দিয়া ইন্সতিত্যুতস ফোর মেন্যুফেকচরিং অনি লৈরে, মসিদা চহি খুদিংগী নহা কয়া-কয়ানা ত্রেনিং তৌরি।

জাপানগী কম্পনী কয়ানা গুজরাতকী তেক্নিকেল য়ুনিভর্সিতীশিং অমসুং আই.তি.আই.শিংগা লোয়ননা খুৎশম্ননা চংশিল্লি। গুজরারনা অহমদাবাদতা জেন গার্দেন অমসুং কাইজেন একাদেমী লিংখৎপদা হ্যোগো ইন্তর্নেস্নেল এসোসিএসন্না মমল য়াম্না লৈনা শরুক তম্বীখিবা অদু কৈদৌনুংদা কাওরোই। হৌজিক স্তেচু ওফ য়ুনিতীগী মনাক্তা অসিগুম্বা অকোইবা শোকহনদবা লৈকোল অমা শেমগৎনবা খোঙথাং অমা পাইখৎলি। গুজরাতনা চহ ১৮-১৯গী মমাংদা কাইজেন লিংখৎনবা কন্না হোৎনখিবশিং অদুগী মতুংদা কান্নবা কয়া ফংবা ঙমখি। গুজরাতকী চাউখৎ-থৌরাংদা মাইপাক্লিবা অসিদা কাইজেনগী অচৌবা থৌদাং অমা য়াওরি।

ঐহাক্না প্রধান মন্ত্রী ওইনা দিল্লীদা চৎখিবা মতমদা ঐহাক্না পি.এম.ও.দা লোয়ননা কেন্দ্র সরকারগী অতোপ্পা বিভাগশিংদা কাইজেনগী এক্সপরিয়েন্সশিং অদু ইমপ্লিমেন্ত তৌখি। হৌজিক লৈবাক অসিনা কাইজেন্না মরম ওইদুনা কান্নবা কয়া ফংলি। ঐখোয়না সরকার অসিদা জাপান-প্লস কৌবা অখন্নবা থৌশিল অমসু শেমখি। গুজরাত অমসুং জাপানগী অপুনবগী খোঙচৎ অসিদা শরুক য়াখিবা অরিবা মরুপ কয়া থৌরম অসিদা শরুক য়ারি। মখোয় পুম্নমকপু ঐহাক্না অমুক্কা হন্না থাগৎপা ফোঙদোকচরি।

মরুপশিং,

কনাগুম্বা অমত্তনা চহি খরগী মমাং ফাওবদা ঙসি ভারত্তা ইলেক্ত্রী ভেহিকলগী মার্কেৎ চাউখৎলক্লিবা অসিগুম্না ওইরক্কনি খল্লুদে। ইলেক্ত্রিক গারীগী খ্বাইদগী ফবা ফীচর অসি মখোল থোক্তবা অসিনি। মদু চকা ২ পানবা নৎত্রগা ৪ পানবা ওইসনু, মখোয়দি মখোল থোক্তে। মসিগী মখোল থোক্তবা অসিনা ইঞ্জিনীয়রিংগী মশক খক্তা নত্তনা, মসিনা লৈবাক অসিগী মখোল থোক্তবা ঈহৌ অমগী অহৌবসু ওইরি। ঙসি মীয়াম্না ই.ভি. অসি অহেনবা গারী অমা ওইনা খনবগী মহুৎ মপুং ওইবা পাম্বৈশিং ওইনা লৌরি।

লৈবাক অসিনা হৌখিবা চহি নিপানদগী অহোংবা অসি পুরক্নবা শেম শাদুনা লাকখি। ঙসি ঐখোয়না ইলেক্ত্রিক ভেহিকল ইকোসিস্তেমগী সপ্লাই অমসুং দিমান্দ অনিমক হেনগৎহন্নবা হোৎদুনা লাকখি। সরকারনা দিমান্দ অসি হেনগৎহন্নবা ইলেক্ত্রিক গারী লৈরিবশিংদা তোঙান-তোঙানবা ইন্সেন্তিবশিং পীরি। ইনকম তেক্স কোকপীবদগী হৌরগা লায়না লোনশিং ফংহনবা অসিগুম্বা খোঙথাং কয়া পাইখৎতুনা ইলেক্ত্রিক গারীগী দিমান্দ হেনগৎহন্নবা হোৎনরি।

মতৌ অসুম্না ওতোমোবাইল অমসুং ওতো কম্পোনেন্তদা পি.এল.আই. স্কিমগী খুত্থাংদা সপ্লাই হেনগৎহন্নবগী থবক খোঙজেল য়াংনা পাইখৎলি। সরকারনা ইলেক্ত্রিক ভেহিকলশিংগী অপুনবা ইকোসিস্তেম খুমাং চাউশিনহন্নবা খোঙথাং কয়া পাইখৎখি। পি.এল.আই. স্কিমগী খুত্থাংদা বেত্তরী মেন্যুফেকচরিং য়ুনিৎশিংসু চাউনা শাহৌ পীরি।

লৈবাক অসিনা ইলেক্ত্রিক গারী চার্জ তৌনবা ইনফ্রাস্ত্রকচর শেমগৎনবা পোলিসীগী ৱারেপ কয়া লৌখি। ২০২২ ফাইনান্সিএল বজেত্তা বেত্তরি স্বাপ্পিং পোলিসীসু হৌদোকখ্রে। তেক্নোলোজী শিয়রিংগুম্বা পোলিসীশিংদা অনৌবা অহৌবা অমা লাক্লি। সপ্লাই, দিমান্দ অমসুং ইকোসিস্তেম মপাঙ্গল কনখৎহনবনা ই.ভি. সেক্তর শোইদনা চাউখৎলক্কনি হায়বসি শোইদ্রবনি। হায়বদি তুংলমচৎতা সাইলেন্ত রিভোল্যুসন অসিনা অচৌবা অহোংবা অমা পুরক্নবা শেম শাদুনা লৈরে হায়বনি।

মরুপশিং,

ঙসি ঐখোয়না ই.ভি.গুম্বা হীরমগী মতাংদা খন্নবা অসিদা ঐখোয়গী লৈবাক্কী ক্লামেৎ কম্মিৎমেন্ত ঙাক্না অমসুং পান্দমশিং ফংনবা চংশিনবা হায়বা অসি য়াম্না মরু ওই। ভারতনা কোপ-২৬তা ২০৩০ ফাওবদা নোন-ফোসিল সোর্সতগী ইন্সতোল্দ ইলেক্ত্রিকেল কেপাসিতীগী ৫০% ফংগনি হায়না লাউথোকখি। ঐখোয়না ২০৭০গী 'নেৎ জিরো' পান্দম অমা থমখি। মসিগীদমক ঐখোয়না ইনফ্রাস্ত্রকচরগী হর্মোনাইজ লিস্তা য়াওরিবা ইনর্জী স্তোরেজ সিস্তেম অসিগুম্বা ই.বি. চার্জিং ইনফ্রাস্ত্রকচর অমসুং গ্রীদ স্কেল বেত্তরী সিস্তেমশিং য়াওশিন্নবা হোৎনরি। মসিগা লোয়ননা ঐখোয়না বাইও-গ্যাস অমসুং ফ্লেক্স ফ্যুলগুম্বা অতোপ্পা পাম্বৈশিংগী মাইকৈদা চংশিনবা তাই।

মারুতি-সুজুকিনা বাইওফ্যুল, ইথানোল ব্লেন্দিং অমসুং হায়ব্রিদ ই.ভি.শিংগুম্বা ওপ্সন কয়াদা থবক পায়খৎলি তাবদা ঐহাক্না নুংঙাইবা পোকই। কম্প্রেস বাইওমিথেন গ্যাস হায়বদি সি.বি.জি.গুম্বগী ওইথোকপা য়াবগা মরী লৈনবা প্রোজেক্ত লৌখৎপা য়াই হায়না সুজুকিদা ঐহাক্না হায়জরি। ভারত্তা লৈরিবা অতোপ্পা কম্পনীশিংনসু মাইকৈ অসিদা থবক কয়া পাইখৎলি। অফবা ৱাখল্লোন্দা অমসুং অমত্তা ওইনা হোৎনমিন্নদুনা অফবা অকোইবা অমা শাগৎপা ঐহাক্না পামজৈ। মসিনা লৈবাক অমসুং লল্লোন ইতীক্তা কান্নবা পীগনি।

মরুপশিং,

ভারতনা মশাগী তঙাইফদবা ইনর্জী পীজনবা অমৃত কালগী চহি ২৫ অসিদা হোৎনবা হায়বসি ঐখোয়গী পান্দম্নি। ঐখোয়না খঙই মদুদি মপালদগী পুশিল্লক্লিবা ইনর্জীগী য়াম্লবা শরুক অসি ত্রান্সপোর্তকা মরী লৈনৈ। মরম অসিনা মাইকৈ অসিদা ঐখোয়না ইনোভেসন তৌবা থবক পাইখৎপা হায়বা অসি ঐখোয়গী পান্দম ওইহনগদবনি।

লৈবাক অসিনা নখোয়গী মতেং অমসুং ওতো সেক্তরদা লৈরিবা মরুপ পুম্নমক অসিগা লোয়ননা মসিগী পান্দম অসি শোইদনা থুংহনবা ঙমগনি হায়না ঐহাক্না থাজৈ। ঐখোয়না ঙসি ঐখোয়গী এক্সপ্রেসৱেশিংদা উবা ফংলিবা চপ মান্নবা খোঙজেল অসিদা চাউখৎপা অমসুং নুংঙাইবগী পান্দম অদু শোইদনা য়ৌবা ঙমগনি।

ৱাখল্লোন অসিগা লোয়ননা ঐহাক্না ময়ামবু থাগৎচরি অমসুং সুজুকিগী ইমুং-মনুংদা থমোয় শেংনা য়াইফ-মঙ্গোল পীজরি। রাজ্য নত্ত্রগা কেন্দ্র সরকারনা নখোয়গী পাকথোক-চাউথোকপগী মঙলানশিং অদুদা শাহৌ পীনবা মতম চুপ্পদা হোৎনগনি হায়না ঐহাক্না থাজবা পীরি।

থাজবা অসিগা লোয়ননা ঐহাক্না হন্ন-হন্না থাগৎচরি!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Phone exports more than double YoY in April-October

Media Coverage

Phone exports more than double YoY in April-October
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 28নবেম্বর, 2022
November 28, 2022
Share
 
Comments

New India Expresses Gratitude For the Country’s all round Development Under PM Modi’s Leadership